„იმ თანამდებობის პირთა თანამდებობრივი ნუსხის დამტკიცების შესახებ, რომელთაც უფლება აქვთ ატარონ სამსახურებრივ-საშტატო იარაღი“ საქართველოს პრეზიდენტის 2003 წლის 27 ოქტომბრის №538 ბრძანებულებაში ცვლილების შეტანის თაობაზე“

საქართველოს პრეზიდენტის

ბრძანებულება №237

2007 წლის 10 აპრილი

ქ. თბილისი

„იმ თანამდებობის პირთა თანამდებობრივი ნუსხის დამტკიცების შესახებ, რომელთაც უფლება აქვთ ატარონ სამსახურებრივ-საშტატო იარაღი“ საქართველოს პრეზიდენტის 2003 წლის 27 ოქტომბრის №538 ბრძანებულებაში ცვლილების შეტანის თაობაზე

1. „ნორმატიული აქტების შესახებ“ საქართველოს კანონის 36-ე მუხლის შესაბამისად, „იმ თანამდებობის პირთა თანამდებობრივი ნუსხის დამტკიცების შესახებ, რომელთაც უფლება აქვთ ატარონ სამსახურებრივ-საშტატო იარაღი“ საქართველოს პრეზიდენტის 2003 წლის 27 ოქტომბრის №538 ბრძანებულების (სსმ III, 2003 წ., №126, მუხ. 1050) პირველი პუნქტით დამტკიცებულ ნუსხაში შეტანილ იქნეს ცვლილება და ნუსხის მე-5 მუხლი ჩამოყალიბდეს შემდეგი რედაქციით:

     „მუხლი 5. საქართველოს ფინანსთა სამინისტროს სისტემაში:

1. მინისტრის პირველი მოადგილე, მინისტრის მოადგილე.

2. სამინისტროს ადმინისტრაციული დეპარტამენტის ინფორმაციის დაცვის სამმართველოს უფროსი.

3. სახელმწიფო საქვეუწყებო დაწესებულების ხელმძღვანელი.

4. შემოსავლების სამსახურის:

ა) უფროსის მოადგილე;

ბ) სტრუქტურული ქვედანაყოფის უფროსი და მისი მოადგილე (გარდა საგადასახადო და საბაჟო საკითხებში სტრუქტურული ქვედანაყოფის უფროსისა და მისი მოადგილისა);

გ) საგამოძიებო და ოპერატიულ-სამძებრო საქმიანობის საკითხებში შემოსავლების სამსახურის სტრუქტურული ერთეულის უფროსი გამომძიებელი, გამომძიებელი, უფროსი ოპერატიული თანამშრომელი, ოპერატიული თანამშრომელი, უფროსი ინსპექტორი, ინსპექტორი;

დ) სპეციალური დანიშნულების რაზმის თანამშრომელი;

ე) საგადასახადო ინსპექციის უფროსი, მსხვილ გადამხდელთა და აქციზის გადამხდელთა საგადასახადო ინსპექციების უფროსები;

ვ) საბაჟო საკითხებში მასმედიასთან ურთიერთობისა და საიდუმლო საქმისწარმოების სამსახურის საიდუმლო საქმისწარმოების განყოფილების შეიარაღებისთვის პასუხისმგებელი თანამშრომელი;

ზ) საბაჟო კონტროლის ორგანიზაციის სამმართველოს გაცილების განყოფილების უფროსი;

თ) რეგიონალური საბაჟოს უფროსი და მისი მოადგილე;

ი) რეგიონალური საბაჟოების საბაჟო გაფორმების განყოფილებების უფროსი;

კ) საბაჟო საგუშაგოს უფროსი და მისი მოადგილე;

ლ) საბაჟო გამშვები პუნქტის უფროსი და მისი მოადგილე.“.

2. ბრძანებულება ამოქმედდეს გამოქვეყნებისთანავე.

მ. სააკაშვილი