დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | ,,გარდაბნის მუნიციპალიტეტის ტერიტორიაზე მდებარე დასახლებისათვის ადმინისტრაციული საზღვრის შეცვლის შესახებ“ | |
|---|---|
| დოკუმენტის ნომერი | 160 |
| დოკუმენტის მიმღები | საქართველოს პრეზიდენტი. |
| მიღების თარიღი | 27/03/2008 |
| დოკუმენტის ტიპი | საქართველოს პრეზიდენტის ბრძანებულება |
| გამოქვეყნების წყარო, თარიღი | სსმ, 46, 27/03/2008 |
| სარეგისტრაციო კოდი | 010.080.000.08.002.004. |
საქართველოს პრეზიდენტის
ბრძანებულება №160
2008 წლის 27 მარტი
ქ. თბილისი
გარდაბნის მუნიციპალიტეტის ტერიტორიაზე მდებარე დასახლებისათვის ადმინისტრაციული საზღვრის შეცვლის შესახებ
1. გარდაბნის მუნიციპალიტეტის საკრებულოს შუამდგომლობისა და საქართველოს ადმინისტრაციულ-ტერიტორიულ ერთეულებში (ქალაქი რუსთავი, ბოლნისის, გარდაბნის, დმანისის, თეთრიწყაროს, მარნეულისა და წალკის მუნიციპალიტეტები) სახელმწიფო რწმუნებულის – გუბერნატორის წარდგინების გათვალისწინებით, „დასახლების შექმნის, გაუქმებისა და მისი ადმინისტრაციული საზღვრის შეცვლის, დასახლებისათვის სახელის მინიჭებისა და შეცვლის წესის შესახებ“ საქართველოს პრეზიდენტის 2008 წლის 4 მარტის №110 ბრძანებულებით დამტკიცებული წესის მე-3 მუხლის შესაბამისად, გარდაბნის მუნიციპალიტეტის დასახლებას – სოფელ კრწანისს მიუერთდეს მებაღეობის ამხანაგობის (ე. წ. მთის ძირი) ტერიტორია და სოფელ კრწანისის ადმინისტრაციული საზღვრები შეიცვალოს გარდაბნის მუნიციპალიტეტის საკრებულოს 2008 წლის 17 მარტის №11 განკარგულების შესაბამისად.
2. ეს ბრძანებულება ამოქმედდეს გამოქვეყნებისთანავე.
მ. სააკაშვილი
დოკუმენტის კომენტარები