„საქართველოს დაზვერვის სამსახურის დებულების დამტკიცების შესახებ“

საქართველოს პრეზიდენტის

ბრძანებულება №434

2010 წლის 21 ივნისი

ქ . თბილისი

საქართველოს დაზვერვის სამსახურის დებულების დამტკიცების შესახებ

1. „საქართველოს დაზვერვის სამსახურის შესახებ “ საქართველოს კანონის მე -8 მუხლის მე -3 პუნქტის შესაბამისად , დამტკიცდეს საქართველოს დაზვერვის სამსახურის თანდართული დებულება .

2. საქართველოს ზოგადი ადმინისტრაციული კოდექსის 61-ე მუხლის პირველი ნაწილის შესაბამისად , ძალადაკარგულად გამოცხადდეს „საქართველოს საგარეო დაზვერვის სპეციალური სამსახურის დებულების დამტკიცების შესახებ “ საქართველოს პრეზიდენტის 2008 წლის 14 მარტის №146 ბრძანებულება .

3. ეს ბრძანებულება ამოქმედდეს 2010 წლის 1 ივლისიდან .

მ . სააკაშვილი

საქართველოს დაზვერვის სამსახურის დებულება

თავი I

ზოგადი დებულებანი

    მუხლი 1

საქართველოს დაზვერვის სამსახური (შემდგომში – სამსახური ) არის საქართველოს პრეზიდენტის უშუალო დაქვემდებარებაში არსებული აღმასრულებელი ხელისუფლების სპეციალური დანიშნულების დაწესებულება , რომელიც საქართველოს ეროვნული ინტერესების გატარებისა და დაცვის მიზნით ახორციელებს სადაზვერვო და საგარეო კონტრდაზვერვით საქმიანობას .

    მუხლი 2

თავისი ამოცანების განხორციელებისას სამსახური წარმოადგენს სახელმწიფოს .

    მუხლი 3

სამსახური თავის საქმიანობას წარმართავს საქართველოს კონსტიტუციის , საქართველოს საერთაშორისო ხელშეკრულებებისა და შეთანხმებების , ,,საქართველოს დაზვერვის სამსახურის შესახებ ” და ,,სადაზვერვო საქმიანობის შესახებ ” საქართველოს კანონების , ასევე საქართველოს სხვა საკანონმდებლო და კანონქვემდებარე ნორმატიული აქტების , ამ დებულებისა და შიდაუწყებრივი სამართლებრივი აქტების საფუძველზე .

    მუხლი 4

სამსახური არის ერთიანი , ცენტრალიზებული სისტემა და ეფუძნება ერთმმართველობის პრინციპს .

    მუხლი 5

სამსახური ანგარიშვალდებულია საქართველოს პრეზიდენტისა და საქართველოს ეროვნული უშიშროების საბჭოს წინაშე . სამსახურის სამსახურებრივ ზედამხედველობას ახორციელებს საქართველოს პრეზიდენტი .

    მუხლი 6

სამსახურის დაფინანსების წყაროა სახელმწიფო ბიუჯეტი . სამსახურს აქვს ბეჭედი საქართველოს სახელმწიფო გერბის გამოსახულებითა და თავისი სახელწოდებით და დამოუკიდებელი ბალანსი . სამსახურს აქვს კანონმდებლობით დადგენილი წესით დამტკიცებული საუწყებო დროშა და ემბლემა . სამსახურის იურიდიული მისამართია : საქართველო , ქ . თბილისი , 0179, კეკელიძის ქ . №4.

    მუხლი 7

საკუთარი საქმიანობის კონსპირაციის უზრუნველყოფის მიზნით , სამსახურს შეუძლია გამოიყენოს პირობითი დასახელება და შესაბამისი რეკვიზიტები (ბეჭედი პირობითი დასახელებით , განსხვავებული საბანკო რეკვიზიტები და სხვ .).

თავი II

სამსახურის საქმიანობის სფერო და ამოცანები

    მუხლი 8

სამსახური აწარმოებს სადაზვერვო საქმიანობას პოლიტიკურ , ეკონომიკურ , სამეცნიერო -ტექნიკურ , სამხედრო -პოლიტიკურ , ინფორმაციულ , ეკოლოგიურ სფეროებში , ასევე , თავისი კომპეტენციის ფარგლებში მონაწილეობს საერთაშორისო ტერორიზმთან ბრძოლაში .

    მუხლი 9

სამსახურის ძირითადი ამოცანებია :

ა ) საქართველოს ეროვნული ინტერესების წინააღმდეგ მიმართული არსებული და მოსალოდნელი საგარეო საფრთხეების , გამოწვევებისა და რისკების განსაზღვრა -გამოვლენა ;

ბ ) საქართველოს ეროვნული ინტერესების გატარებისათვის ხელშეწყობა და კომპეტენციის ფარგლებში მათი დაცვის უზრუნველყოფა ;

გ ) ქვეყნის სახელმწიფო -პოლიტიკური თანამდებობის პირების ინფორმაციული უზრუნველყოფა უცხო ქვეყნების , ორგანიზაციებისა და პირების საქართველოს ეროვნული უსაფრთხოების წინააღმდეგ მიმართული ზრახვების , გეგმების , შესაძლებლობებისა და ქმედებების შესახებ შესაბამისი ინფორმაციის მოპოვებით , შეგროვებით , სისტემატიზაციით , დამუშავებითა და ანალიზით ;

დ ) კომპეტენციის ფარგლებში საქართველოს პრეზიდენტის მიერ დამტკიცებული ეროვნული სადაზვერვო პროგრამის განხორციელება ;

ე ) კომპეტენციის ფარგლებში ეროვნული , რეგიონალური და გლობალური უსაფრთხოების პრობლემებთან დაკავშირებული საკითხების დამუშავება , ვითარების შეფასება , მოვლენების შესაძლო განვითარების პროგნოზირება და კრიზისული სიტუაციის არსებობის ან მისი წარმოქმნის საფრთხის შემთხვევაში , ქვეყნის სახელმწიფო -პოლიტიკური თანამდებობის პირებისათვის შესაბამისი რეკომენდაციების შემუშავება ;

ვ ) ეროვნული უსაფრთხოების უზრუნველყოფისათვის საჭირო სადაზვერვო საქმიანობისა და სადაზვერვო ინფორმაციის გაცვლის კოორდინაცია საქართველოს დაზვერვის სისტემაში შემავალ დაწესებულებებს შორის , კომპეტენციის ფარგლებში სადაზვერვო ინფორმაციის რეალიზაცია ;

ზ ) საგარეო კონტრდაზვერვითი საქმიანობის განხორციელება .

თავი III

სამსახურის საქმიანობის ძირითადი მიმართულებები და ფუნქციები

    მუხლი 10

სამსახურის საქმიანობის ძირითადი მიმართულებები განისაზღვრება ,,სადაზვერვო საქმიანობის შესახებ ” საქართველოს კანონითა და საქართველოს პრეზიდენტის მიერ დამტკიცებული ეროვნული სადაზვერვო პროგრამით .

    მუხლი 11

თავისი ამოცანების გადაწყვეტის მიზნით და უფლებამოსილების ფარგლებში სამსახური :

ა ) საქართველოს პრეზიდენტის მიერ დამტკიცებული ეროვნული სადაზვერვო პროგრამის საფუძველზე შეიმუშავებს სადაზვერვო დავალებებს ;

ბ ) დამტკიცებული რიცხოვნობისა და ორგანიზაციული სტრუქტურის ფარგლებში ქმნის აუცილებელ ქვედანაყოფებს , სპეციალური მომზადების , სამეცნიერო -კვლევით , სამედიცინო -პროფილაქტიკურ დაწესებულებებს , არქივს , უშვებს სპეციალურ გამოცემებს ;

გ ) შეიმუშავებს და ახორციელებს სადაზვერვო საქმიანობის უსაფრთხოებისა და განვითარებისათვის აუცილებელ სპეციალურ პროგრამებს ;

დ ) ნებაყოფლობით ღიად ან კონფიდენციალურად თანამშრომლობს საქართველოსა და უცხო ქვეყნის მოქალაქეებთან , მოქალაქეობის არმქონე პირებთან , ქმნის სადაზვერვო პოზიციებს ;

ე ) საინფორმაციო -ანალიტიკური დოკუმენტების შექმნის მიზნით ამუშავებს და აანალიზებს სადაზვერვო დაწესებულებებსა და სხვა სახელმწიფო სტრუქტურებიდან მოწოდებულ სადაზვერვო ინფორმაციას ;

ვ ) კომპეტენციის ფარგლებში მონაწილეობს საქართველოს წინააღმდეგ მიმართული უცხო ქვეყნების სადაზვერვო საქმიანობის , აგრეთვე საერთაშორისო ტერორიზმის წინააღმდეგ ბრძოლის ღონისძიებებში ;

ზ ) სადაზვერვო ინფორმაციის მოსაპოვებლად იყენებს ოპერატიულ , ოპერატიულ -ტექნიკურ , საინჟინრო -ტექნიკურ , რადიოელექტრონულ და სხვა სპეციალურ საშუალებებს ;

თ ) კონსპირაციის მიზნით , სადაზვერვო საქმიანობის აუცილებლობიდან გამომდინარე , ქმნის სხვადასხვა სამართლებრივი ფორმის ორგანიზაციებს ;

ი ) ახორციელებს საგარეო კონტრდაზვერვით საქმიანობას ;

კ ) კანონმდებლობით დადგენილი წესით ახორციელებს სახელმწიფო საიდუმლოების რეჟიმის დაცვის მეთოდურ , ორგანიზაციულ , ორგანიზაციულ -ტექნიკურ ღონისძიებებს როგორც საკუთარ ქვედანაყოფებში , ისე საქართველოს დიპლომატიურ წარმომადგენლობებსა და საკონსულო დაწესებულებებში ;

ლ ) კანონმდებლობით დადგენილი წესით უზრუნველყოფს საკუთარ უსაფრთხოებას . თავისი მოსამსახურეებისა და მათი ოჯახის წევრების , ოპერატიული ინფორმაციის წყაროების , საინფორმაციო და კავშირგაბმულობის სისტემების , საინფორმაციო მონაცემთა ბაზების , საკუთარი დოკუმენტაციის , შენობა -ნაგებობების , სატრანსპორტო საშუალებების , სხვა ქონების უსაფრთხოების უზრუნველყოფის მიზნით ახორციელებს ოპერატიულ , ოპერატიულ -ტექნიკურ და საინჟინრო -ტექნიკურ ღონისძიებებს ;

მ ) საკუთარი უსაფრთხოების უზრუნველყოფის მიზნით თანამშრომლობს საქართველოს სხვა სახელმწიფო სტრუქტურებთან ;

ნ ) სადაზვერვო ინფორმაციის დასაცავად სხვა მეთოდებთან ერთად ქმნის და /ან იყენებს კრიპტოგრაფიულ სისტემებსა და შიფრებს ;

ო ) კომპეტენციის ფარგლებში ახორციელებს ოპერატიულ -სამძებრო საქმიანობას ;

პ ) აუცილებლობის შემთხვევაში , ახორციელებს თავისი დოკუმენტაციის , საკადრო შემადგენლობის , ქვედანაყოფების , შენობა -ნაგებობებისა და სატრანსპორტო საშუალებების შენიღბვასა და დაშიფრვას , მათ შორის სხვადასხვა დოკუმენტების , სატრანსპორტო საშუალების სანომრე და სხვა ამოსაცნობი ნიშნების გამოყენებით ;

ჟ ) საწარმოებთან , დაწესებულებებსა და ორგანიზაციებთან (მათი სამართლებრივი ფორმის მიუხედავად ) დებს შესაბამის შეთანხმებებს , სადაზვერვო საქმიანობის აუცილებლობიდან გამომდინარე ;

რ ) შეიმუშავებს სამსახურის წლიური და გრძელვადიანი ბიუჯეტის პროექტებს ;

ს ) გლობალურ და რეგიონალურ საფრთხეებთან დაკავშირებულ საკითხებზე თანამშრომლობს უცხო ქვეყნების შესაბამის სამსახურებთან .

თავი IV

სამსახურის უფროსი

    მუხლი 12

1. სამსახურს ხელმძღვანელობს სამსახურის უფროსი , რომელსაც თანამდებობაზე ნიშნავს და თანამდებობიდან ათავისუფლებს საქართველოს პრეზიდენტი .

2. სამსახურის უფროსი არის საქართველოს პრეზიდენტის მთავარი მრჩეველი დაზვერვის საკითხებში .

    მუხლი 13

სამსახურის უფროსი :

ა ) წარმოადგენს სამსახურს და ხელმძღვანელობს სამსახურის მიერ დაზვერვის სრული ციკლის განხორციელებას ;

ბ ) ხელმძღვანელობს საქართველოს პრეზიდენტის მიერ დამტკიცებული ეროვნული სადაზვერვო პროგრამის განხორციელებას ;

გ ) ეროვნული სადაზვერვო პროგრამიდან გამომდინარე , განსაზღვრავს სამსახურის სადაზვერვო საქმიანობასთან დაკავშირებულ ამოცანებსა და პრიორიტეტებს ;

დ ) უზრუნველყოფს სადაზვერვო ინფორმაციის მიწოდებას ხელისუფლების უმაღლესი ორგანოებისა და შესაბამისი სამთავრობო დაწესებულებებისათვის ;

ე ) კოორდინაციას უწევს სადაზვერვო ინფორმაციის დაცვის კრიპტოგრაფიული საშუალებებისა და შიფრების სახელმწიფო სტანდარტების შექმნასა და დანერგვას ;

ვ ) პასუხისმგებელია სამსახურის კომპეტენციას მიკუთვნებულ სფეროებში საქართველოს კონსტიტუციის , საქართველოს კანონებისა და კანონქვემდებარე აქტების შესრულებისათვის ;

ზ ) ამტკიცებს სამსახურის სტრუქტურული ქვედანაყოფების დებულებებს ;

თ ) სამსახურის გამგებლობის სფეროსათვის მიკუთვნებული საკითხების გადაწყვეტის მიზნით , საქართველოს კანონმდებლობის საფუძველზე გამოსცემს სამართლებრივ აქტებს და კონტროლს უწევს მათ შესრულებას ;

ი ) ამტკიცებს სამსახურის სტრუქტურული ქვედანაყოფების თანამშრომელთა ფუნქციონალურ მოვალეობებს ;

კ ) თანამდებობაზე ნიშნავს და თანამდებობიდან ათავისუფლებს სამსახურის მოსამსახურეებს ;

ლ ) დადგენილი წესით განკარგავს სამსახურის ფულად სახსრებსა და მატერიალურ ფასეულობებს ;

მ ) მოქმედი კანონმდებლობის შესაბამისად , დებს უწყებათაშორის საერთაშორისო ხელშეკრულებებსა და შეთანხმებებს ;

ნ ) საზღვარგარეთ საქართველოს დიპლომატიურ წარმომადგენლობებში შესაბამისი ქვეყნის სპეცსამსახურის ხელმძღვანელობასთან შეთანხმებით განსაზღვრული ამოცანების შესასრულებლად მიავლენს დაზვერვის ოფიციალურ წარმომადგენლებს ;

ო ) აუცილებლობის შემთხვევაში , ხელშეკრულების საფუძველზე , სამსახურში იწვევს მაღალკვალიფიციურ სპეციალისტებს ;

პ ) ხელმძღვანელობს სამსახურის სამობილიზაციო მზადყოფნას და , საჭიროების შემთხვევაში , უზრუნველყოფს პირადი შემადგენლობის გადაყვანას სამსახურის განსაკუთრებულ რეჟიმზე ;

ჟ ) სამსახურის მოსამსახურეებს კანონმდებლობით დადგენილი წესით ანიჭებს სახელმწიფო -სპეციალურ ან სამხედრო წოდებებს პოლკოვნიკის ჩათვლით , ხოლო ვადაზე ადრე – ვიცე -პოლკოვნიკის წოდების ჩათვლით , ასევე საკლასო ჩინებს ;

რ ) კანონმდებლობით დადგენილი წესით მოსამსახურეებზე გასცემს სამსახურებრივ მოწმობებს , სამსახურებრივ -საშტატო და სამხედრო -საბრძოლო იარაღს , აგრეთვე სხვა სპეციალურ საშუალებებს ;

ს ) საქართველოს კანონმდებლობის შესაბამისად იღებს გადაწყვეტილებას სამსახურის იმ სამხედრო მოსამსახურეთათვის სამსახურის გაგრძელების შესახებ , რომლებმაც მიაღწიეს სამხედრო სამსახურში ყოფნის ზღვრულ ასაკს , გარდა პოლკოვნიკთა და უმაღლესი სამხედრო წოდების ოფიცერთათვის ;

ტ ) საქართველოს პრეზიდენტს განსახილველად წარუდგენს წინადადებებს სადაზვერვო საქმიანობის მარეგულირებელი შესაბამისი კანონმდებლობის სრულყოფისათვის ;

უ ) დადგენილი წესით აღძრავს შუამდგომლობას სამსახურის მოსამსახურეებისა და უცხო ქვეყნის მოქალაქეების საქართველოს სახელმწიფო ჯილდოებით დაჯილდოებისა და მათთვის საპატიო წოდებების მინიჭების შესახებ ;

ფ ) განსაზღვრავს ფულადი ჯილდოს (პრემია ), აგრეთვე , განსაკუთრებულ შემთხვევებში , ერთჯერადი დახმარების ოდენობას ;

ქ ) წაახალისებს და დისციპლინურ პასუხისმგებლობას აკისრებს სამსახურის მოსამსახურეებს ;

ღ ) კანონმდებლობით დადგენილი წესით ასაჩუქრებს და /ან აჯილდოებს პირებს სამსახურის წინაშე მდგომი ამოცანების შესრულებაში აქტიური დახმარებისათვის ;

ყ ) სახელმწიფო ბიუჯეტიდან გამოყოფილი ასიგნებების ფარგლებში სამსახურის მოსამსახურეთათვის განსაზღვრავს სოციალური დაცვის დამატებით ღონისძიებებსა და შეღავათებს ;

შ ) წარმოადგენს სამსახურს საერთაშორისო და სხვა ორგანიზაციებთან ურთიერთობაში ;

ჩ ) ახორციელებს საქართველოს კანონმდებლობით მინიჭებულ სხვა უფლებამოსილებებს .

თავი V

სამსახურის უფროსის მოადგილეები

    მუხლი 14

სამსახურის უფროსს ჰყავს პირველი მოადგილე და მოადგილე .

    მუხლი 15

სამსახურის უფროსის პირველ მოადგილესა და მოადგილეს თანამდებობაზე ნიშნავს და თანამდებობიდან ათავისუფლებს სამსახურის უფროსი საქართველოს პრეზიდენტთან შეთანხმებით .

    მუხლი 16

1. სამსახურის უფროსის პირველი მოადგილისა და მოადგილის უფლებამოსილება განისაზღვრება სამსახურის უფროსის სამართლებრივი აქტით .

2. სამსახურის უფროსის პირველი მოადგილე უფროსის არყოფნისას ასრულებს სამსახურის უფროსის მოვალეობას .

თავი VI

სამსახურის სტრუქტურული ქვედანაყოფები და მათი ამოცანები

    მუხლი 17

სამსახურის სტრუქტურული ქვედანაყოფებია :

ა ) ანალიტიკური დირექტორატი – უზრუნველყოფს ღია წყაროებიდან სადაზვერვო ინფორმაციის მოძიებას , სამსახურის მიერ მოპოვებული და სამსახურში შემოსული სადაზვერვო ინფორმაციის დაგროვებას , სისტემურ დამუშავებას და ანალიზს , ასევე სამსახურის მიერ წარსადგენი დოკუმენტების მომზადებას ;

ბ ) ინფორმაციის დირექტორატი – უზრუნველყოფს სამსახურის უფროსის მიერ დამტკიცებული სადაზვერვო გეგმის შესაბამისად სადაზვერვო ინფორმაციის მოპოვებას ოპერატიული წყაროებიდან , მათ შორის , ტექნიკური საშუალებების გამოყენებით , ახორციელებს საგარეო კონტრდაზვერვით საქმიანობას ;

გ ) ადმინისტრაციული დირექტორატი – ახორციელებს სამსახურის საკადრო , სამართლებრივ , საფინანსო -სამეურნეო , მატერიალურ უზრუნველყოფას , საიდუმლო და არასაიდუმლო საქმისწარმოებას , საპროტოკოლო ღონისძიებებს , სამსახურის საზოგადოებასთან და მასობრივი ინფორმაციის საშუალებებთან ურთიერთობის კოორდინაციას ;

დ ) უსაფრთხოების დირექტორატი – უზრუნველყოფს სამსახურის საკუთარ უსაფრთხოებას , ახორციელებს სამსახურის საქმიანობის ინსპექტირებას ;

ე ) სპეციალური მომზადებისა და გადამზადების ცენტრი (დირექტორატი ) – უზრუნველყოფს მოსამსახურეთა სპეციალურ მომზადებას , კვალიფიკაციის ამაღლებას და გადამზადებას , სამეცნიერო -კვლევით საქმიანობას , ასევე სხვა სახელმწიფო უწყებების მოსამსახურეთა სპეციალურ მომზადებას ;

ვ ) არქივი (სამმართველო ) – უზრუნველყოფს ოპერატიულ აღრიცხვას და საარქივო საქმისწარმოებას .