საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს სამედიცინო დეპარტამენტის დებულებაში ცვლილებების განხორციელების შესახებ

სახელმწიფო სარეგისტრაციო კოდი 010.320.050.22.038.014.517

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის

ბრძანება №64

2010 წლის 16 აპრილი

ქ. თბილისი

საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს სამედიცინო დეპარტამენტის დებულებაში ცვლილებების განხორციელების შესახებ

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:

    მუხლი 1.

„საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს სამედიცინო დეპარტამენტის დებულების დამტკიცების შესახებ“ საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2009 წლის 29 ოქტომბრის №732 ბრძანებაში (სსმ III, 04.11.2009, №136, მუხ. 1553) განხორციელდეს შემდეგი სახის ცვლილებები:

1. მე-5 მუხლის „გ“ ქვეპუნქტი ჩამოყალიბდეს შემდეგი რედაქციით:

„გ) სამედიცინო უზრუნველყოფის სამმართველო.“.

2. ამოღებულ იქნეს მე-5 მუხლის „დ“ ქვეპუნქტი.

3. მე-8 მუხლი ჩამოყალიბდეს შემდეგი რედაქციით:

    „მუხლი 8. სამედიცინო უზრუნველყოფის სამმართველო

სამედიცინო უზრუნველყოფის სამმართველო უზრუნველყოფს:

ა) ამბულატორიულ და ჰოსპიტალური ჯანდაცვის მომსახურების მიწოდების ორგანიზებას, საფინანსო-ეკონომიკური პროგნოზირებასა და სამომავლო ბიუჯეტის შედგენას;

ბ) კონტრაქტორ ჰოსპიტალურ დაწესებულებებთან ხელშეკრულებების პირობების მომზადებას, გაფორმებული ხეშეკრულებების შესრულების ანგარიშების შედგენას;

გ) კონტრაქტორ სამედიცინო დაწესებულებებთან სახელშეკრულებო ვალდებულებების მიმდინარეობის, შესრულებისა და ანგარიშსწორების ზედამხედველობას;

დ) რეფერალური მომსახურების ორგანიზებას, დაავადებათა პრევენციასა და მართვას;

ე) სასჯელაღსრულების დაწესებულების სამედიცინო სამსახურსა და სასჯელაღსრულების დეპარტამენტის დაქვემდებარებაში არსებული სამკურნალო დაწესებულებებში განთავსებულ ბრალდებულ და მსჯავრდებულ ავადმყოფთა სამედიცინო კონსულტაციური და დიაგნოსტიკური მომსახურებით უზრუნველყოფას;

ვ) ამბულატორიული და ჰოსპიტალური უზრუნველყოფის სამედიცინო საქმიანობის სტატისტიკური მონაცემების შეგროვებას, დამუშავებასა და ანგარიშების შედგენას;

ზ) კომპეტენციის ფარგლებში წერილების, წინადადებებისა და განცხადებების განხილვას და შესაბამის რეაგირებას;

თ) სასჯელაღსრულების დაწესებულებებში გაწეული სამედიცინო მომსახურების საერთო ელექტრონული ბაზის შექმნას.“.

4. ამოღებულ იქნეს მე-9 მუხლი.

5. მე-12 მუხლი ჩამოყალიბდეს შემდეგი რედაქციით:

    „მუხლი 12. დეპარტამენტის სხვა მოსამსახურეები

1. დეპარტამენტში საჯარო სამსახურს ეწევიან:

ა) სამმართველოს მრჩევლები;

ბ) სამმართველოს მთავარი სპეციალისტები.

2. დეპარტამენტის მოსამსახურეებს თანამდებობაზე ნიშნავს და თანამდებობიდან ათავისუფლებს მინისტრი.“.

    მუხლი 2.

ეს ბრძანება ამოქმედდეს 2010 წლის 19 აპრილიდან.

  ხ. კალმახელიძე