„ქედის მუნიციპალიტეტის გამგეობის ჯანმრთელობისა და სოციალური დაცვის სამსახურის დებულების დამტკიცების შესახებ“ ქედის მუნიციპალიტეტის საკრებულოს 2010 წლის 19 მარტის №14 დადგენილებაში ცვლილებების შეტანის თაობაზე

ქედის მუნიციპალიტეტის საკრებულოს

დადგენილება №25

2010 წელი 3 სექტემბერი

დაბა ქედა

„ქედის მუნიციპალიტეტის გამგეობის ჯანმრთელობისა და სოციალური დაცვის სამსახურის დებულების დამტკიცების შესახებ“ ქედის მუნიციპალიტეტის საკრებულოს 2010 წლის             19 მარტის №14 დადგენილებაში ცვლილებების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის შესაბამისად, ქედის მუნიციპალიტეტის საკრებულო ადგენს:

1. „ქედის მუნიციპალიტეტის გამგეობის ჯანმრთელობისა და სოციალური დაცვის სამსახურის დებულების დამტკიცების შესახებ“ ქედის მუნიციპალიტეტის საკრებულოს 2010 წლის 19 მარტის №14 დადგენილებაში (გაზეთი „აჭარა“, №32; 23.03.10; გვ.6) შეტანილ იქნეს ცვლილებები და დადგენილებით დამტკიცებული დებულების:

ა) პირველი მუხლის 1-ლი და მე-2 პუნქტები ჩამოყალიბდეს შემდეგი რედაქციით:

„1. ქედის მუნიციპალიტეტის გამგეობის ჯანმრთელობისა და სოციალური დაცვის სამსახური (შემდგომში – სამსახური) წარმოადგენს ქედის მუნიციპალიტეტის გამგეობის სტრუქტურულ ერთეულს, რომელიც თავის საქმიანობაში ხელმძღვანელობს საქართველოს კონსტიტუციით, „ადგილობრივი თვითმმართველობის შესახებ“ საქართველოს ორგანული კანონით, საქართველოს სხვა საკანონმდებლო და კანონქვემდებარე ნორმატიული აქტებით, „ქედის მუნიციპალიტეტის გამგეობის დებულებით“, მუნიციპალიტეტის საკრებულოს სხვა შესაბამისი სამართლებრივი აქტებით და ამ დებულებით.“.

2. სამსახური შექმნილია „ადგილობრივი თვითმმართველობის შესახებ“ საქართველოს ორგანული კანონისა და „ქედის მუნიციპალიტეტის გამგეობის დებულების“ შესაბამისად.“.

ბ) მე-5 მუხლის 1-ლი პუნქტის „პ“ ქვეპუნქტი ჩამოყალიბდეს შემდეგი რედაქციით:

„პ) თავისი კომპეტენციის ფარგლებში ასრულებს საკრებულოს, საკრებულოს თავმჯდომარისა და გამგებლის ცალკეულ დავალებებს;“.

2. ეს დადგენილება ამოქმედდეს გამოქვეყნებისთანავე.

საკრებულოს თავმჯდომარე    ბ. დიასამიძე