Закон Грузии Об амнистии

Структура документа

View explanations

Связанный документы

Комментарии к документу

Отметки документа

Консолидированный публикации

28/02/2001 30/12/2000
Вернуться назад
Закон Грузии Об амнистии
Номер документа 696
Издатель документа Парламент Грузии
Дата издания 28/12/2000
Тип документа Закон Грузии
Источник опубликования, дата Законодательный Вестник Грузии-ЗВГ, 51, 30/12/2000
Регистрационный код 080.050.000.05.001.000.867
Консолидированный публикации
696
28/12/2000
Законодательный Вестник Грузии-ЗВГ, 51, 30/12/2000
080.050.000.05.001.000.867
Закон Грузии Об амнистии
Парламент Грузии

Консолидированная версия (Окончательный вариант)

საქართველოს კანონი

ამნისტიის შესახებ

ჰუმანიზმის პრინციპიდან გამომდინარე , ეს კანონი ითვალისწინებს იმ პირთა სისხლისსამართლებრივი პასუხისმგებლობისა და სასჯელის მოხდისაგან გათავისუფლებას , რომლებმაც ჩაიდინეს სამხედრო ვალდებულების ან სამხედრო სამსახურის წინააღმდეგ მიმართული დანაშაული .

    მუხლი 1

ეს კანონი ვრცელდება იმ პირზე , რომელსაც 2000 წლის 22 დეკემბრამდე ჩადენილი აქვს 2000 წლის 1 ივნისამდე მოქმედი საქართველოს სისხლის სამართლის კოდექსის ( საქართველოს სსრ უმაღლესი საბჭოს უწყებები , 1961 წ ., №1, მუხ . 10) 81- ე ( საქართველოს შეიარაღებულ ძალებში გაწვევისაგან ან ალტერნატიული შრომითი სამსახურისაგან თავის არიდება ), 811 ( საქართველოს შეიარაღებულ ძალებში გამწვევ კომისიაში გამოცხადებისათვის თავის არიდება ), 261- ე ( სამხედრო ნაწილის ან სამსახურის ადგილის თვითნებურად დატოვება ), 262- ე ( დეზერტირობა ) მუხლებით და საქართველოს სისხლის სამართლის კოდექსის ( საქართველოს საკანონმდებლო მაცნე , №41, 1999 წელი , მუხ . 209) 356- ე ( წვევამდელის მიერ სამხედრო ან ალტერნატიული შრომითი სამსახურისათვის თავის არიდება ), 388- ე ( სამხედრო ნაწილის ან სამსახურის სხვა ადგილის თვითნებურად დატოვება ), 389- ე ( დეზერტირობა ) მუხლებით გათვალისწინებული რომელიმე დანაშაული .

    მუხლი 2

1. სისხლისსამართლებრივი პასუხისმგებლობისა და სასჯელის მოხდისაგან გათავისუფლდეს ის პირი , რომელიც საქართველოს სასამართლოების მიერ მსჯავრდებულია ამ კანონის პირველი მუხლით გათვალისწინებული რომელიმე დანაშაულის ჩადენისათვის .

2. ამნისტიის შეფარდების საკითხს განიხილავს სასამართლო სასჯელაღსრულების დაწესებულების ადგილმდებარეობის მიხედვით .

    მუხლი 3

საქართველოს სისხლის სამართლის საპროცესო კოდექსის 28- ე მუხლის პირველი ნაწილის „ თ “ ქვეპუნქტით გათვალისწინებული წესით არ აღიძრას ან შეწყდეს სისხლის სამართლის საქმეები ამ კანონის პირველი მუხლით გათვალისწინებულ დანაშაულებზე , რომლებიც ჩადენილია 2000 წლის 22 დეკემბრამდე , თუ არ არსებობს კანონიერ ძალაში შესული სასამართლოს გამამტყუნებელი განაჩენი .

    მუხლი 4

ამნისტიის შეფარდების შესახებ მოკვლევისა და წინასწარი გამოძიების ორგანოების დადგენილებას ამტკიცებს პროკურორი დადგენილების გამოტანიდან 5 დღის ვადაში . ამნისტიის შეფარდების საკითხის სასამართლოში განხილვისას პროკურორის მონაწილეობა სავალდებულოა .

    მუხლი 5

ამ კანონის პირველი მუხლით გათვალისწინებული რომელიმე დანაშაულის ჩამდენ პირს , რომელიც თავს არიდებს მოკვლევისა და წინასწარი გამოძიების ორგანოებში , აგრეთვე სასამართლოში გამოცხადებას , ამნისტია შეეხება , თუ ამ კანონის მე -7 მუხლით გათვალისწინებულ ამნისტიის მოქმედების პერიოდში ნებაყოფლობით გამოცხადდება პროცესის მწარმოებელ ორგანოში, ან პროკურატურის ორგანოებს წარუდგენს ნოტარიულად დამოწმებულ განცხადებას მისთვის ამნისტიის შეფარდების შესახებ თანხმობის დადასტურების თაობაზე .

საქართველოს 2001 წლის 28 თებერვლის კანონი №737 – სსმ I, №5, 02 .0 3 . 2001 წ., მუხ.6

    მუხლი 6

ამ კანონით სისხლისსამართლებრივი პასუხისმგებლობისა და სასჯელის მოხდისაგან გათავისუფლებულ პირს მოეხსნას ნასამართლობა .

    მუხლი 7

ეს კანონი ამოქმედდეს გამოქვეყნებისთანავე და შესრულდეს 4 თვის ვადაში .

საქართველოს 2001 წლის 28 თებერვლის კანონი №737 – სსმ I, №5, 02 .0 3 . 2001 წ., მუხ.6

 

საქართველოს პრეზიდენტი        ედუარდ შევარდნაძე .

თბილისი ,

2000 წლის 28 დეკემბერი .

№696 –რს

შეტანილი ცვლილებები:

1. საქართველოს 2001 წლის 28 თებერვლის კანონი №737 – სსმ I, №5, 02 .0 3 . 2001 წ ., მუხ .6

 

 

1. 28/02/2001 - Закон Грузии - 737 - Законодательный Вестник Грузии-ЗВГ, 5, 02/03/2001