,,საქართველოს საგარეო საქმეთა სამინისტროს დებულების დამტკიცების შესახებ” საქართველოს მთავრობის 2004 წლის 25 ივნისის №53 დადგენილებით დამტკიცებულ დებულებაში ცვლილებებისა და დამატებების შეტანის თაობაზე”

საქართველოს მთავრობის

დადგენილება №66

2005 წლის 8 აპრილი

ქ. თბილისი

,,საქართველოს საგარეო საქმეთა სამინისტროს დებულების დამტკიცების შესახებ” საქართველოს მთავრობის 2004 წლის 25 ივნისის №53 დადგენილებით დამტკიცებულ დებულებაში ცვლილებებისა და დამატებების შეტანის თაობაზე

,,საქართველოს მთავრობის სტრუქტურის, უფლებამო­სილებისა და საქმიანობის წესის შესახებ” საქართველოს კანონის მე-17 მუხლის პირველი პუნქტის შესაბამისად ,,საქართველოს საგარეო საქმეთა სამინისტროს დებულე­ბის დამტკიცების შესახებ” საქართველოს მთავრობის 2004 წლის 25 ივნისის №53 დადგე­ნილებით დამტკიცე­ბულ საქართველოს საგარეო საქმეთა სამინის­ტროს დებუ­ლებაში (საქართველოს საკანონმდებლო მაცნე, 2004 წ., №65, მუხლი 570) შეტანილ იქნეს შემდეგი ცვლილებები და დამატებები:

1. დებულების მე-7 მუხლი ჩამოყალიბდეს შემდეგი რე­დაქ­­ციით:

    ,,მუხლი 7.

სამინისტროს სტრუქტურული ქვედანაყოფები არიან:

ა) მინისტრის სამდივნო დეპარტამენტი;

ბ) ევროპის საქმეთა და ევროინტეგრაციის დეპარ­ტამენტი;

გ) უსაფრთხოების პოლიტიკისა და ევროატლანტიკური ინ­ტე­გ­რაციის დეპარტამენტი;

დ) ამერიკის დეპარტამენტი;

ე) რუსეთის დეპარტამენტი;

ვ) რეგიონალური თანამშრომლობის დეპარტამენტი;

ზ) საერთაშორისო ეკონომიკურ ურთიერთობათა დეპარ­ტამენტი;

თ) აღმოსავლეთის საქმეთა დეპარტამენტი;

ი) საერთაშორისო კულტურულ ურთიერთობათა და დიასპორებთან ურთიერთობის დეპარტამენტი;

კ) საერთაშორისო-სამართლებრივი დეპარტამენტი;

ლ) პრესისა და ინფორმაციის დეპარტამენტი;

მ) დიპლომატიური პროტოკოლის დეპარტამენტი;

ნ) კადრების დეპარტამენტი;

ო) საკონსულო დეპარტამენტი;

პ) სამართლებრივ საკითხთა და პარლამენტთან ურ­თიერ­თობის დეპარტამენტი;

ჟ) საფინანსო სამსახური;

რ) მატერიალურ-ტექნიკური უზრუნველყოფის სამსა­ხური;

ს) ოფიციალურ კორესპონდენციებზე მუშაობისა და საორგა­ნიზაციო საკითხების სამსახური;

ტ) საბუღალტრო აღრიცხვისა და ანგარიშგების სამსახური;

უ) საერთაშორისო ორგანიზაციების სამმართველო;

ფ) გენერალური ინსპექცია;

ქ) საგანგებო დავალებათა ელჩების ჯგუფი”.

2. ამოღებულ იქნეს დებულების მე-8 მუხლის მეო­რე პუნქტის ,,მ” ქვეპუნქტი.

3. დებულებას დაემატოს შემდეგი შინაარსის 26¹ და 26² მუხლები:

     „მუხლი 26¹. გენერალური ინსპექცია

1. გენერალური ინსპექცია არის სამინისტროს სტრუქ­­ტურული ქვედანაყოფი, რომელიც ახორციელებს სამინისტროს სისტემის სტრუქტურული ქვედანაყოფებისა და სამინისტროს სისტემის დაწესებულებების მოსამსა­ხურეთა საქმიანობის კონ­ტროლს.

2. ინსპექციის ძირითადი ამოცანებია:

ა) სამინისტროს სტრუქტურული ქვედანაყოფებისა და სამი­ნისტროს სისტემის ორგანოების მოსამსახურეთა მიერ კანო­ნიერების დაცვის კონტროლი, სამსახურებრივი გადა­ცდომის ფაქ­ტების გამოვლენა, თავიდან აცილება და პროფი­ლაქტიკა;

ბ) სამინისტროს სტრუქტურული ქვედანაყოფებისა და სამინისტროს სისტემის ორგანოების მოსამსახურეთა მიერ სამსახურებრივი გადაცდომის ფაქტებზე სამსახურებ­რივი მოკვლევა, სამსახურებრივი მოკვლევის შედეგების შესახებ დასკვნების მომზადება და მინისტრისათვის წარდგენა;

გ) სამინისტროს სტრუქტურული ქვედანაყოფებისა და სამინისტროს სისტემაში შემავალი ერთეულების, აგ­რეთვე საჯარო სამართლის იურიდიული პირების მი­ერ გაწეული ხარჯების კანონიერებისა და მიზნობ­რიობის კონტროლი;

დ) სამსახურებრივი გადაცდომის ფაქტებთან დაკავ­შირებით შემოსული განცხადებებისა და საჩივრების განხილვა და შესაბამისი დასკვნების მომზადება;

ე) მინისტრის დავალებით და თავისი კომპეტენციის ფარგლებში კანონმდებლობით გათვალისწინებულ სხვა უფლე­ბამოსილებათა განხორციელება.

    მუხლი 26². საგანგებო დავალებათა ელჩების ჯგუფი

1. საგანგებო დავალებათა ელჩების ჯგუფი არის სამინისტროს სტრუქტურული ქვედანაყოფი, რომელიც უზრუნველყოფს მინისტრის კონკრეტული მითითებებისა და დავალებების შესრულებას.

2. საგანგებო დავალებათა ელჩების ჯგუფის ამო­ცანებია:

ა) საგარეო საქმეთა მინისტრის დავალებით საქართვე­ლოს საგარეო პოლიტიკის ცალკეული მიმართულების ხელმძღვა­ნელობა-კოორდინაცია;

ბ) საგარეო საქმეთა მინისტრის დავალებით საქარ­თველოში აკრედიტებულ დიპლომატიურ კორპუსთან ურთიერთობა;

გ) სამსახურებრივი საქმიანობით მოპოვებული ინფორ­მაციის მიწოდება საგარეო საქმეთა მინისტრისათვის;

დ) საგარეო საქმეთა მინისტრის დავალებით სამინის­ტროს წარმოდგენა საერთაშორისო ურთიერთობებში (ორმხრივი და მრავალმხრივი მოლაპარაკება, საერ­თაშორისო კონფერენცია, კონგრესი);

ე) საგარეო საქმეთა მინისტრის დავალებით მონაწილეობის მიღება საქართველოში საზღვარგარეთის სახელმწიფო და სამთავრობო დონის დელეგაციებისათვის გათვალის­წინებულ ცალკეულ ღონისძიებებში;

ვ) საზღვარგარეთ საგარეო საქმეთა მინისტრის ვიზიტის პროგრამის რეალიზაციის დროს მონაწილეობის მიღება განსახილველი დოკუმენტების პროექტების (ან მათი კერძო დებულებების) შემუშავებასა და დახვეწაში;

ზ) საგარეო საქმეთა მინისტრის დავალებით და თავისი უფლებამოსილების ფარგლებში სამინისტროს ქვედანაყოფების მიერ განხორციელებული კონკრეტული საქმიანობის კონტ­როლი;

თ) დიპლომატიური სამსახურის საქმიანობის ეფექ­ტიანობის ზრდის უზრუნველსაყოფად  წინადადებებისა და მოსაზრებების შემუშავება და საგარეო საქმეთა მინისტრისათვის განსახილველად წარდგენა.”.

4. დებულების 29-ე მუხლის პირველ პუნქტს დაემატოს შემდეგი შინაარსის ,,ზ” ქვეპუნქტი:

,,ზ) საზღვარგარეთ არსებული საქართველოს კულ­­ტუ­­­რუ­­ლი მემკვიდრეობის დაცვის ცენტრი.”.

5. დებულების 29-ე მუხლი ჩამოყალიბდეს შემდეგი რედაქ­ციით:

     „მუხლი 29. სამინისტროს სისტემაში შემავალი საჯარო სამართლის იურიდიული პირები

1. საჯარო სამართლის იურიდიული პირები, რო­მელ­თა საქმიანობის სახელმწიფო კონტროლს ახორ­ციელებს საქარ­თველოს საგარეო საქმეთა სამინისტრო, არიან:

ა) საქართველოში აკრედიტებულ დიპლომატიურ კორპუს­თან და მათთან გათანაბრებულ ორგანიზაციებთან მუშაობის სამსახური ,,დიპლომატი”;

ბ) საქართველოს საინვესტიციო ცენტრი;

გ) საქართველოს საერთაშორისო ხელშეკრულებათა თა­რ­გმნის ბიურო;

დ) საზღვარგარეთ არსებული საქართველოს კულტუ­რული მემკვიდრეობის დაცვის ცენტრი.

2. კანონმდებლობით დადგენილი წესით საჯარო სა­მარ­თლის იურიდიული პირის ხელმძღვანელს თანამ­დებობაზე ნიშნავს და თანამდებობიდან ათავისუფლებს საქართველოს სა­გარეო საქმეთა მინისტრი”.

6. საქართველოს საგარეო საქმეთა სამინისტრომ სტრუქ­­ტურული ცვლილებები განახორციელოს ,,საქარ­თველოს 2005 წლის სახელმწიფო ბიუჯეტის შესახებ” საქართველოს კანონით დამტკიცებულ მომუშავეთა რიცხოვნობისა და ასი­გნებათა ფარგლებში.

7. ა) დადგენილება, გარდა მეხუთე პუნქტისა, ამოქ­მედდეს გამოქვეყნებისთანავე;

ბ) დადგენილების მეხუთე პუნქტი ამოქმედდეს    2005 წლის 10 მაისიდან.

ზ. ნოღაიდელი