საქართველოს ადმინისტრაციულ საპროცესო კოდექსში ცვლილების შეტანის შესახებ

1. მე-6 მუხლს დაემატოს შემდეგი შინაარსის „ზ¹“ ქვეპუნქტი:

„ზ¹) „ფსიქიკური ჯანმრთელობის შესახებ“ საქართველოს კანონის მე-18 მუხლის მე-10 პუნქტით გათვალისწინებული ექიმ-ფსიქიატრთა კომისიის/22¹ მუხლის მე-4 და მე-10 პუნქტებით გათვალისწინებული ფსიქიატრიული დაწესებულების სპეციალური კომისიის მიერ არანებაყოფლობითი ფსიქიატრიული დახმარებისადმი/იძულებითი ფსიქიატრიული მკურნალობისადმი დაქვემდებარებული პაციენტის მიმართ მიღებული გადაწყვეტილების (დასკვნის) თაობაზე;“.

2. VII⁴ თავის სათაური ჩამოყალიბდეს შემდეგი რედაქციით:

„ადმინისტრაციული სამართალწარმოება არანებაყოფლობითი ფსიქიატრიული დახმარების/იძულებითი ფსიქიატრიული მკურნალობის მიზნით პირის სტაციონარში მოთავსებასთან დაკავშირებით“.

3. 21²⁰ მუხლის:

ა) სათაური ჩამოყალიბდეს შემდეგი რედაქციით:

„არანებაყოფლობითი ფსიქიატრიული დახმარების მიზნით პირის სტაციონარში მოთავსებასთან დაკავშირებით მოსამართლის ბრძანების (დადგენილების) და ექიმ-ფსიქიატრთა კომისიის/ფსიქიატრიული დაწესებულების სპეციალური კომისიის გადაწყვეტილების (დასკვნის) გასაჩივრება“;

ბ) პირველი ნაწილის შემდეგ დაემატოს შემდეგი შინაარსის 1¹−1³ ნაწილები:

„1¹. „ფსიქიკური ჯანმრთელობის შესახებ“ საქართველოს კანონის მე-18  მუხლის მე-10 პუნქტით გათვალისწინებული ექიმ-ფსიქიატრთა კომისიის/22¹ მუხლის მე-4 პუნქტით გათვალისწინებული ფსიქიატრიული დაწესებულების სპეციალური კომისიის გადაწყვეტილებას (დასკვნას) პაციენტი/მსჯავრდებული, მისი ადვოკატი, კანონიერი წარმომადგენელი ან/და ნათესავი ასაჩივრებს სასამართლოში მხარისთვის ამ გადაწყვეტილების (დასკვნის) ასლის გადაცემიდან 48 საათის ვადაში. აღნიშნულ საჩივარს სასამართლო იხილავს მისი წარდგენიდან 72 საათში. ექიმ-ფსიქიატრთა კომისიის/ფსიქიატრიული დაწესებულების სპეციალური კომისიის გადაწყვეტილების (დასკვნის) გასაჩივრება არ აჩერებს მის მოქმედებას.

1². „ფსიქიკური ჯანმრთელობის შესახებ“ საქართველოს კანონის 22¹ მუხლის მე-10 პუნქტით განსაზღვრულ ფსიქიატრიული დაწესებულების სპეციალური კომისიის გადაწყვეტილებას (დასკვნას) სასამართლო იხილავს ფსიქიატრიული დაწესებულების ადმინისტრაციის მიერ მიმართვიდან 72 საათის ვადაში. ფსიქიატრიული დაწესებულების სპეციალური კომისიის გადაწყვეტილების (დასკვნის) სასამართლოში განხილვა არ აჩერებს მის მოქმედებას.

1³. ამ მუხლის 1¹ და 1² ნაწილებით გათვალისწინებულ შემთხვევაში მიღებული სასამართლო გადაწყვეტილება ფსიქიატრიული დაწესებულების ადმინისტრაციამ, პაციენტმა/მსჯავრდებულმა, მისმა ადვოკატმა, კანონიერმა წარმომადგენელმა ან/და ნათესავმა შეიძლება ამ მუხლით დადგენილი წესით გაასაჩივროს სააპელაციო სასამართლოში.“.

მუხლი 2. ეს კანონი ამოქმედდეს 2026 წლის 1 ნოემბრიდან.