„გარემოსდაცვითი ტექნიკური რეგლამენტების შესახებ” საქართველოს გარემოს დაცვისა და ბუნებრივი რესურსების მინისტრის 2008 წლის 13 ნოემბრის №745 ბრძანებაში ცვლილების შეტანის თაობაზე

სახელმწიფო სარეგისტრაციო კოდი 300.160.070.22.023.014.923

საქართველოს გარემოს დაცვისა და ბუნებრივი რესურსების

მინისტრის ბრძანება №27

2010 წლის 30 ივლისი

ქ. თბილისი

„გარემოსდაცვითი ტექნიკური რეგლამენტების შესახებ” საქართველოს გარემოს დაცვისა და ბუნებრივი რესურსების მინისტრის 2008 წლის 13 ნოემბრის №745 ბრძანებაში ცვლილების შეტანის თაობაზე

„ნორმატიული აქტების შესახებ” საქართველოს კანონის მე-20 მუხლის მე-4 პუნქტის საფუძველზე, ვბრძანებ:

1. „გარემოსდაცვითი ტექნიკური რეგლამენტების შესახებ” საქართველოს გარემოს დაცვისა და ბუნებრივი რესურსების მინისტრის 2008 წლის 13 ნოემბრის №745 ბრძანებით დამტკიცებული (სსმ III, 20.11.2008წ., №165, მუხ.1670) დანართი №5-ის მე-5 მუხლის პირველი პუნქტი ჩამოყალიბდეს შემდეგი რედაქციით:

„1. თუ სახერხი საამქრო ფუნქციონირებს 2010 წლის 4 აგვისტოსთვის და არ შეესაბამება ამ დანართის მე-4 მუხლით დადგენილ მოთხოვნებს, სახერხი საამქროს მფლობელმა ამ მოთხოვნებთან სახერხი საამქროს შესაბამისობაში მოყვანა უნდა განახორციელოს 2010 წლის 1 სექტემბრამდე.“.

2. ეს ბრძანება ამოქმედდეს 2010 წლის 4 აგვისტოდან.

გ. ხაჩიძე