„საავტომობილო მიმოსვლის სახმელეთო სასაზღვრო საბაჟო გამშვებ პუნქტებზე საბაჟო პროცედურების განხორციელების წესების შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2006 წლის 20 დეკემბრის №1774 ბრძანებაში ცვლილების შეტანის შესახებ

სახელმწიფო სარეგისტრაციო კოდი 230.210.000.22.033.014.728

საქართველოს ფინანსთა მინისტრის

 ბრძანება №469

2010 წლის 10 ივნისი

ქ. თბილისი

„საავტომობილო მიმოსვლის სახმელეთო სასაზღვრო საბაჟო გამშვებ პუნქტებზე საბაჟო პროცედურების განხორციელების წესების შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2006 წლის 20 დეკემბრის №1774 ბრძანებაში ცვლილების შეტანის შესახებ

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:

    მუხლი 1

„საავტომობილო მიმოსვლის სახმელეთო სასაზღვრო საბაჟო გამშვებ პუნქტებზე საბაჟო პროცედურების განხორციელების წესების შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2006 წლის 20 დეკემბრის №1774 ბრძანებით (სსმ III, 22.12.2006წ., №172, მუხ. 2340) დამტკიცებული ინსტრუქციის 35-ე მუხლი ჩამოყალიბდეს შემდეგი რედაქციით:

     „მუხლი 35

იმ შემთხვევაში, თუ ფიზიკური პირი გადააადგილებს ისეთ საქონელს, რომელიც არ ექვემდებარება საბაჟო დამუშავების ოპერაციის განხორციელებას, საბაჟო კონტროლის დასრულებისას საბაჟო ორგანოს თანამშრომელი ახდენს ბარგისა და/ან ხელბარგის პირის სრულ განკარგვაში გადაცემას, რის შემდეგაც ფიზიკური პირი ვალდებულია დატოვოს, ხოლო საბაჟო ორგანოს თანამშრომლის მოთხოვნის შემთხვევაში, ვალდებულია დაუყოვნებლივ დატოვოს საბაჟო კონტროლის ზონა.“.

    მუხლი 2

ეს ბრძანება ამოქმედდეს გამოქვეყნებისთანავე.

კ. ბაინდურაშვილი