„საქართველოს სოფლის მეურნეობის სამინისტროს დებულების დამტკიცების შესახებ“ საქართველოს მთავრობის 2009 წლის 18 თებერვლის №26 დადგენილებაში ცვლილებების შეტანის თაობაზე"

საქართველოს მთავრობის

დადგენილება №166

2010 წლის 23 ივნისი

ქ. თბილისი

„საქართველოს სოფლის მეურნეობის სამინისტროს დებულების დამტკიცების შესახებ“ საქართველოს მთავრობის 2009 წლის 18 თებერვლის №26 დადგენილებაში ცვლილებების შეტანის თაობაზე

მუხლი 1 . „ნორმატიული აქტების შესახებ“ საქართველოს კა­ნო­ნის მე-20 მუხლის მე-4 პუნქტის შესაბამისად, „საქართველოს სოფ­ლის მეურნეობის სამინისტროს დებულების დამტკიცების შე­სა­ხებ“ საქართველოს მთავრობის 2009 წლის 18 თებერვლის №26 დადგენილებით (სსმ III, 2009 წელი, №20, მუხლი 224) დამტკიცებულ დებულებაში შეტანილ იქნეს შემდეგი ცვლილებები:

1. დებულების მე-5 მუხლის პირველი პუნქტის:

ა) „გ“ ქვეპუნქტი ჩამოყალიბდეს ახალი რედაქციით:

„გ) თვალყურს ადევნებს სამინისტროს სტრუქტურული ქვედა­ნაყოფების, სამინისტროს მმართველობის სფეროს მიკუთვნებული სა­ხელმწიფო საქვეუწყებო დაწესებულებისა და საჯარო სამარ­თლის იურიდიული პირების მიერ თავიანთი მოვალეობების შეს­რუ­ლების მიმდინარეობას და კანონით დადგენილი წესით ახორ­ცი­ე­ლებს სამინისტროს საჯარო მოსამსახურეთა გადაწყვეტილე­ბებისა და საქმიანობის სამსახურებრივ ზედამხედველობას;“;

ბ) „თ“ ქვეპუნქტი ჩამოყალიბდეს ახალი რედაქციით:

„თ) ამტკიცებს სამინისტროს მმართველობის სფეროში არსე­ბული სახელმწიფო საქვეუწყებო დაწესებულების, ცენტრალური აპარატის სტრუქტურული ქვედანაყოფებისა და კანონმდებლობით განსაზღვრულ შემთხვევებში, საჯარო სამართლის იურიდიული პირების დებულებებს;“.

2. დებულების მე-6 მუხლის „ბ“ ქვეპუნქტი ამოღებულ იქნეს.

3. დებულების მე-7 მუხლის პირველი პუნქტის:

ა) „ა“ ქვეპუნქტი ჩამოყალიბდეს ახალი რედაქციით:

„ა) სოფლის მეურნეობის განვითარების დეპარტამენტი, რომ­ლის ძირითადი ამოცანაა სასოფლო-სამეურნეო ინფრასტრუქ­ტუ­რის განვითარებისა და საკონსულტაციო უზრუნველყოფის ხელ­შეწ­ყობა; მეცხოველეობის, თევზის მეურნეობის, მემცენარეობის, მე­­თესლეობის, აგროქიმიის, სასოფლო-სამეურნეო ტექნოლოგიე­ბი­სა და მელიორაციის სფეროებში განვითარების ერთიანი სახელ­მწიფო პოლიტიკის შემუშავება და მისი შესრულების კონტროლი; სამინისტროს მიერ ნაკისრ სახელშეკრულებო ვალდებულებათა ანალიზი და მონიტორინგი; მიწის კონსოლიდაციის, ნიადაგის ხა­რისხობრივი შეფასების (ნიადაგის ატლასები) და მათი მდგომა­რეობის თაობაზე ერთიანი ბანკის შექმნა, მიწის რაციონალურად გამოყენების, ნაყოფიერების აღდგენისა და შენარჩუნების ორგანი­ზება;“;

ბ) „ვ“ ქვეპუნქტი ჩამოყალიბდეს ახალი რედაქციით:

„ვ) შიდა აუდიტის სამსახური, რომლის ძირითადი ამოცანაა საკითხების სისტემური, კომპლექსური შესწავლისა და რისკის მარ­თვის, კონტროლისა და მმართველობითი პროცესების შეფა­სე­ბის გზით სამინისტროსა და სამინისტროს სისტემაში შემავალი ერ­თეულების საქმიანობის სრულყოფა, ფინანსების მართვის გა­უმჯობესება, სახსრების, სხვა მატერიალურ ფასეულობათა ხარჯ­ვისა და გამოყენების კანონიერების, მიზნობრიობის დაცვისა და ეფექ­ტიანობის გაზრდის ხელშეწყობა, ფუნქციონირებისა და მარ­თვის პროცედურების მწარმოებლურობის, სამართლებრივი, ტექნი­კუ­რი და ფუნქციური ხარვეზების აღმოფხვრა და პრევენცია;“.

4. დებულების მე-8 მუხლი ამოღებულ იქნეს.

მუხლი 2 . დადგენილების პირველი მუხლის მე-3 პუნქტი ამოქ­მედდეს გამოქვეყნებისთანავე, ხოლო პირველი მუხლის პირველი, მე-2 და მე-4 პუნქტები ამოქმედდეს 2010 წლის 1 სექტემბ­რი­დან.

პრემიერ-მინისტრი                                                                                                               ნ. გილაური