"საქართველოში დასაბრუნებელი მოწმობის შესახებ" დებულების დამტკიცების თაობაზე" საქართველოს პრეზიდენტის 2005 წლის 14 დეკემბრის №1048 ბრძანებულებაში დამატებების შეტანის შესახებ

საქართველოს პრეზიდენტის

ბრძანებულება № 785

2010 წილს 28 სექტემბერი

ქ. თბილისი

,,საქართველოში დასაბრუნებელი მოწმობის შესახებ” დებულების დამტკიცების თაობაზე” საქართველოს პრეზიდენტის 2005 წლის 14 დეკემბრის №1048 ბრძანებულებაში დამატებების შეტანის შესახებ

1.  „ნორმატიული აქტების შესახებ“ საქართველოს კანონის მე-20 მუხლის შესაბამისად, „საქართველოში დასაბრუნებელი მოწმობის შესახებ” დებულების დამტკიცების თაობაზე” საქართველოს პრეზიდენტის 2005 წლის 14 დეკემბრის №1048 ბრძანებულებით (სსმ III, 2005 წ., №145, მუხ. 1614) დამტკიცებულ დებულებაში შეტანილ იქნეს შემდეგი დამატებები:

ა) მე-4 მუხლს დაემატოს შემდეგი შინაარსის ,,ე¹” ქვეპუნქტი:

,,ე¹”) პირებზე, რომლებიც გავიდნენ საქართველოს მოქალაქეობიდან და არ მიუღიათ უცხო ქვეყნის მოქალაქეობა;”;

ბ) მე-9 მუხლის შემდეგ დაემატოს შემდეგი შინაარსის 9¹ მუხლი:

     „მუხლი 9^1.

ამ დებულების მე-4 მუხლის ,,ე¹” ქვეპუნქტით გათვალისწინებულ შემთხვევაში საჭიროა შემდეგი დოკუმენტების წარდგენა:

ა) საქართველოს მოქალაქეობიდან გასვლის დამადასტურებელი დოკუმენტი;

ბ) ადგილსამყოფელი სახელმწიფოს კომპეტენტური ორგანოს მიერ გაცემული დოკუმენტი, რომელიც ადასტურებს, რომ პირს არ მიუღია შესაბამისი ქვეყნის მოქალაქეობა.”.

2. ეს ბრძანებულება ამოქმედდეს გამოქვეყნებისთანავე.

მ. სააკაშვილი