„მასწავლებლის პროფესიული განვითარების საგანმანათლებლო პროგრამის აკრედიტაციის დებულების დამტკიცების შესახებ“ საქართველოს განათლებისა და მეცნიერების მინისტრის 2009 წლის 4 დეკემბრის №1102 ბრძანებაში ცვლილებისა და დამატების შეტანის თაობაზე

სახელმწიფო სარეგისტრაციო კოდი 430.210.000.22.026.014.788

საქართველოს განათლებისა და მეცნიერების

მინისტრის ბრძანება №50/ნ

2010 წლის 21 ივნისი

ქ. თბილისი

,,მასწავლებლის პროფესიული განვითარების საგანმანათლებლო პროგრამის აკრედიტაციის დებულების დამტკიცების შესახებ“ საქართველოს განათლებისა და მეცნიერების მინისტრის 2009 წლის 4 დეკემბრის №1102 ბრძანებაში ცვლილებისა და დამატების შეტანის თაობაზე

საქართველოს ზოგადი ადმინისტრაციული კოდექსის 63-ე მუხლის, ,,ნორმატიული აქტების შესახებ“ საქართველოს კანონის მე-20 მუხლის მე-4 პუნქტის, ,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-20 მუხლის პირველი პუნქტისა და მე-2 პუნქტის ,,ა“ ქვეპუნქტის, ,,საქართველოს განათლებისა და მეცნიერების სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №37 დადგენილებით დამტკიცებული დებულების მე-3 მუხლის მე-2 პუნქტის ,,მ“ ქვეპუნქტის საფუძველზე, ვბრძანებ:

მუხლი 1. ,,მასწავლებლის პროფესიული განვითარების საგანმანათლებლო პროგრამის აკრედიტაციის დებულების დამტკიცების შესახებ“ საქართველოს განათლებისა და მეცნიერების მინისტრის 2009 წლის 4 დეკემბრის №1102 ბრძანებით დამტკიცებული ,,მასწავლებლის პროფესიული განვითარების საგანმანათლებლო პროგრამის აკრედიტაციის დებულების“ მე-14 მუხლში შეტანილ იქნეს შემდეგი ცვლილება და დამატება:

1. მე-4 პუნქტი ჩამოყალიბდეს შემდეგი რედაქციით:

,,4. აკრედიტაციის ექსპერტების შუალედური დასკვნები და საბოლოო დასკვნა, საბჭოს სხდომის გამართვამდე არა უგვიანეს 10 დღით ადრე, გადაეცემა საბჭოს წევრებსა და დაინტერესებულ პირს.“

2. მე-14 მუხლს დაემატოს შემდეგი შინაარსის ,,4¹“ პუნქტი:

,,4¹. დაინტერესებულ პირს უფლება აქვს, აკრედიტაციის ექსპერტების შუალედურ და საბოლოო დასკვნებთან დაკავშირებით, წარუდგინოს მოსაზრებები ცენტრს, არა უგვიანეს 3 დღით ადრე, საბჭოს სხდომის გამართვამდე.“.

მუხლი 2. ბრძანება ამოქმედდეს გამოქვეყნებისთანავე.

 დ. შაშკინი