“ხონის მუნიციპალიტეტის გამგეობის დებულების დამტკიცების შესახებ” ხონის მუნიციპალიტეტის საკრებულოს 2010 წლის 4 აგვისტოს №5 დადგენილებაში ცვლილებების შეტანის თაობაზე

ხონის მუნიციპალიტეტის საკრებულოს

დადგენილება №15

2010 წლის14 სექტემბერი

ქ. ხონი

„ხონის მუნიციპალიტეტის გამგეობის დებულების დამტკიცების შესახებ“ ხონის მუნიციპალიტეტის საკრებულოს 2010 წლის 4 აგვისტოს №5 დადგენილებაში ცვლილებების შეტანის თაობაზე

ზოგადი ადმინისტრაციული კოდექსის 63-ე მუხლის საფუძველზე, ხონის მუნიციპალიტეტის გამგეობა ადგენს:

 მუხლი 1. „ხონის მუნიციპალიტეტის გამგეობის დებულების დამტკიცების შესახებ” ხონის მუნიციპალიტეტის საკრებულოს 2010 წლის 4 აგვისტოს №5 დადგენილებაში შეტანილ იქნეს შემდეგი ცვლილებები:

1. დებულების მე-2 მუხლის პირველი პუნქტი ჩამოყალიბდეს შემდეგი რედაქციით:

„1. გამგეობა საქმიანობას წარმართავს საქართველოს კონსტიტუციის, ადგილობრივი თვითმმართველობის შესახებ ევროპის ქარტიის, „ადგილობრივი თვითმმართველობის შესახებ“ საქართველოს ორგანული კანონის, მოქმედი კანონმდებლობის და ამ დებულების შესაბამისად.“.

2. დებულების მე-3 მუხლის მე-2 პუნქტი ჩამოყალიბდეს შემდეგი რედაქციით:

„2. გამგეობის ადმინისტრაციული წარმოების საფუძვლები განისაზღვრება ,,ადგილობრივი თვითმმართველობის შესახებ“ საქართველოს ორგანული კანონით, საქართველოს ზოგადი ადმინისტრაციული კოდექსით, საქართველოს ადმინისტრაციული საპროცესო კოდექსით, „ნორმატიული აქტების შესახებ“ საქართველოს კანონით და საქართველოს პრეზიდენტის 1999 წლის 1 ივლისის № 518 ბრძანებულებით დამტკიცებული ,,საქმისწარმოების ერთიანი წესებით”.“.

3. დებულების მე-7 მუხლის მე-2 პუნქტის „დ“ ქვეპუნქტი ჩამოყალიბდეს შემდეგი რედაქციით:

დ) „ამტკიცებს გამგეობის შინაგანაწესს, საშტატო ნუსხასა და თანამდებობრივ ინსტრუქციებს”

4. დებულების 30-ე მუხლის „გ“ ქვეპუნქტი ამოღებულ იქნეს.

5. დებულების მე-8 მუხლის მე-2 პუნქტი ჩამოყალიბდეს შემდეგი რედაქციით:

„2. გამგებელს საკრებულოს თანხმობით თანამდებობაზე ნიშნავს და ათავისუფლებს საკრებულოს თავმჯდომარე. გამგებლის თანამდებობაზე დანიშვნა-გათავისუფლების წესი, „ადგილობრივი თვითმმართველობის შესახებ“ საქართველოს ორგანული კანონისა და „საჯარო სამსახურის შესახებ“ საქართველოს კანონის შესაბამისად, განისაზღვრება ამ დებულებით.“.

6. დებულების მე-10 მუხლის მე-2 პუნქტის „დ“ ქვეპუნქტი ამოღებულ იქნეს.

7. დებულების მე-8 მუხლის მე-4 პუნქტი ჩამოყალიბდეს შემდეგი რედაქციით:

„4. გამგეობის სტრუქტურული ერთეულის ხელმძღვანელის მიერ თანამდებობრივ უფლებამოსილებათა შესრულების შეუძლებლობის შემთხვევაში მის მოვალეობას, გამგებლის დავალებით, ასრულებს სტრუქტურული ერთეულის ერთ-ერთი მოხელე.“.

8. დებულების მე-12 მუხლის სათაური ჩამოყალიბდეს შემდეგი რედაქციით:

     „მუხლი 12. გამგეობის სტრუქტურა”.

9. დებულების მე-5 თავის მე-16 მუხლი ამოღებულ იქნეს .

10. დებულების მე-5 თავის 21-ე მუხლი ამოღებულ იქნეს.

მუხლი 2. დადგენილება ძალაშია კანონმდებლობით დადგენილი წესით გამოქვეყნებისთანავე.

საკრებულოს თავმჯდომარე                                                                                            გ. გელენიძე