„საჯარო სამართლის იურიდიული პირის – საფინანსო-ანალიტიკური სამსახურის დებულების დამტკიცების შესახებ“ საქართველოს ფინანსთა მინისტრის 2010 წლის 31 მარტის №247 ბრძანებაში დამატებების შეტანის შესახებ

სახელმწიფო სარეგისტრაციო კოდი 040.030.000.22.033.014.620

საქართველოს ფინანსთა მინისტრის

ბრძანება №383

2010 წლის 11 მაისი

ქ. თბილისი

„საჯარო სამართლის იურიდიული პირის – საფინანსო-ანალიტიკური სამსახურის დებულების დამტკიცების შესახებ“ საქართველოს ფინანსთა მინისტრის 2010 წლის 31 მარტის №247 ბრძანებაში დამატებების შეტანის შესახებ

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:

    მუხლი 1

„საჯარო სამართლის იურიდიული პირის – საფინანსო-ანალიტიკური სამსახურის დებულების დამტკიცების შესახებ“ საქართველოს ფინანსთა მინისტრის 2010 წლის 31 მარტის №247 ბრძანებით (სსმ III, 31.03.10, №33, მუხლი 557) დამტკიცებულ საჯარო სამართლის იურიდიული პირის – საფინანსო-ანალიტიკური სამსახურის დებულებაში შეტანილ იქნეს შემდეგი დამატებები:

1. მე-2 მუხლის მე-2 პუნქტს დაემატოს შემდეგი შინაარსის „ნ“ ქვეპუნქტი:

„ნ) ონლაინ-რეჟიმში კოორდინაციას უწევს და ახორციელებს მუდმივ მონიტორინგს საბაჟო და საგადასახადო მომსახურების მიმდინარე საქმიანობაზე.“.

2. მე-2 მუხლს დაემატოს შემდეგი შინაარსის 2¹ პუნქტი:

„2¹. სამსახური უფლებამოსილია სახელმწიფო კონტროლის განმახორციელებელი ორგანოს თანხმობით, ისე, რომ არსებითად არ გადავიდეს სამეწარმეო საქმიანობაზე, დააფუძნოს კერძო სამართლის იურიდიული პირი, რომლის საქმიანობიდან მიღებული შემოსავალი/დივიდენდები გამოიყენება სამსახურის მიზნებისა და ფუნქციების განხორციელებისათვის.“.

3. მე-4 მუხლს დაემატოს შემდეგი შინაარსის „ვ“ ქვეპუნქტი:

„ვ) ვიდეომონიტორინგის დეპარტამენტი.“.

4. მე-5 მუხლს დაემატოს შემდეგი შინაარსის მე-6 პუნქტი:

„6. ვიდეომონიტორინგის დეპარტამენტის ამოცანები და ფუნქციებია:

ა) ონლაინ-რეჟიმში კოორდინაციის გაწევა და მუდმივი მონიტორინგის განხორციელება საბაჟო და საგადასახადო მომსახურების მიმდინარე საქმიანობაზე;

ბ) მონიტორინგის შედეგების ანალიზი და საჭიროების შემთხვევაში შესაბამისი ორგანოებისათვის ინფორმაციის მიწოდება რიგების აღმოფხვრის, საბაჟო და საგადასახადო მომსახურების ხარისხის გაუმჯობესების მიზნით;

გ) კომპეტენციის ფარგლებში, არსებული დარღვევების შესახებ უფროსის ინფორმირების უზრუნველყოფა, შემდგომში მინისტრისთვის ინფორმაციის მიწოდების მიზნით.“.

    მუხლი 2

ეს ბრძანება ამოქმედდეს 2010 წლის 11 მაისიდან.

კ. ბაინდურაშვილი