„საქართველოს გარემოს დაცვისა და ბუნებრივი რესურსების სამინისტროს მმართველობის სფეროში შემავალი ზოგიერთი საჯარო სამართლის იურიდიული პირის რეორგანიზაციის, ლიკვიდაციისა და ზოგიერთი საჯარო სამართლის იურიდიული პირის შექმნის შესახებ“ საქართველოს პრეზიდენტის 2005 წლის 17 დეკემბრის №1061 ბრძანებულებაში ცვლილების შეტანის თაობაზე“

სახელმწიფო სარეგისტრაციო კოდი 040.030.050.08.002.003

საქართველოს პრეზიდენტის

ბრძანებულება №19

2008 წლის 17 იანვარი

ქ. თბილისი

„საქართველოს გარემოს დაცვისა და ბუნებრივი რესურსების სამინისტროს მმართველობის სფეროში შემავალი ზოგიერთი საჯარო სამართლის იურიდიული პირის რეორგანიზაციის, ლიკვიდაციისა და ზოგიერთი საჯარო სამართლის იურიდიული პირის შექმნის შესახებ“ საქართველოს პრეზიდენტის 2005 წლის 17 დეკემბრის №1061 ბრძანებულებაში ცვლილების შეტანის თაობაზე

1. „ნორმატიული აქტების შესახებ“ საქართველოს კანონის 36-ე მუხლის შესაბამისად, „საქართველოს გარემოს დაცვისა და ბუნებრივი რესურსების სამინისტროს მმართველობის სფეროში შემავალი ზოგიერთი საჯარო სამართლის იურიდიული პირის რეორგანიზაციის, ლიკვიდაციისა და ზოგიერთი საჯარო სამართლის იურიდიული პირის შექმნის შესახებ“ საქართველოს პრეზიდენტის 2005 წლის 17 დეკემბრის №1061 ბრძანებულებაში (სსმ III, 2005 წ., №146, მუხ. 1626) შეტანილ იქნეს ცვლილება და ბრძანებულებიდან ამოღებულ იქნეს მე-4 პუნქტი.

2. საჯარო სამართლის იურიდიული პირები – ბორჯომ-ხარაგაულის ეროვნული პარკის და ბორჯომის სახელმწიფო ნაკრძალის ადმინისტრაცია, ქობულეთის სახელმწიფო ნაკრძალის, ქობულეთის აღკვეთილის და ქობულეთის მრავალმხრივი გამოყენების ტერიტორიის ადმინისტრაცია და კოლხეთის ეროვნული პარკის და კოლხეთის მრავალმხრივი გამოყენების ტერიტორიის ადმინისტრაცია რეორგანიზებულ იქნენ და გაერთიანდნენ საჯარო სამართლის იურიდიული პირის – დაცული ტერიტორიების სააგენტოს შემადგენლობაში.

3. საქართველოს ეკონომიკური განვითარების სამინისტრომ (გ. არველაძე) გარემოს დაცვისა და ბუნებრივი რესურსების სამინისტროს წინადადებების საფუძველზე უზრუნველყოს ამ ბრძანებულებით რეორგანიზებული საჯარო სამართლის იურიდიული პირების შესაბამისი სახელმწიფო ქონების საჯარო სამართლის იურიდიული პირის – დაცული ტერიტორიების სააგენტოსათვის გადაცემა.

4. ბრძანებულება ამოქმედდეს 2008 წლის 1 თებერვლიდან.

საქართველოს პრეზიდენტის

მოვალეობის შემსრულებელი    ნ. ბურჯანაძე