„ელექტროენერგიის ან ბუნებრივი გაზის (აირის) დატაცების, ასევე სასმელი წყლის უკანონო მოხმარებისა და წყალარინების ქსელით უკანონო სარგებლობისათვის ადმინისტრაციული სახდელის დადებისა და იძულებით აღსრულების წესების დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2010 წლის 12 აგვისტოს №14 დადგენილებაში ცვლილებების შეტანის თაობაზე

სახელმწიფო სარეგისტრაციო კოდი 300.320.000.16.009.015.125

საქართველოს ენერგეტიკისა და წყალმომარაგების მარეგულირებელი

ეროვნული კომისიის დადგენილება №19

2010 წლის 26 აგვისტო

ქ. ქუთაისი

„ელექტროენერგიის ან ბუნებრივი გაზის (აირის) დატაცების, ასევე სასმელი წყლის უკანონო მოხმარებისა და წყალარინების ქსელით უკანონო სარგებლობისათვის ადმინისტრაციული სახდელის დადებისა და იძულებით აღსრულების წესების დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2010 წლის    12 აგვისტოს №14 დადგენილებაში ცვლილებების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტისა და „ელექტროენერგეტიკისა და ბუნებრივი გაზის შესახებ“ საქართველოს კანონის მე-5 მუხლის პირველი პუნქტის საფუძველზე, ვადგენთ:

    მუხლი 1.

„ელექტროენერგიის ან ბუნებრივი გაზის (აირის) დატაცების, ასევე სასმელი წყლის უკანონო მოხმარებისა და წყალარინების ქსელით უკანონო სარგებლობისათვის ადმინისტრაციული სახდელის დადებისა და იძულებით აღსრულების წესების დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2010 წლის 12 აგვისტოს №14 დადგენილებაში (სსმ III, 13.08.2010, №99, მუხ.1489) შეტანილ იქნეს შემდეგი ცვლილებები:

1. მე-6 მუხლის მეორე პუნქტის „გ“ ქვეპუნქტი ჩამოყალიბდეს შემდეგი რედაქციით::

„გ) მონაცემები დამრღვევის შესახებ – სახელი, გვარი, მისამართი, აბონენტის ნომერი, იურიდიული პირის შემთხვევაში – სახელი, იურიდიული ან/და ფაქტობრივი მისამართი, საგადასახადო საიდენტიფიკაციო ნომერი (სსნ), აბონენტის ნომერი;“

2. მე-8 მუხლის მე-3 პუნქტის „ა” ქვეპუნქტი ჩამოყალიბდეს შემდეგი რედაქციით::

„ა) ფიზიკური პირის შემთხვევაში – სახელი, გვარი, მისამართი და აბონენტის ნომერი; იურიდიული პირის შემთხვევაში სახელი, იურიდიული ან/და ფაქტობრივი მისამართი, საგადასახადო საიდენტიფიკაციო ნომერი (სსნ) და აბონენტის ნომერი;“

3. მე-12 მუხლის მე-5 პუნქტი ჩამოყალიბდეს შემდეგი რედაქციით:

„5.     დაჯარიმებული პირის მიერ დაჯარიმებიდან 2 თვის შემდეგ, ჯარიმის გადაუხდელობის შემთხვევაში დაჯარიმების სახით ადმინისტრაციული სახდელის დადების შესახებ დადგენილება იძულებით აღსასრულებლად მიექცევა „სააღსრულებო წარმოებათა შესახებ“ საქართველოს კანონით დადგენილი წესით.“ 

    მუხლი 2.

ეს დადგენილება ამოქმედდეს 2010 წლის 1 სექტემბრიდან.

თავმჯდომარე    გ. ჩალაგაშვილი