Document structure
View explanations
Referenced documents
Document Highlights
Consolidated publications
On Establishing the Legal Entity Under Public Law (LEPL) Called '112' of the Ministry of Internal Affairs of Georgia | |
---|---|
Document number | 5339-IIს |
Document issuer | Parliament of Georgia |
Date of issuing | 24/11/2011 |
Document type | Law of Georgia |
Source and date of publishing | Website, 111205026, 05/12/2011 |
Expiration Date | 31/12/2019 |
Registration code | 040030000.05.001.016485 |
Consolidated publications |
Initial version (05/12/2011 - 19/12/2019)
საქართველოს შინაგან საქმეთა სამინისტროს საჯარო სამართლის იურიდიული პირის – „112“ -ის შექმნის შესახებ
ამ კანონის მიზანია საქართველოს შინაგან საქმეთა სამინისტროს საჯარო სამართლის იურიდიული პირის – „112“-ის (შემდგომ – „112“ ) შექმნა, მისი საქმიანობის ძირითადი პრინციპებისა და მიმართულებების განსაზღვრა.
მუხლი 2. „112“-ის საქმიანობის სამართლებრივი საფუძველი
„112“-ის საქმიანობის სამართლებრივი საფუძველია საქართველოს კანონმდებლობა და „112“-ის დებულება, რომელსაც ამტკიცებს საქართველოს შინაგან საქმეთა მინისტრი (შემდგომ – მინისტრი).
მუხლი 3. „112“-ის სამართლებრივი სტატუსი
„112“ არის ამ კანონით დაფუძნებული, საქართველოს შინაგან საქმეთა სამინისტროს მმართველობის სფეროში მოქმედი საჯარო სამართლის იურიდიული პირი.
მუხლი 4. „112“-ის მიზანი და საქმიანობის ძირითადი მიმართულებები
1. „112“-ის მიზანია სხვა უფლებამოსილ სუბიექტებთან კოორდინირებული საქმიანობით საგანგებო სიტუაციებსა და საქართველოს კანონმდებლობით განსაზღვრულ სხვა შემთხვევებში გადაუდებელი დახმარების ოპერატიული და ეფექტიანი მართვა და ამ მიზნით შეტყობინებების მიღება ერთიანი სატელეფონო ნომრის − „ 112“-ის − საშუალებით.
2. „112“-ის საქმიანობის ძირითადი მიმართულებებია:
ა) საგანგებო სიტუაციებისა და გადაუდებელი დახმარების აუცილებლობის სხვა შემთხვევების შესახებ შეტყობინებების მიღება, დამუშავება, შეფასება და მათზე შემდგომი რეაგირებისათვის შესაბამისი სუბიექტებისათვის ინფორმაციის მიწოდება;
ბ) საგანგებო სიტუაციებისა და გადაუდებელი დახმარების აუცილებლობის სხვა შემთხვევების მართვის მიზნით სხვა უფლებამოსილ სუბიექტებთან კოორდინირებული საქმიანობა;
გ) საგანგებო სიტუაციებისა და გადაუდებელი დახმარების აუცილებლობის სხვა შემთხვევების აღრიცხვა, ანალიზი და შესაბამისი სტატისტიკის წარმოება;
დ) „112“-ის კომპეტენციისთვის მიკუთვნებულ საკითხებზე საქართველო ს და უცხო ქვეყნის შესაბამის უწყებებთან/დაწესებულებებთან თანამშრომლობა;
ე) საქართველოს კანონმდებლობით გათვალისწინებული სხვა უფლებამოსილებების განხორციელება.
3. „112“-ის საქმიანობის სფეროში შემავალი საგანგებო სიტუაციებისა და გადაუდებელი დახმარების აუცილებლობის სხვა შემთხვევები, „112“-ის ფუნქციები და უფლებამოსილებები განისაზღვრება „112“-ის დებულებით.
4. ამ მუხლის მე-2 პუნქტით გათვალისწინებულ საკითხებზე შეიძლება გამოიცეს მინისტრის ნორმატიული აქტი.
მუხლი 5. „112“-ის მართვა და წარმომადგენლობა
1. „112“-ს ხელმძღვანელობს „112“-ის დირექტორი , რომელსაც თანამდებობაზე ნიშნავს და თანამდებობიდან ათავისუფლებს მინისტრი.
2. „112“-ის დირექტორი :
ა) წარმოადგენს „112“-ს ;
ბ) იღებს გადაწყვეტილებას (გამოსცემს სამართლებრივ აქტს) „112“-ის კომპეტენციისთვის მიკუთვნებულ საკითხზე;
გ) თანამდებობებ ზე ნიშნავს და თანამდებობებ იდან ათავისუფლებს „112“-ის თანამშრომლებს;
დ) საქართველოს კანონმდებლობით დადგენილი წესით განკარგავს „112“-ის სახსრებსა და ქონებას;
ე) ახორციელებს „112“-ის დებულებით განსაზღვრულ სხვა უფლებამოსილებებს.
3. „112“-ის დირექტორს ჰყავს მოადგილეები, რომლებსაც თანამდებობებ ზე ნიშნავს და თანამდებობებ იდან ათავისუფლებს „112“-ის დირექტორი .
4. „112“-ის დირექტორის მოადგილეების რაოდენობა და უფლებამოსილებები განისაზღვრება „112“-ის დებულებით.
1. „112“ თავის უფლებამოსილებებს ახორციელებს სტრუქტურული ერთეულების მეშვეობით.
2. „112“-ის სტრუქტურა და სტრუქტურული ერთეულების კომპეტენცია განისაზღვრება „112“-ის დებულებით.
1. „112“-ს საკუთარი მიზნების განსახორციელებლად და ფუნქციების შესასრულებლად აქვს ქონება, რომლის შექმნის წესი განისაზღვრება საქართველოს კანონმდებლობით.
2. „112“-ის ქონება შედგება ძირითადი და საბრუნავი საშუალებების , აგრეთვე სხვა მატერიალური ფასეულობებისა და ფინანსური რესურსებისაგან , რომლებ იც აისახება „112“-ის დამოუკიდებელ ბალანსზე.
1. „112“-ის დაფინანსების წყაროებია:
ა) სახელმწიფო ბიუჯეტიდან გამოყოფილი სახსრები;
ბ) ადგილობრივი თვითმმართველი ერთეულის ბიუჯეტიდან გამოყოფილი სახსრები;
გ ) „112“-ის მომსახურების საფასური;
დ) ხელშეკრულების საფუძველზე შესრულებული სამუშაოდან მიღებული შემოსავალი;
ე ) საქართველოს კანონმდებლობით ნებადართული სხვა შემოსავლები.
2. „112“-ის მომსახურების საფასურს, საფასურის გადამხდელი პირების წრეს და მათთან დაკავშირებულ სხვა საკითხებს განსაზღვრავს საქართველოს მთავრობა .
3. ამ მუხლის პირველი პუნქტით გათვალისწინებული სახსრები და შემოსავლები სრულად ხმარდება „112“-ის მიზნების განხორციელებას და საქართველოს შინაგან საქმეთა სამინისტროს სისტემის განვითარების ხელშეწყობას .
მუხლი 9. „112“-ის სახელმწიფო კონტროლი
„112“-ის სახელმწიფო კონტროლს ახორციელებს საქართველოს შინაგან საქმეთა სამინისტრო.
მუხლი 10. „112“-ის საქმიანობის შეწყვეტისა და ლიკვიდაციის წესი
„112“-ის საქმიანობის შეწყვეტა და ლიკვიდაცია ხორციელდება საქართველოს კანონმდებლობით დადგენილი წესით.
თავი III. გარდამავალი და დასკვნითი დებულებები
მუხლი 11. გარდამავალი დებულებები
1. საქართველოს შინაგან საქმეთა მინისტრმა 2012 წლის 1 იანვრამდე :
ა) დაამტკიცოს საქართველოს შინაგან საქმეთა სამინისტროს საჯარო სამართლის იურიდიული პირის – „112“-ის დებულება;
ბ) თანამდებობაზე დანიშნოს საქართველოს შინაგან საქმეთა სამინისტროს საჯარო სამართლის იურიდიული პირის – „112“-ის დირექტორი;
გ) უზრუნველყოს საქართველოს შინაგან საქმეთა სამინისტროს საჯარო სამართლის იურიდიული პირის – „112“-ის შექმნისათვის აუცილებელი სხვა ორგანიზაციული ღონისძიებების განხორციელება.
2 . საქართველოს ეკონომიკისა და მდგრადი განვითარების სამინისტრომ უზრუნველყოს საქართველოს შინაგან საქმეთა სამინისტროს საჯარო სამართლის იურიდიული პირის – „112“-ის ფუნქციონირებისათვის აუცილებელი ქონების საქართველოს კანონმდებლობით დადგენილი წესით „112“-ისათვის გადაცემა.
ეს კანონი ამოქმედდეს გამოქვეყნებისთანავე.
საქართველოს პრეზიდენტი მ. სააკაშვილი
თბილისი,
2011 წლის 24 ნოემბერი.
№ 5339-IIს
Document comments