„მასწავლებელთა სერტიფიცირების დებულებისა და მასწავლებლის სერტიფიკატის ნიმუშის დამტკიცების შესახებ“ საქართველოს განათლებისა და მეცნიერების მინისტრის 2009 წლის 4 დეკემბრის №1101 ბრძანებაში ცვლილების შეტანის თაობაზე

სახელმწიფო სარეგისტრაციო კოდი 430.210.000.22.022.014.540

საქართველოს განათლებისა და მეცნიერების

მინისტრის  ბრძანება №24/ნ

2010 წლის 20 აპრილი

 ქ. თბილისი

„მასწავლებელთა სერტიფიცირების დებულებისა და მასწავლებლის სერტიფიკატის ნიმუშის დამტკიცების შესახებ“ საქართველოს განათლებისა და მეცნიერების მინისტრის 2009 წლის 4 დეკემბრის №1101 ბრძანებაში ცვლილების შეტანის თაობაზე

,,ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, ვბრძანებ:

1. „მასწავლებელთა სერტიფიცირების დებულებისა და მასწავლებლის სერტიფიკატის ნიმუშის დამტკიცების შესახებ“ საქართველოს განათლებისა და მეცნიერების მინისტრის 2009 წლის 4 დეკემბრის №1101 ბრძანებით (სსმ III, 04.12.2009 წ., №149 მუხ. 1764) დამტკიცებულ დებულებაში შევიდეს შემდეგი ცვლილებები:

ა) მე-9 მუხლის პირველი პუნქტი ჩამოყალიბდეს შედეგი რედაქციით:

„1. ცენტრი გამოცდების ეროვნულ ცენტრს არა უგვიანეს ყოველი წლის პირველი ნოემბრისა და პირველი მაისისა წარუდგენს მასწავლებლობის კანდიდატების საბოლოო სიას.“.

ბ) მე-10 მუხლის პირველი პუნქტი ჩამოყალიბდეს შემდეგი რედაქციით:

1. „1. სასერტიფიკაციო გამოცდა ტარდება წელიწადში ორჯერ, შესაბამისი წლის ივლისში და იანვარში. სასერტიფიკაციო გამოცდის ჩატარების თარიღი ცხადდება ამ დებულების მე-9 მუხლის პირველი პუნქტით გათვალისწინებული მასწავლებლობის კანდიდატების საბოლოო სიის გამოცდების ეროვნული ცენტრისათვის წარდგენიდან არა უმეტეს ორი კვირის ვადაში.“.

გ) 29-ე მუხლის:

გ.ა) პირველი პუნქტის „გ“ ქვეპუნქტი ამოღებულ იქნეს;

გ.ბ) მე-2 პუნქტი ამოღებულ იქნეს.

2. ბრძანება ამოქმედდეს გამოქვეყნებისთანავე.

დ. შაშკინი