„აქციზური მარკის ნომინალური ღირებულების დამტკიცების შესახებ“ საქართველოს ფინანსთა მინისტრის 2010 წლის 23 მარტის №222 ბრძანებაში ცვლილებების და დამატებების შეტანის თაობაზე"

სახელმწიფო სარეგისტრაციო კოდი 200.120.000.22.033.014.772

საქართველოს ფინანსთა მინისტრის

ბრძანება №499

2010 წლის 23 ივნისი

ქ. თბილისი

„აქციზური მარკის ნომინალური ღირებულების დამტკიცების შესახებ“ საქართველოს ფინანსთა მინისტრის 2010 წლის 23 მარტის №222 ბრძანებაში ცვლილებების და დამატებების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, ვბრძანებ:

მუხლი 1

„აქციზური მარკის ნომინალური ღირებულების დამტკიცების შესახებ“ საქართველოს ფინანსთა მინისტრის 2010 წლის 23 მარტის №222 ბრძანების (სსმ III, 29.03.2010წ., №32, მუხ.479) პირველი მუხლის:

ა) „გ“ ქვეპუნქტი ჩამოყალიბდეს შემდეგი რედაქციით:

„გ) ადგილობრივი ფილტრიანი თამბაქოს ნაწარმისათვის (ცისფერი – ადგილობრივი თამბაქო (ფილტრიანი), სიგარა, სიგარილა) განკუთვნილ 1000 (ათასი) ცალ აქციზურ მარკაზე – 1.838 (ერთი მთელი რვაას ოცდათვრამეტი მეათასედი) ევროს ოდენობით;“;

ბ) „ე“ ქვეპუნქტი ჩამოყალიბდეს შემდეგი რედაქციით:

„ე) იმპორტული ფილტრიანი თამბაქოს ნაწარმისათვის (წითელი – იმპორტული თამბაქო (ფილტრიანი), სიგარა, სიგარილა) განკუთვნილ 1000 (ათასი) ცალ აქციზურ მარკაზე – 4.24 (ოთხი მთელი ოცდაოთხი მეასედი) ევროს ოდენობით;“;

გ) „ე“ ქვეპუნქტის შემდეგ დაემატოს შემდეგი შინაარსის „ე¹“ ქვეპუნქტი:

„ე¹) იმპორტული ფილტრიანი თამბაქოს ნაწარმისათვის (ცისფერი- ნარინჯისფერი – იმპორტული თამბაქო (ფილტრიანი), სიგარა, სიგარილა) განკუთვნილ 1000 (ათასი) ცალ აქციზურ მარკაზე – 1.72 (ერთი მთელი სამოცდათორმეტი მეასედი) ევროს ოდენობით;“;

დ) „ვ“ ქვეპუნქტის შემდეგ დაემატოს შემდეგი შინაარსის „ვ¹“ ქვეპუნქტი:

ვ¹) „იმპორტული უფილტრო თამბაქოს ნაწარმისათვის (ყავისფერ-იასამნისფერი – იმპორტული თამბაქო (უფილტრო) განკუთვნილ 1000 (ათასი) ცალ აქციზურ მარკაზე – 1.72 (ერთი მთელი სამოცდათორმეტი მეასედი) ევროს ოდენობით;“.

მუხლი 2. ეს ბრძანება ამოქმედდეს 2010 წლის 24 ივნისიდან.

  კ. ბაინდურაშვილი