„თვითმმართველი ქალაქი რუსთავის მერიის დებულების დამტკიცების შესახებ" თვითმმართველი ქალაქი რუსთავის საკრებულოს 2010 წლის 2 ივლისის №8 დადგენილებაში ცვლილებების შეტანის თაობაზე“

თვითმმართველი ქალაქი რუსთავის საკრებულოს

დადგენილება №24

 2010 წლის 22 სექტემბერი

ქ. რუსთავი

 „თვითმმართველი ქალაქი რუსთავის მერიის დებულების დამტკიცების შესახებ“ თვითმმართველი ქალაქი რუსთავის საკრებულოს 2010 წლის                                  2 ივლისის №8 დადგენილებაში ცვლილებების შეტანის თაობაზე

„ადგილობრივი თვითმმართველობის შესახებ“ საქართველოს ორგანული კანონის 44-ე მუხლის პირველი პუნქტის, „ნორმატიული აქტების შესახებ“ საქართველოს კანონის მე-20 მუხლის შესაბამისად

თვითმმართველი ქალაქი რუსთავის საკრებულო ადგენს:

    მუხლი 1

დადგენილებით დამტკიცებული „თვითმმართველი ქალაქი რუსთავის მერიის დებულებაში“ შევიდეს ცვლილებება და მე-13 მუხლის მე-3 პუნქტი ჩამოყალიბდეს ახალი რედაქციით:

„3. ურბანული დაგეგმარებისა და ტრანსპორტის განვითარების სამსახურის ძირითადი ფუნქციებია:

ა) თვითმმართველი ქალაქი რუსთავის სივრცითი ტერიტორიული დაგეგმვისა და ქალაქთმშენებლობის დოკუმენტების შემუშავება;

ბ) მშენებლობის ნებართვის გაცემისათვის ადმინისტრაციული წარმოების ჩატარება და დასკვნის მომზადება;

გ) შენობა-ნაგებობის ვარგისიანად აღიარებისათვის (ექსპლუატაციაში მიღება) ადმინისტრაციული წარმოების ჩატარება და დასკვნის მომზადება;

დ) უნებართვოდ ან/და პროექტის დარღვევით აშენებული ობიექტების ან მათი ნაწილების ლეგალიზებისათვის ადმინისტრაციული წარმოების ჩატარება და დასკვნის მომზადება.“.

    მუხლი 2

დადგენილება ძალაშია გამოქვეყნებისთანავე.

საკრებულოს თავმჯდომარე                    კ. გურგენიძე