„2010 წლის ჯანმრთელობის დაცვის პროგრამების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2009 წლის 22 დეკემბრის №424/ნ ბრძანებაში ცვლილებების შეტანის თაობაზე

სახელმწიფო სარეგისტრაციო კოდი 470.230.000.22.035.014.904

საქართველოს შრომის, ჯანმრთელობისა და სოციალური დაცვის მინისტრის

ბრძანება №218/ნ

2010 წლის 23 ივლისი

ქ. თბილისი

„2010 წლის ჯანმრთელობის დაცვის პროგრამების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2009 წლის 22 დეკემბრის  №424/ნ ბრძანებაში ცვლილებების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:

    მუხლი 1

„2010 წლის ჯანმრთელობის დაცვის პროგრამების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2009 წლის 22 დეკემბრის №424/ნ ბრძანების (სსმ III, 22.12.2009, №156, მუხლი 1876) პირველი პუნქტის „ე“ ქვეპუნქტით დამტკიცებული დანართ №5-ში – „ინფექციურ დაავადებათა მკურნალობის სახელმწიფო პროგრამა“ – შეტანილ იქნეს შემდეგი ცვლილებები:

1. მე-3 მუხლი ჩამოყალიბდეს შემდეგი რედაქციით:

     „მუხლი 3. პროგრამის მოსარგებლეები

1. ინფექციურ დაავადებათა მკურნალობის სახელმწიფო პროგრამის მოსარგებლეები არიან საქართველოს მოქალაქეები.

2. მოსარგებლე ამ პროგრამით გათვალისწინებულ მომსახურებას იღებს სახელმწიფო დახმარების სახით.“.

2. მე-4 მუხლი ჩამოყალიბდეს შემდეგი რედაქციით:

     „მუხლი 4. მომსახურების მოცულობა

ინფექციურ დაავადებათა მკურნალობის სახელმწიფო პროგრამა მოიცავს ინფექციური დაავადებებით შეპყრობილ ავადმყოფთა სტაციონარულ სერვისებს:

ა) დიაგნოსტიკურ მომსახურებას:

ა.ა) პაციენტის მდგომარეობის სიმძიმის შეფასებას;

ა.ბ) პროფილური მომსახურების განსაზღვრას;

ა.გ) საჭიროების მიხედვით კლინიკო-ლაბორატორიული და ინსტრუმენტული გამოკვლევების ჩატარებას;

ა.დ) საჭიროების მიხედვით სპეციალისტების კონსულტაციებს;

ბ) სტაციონარულ მკურნალობას:

ბ. ა) გადაუდებელ მომსახურებას (რეანიმაცია);

ბ.ბ) სპეციალიზებულ განყოფილებაში პროფილურ სტაციონარულ მომსახურებას.“.

3. მე-5 მუხლის პირველი პუნქტი ჩამოყალიბდეს შემდეგი რედაქციით:

„1. პროგრამას ახორციელებენ შესაბამის სამედიცინო საქმიანობაში ლიცენზირებული დაწესებულებები. შესყიდვა განხორციელდება „სახელმწიფო შესყიდვების შესახებ“ საქართველოს კანონის შესაბამისად“ და ცხრილში მოცემული პირობების დაცვით:

4. მე-7 მუხლი ჩამოყალიბდეს შემდეგი რედაქციით:

     „მუხლი 7. „საქართველოს 2010 წლის სახელმწიფო ბიუჯეტის შესახებ“ საქართველოს კანონის შესაბამისად, პროგრამის ბიუჯეტი განისაზღვრა 2 121 000 ლარით:

    მუხლი 2

ბრძანება ამოქმედდეს გამოქვეყნებისთანავე.

ა. კვიტაშვილი