საქართველოს დაზვერვის სამსახურის ემბლემის, ემბლემის დებულებისა და დროშის დამტკიცების შესახებ

საქართველოს პრეზიდენტის

ბრძანებულება №506  

2010 წლის 15 ივლისი

ქ. თბილისი

საქართველოს დაზვერვის სამსახურის ემბლემის, ემბლემის დებულებისა და დროშის დამტკიცების შესახებ

1. ,,საქართველოს დაზვერვის სამსახურის დებულების დამტკიცების შესახებ“ საქართველოს პრეზიდენტის 2010 წლის  21 ივნისის №434 ბრძანებულებით დამტკიცებული დებულების მე-6 მუხლის შესაბამისად, დამტკიცდეს საქართველოს დაზვერვის სამსახურის ემბლემა თანდართული ესკიზისა და აღწერილობის მიხედვით (დანართი №1), საქართველოს დაზვერვის სამსახურის ემბლემის შესახებ დებულება (დანართი №2) და საქართველოს დაზვერვის სამსახურის დროშა თანდართული ესკიზისა და აღწერილობის მიხედვით (დანართი №3).

2. საქართველოს ზოგადი ადმინისტრაციული კოდექსის 61-ე მუხლის პირველი ნაწილის შესაბამისად, ძალადა-კარგულად გამოცხადდეს „საქართველოს საგარეო დაზვერვის სპეციალური სამსახურის ემბლემის, ემბლემის დებულებისა და დროშის დამტკიცების შესახებ“ საქართველოს პრეზიდენტის 2005 წლის 11 თებერვლის №76 ბრძანებულება.

3. ეს ბრძანებულება ამოქმედდეს გამოქვეყნებისთანავე.

 მ.  სააკაშვილი

                                             დანართი №1

საქართველოს დაზვერვის სამსახურის ემბლემის აღწერილობა

საქართველოს დაზვერვის სამსახურის ემბლემა არის ლაჟვარდისფერ (ლურჯი) არშიიანი მრგვალი ჰერალდიკური ფარი, რომელსაც კვეთს მეწამული ჯვარი. ჯვრის ცენტრში გამოსახულია ჰერალდიკური ფარი, ფარის ვერცხლის ველზე – ლაჟვარდისფერი (ლურჯი) ოთხქიმიანი ვარსკვლავი (კონტროლისა და უსაფრთხოების სიმბოლო), ფარს ამშვენებს ივერიული გვირგვინი.

I  და IV ვერცხლის (თეთრი) ველზე გამოსახულია ბოლნურ-კაცხური ჯვარი.

ლაჟვარდისფერ (ლურჯი) არშიაზე გამოსახულია ოქროს წარწერა: ,,საქართველოს დაზვერვის სამსახური”.

დანართი №2

საქართველოს დაზვერვის სამსახურის ემბლემის შესახებ დებულება

1. საქართველოს დაზვერვის სამსახურის (შემდეგში – სამსახური) ემბლემა (შემდეგში – ემბლემა) არის სამსახურის ოფიციალური სიმბოლო.

2. ემბლემა განთავსდება (ინახება) სამსახურის უფროსის კაბინეტში და სამსახურის სხდომათა დარბაზში.

3. ემბლემა გამოისახება:

ა) სამსახურის ვებგვერდზე;

გ) სამსახურის ბეჭდვით გამოცემებზე;

დ) სამსახურის მიერ მომზადებულ კინო, ვიდეო და ფოტომასალებზე;

ე) სამსახურის შეკვეთით დამზადებულ სარეკლამო-საინფორმაციო და სუვენირულ პროდუქციაზე;

ვ) სამსახურის მოსამსახურეთა სამსახურებრივ მოწმობაზე.

4. სამსახურის უფროსი იღებს გადაწყვეტილებას ემბლემის გამოყენების სხვა შემთხვევების თაობაზე.

5. ემბლემა დაცულია კანონმდებლობით დადგენილი წესის შესაბამისად.

დანართი №3

საქართველოს დაზვერვის სამსახურის დროშის აღწერილობა

საქართველოს დაზვერვის სამსახურის დროშა არის მართკუთხა თეთრი ქსოვილი პროპორციით – 2/3, რომელსაც კვეთს სწორკუთხა მეწამული (წითელი) ჯვარი სისქით – დროშის სიმაღლის 1/5,  რომელიც ეხება დროშის ქსოვილის კიდეებს. ზედა მარჯვენა მეოთხედში (პირველი კანტონი) თეთრ (ვერცხლის) ველზე გამოსახულია ლაჟვარდისფერი ოთხქიმიანი ვარსკვლავი – საქართველოს დაზვერვის სამსახურის ემბლემის დეტალი.