„საქართველოს ოკუპირებულ ტერიტორიებზე საქმიანობის განხორციელებისათვის თანხმობის გაცემის წესის შესახებ“ საქართველოს მთავრობის 2008 წლის 12 ნოემბრის №219 დადგენილებაში დამატებების შეტანის თაობაზე

საქართველოს მთავრობის

დადგენილება №180

2010 წლის 3 ივლისი

ქ. თბილისი

„საქართველოს ოკუპირებულ ტერიტორიებზე საქმიანობის განხორციელებისათვის თანხმობის გაცემის წესის შესახებ“ საქართველოს მთავრობის 2008 წლის 12 ნოემბრის №219 დადგენილებაში დამატებების შეტანის თაობაზე

    მუხლი 1

„ნორმატიული აქტების შესახებ“ საქართვე­ლოს კანონის მე-20 მუხლის მე-4 პუნქტის შესაბამისად „სა­ქართველოს ოკუპირებულ ტერიტორიებზე საქმიანობის გან­ხორ­ციელებისათვის თანხმობის გაცემის წესის შესახებ“ სა­ქართველოს მთავრობის 2008 წლის 12 ნოემბრის №219 დადგე­ნილებას დაემატოს შემდეგი შინაარსის 3¹, 3² და 3³ პუნქტები:

„3¹. საქართველოს მთავრობის მიერ დამტკიცებული ჩარ­თულობის სტრატეგიის სამოქმედო გეგმის ფარგლებში გან­სახორციელებელ ყოველ საქმიანობას შეისწავლის რეინ­ტეგ­რაციის საკითხებში საქართველოს სახელმწიფო მინისტ­რის აპარატი, განსახორციელებელი საქმიანობიდან გამომდი­ნარე, შესაბამის დარგობრივ სამინისტროსთან ერთად.

3². რეინტეგრაციის საკითხებში საქართველოს სახელმ­წიფო მინისტრის აპარატისა და 3¹ პუნქტში აღნიშნული შე­საბამისი დარგობრივი სამინისტროს მიერ ოკუპირებულ ტერი­ტორიებზე განსახორციელებელი საქმიანობის მოწონება, რაც ფორმდება რეინტეგრაციის საკითხებში საქართველოს სა­ხელმწიფო მინისტრის ბრძანებით, წარმოადგენს ოკუპირე­ბულ ტერიტორიებზე აღნიშნული პროექტის განხორციე­ლების სა­ფუძველს და დამატებით არ მოითხოვს საქართველოს მთავ­რობის თანხმობას.

3³. რეინტეგრაციის საკითხებში საქართველოს სახელ­მ­წიფო მინისტრი ოკუპირებულ ტერიტორიებზე განსახორ­ციე­ლებელი საქმიანობების შესახებ ინფორმაციას წარმოუდგენს სა­ქართვე­ლოს მთავრობას.“.

    მუხლი 2

დადგენილება ამოქმედდეს გამოქვეყნების­თა­ნავე.

პრემიერ-მინისტრი      ნ. გილაური