On Determining Temporary Procedures for the Administration of the Activities and Services of the Legal Entity under Public Law Called National Bureau of Enforcement, Different From those Established by Legislation, in Order to Prevent the Spread of the Novel Coronavirus (COVID-19)

„საზოგადოებრივი ჯანმრთელობის შესახებ“ საქართველოს კანონის 45³ მუხლის პირველი პუნქტისა და მე-2 პუნქტის „ბ“ ქვეპუნქტის, „იზოლაციისა და კარანტინის წესების დამტკიცების შესახებ“ საქართველოს მთავრობის 2020 წლის 23 მაისის №322 დადგენილებით დამტკიცებული წესების მე-7 მუხლის პირველი პუნქტის „ა“ ქვეპუნქტის საფუძველზე, ვბრძანებ:

ეს ბრძანება  განსაზღვრავს საქართველოს იუსტიციის სამინისტროს მმართველობის სფეროში მოქმედ საჯარო სამართლის იურიდიული პირის – აღსრულების ეროვნულ ბიუროს (შემდგომ – აღსრულების ეროვნული ბიურო) საქმიანობის ადმინისტრირების, მათ შორის,  „სააღსრულებო წარმოებათა შესახებ“ საქართველოს კანონით გათვალისწინებულ ზოგიერთ მომსახურებათა/ქმედებათა განხორციელების და მის მიერ პირთა მომსახურების კანონმდებლობით დადგენილისგან განსხვავებულ დროებით წესებს.

1. აღსრულების ეროვნულ ბიუროს მიეცეს უფლება, მიიღოს/დაარეგისტრიროს და დაიწყოს სააღსრულებო წარმოება სააღსრულებო ფურცლის/აღსრულების ქვემდებარე აქტის დედნის გარეშეც, რომელიც წარდგენილია ამ მუხლის მე-2 პუნქტით დადგენილი წესით. სააღსრულებო ფურცლის სიყალბის შემთხვევაში, პასუხისმგებლობა, მათ შორის სისხლისსამართლებრივი,  ეკისრება მის წარმდგენ პირს.

2. კრედიტორს/განმცხადებელს მიეცეს უფლება, სააღსრულებო წარმოების დაწყების მიზნით, „სააღსრულებო წარმოებათა შესახებ“ საქართველოს კანონის მე-2 მუხლით დადგენილი აღსრულების ქვემდებარე აქტები და ამავე კანონის 25-ე მუხლით გათვალისწინებული დოკუმენტაცია წარადგინოს მოქალაქის პორტალის my.gov.ge ან/და info@nbe.gov.ge ელექტრონული ფოსტის საშუალებით.

3. ელექტრონული ფორმით დოკუმენტაციის წარდგენისას პირის იდენტიფიცირებისთვის აუცილებელია მიწოდებულ იქნეს კრედიტორის ტელეფონის ნომერი, პირადობის მოწმობის ასლი, ხოლო თანხის გადახდევინებასთან დაკავშირებულ სააღსრულებო საქმეებზე – საბანკო დაწესებულების მიერ გაცემული საბანკო რეკვიზიტიც. საჭიროების შემთხვევაში, აღმასრულებლის მიერ გადამოწმდება ამ პუნქტით განსაზღვრული ინფორმაციის სისწორე და კრედიტორისადმი კუთვნილება.

4. მოვალისთვის გაგზავნილ პირველივე შეტყობინებაში მიეთითება, რომ სააღსრულებო წარმოება დაწყებულია კრედიტორის მიერ წარდგენილი ასლის საფუძველზე.

5. იმ შემთხვევაში, თუ დადგინდება, რომ წარდგენილი სააღსრულებო ფურცლის/აღსრულების ქვემდებარე აქტის ასლი არ შეესაბამება დედანს, აღმასრულებელი ვალდებულია, შეწყვიტოს დაწყებული სააღსრულებო წარმოება და მასალები გადააგზავნოს შესაბამის საგამოძიებო ორგანოში.

6. სააღსრულებო წარმოების დაწყების მიზნით, „სააღსრულებო წარმოებათა შესახებ“ საქართველოს კანონის მე-2 მუხლით დადგენილი აღსრულების ქვემდებარე აქტებისა და ამავე კანონის 25-ე მუხლით გათვალისწინებული დოკუმენტაციის, აგრეთვე ნებისმიერი წარმოების (მათ შორის, სააღსრულებო წარმოება, გამარტივებული წარმოება, გადახდისუუნარობის საქმის წარმოება და სხვ.) ფარგლებში დოკუმენტაციის დედნის სახით წარდგენა შესაძლებელია განხორციელდეს მატერიალურად, რისთვისაც აუცილებელია დაინტერესებული პირის მიერ მოქალაქის პორტალის: my.gov.ge-ს საშუალებით მომსახურების მიღების ადგილის, დროისა და რიგის წინასწარ განსაზღვრა. მომსახურების გაწევა ხორციელდება მოქალაქის პორტალზე (my.gov.ge) განხორციელებული  ჯავშნის კოდის წარდგენის შემდეგ.

7. სააღსრულებო წარმოების დაწყების მიზნით, „სააღსრულებო წარმოებათა შესახებ“ საქართველოს კანონის მე-2 მუხლით დადგენილი აღსრულების ქვემდებარე აქტებისა და ამავე კანონის 25-ე მუხლით გათვალისწინებული დოკუმენტაციის, აგრეთვე ნებისმიერი წარმოების (მათ შორის, სააღსრულებო წარმოება, გამარტივებული წარმოება, გადახდისუუნარობის საქმის წარმოება და სხვ.) ფარგლებში დოკუმენტაციის დედნის სახით წარდგენა შესაძლებელია განხორციელდეს მატერიალურად დაზღვეული ფოსტის გამოყენებით. პირის იდენტიფიცირებისთვის აუცილებელია მიწოდებულ იქნეს კრედიტორის/განმცხადებლის ტელეფონის ნომერი, ელექტრონული ფოსტის მისამართი (რომლის მეშვეობით განხორციელდება შემდგომი დოკუმენტაციის/ინფორმაციის მიღება/გაცემა), პირადობის მოწმობის ასლი, ხოლო თანხის გადახდევინებასთან დაკავშირებულ სააღსრულებო საქმეებსა და გამარტივებული წარმოების საქმეებზე ასევე საბანკო დაწესებულების მიერ გაცემული საბანკო რეკვიზიტი. საჭიროების შემთხვევაში, გადამოწმდება ინფორმაციის სისწორე და კრედიტორისადმი/განმცხადებლისადმი კუთვნილება.

8. იმ შემთხვევაში, თუ ამ მუხლით დადგენილი წესით წარდგენილ სააღსრულებო ფურცელს/აღსრულების ქვემდებარე აქტს წარდგენისას არ ახლავს განმცხადებელთან კომუნიკაციისთვის აუცილებელი რეკვიზიტები, აღმასრულებელი უფლებამოსილია არ დაიწყოს აღსრულება. ასეთ შემთხვევაში, აღმასრულებელი არ არის ვალდებული, განმცხადებელს მიაწოდოს ინფორმაცია აღსრულების დაწყების შეუძლებლობის შესახებ. თუ განმცხადებელთან კომუნიკაციისთვის აუცილებელი ინფორმაცია წარდგენილი იქნა ნაწილობრივ, აღმასრულებელი ვალდებულია, მიიღოს ზომები განმცხადებლისთვის ამ საშუალებებით დაკავშირებისთვის და ხარვეზის შესახებ ინფორმაციის მიწოდებისთვის.

9. ნებისმიერი წარმოების (მათ შორის, სააღსრულებო წარმოება, გამარტივებული წარმოება, გადახდისუუნარობის საქმის წარმოება და სხვ.) ფარგლებში, აღსრულების ეროვნულ ბიუროსა და წარმოების მონაწილე პირს/განმცხადებელს, ასევე აღსრულების ეროვნულ ბიუროსა და საბანკო დაწესებულებებს შორის დოკუმენტაციის/ინფორმაციის გაცვლა განხორციელდეს ელექტრონულად ამავე პირის მიერ მითითებული ელექტრონული მისამართის მიხედვით (მოქალაქის პორტალის my.gov.ge ან info@nbe.gov.ge ელექტრონული ფოსტის მეშვეობით).

1. კერძო აღმასრულებელი სააღსრულებო წარმოებას იწყებს მხოლოდ ელექტრონული ფორმით წარდგენილი სააღსრულებო ფურცლის/აღსრულების ქვემდებარე აქტის საფუძველზე. სააღსრულებო ფურცლის სიყალბის შემთხვევაში, პასუხისმგებლობა, მათ შორის სისხლისსამართლებრივი, ეკისრება მის წარმდგენ პირს.

1. ამ ბრძანების, აგრეთვე „ახალი კორონავირუსის (COVID-19) გავრცელების პრევენციის მიზნით „სააღსრულებო წარმოებათა შესახებ“ საქართველოს კანონით გათვალისწინებული ცალკეული საკითხების განსხვავებულად მოწესრიგების თაობაზე“ საქართველოს იუსტიციის მინისტრის 2020 წლის 6 აპრილის №515 ბრძანების მიხედვით ელექტრონულად წარდგენილი სააღსრულებო ფურცლის/აღსრულების ქვემდებარე აქტის საფუძველზე დაწყებული სააღსრულებო წარმოებისას, კრედიტორი ვალდებულია, „იზოლაციისა და კარანტინის წესების დამტკიცების შესახებ“ საქართველოს მთავრობის 2020 წლის 23 მაისის №322 დადგენილების ძალადაკარგულად გამოცხადებიდან არაუგვიანეს 10 სამუშაო დღისა, აღმასრულებელს/კერძო აღმასრულებელს წარუდგინოს სააღსრულებო ფურცლის/აღსრულების ქვემდებარე აქტისა და თანდართული დოკუმენტაციის დედანი. თუ კრედიტორი აღმასრულებლის/კერძო აღმასრულებლის გაფრთხილების მიუხედავად არ შეასრულებს აღნიშნულ ვალდებულებას, სააღსრულებო წარმოება შეწყდება.

2. კრედიტორი ამ მუხლის პირველი პუნქტით გათვალისიწინებული ვალდებულებისაგან არ თავისუფლდება „იზოლაციისა და კარანტინის წესების დამტკიცების შესახებ“ საქართველოს მთავრობის 2020 წლის 23 მაისის №322 დადგენილების ძალადაკარგულად გამოცხადებამდე „სააღსრულებო წარმოებათა შესახებ“ საქართველოს კანონის 34-ე მუხლით გათვალისწინებული საფუძვლებით სააღსრულებო წარმოების შეწყვეტის, ასევე სააღსრულებო წარმოების აღსრულებით დასრულების შემთხვევაში.

3. ამ ბრძანებით დადგენილი წესით დაწყებულ სააღსრულებო წარმოებებზე,  „იზოლაციისა და კარანტინის წესების დამტკიცების შესახებ“ საქართველოს მთავრობის 2020 წლის 23 მაისის №322 დადგენილების ძალადაკარგულად გამოცხადებამდე, „სააღსრულებო წარმოებათა შესახებ“ საქართველოს კანონის 35-ე მუხლით გათვალისწინებული საფუძვლის წარმოშობისას, კრედიტორს დაუბრუნდება მის მიერ ამ ბრძანებით დადგენილი ფორმით წარმოდგენილი სააღსრულებო ფურცელი/ აღსრულების ქვემდებარე აქტი.

აღმასრულებელი/კერძო აღმასრულებელი უფლებამოსილია უძრავი ქონების აღწერა-დაყადაღება განახორციელოს გარეგნული დათვალიერებით და სსიპ – საჯარო რეესტრის ეროვნულ სააგენტოში დაცული მონაცემების გამოყენებით, გარდა განსაკუთრებული შემთხვევით გამოწვეული აუცილებლობისა.

შემფასებელი უფლებამოსილია უძრავი ნივთის შეფასება განახორციელოს გარეგნული დათვალიერებით და სსიპ – საჯარო რეესტრის ეროვნულ სააგენტოში დაცული მონაცემების გამოყენებით, გარდა განსაკუთრებული შემთხვევით გამოწვეული აუცილებლობისა. იგივე წესი გამოიყენება ყველა იმ შემთხვევაში, როდესაც ხორციელდება სხვა სახის ქონების შეფასება, რომლის დროსაც მხედველობაში მიიღება უძრავი ნივთის ღირებულება, ამავე უძრავ ნივთთან მიმართებაში.

1. შეჩერდეს ყადაღის დადება იმ მოძრავ ნივთებზე, რომლებიც განთავსებულია საცხოვრებელ სადგომში.

2. გარდა ამ მუხლის პირველი პუნქტით გათვალისწინებულის შემთხვევისა, განსაკუთრებული შემთხვევით გამოწვეული აუცილებლობისას, აღმასრულებელი/კერძო აღმასრულებელი უფლებამოსილია მოძრავი ქონების აღწერა-დაყადაღება და შესანახად მიბარება, განახორციელოს ელექტრონული ფორმით მესაკუთრის/მფლობელის მიერ წარდგენილი დოკუმენტაციის საფუძველზე (ნივთის დასახელება, მისი განმასხვავებელი ნიშნები, რაოდენობა, ზომა, წონა, ცვეთა, ფოტომასალა და სხვა). მოძრავი ნივთების შესახებ ინფორმაციის მიწოდებისა და დაყადაღებული ქონების შენახვის ვალდებულება, აღმასრულებლის/კერძო აღმასრულებლის მოთხოვნის შემთხვევაში, მოძრავი ნივთის მესაკუთრეს/მფლობელს დაეკისრება.

3. ყადაღადადებული ქონების მესაკუთრეს და მინდობილ პირს – შემნახველს ელექტრონული ფორმით ეგზავნება ქონების აღწერისა და დაყადაღების აქტი და განემარტება, რომ ყადაღადადებული ქონების ნებისმიერი ფორმით განკარგვა გამოიწვევს პასუხისმგებლობას საქართველოს სისხლის სამართლის კანონმდებლობით გათვალისწინებული წესით.

4. შეჩერდეს დაყადაღებული ნივთების ამოღება/გამოტანა, რომელიც შესანახად ჩაბარდა მოვალეს ან სხვა პირს.

 

1. სხვისი მფლობელობიდან ან/და სარგებლობიდან უძრავი ქონების გამოთხოვის საქმეებზე, „სააღსრულებო წარმოებათა შესახებ“ საქართველოს კანონის 84-ე მუხლის მე-3 პუნქტის საფუძველზე, მოვალისათვის წერილობით გაფრთხილების გაგზავნა მოხდეს ამავე პუნქტის „დ“ ქვეპუნქტით გათვალისწინებული იძულების წესით გამოსახლების (გამოყვანის) თარიღისა და დროის მითითების გარეშე.

ეს ბრძანება მოქმედებს 2020 წლის 15 ივლისამდე და ვრცელდება 2020 წლის 23 მაისიდან წარმოშობილ ურთიერთობებზე.