,,საქართველოს ფინანსთა სამინისტროს ცენტრალური აპარატის საჯარო მოსამსახურეთა დამატებითი საკვალიფიკაციო მოთხოვნების დამტკიცების შესახებ“ საქართველოს ფინანსთა მინისტრის 2006 წლის 12 იანვრის №50 ბრძანებაში ცვლილებების შეტანის თაობაზე“

სახელმწიფო სარეგისტრაციო კოდი 010.320.040.22.033.012.254

საქართველოს ფინანსთა მინისტრის

ბრძანება №781

2008 წლის 10 ოქტომბერი

ქ. თბილისი

,,საქართველოს ფინანსთა სამინისტროს ცენტრალური აპარატის საჯარო მოსამსახურეთა დამატებითი საკვალიფიკაციო მოთხოვნების დამტკიცების შესახებ“ საქართველოს ფინანსთა მინისტრის 2006 წლის 12 იანვრის №50 ბრძანებაში ცვლილებების შეტანის თაობაზე

,,ნორმატიული აქტების შესახებ“ საქართველოს კანონის 36-ე მუხლის საფუძველზე, ვბრძანებ:

მუხლი 1. ,,საქართველოს ფინანსთა სამინისტროს ცენტრალური აპარატის საჯარო მოსამსახურეთა დამატებითი საკვალიფიკაციო მოთხოვნების დამტკიცების შესახებ“ საქართველოს ფინანსთა მინისტრის 2006 წლის 12 იანვრის №50 ბრძანებაში (სსმ III, 17.12.2006წ., №6, მუხ.50) შეტანილ იქნეს შემდეგი ცვლილებები:

1. ბრძანების 1¹ მუხლი ჩამოყალიბდეს შემდეგი რედაქციით:

,,მუხლი 1¹. საქართველოს ფინანსთა სამინისტროს ცენტრალური აპარატის საჯარო მოსამსახურეთა (გარდა II და V თავებში მოცემული თანამდებობებისა) უმაღლესი განათლების საკვალიფიკაციო მოთხოვნის ალტერნატიულ მოთხოვნად განისაზღვროს უმაღლესი ტექნიკური განათლება (სპეციალობებით: ფიზიკოსი, მათემატიკოსი, ინფორმატიკოსი და სხვა ზუსტი სამეცნიერო დარგების სპეციალობები, რომელიც უკავშირდება კომპიუტერულ და ქსელურ ტექნოლოგიებს, პროგრამულ უზრუნველყოფასა და სისტემურ-მათემატიკურ ანალიზს).“.

2. ბრძანებით დამტკიცებული საქართველოს ფინანსთა სამინისტროს ცენტრალური აპარატის საჯარო მოსამსახურეთა დამატებითი საკვალიფიკაციო მოთხოვნების:

ა) მე-17 მუხლის მე-6 პუნქტის ,,ა“ ქვეპუნქტი ჩამოყალიბდეს შემდეგი რედაქციით:

,,ა) უმაღლესი ეკონომიკური ან ტექნიკური განათლება (უპირატესობა ენიჭებათ უმაღლესი ფინანსური და ბუღალტრული განათლების მქონე პირებს);“;

ბ) მე-17 მუხლის მე-7 პუნქტის ,,ა“ ქვეპუნქტი ჩამოყალიბდეს შემდეგი რედაქციით:

,,ა) უმაღლესი ეკონომიკური ან ტექნიკური განათლება (უპირატესობა ენიჭებათ უმაღლესი ფინანსური და ბუღალტრული განათლების მქონე პირებს);“;

გ) მე-17 მუხლის მე-8 პუნქტის ,,ა“ ქვეპუნქტი ჩამოყალიბდეს შემდეგი რედაქციით:

,,ა) უმაღლესი ეკონომიკური ან ტექნიკური განათლება (უპირატესობა ენიჭებათ უმაღლესი ფინანსური და ბუღალტრული განათლების მქონე პირებს);“.

მუხლი 2. ბრძანება ამოქმედდეს გამოქვეყნებისთანავე.

ნ. გილაური