„პირის მიერ საბაჟო დეკლარაციის შევსებასთან ან მისი წარმომადგენლის მიერ საბაჟო დეკლარაციის შევსებასთან, წარდგენასა და რეგისტრირებული დეკლარაციის შემოწმებასთან დაკავშირებული პროცედურების განხორციელების წესისა და პირობების დამტკიცების შესახებ“ საქართველოს მთავრობის 2010 წლის 30 მარტის №99 დადგენილებაში ცვლილებებისა და დამატების შეტანის თაობაზე

საქართველოს მთავრობის

დადგენილება №248

2010 წლის 20 აგვისტო

ქ. თბილისი

„პირის მიერ საბაჟო დეკლარაციის შევსებასთან ან მისი წარმომადგენლის მიერ საბაჟო დეკლარაციის შევსებასთან, წარდგენასა და რეგისტრირებული დეკლარაციის შემოწმებასთან დაკავშირებული პროცედურების განხორციელების წესისა და პირობების დამტკიცების შესახებ“ საქართველოს მთავრობის 2010 წლის 30 მარტის №99 დადგენილებაში ცვლილებებისა და დამატების შეტანის თაობაზე

    მუხლი 1.

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად „პირის მიერ საბაჟო დეკლარაციის შევსებასთან ან მისი წარმომადგენლის მიერ საბაჟო დეკლარაციის შევსებასთან, წარდგენასა და რეგისტრირებული დეკლარაციის შემოწმებასთან დაკავშირებუ­ლი პროცედურების განხორციელების წესისა და პირობების დამტკიცების შესახებ“ საქართველოს მთავრობის 2010 წლის 30 მარტის №99 დადგენილებით (სსმ III, 2010 წელი, №33, მუხლი 532) დამტკიცებულ „პირის მიერ საბაჟო დეკლარაციის შევსებასთან ან მისი წარმომადგენლის მიერ საბაჟო დეკლა­რაციის შევსებასთან, წარდგენასა და რეგისტრირებული დეკ­ლა­რაციის შემოწმებასთან დაკავშირებული პროცედურების განხორციელების წესსა და პირობებში“ შეტანილ იქნეს შემ­დეგი ცვლილებები და დამატება:

1. მე-2 მუხლის მე-2 პუნქტი ჩამოყალიბდეს შემდეგი რე­დაქციით: 

„2. პირს უფლება აქვს (გარდა მე-4 მუხლით გათვალისწი­ნებული შემთხვევებისა), შეავსოს დეკლარაცია, თუ:

ა) პირი დეკლარირებას ახორციელებს თავისი სახელით;

ბ) დეკლარაციის ელექტრონულად შევსების ვალდებულე­ბის არსებობის შემთხვევაში, პირს გააჩნია სსიპ – შემოსავ­ლე­ბის სამსახურის შესაბამის სერვერთან მიერთების შესაძლებ­ლობა და აქვს დაშვება საბაჟო მონაცემთა ავტომატიზებულ სისტემა “ASYCUDA“-ში.“.

2. მე-3 მუხლის:

ა) მე-2 პუნქტი ჩამოყალიბდეს შემდეგი რედაქციით:  

„2. წარმომადგენელს უფლება აქვს (გარდა მე-4 მუხლით გა­თვალისწინებული შემთხვევებისა), შეავსოს დეკლარაცია, თუ:

ა) დეკლარაციის შევსება არ განეკუთვნება საბაჟო ორგა­ნოს ან სხვა პირის უფლებამოსილებას საქართველოს საბაჟო კანონმდებლობის შესაბამისად;

ბ) დეკლარაციის ელექტრონულად შევსების ვალდებულე­ბის არსებობის შემთხვევაში, წარმომადგენელს გააჩნია სსიპ – შემოსავლების სამსახურის შესაბამის სერვერთან მიერთების შესაძლებლობა და აქვს დაშვება საბაჟო მონაცემთა ავტომატი­ზებულ სისტემა „ASYCUDA“-ში;

გ) წარმომადგენლის პასუხისმგებლობა საბაჟო ორგანოს წინაშე მუდმივად უზრუნველყოფილია საბანკო დაწესებულების მიერ გაცემული 50 000 ლარის ოდენობის საბანკო გარანტიით. საბანკო გარანტიის წარდგენისა და გამოყენების წესები დგინ­დება საქართველოს ფინანსთა მინისტრის ბრძანებით.“;

ბ) მე-4 პუნქტის „ბ“ ქვეპუნქტი ჩამოყალიბდეს შემდეგი რე­დაქციით: 

„ბ) საქართველოს საბაჟო ტერიტორიაზე საფოსტო გზავ­ნი­ლით 10 000 ლარზე ნაკლები ღირებულების საქონლის შემო­ტა­ნამდე საქონლის თავისუფალ მიმოქცევაში გაშვების (იმპორ­ტის) საბაჟო რეჟიმში დეკლარირებისას ან/და რეგისტრი­რე­ბული დეკლარაციის შემოწმების განხორციელებისას პირის (გზავნილის მიმღების) წარმომადგენლობას ახორციელებს სა­ფოსტო გზავნილის გადამზიდველი;“.

3. წესსა და პირობებს დაემატოს შემდეგი შინაარსის მე-4 მუხლი:

    „მუხლი 4. საფოსტო გზავნილით შემოტანილ საქონელზე დეკლარაციის შევსების პირობები

1. საფოსტო გზავნილით შემოტანილ საქონელზე დეკ­ლარა­ციას ავსებს საბაჟო ორგანო.

2. საფოსტო გზავნილით საქონლის შემოტანამდე დეკ­ლა­რაციის შევსების უფლება აქვს საქონლის (საქონელთა ჯგუ­ფის) მიმღებ პირს (გარდა ფიზიკური პირისა) ან საფოსტო გზავნილის გადამზიდველს, რომელიც ახორციელებს პირის (გზავ­ნილის მიმღების) წარმომადგენლობას.“.

     მუხლი 2.

დადგენილება ამოქმედდეს გამოქვეყნებისთანავე.

პრემიერ-მინისტრი ნ. გილაური