“ცენტრალიზებული და ადგილობრივი წყალმომარაგების სასმელ-სამეურნეო წყლის ქლორით გაუსნებოვნების და წყალსადენის ნაგებობების დეზინფექციის სანიტარული წესების დამტკიცების შესახებ” საქართველოს შრომის, ჯანმრთელობისა და სოციალური დაცვის მინისტრის 2006 წლის 15 სექტემბრის №250/ნ ბრძანებაში ცვლილებების შეტანის თაობაზე”

სახელმწიფო სარეგისტრაციო კოდი 470.150.000.22.035.009.531

საქართველოს შრომის, ჯანმრთელობისა და სოციალური დაცვის მინისტრის ბრძანება №290/ნ

2006 წლის 1 ნოემბერი

ქ. თბილისი

„ცენტრალიზებული და ადგილობრივი წყალმომარაგების სასმელ-სამეურნეო წყლის ქლორით გაუსნებოვნებისა და წყალსადენის ნაგებობების დეზინფექციის სანიტარიული წესების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2006 წლის 15 სექტემბრის №250/ნ ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

    მუხლი 1

„ცენტრალიზებული და ადგილობრივი წყალმომარაგების სასმელ-სამეურნეო წყლის ქლორით გაუსნებოვნებისა და წყალსადენის ნაგებობების დეზინფექციის სანიტარიული წესების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2006 წლის 15 სექტემბრის №250/ნ ბრძანებაში (სსმ III, 2006 წ., №129, მუხლი 1715) შეტანილ იქნეს შემდეგი ხასია-თის ცვლილება: ბრძანების მეოთხე მუხლის მე-19 პუნქტი ჩამოყალიბდეს შემდეგი რედაქციით:

„19. წყალსადენის გეგმური შემოწმებისას და, ასევე, ეპიდჩვენების მიხედვით, უნდა შემოწმდეს წყლის ხარისხის საწარმოო-ლაბორატორიული კონტროლის ჩატარების და ქლორით წყლის დამუშავების იმ მეთოდის შესრულების სისწორე, რომელიც დადგენილია წყალსადენის ექსპლუატაციაზე პასუხისმგებელი ორგანიზაციის მიერ. ყველა შენიშვნა და წინადადება წყალსადენის სათავე ნაგებობების სანიტარიული მდგომარეობის, დამუშავების მეთოდებისა და წყლის ხარისხის გაუმჯობესების შესახებ, შეტანილ უნდა იქნეს სპეციალურ ჟურნალებში, დადგენილი ფორმით და ინახებოდეს წყალსადენის სათავე ნაგებობებზე.“.

    მუხლი 2

ბრძანება ძალაშია გამოქვეყნებისთანავე.

ლ. ჭიპაშვილი