„აქციზის დეკლარაციის ფორმისა და მისი შევსების წესის შესახებ ინსტრუქციის დამტკიცების თაობაზე" საქართველოს ფინანსთა მინისტრის 2008 წლის 30 დეკემბრის N961 ბრძანებაში ცვლილებების შეტანის შესახებ

საქართველოს ფინანსთა მინისტრის

ბრძანება №742

2010 წლის 24 სექტემბერი

ქ. თბილისი

„აქციზის დეკლარაციის ფორმისა და მისი შევსების წესის შესახებ ინსტრუქციის დამტკიცების თაობაზე” საქართველოს ფინანსთა მინისტრის 2008 წლის 30 დეკემბრის №961 ბრძანებაში ცვლილებების შეტანის შესახებ

 „ნორმატიული აქტების შესახებ” საქართველოს კანონის მე-20 მუხლის მე-4 პუნქტის შესაბამისად, ვბრძანებ:

    მუხლი 1

„აქციზის დეკლარაციის ფორმისა და მისი შევსების წესის შესახებ ინსტრუქციის დამტკიცების თაობაზე” საქართველოს ფინანსთა მინისტრის 2008 წლის 30 დეკემბრის №961 ბრძანებაში (სსმ III, 30.12.2008, №186, მუხ. 1958) შეტანილ იქნეს შემდეგი ცვლილებები:

1. ბრძანებით დამტკიცებული აქციზის დეკლარაციის ფორმის (დანართი №1) III განაყოფი ჩამოყალიბდეს თანდართული რედაქციით.

2. ბრძანებით დამტკიცებული „აქციზის დეკლარაციის შევსების წესის შესახებ“ ინსტრუქციის:

ა) პირველი მუხლის მე-12 პუნქტი ჩამოყალიბდეს შემდეგი რედაქციით:

„12. დეკლარაციის დანართი წარედგინება საგადასახადო ორგანოს დეკლარაციასთან ერთად და წარმოადგენს მის ნაწილს. ამასთან, აღნიშნული დანართი არ ივსება მობილური საკომუნიკაციო მომსახურების გაწევაზე.“;

ბ) მე-2 მუხლის მე-4 პუნქტის „ვ“ ქვეპუნქტი ჩამოყალიბდეს შემდეგი რედაქციით:

„ვ) მე-5 სტრიქონზე აისახება ჩასათვლელი აქციზი, კერძოდ:

ვ.ა) დასაბეგრ ოპერაციებზე გამოყენებულ საწარმოო რესურსებზე ჩასათვლელი აქციზი, მაგრამ არა უმეტეს ასეთ აქციზურ საქონელზე გამოანგარიშებული აქციზისა (დეკლარაციის დანართის სვეტი 12 + სვეტი 14);

ვ.ბ) აქციზის თანხა დასავარგებელ აქციზურ საქონელზე (ნედლეულზე) (დეკლარაციის დანართის სვეტი 16);

ვ.გ) აქციზის თანხა მობილური საკომუნიკაციო მომსახურების მიღებისას, როდესაც მომსახურების მიმღები არ არის ბოლო მომხმარებელი;“.

    მუხლი 2

ეს ბრძანება ამოქმედდეს გამოქვეყნებისთანავე.

კ. ბაინდურაშვილი

განაყოფი III. აქციზის საერთო თანხის გაანგარიშება

სხვაობა აქციზური მარკებით ნიშანდებულ საქონელზე:

დეკლარაციაში მოცემული მონაცემების უტყუარობასა და სისრულეს ვადასტურებ

საწარმოს ხელმძღვანელი/ინდივიდუალური მეწარმე

(წარმომადგენელი)

 ----------------------         ---------------------       ---------------------