„საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებაში ცვლილების შეტანის თაობაზე“

საქართველოს პრეზიდენტის

ბრძანებულება №163

2008 წლის 27 მარტი

ქ. თბილისი

„საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებაში ცვლილების შეტანის თაობაზე

1. „ნორმატიული აქტების შესახებ“ საქართველოს კანონის 36-ე მუხლის შესაბამისად, „საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებაში (სსმ III, 2001 წ., №78, მუხ. 555) შეტანილ იქნეს ცვლილება და ბრძანებულებით დამტკიცებული საჯარო სამსახურის თანამდებობათა რეესტრის 74 მუხლი ჩამოყალიბდეს შემდეგი რედაქციით:

     „მუხლი 74. მთავარი საჯარო თანამდებობა

ა) საქართველოს მთავრობის კანცელარიის უფროსი;

ბ) საქართველოს მთავრობის კანცელარიის უფროსის პირველი მოადგილე;

გ) საქართველოს მთავრობის კანცელარიის უფროსის მოადგილე;

დ) საქართველოს მთავრობის საპარლამენტო მდივანი;

ე) საქართველოს პრემიერ-მინისტრის აპარატის უფროსი;

ვ) საქართველოს მთავრობის კანცელარიის დეპარტამენტის უფროსი;

ზ) საქართველოს პრემიერ-მინისტრის მრჩეველი.“.

2. ეს ბრძანებულება ამოქმედდეს გამოქვეყნებისთანავე.

მ. სააკაშვილი