საქართველოს განათლებისა და მეცნიერების სამინისტროს სისიტემაში შემავალი ზოგიერთი სამეცნიერო-კვლევითი დაწესებულების ლიკვიდაციისა და მათ ბაზაზე საჯარო სამართლის იურიდიული პირის -სიცოცოხლის შემსწავლელ მეცნიერებათა ცენტრის შექმნის შესახებ

საქართველოს მთავრობის

დადგენილება №276

2010 წლის 10 სექტემბერი

ქ. თბილისი

საქართველოს განათლებისა და მეცნიერების სამინისტროს სისტემაში შემავალი ზოგიერთი სამეცნიერო-კვლევითი დაწესებულების ლიკვიდაციისა და მათ ბაზაზე საჯარო სამართლის იურიდიული პირის – სიცოცხლის შემსწავლელ მეცნიერებათა ცენტრის შექმნის შესახებ

    მუხლი 1

„მეცნიერების, ტექნოლოგიების და მათი გან­ვითარების შესახებ“ საქართველოს კანონის 10¹ მუხლის პირ­ველი პუნქტის, „საჯარო სამართლის იურიდიული პირის შე­სახებ“ საქართველოს კანონის მე-17 მუხლისა და საქართვე­ლოს ზოგადი ადმინისტრაციული კოდექსის 61-ე მუხ­­ლის შესაბამისად:

1. განხორციელდეს საჯარო სამართლის იურიდიული პი­რების – ივანე ბერიტაშვილის ფიზიოლოგიის ინსტიტუტის, რა­დი­ობიოლოგიისა და რადიაციული ეკოლოგიის ცენტრის, მოლეკულური ბიოლოგიისა და ბიოლოგიური ფიზიკის ინსტი­ტუტის, ექსპერიმენტული ნევროლოგიის სამეცნიერო-კვლე­ვითი ცენტრის ლიკვიდაცია 2010 წლის 1 ნოემბრამდე და მათ ბაზაზე შეიქმნას საჯარო სამართლის იურიდიული პირი – სიცოცხლის შემსწავლელ მეცნიერებათა ცენტრი.

2. საჯარო სამართლის იურიდიული პირი – სიცოცხლის შემსწავლელ მეცნიერებათა ცენტრი (შემდგომში – ცენტრი) ჩა­ითვალოს საჯარო სამართლის იურიდიული პი­რების – ივა­ნე ბერიტაშვილის ფიზიოლოგიის ინსტიტუტის, რა­დი­ობიო­ლო­გიისა და რადიაციული ეკოლოგიის ცენტრის, მო­ლეკ­უ­ლუ­რი ბიოლოგიისა და ბიოლოგიური ფიზიკის ინსტი­ტუტის, ექ­სპე­რიმენტული ნევროლოგიის სამეცნიერო-კვლე­ვითი ცენტრის უფლება­მონაცვლედ.

3. საქართველოს განათლებისა და მეცნიერების სამი­ნისტრომ უზრუნველყოს:

ა) საჯარო სამართლის იურიდიული პი­რების – ივანე ბერიტაშვილის ფიზიოლოგიის ინსტიტუტის, რა­დი­ობიოლო­გი­ისა და რადიაციული ეკოლოგიის ცენტრის, მო­ლეკ­ულური ბიოლოგიისა და ბიოლოგიური ფიზიკის ინსტი­ტუტის, ექსპერი­მენტული ნევროლოგიის სამეცნიერო-კვლე­ვითი ცენტრის ლიკ­ვი­დატორების დანიშვნა;

 ბ) შესაბამისი ნორმატიული აქტების გამოცემა საჯარო სამართლის იურიდიული პი­რების – ივანე ბერიტაშვილის ფი­ზიოლოგიის ინსტიტუტის, რა­დი­ობიოლოგიისა და რადია­ციული ეკოლოგიის ცენტრის, მო­ლეკ­ულური ბიოლოგიისა და ბიოლოგიური ფიზიკის ინსტი­ტუტის, ექსპერიმენტული ნევრო­ლოგიის სამეცნიერო-კვლე­ვითი ცენტრის ლიკვიდაციის დასრულებისთანავე;

გ) ცენტრის სახელმწიფო კონტროლი;

დ) ცენტრის წესდების დამტკიცება და ცენტრის დირექ­ტორის მოვალეობის შემსრულებლის კანდიდატურის საქარ­თვე­ლოს პრემიერ-მინისტრისათვის წარდგენა.

4. საქართველოს ფინანსთა სამინისტრომ საქართველოს სა­ბიუჯეტო კოდექსის 31-ე მუხლის შესაბამისად, საქართვე­ლოს გა­ნათლებისა და მეცნიერების სამინისტროს მიერ წარ­დგენილ წინადადებათა საფუძველზე განახორციელოს შესა­ბამისი ცვლ­ი­­­­ლე­ბები საქართველოს განათლებისა და მეც­ნი­ერების სამი­ნისტროსათვის წლიური საბიუჯეტო კანონით დამ­­ტკი­ცე­ბულ ორგანიზაციულ კლასიფიკაციასა და კვარ­ტა­ლურ განწე­რაში.

5. 2010 წლის 1 ნოემბრიდან ძალადაკარგულად გამო­ცხა­დ­დეს „სახელმწიფო სამეცნიერო-კვლევით დაწესებულებათა სა­ჯა­­რო სამართლის იურიდიულ პირებად დაფუძნების შესახებ“ საქართველოს მთავრობის 2006 წლის 16 მარტის №58 დად­გე­ნი­ლების პირველი მუხლის 24-ე, 27-ე და 31-ე პუნქტები.

    მუხლი 2

დადგენილება ამოქმედდეს გამოქვეყნების­თა­ნავე.

 პრემიერ-მინისტრი     ნ. გილაური