„თვითმმართველი ქალაქი რუსთავის მერიის დებულების დამტკიცების შესახებ“ თვითმმართველი ქალაქი რუსთავის საკრებულოს 2010 წლის 2 ივლისის №8 დადგენილებაში ცვლილებების შეტანის თაობაზე

თვითმმართველი ქალაქი რუსთავის საკრებულოს

დადგენილება №18

2010 წლის 9 სექტემბერი

ქ რუსთავი

„თვითმმართველი ქალაქი რუსთავის  მერიის დებულების დამტკიცების შესახებ“ თვითმმართველი ქალაქი რუსთავის საკრებულოს 2010 წლის 2 ივლისის №8 დადგენილებაში ცვლილებების შეტანის თაობაზე

„ადგილობრივი თვითმმართველობის შესახებ“ საქართველოს ორგანული კანონის 44-ე მუხლის პირველი პუნქტის, „ნორმატიული აქტების შესახებ“ საქართველოს კანონის მე-20 მუხლის შესაბამისად, თვითმმართველი ქალაქი რუსთავის საკრებულო ადგენს:

    მუხლი 1

დადგენილებით დამტკიცებული „თვითმმართველი ქალაქი რუსთავის მერიის დებულებაში“ შევიდეს შემდეგი ცვლილებები:

1. დებულების მე-7 მუხლის პირველი პუნქტის „ყ“ ქვეპუნქტი ჩამოყალიბდეს ახალი რედაქციით:

„ყ) მერიის შესაბამისი სამსახურის დასკვნის საფუძველზე ხელს აწერს  მშენებლობის ნებართვებს, შენობა-ნაგებობების ვარგისიანად აღიარების (ექსპლუატაციაში მიღების) აქტებს.

მერის მიერ მომზადებული წინადადებების შესაბამისად , აძლევს მას თანხმობას იმ სამუშაოთა განხორციელების თაობაზე, რომელიც უკავშირდება მშენებლობებსა და საზოგადოებრივი სივრცის გამოყენებას, თუ ამ სამუშაოთა განხორციელება არ მოითხოვს მშენებლობის ნებართვის გაცემას;“ .

2. მე-13 მუხლის მე-3 პუნქტი ჩამოყალიბდეს ახალი რედაქციით:

„3. ურბანული დაგეგმარებისა და ტრანსპორტის განვითარების სამსახურის ძირითადი ფუნქციებია:

თვითმმართველი ქალაქი რუსთავის სივრცითი ტერიტორიული დაგეგმვისა და ქალაქმშენებლობის დოკუმენტების შემუშავება; 

მშენებლობის ნებართვის გაცემისათვის ადმინისტრაციული წარმოების ჩატარება და დასკვნის მომზადება;

შენობა -ნაგებობის ვარგისიანად აღიარებისათვის (ექსპლუატაციაში მიღება) ადმინისტრაციული წარმოების ჩატარება და დასკვნის მომზადება.“ .

    მუხლი 2

დადგენილება ძალაშია გამოქვეყნებისთანავე.

საკრებულოს თავმჯდომარის

მოვალეობის შემსრულებელი კ. ბარათაშვილი