„ფინანსური ინსტიტუტებისათვის აუდიტირებული ფინანსური ანგარიშგების განმახორციელებელ პირთა და სახელმწიფო საწარმოთა ნუსხის დამტკიცების შესახებ“ საქართველოს მთავრობის 2009 წლის 15 დეკემბრის №232 დადგენილებაში ცვლილებების შეტანის თაობაზე

საქართველოს მთავრობის

დადგენილება №269

2010 წლის 1 სექტემბერი

ქ. თბილისი

„ფინანსური ინსტიტუტებისათვის აუდიტირებული ფინანსური ანგარიშგების განმახორციელებელ პირთა და სახელმწიფო საწარმოთა ნუსხის დამტკიცების შესახებ“ საქართველოს მთავრობის 2009 წლის 15 დეკემბრის №232 დადგენილებაში ცვლილებების შეტანის თაობაზე

    მუხლი 1.

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად „ფინანსური ინსტიტუტებისათვის აუდიტირებული ფინანსური ანგარიშგების განმახორციელებელ პირთა და სახელმწიფო საწარმოთა ნუს­ხის დამტკიცების შესახებ“ საქართველოს მთავრობის 2009 წლის 15 დეკემბრის №232 დადგენილებაში (სსმ, 2009 წელი, №155, III ნაწილი, მუხლი 1827) შეტანილ იქნეს შემდეგი ცვლი­ლებები:

1. სათაური ჩამოყალიბდეს შემდეგი რე­დაქციით:

„საწარმოებისათვის აუდიტირებული ფინანსური ანგა­რი­შ­გე­ბის განმახორციელებელ პირთა და სახელმწიფო საწარმოთა ნუსხის დამტკიცების შესახებ“.

 2. პირველი მუხლის „ა“ ქვეპუნქტი ჩამოყალიბდეს შემ­დეგი რედაქციით:

„ა) საწარმოებისათვის აუდიტირებული ფინანსური ანგა­რიშგების განმახორციელებელ პირთა ნუსხა;“.

 3. დადგენილებით დამტკიცებული „ფინანსური ინსტიტუ­ტებისათვის აუდიტირებული ფინანსური ანგარიშგების განმა­ხორ­ციელებელ პირთა ნუსხა“ ჩამოყალიბდეს შემდეგი რედაქ­ციით:

„საწარმოებისათვის აუდიტირებული ფინანსური ანგარიშგების განმახორციელებელ პირთა ნუსხა

საწარმოებს დასაბეგრი ქონების ღირებულების განსაზ­ღვრის მიზნით საქართველოს საგადასახადო კოდექსის 273-ე მუხლის პირველი ნაწილის „ა–დ“ ქვეპუნქტების მიხედვით გათ­ვალისწინებული აფასების ვალდებულება არ წარმოეშო­ბათ, თუ ბალანსზე რიცხულ უძრავ ქონებას აღრიცხავენ გა­და­­ფასების მეთოდის გამოყენებით და გააჩნიათ ქვემოთ ჩა­მოთ­ვლილი ერთ-ერთი პირის აუდიტირებული ფინანსური ანგა­რიშ­გება:

ა) ფრაისვოთერჰაუსკუპერს (PricewaterhouseCoopers);

ბ) დელოიტი (Deloitte);

გ) ქეი-ფი-ემ-ჯი (KPMG);

დ) ერნსტ ენდ იანგი (Ernst & Young);

ე) გრანთ თორნთონ (Grant Thornton);

ვ) ბიდიო (BDO);

ზ) ბეიკერ ტილი (Baker Tilly);

თ) სმით ენდ ვილიამსონი (Smith & Williamson);

ი) ტენონი (Tenon Group);

კ) პი-ქეი-ეფ (PKF).“.

    მუხლი 2.

დადგენილება ამოქმედდეს გამოქვეყნების­თა­ნავე.

პრემიერ-მინისტრი    ნ. გილაური