საქართველოში სპეციალურ კონტროლს დაქვემდებარებული სამკურნალო საშუალებების იმპორტ-ექსპორტის (რეექსპორტის), შეძენის, შენახვის, აღრიცხვის, გაცემის, გამოყენების და რეალიზაციის წესების სრულყოფის შესახებ

საქართველოს ჯანმრთელობის დაცვის სამინისტროს

ბ რ ძ ა ნ ე ბ ა №506/ო

1996 წლის 30 ოქტომბერი

ქ. თბილისი

საქართველოში სპეციალურ კონტროლს დაქვემდებარებული სამკურნალო საშუალებების იმპორტ-ექსპორტის (რეექსპორტის), შეძენის, შენახვის, აღრიცხვის, გაცემის, გამოყენების და  რეალიზაციის წესების სრულყოფის შესახებ

საქართველოში ჯანმრთელობის დაცვის სამინისტროს 1996 წლის 13 მაისის №164-ო ბრძანებით დამტკიცებული, სპეციალურ კონტროლს დაქვემდებარებული სამკურნალო ნარკოტიკული საშუალებების, ძლიერმოქმედი ნივთიერებების, შხამების, ამ ნივთიერებათა წამლის ფორმებისა და  მათი შემცველი კომბინირებული პრეპარატების არასამედიცინო მიზნებით გამოყენების მაქსიმალური აღმოფხვრის, აღნიშნული სამკურნალო საშუალებების შეძენის, შენახვის, აღრიცხვის, წარმოების, გაცემის, გამოყენების, რეალიზაციის წესების სრულყოფისა და მათ ლეგალურ მიმოქცევაზე კონტროლის გამკაცრების მიზნით  ვ ბ რ ძ ა ნ ე ბ :

1. სპეციალური ლიცენზიის მქონე „ა“ ჯგუფის აფთიაქს ნება დაერთოს აწარმოოს ჯანმრთელობის დაცვის სამინისტროს 1996 წლის 13 მაისის №164-ო ბრძანებით დამტკიცებული, მხოლოდ საქართველოში რეგისტრირებული ნარკოტიკული საშუალებების, ძლიერმოქმედი ნივთიერებების, შხამების, ამ ნივთიერებათა წამლის ფორმების და მათი შემცველი კომბინირებული პრეპარატების საცალო რეალიზაცია (გარდა სანარკოზო საშუალებებისა);

– სპეციალური ლიცენზიისა და სარეცეპტურო განყოფილების მქონე „ა“ ჯგუფის აფთიაქს ნება დაერთოს არსებული წესით შეიძინოს ნარკოტიკული საშუალებები, ძლიერმოქმედი ნივთიერებები, შხამები, დაამზადოს ჯანმრთელობის დაცვის სამინისტროს მიერ ნებადართული კომბინირებული სამკურნალო საშუალებები და აწარმოოს მათი საცალო რეალიზაცია;

2. სპეციალური ლიცენზიის მქონე „ბ“ ჯგუფის აფთიაქს ნება დაერთოს აწარმოოს ჯანმრთელობის დაცვის სამინისტროს 1996 წლის 13 მაისის  №164-ო ბრძანებით დამტკიცებული, მხოლოდ საქართველოში რეგისტრირებული ძლიერმოქმედი ნივთიერებების, შხამების, ამ ნივთიერებათა წამლის ფორმებისა და მათი შემცველი კომბინირებული პრეპარატების საცალო რეალიზაცია (გარდა სანარკოზო საშუალებებისა);

– სპეციალური ლიცენზიის და სარეცეპტურო განყოფილების მქონე „ბ“ ჯგუფის აფთიაქს ნება დაერთოს არსებული წესით შეიძინოს ძლიერმოქმედი ნივთიერებები, შხამები, დაამზადოს ჯანმრთელობის დაცვის სამინისტროს მიერ ნებადართული კომბინირებული  სამკურნალო საშუალებები და აწარმოოს მათი საცალო რეალიზაცია;

– სპეციალური ლიცენზიისა მქონე „ბ“ ჯგუფის აფთიაქისათვის ნარკოტიკული სამკურნალო საშუალებების შეძენაზე, ნარკოტიკულ, ძლიერმოქმედ, შხამიან ნივთიერებათა შემცველი კომბინირებული წამლის დამზადებაზე, მათ გაცემასა და საცალო რეალიზაციაზე ნებართვის გაცემის საკითხი წყდება ინდივიდუალურად, ადგილობრივი პირობების გათვალისწინებით;

3. სპეციალური ლიცენზიის მქონე „გ“ ჯგუფის აფთიაქს და სააფთიაქო მაღაზიას ნება დაერთოს აწარმოოს ჯანმრთელობის დაცვის სამინისტროს 1996 წლის 13 მაისის №164/ო ბრძანებით დამტკიცებულ № 6 სიაში მითითებული, მხოლოდ საქართველოში

რეგისტრირებული სამკურნალო საშუალებების საცალო რეალიზაცია გარდა კეტამინის, დროპერიდოლის, ეფედრინის ჰიდროქლორიდის, ფსევდოეფედრინის და ნარკოტიკულ ნივთიერებათა შემცველი კომბინირებული არანარკოტიკული პრეპარატებისა;

4. სპეციალური ლიცენზიის მქონე სახელმწიფო საბითუმო ბაზას ნება დაერთოს აწარმოოს ჯანმრთელობის დაცვის სამინისტროს 1996 წლის 13 მაისის №164-ო ბრძანებით დამტკიცებული, მხოლოდ საქართველოში რეგისტრირებული ნარკოტიკული საშუალებების, ძლიერმოქმედი ნივთიერებების, შხამების, ამ ნივთიერებათა წამლის ფორმების და მათი შემცველი კომბინირებული პრეპარატების იმპორტ-ექსპორტი (რეექსპორტი) და საბითუმო რეალიზაცია;

5. სპეციალური ლიცენზიის მქონე არასახელმწიფო საბითუმო ბაზას ნება დაერთოს, აწარმოოს მხოლოდ ჯანმრთელობის დაცვის სამინისტროს 1996 წლის 13 მაისის №164-ო ბრძანების №6 სიაში მითითებული, საქართველოში რეგისტრირებული სამკურნალო საშუალებების იმპორტ-ექსპორტი (რეექსპორტი) და საბითუმო რეალიზაცია;

6. ნარკოტიკული და ფსიქოტროპული ნივთიერებების ლეგალურ ბრუნვაზე კონტროლის რესპუბლიკურმა ინსპექციამ (შემდგომში ინსპექცია) არასახელმწიფო საბითუმო ბაზების მიერ ძლიერმოქმედი, ან შხამიანი ნივთიერებების იმპორტ-ექსპორტზე (რეექსპორტზე) ნებართვა გასცეს მხოლოდ ჯანმრთელობის დაცვის სამინისტროსთან წინასწარი შეთანხმების საფუძველზე;

7. სპეციალური ლიცენზიის მქონე საწარმოს, განურჩევლად უწყებრივი დაქვემდებარებისა და საკუთრების ფორმისა, მიეცეს უფლება განახორციელოს სპეცკონტროლს დაქვემდებარებული, საქართველოში რეგისტრირებული მხოლოდ იმ ძლიერმოქმედი ნივთიერებების (სუბსტანციების) იმპორტი, რომელიც ესაჭიროება ნებადართული საქმიანობისათვის;

8. ფარმაცევტული საქმიანობის დაწესებულებებმა სპეციალურ კონტროლს დაქვემდებარებული სამკურნალო საშუალებების საიმპორტო და საექსპორტო ოპერაციები განახორციელონ მხოლოდ ჯანმრთელობის დაცვის სამინისტროსთან წინასწარი შეთანხმების შემდეგ;

9. წინამდებარე ბრძანების სახელმწიფო რეგისტრაციაში გატარებიდან 3 თვის შემდეგ სპეციალური ლიცენზიის მქონე სააფთიაქო მაღაზიებს და არასახელმწიფო საბითუმო ბაზებს აეკრძალოთ იმ ძლიერმოქმედი ნივთიერებების, ამ ნივთიერებათა წამლის ფორმებისა და მათი შემცველი კომბინირებული პრეპარატების საცალო და საბითუმო რეალიზაცია, რომლებიც არ არის გათვალისწინებული აღნიშნული ბრძანებით;

10. სამედიცინო და ფარმაცევტულმა დაწესებულებებმა, განურჩევლად უწყებრივი დაქვემდებარებისა და საკუთრების ფორმისა, სპეცკონტროლს დაქვემდებარებული სამკურნალო საშუალებები შეიძინონ მხოლოდ სპეციალური ლიცენზიის მქონე საბითუმო ბაზებიდან;

11. თანახმად „საქართველოს რესპუბლიკაში ნარკოტიკულ და ფსიქოტროპულ საშუალებათა ლეგალური ბრუნვის კონტროლის გადაუდებელ ღონისძიებათა შესახებ“ საქართველოს რესპუბლიკის მინისტრთა კაბინეტის 1995 წლის 16 ნოემბრის №726 დადგენილებისა დაევალოს ინსპექციას, ფინანსთა და იუსტიციის სამინისტროებთან შეთანხმებით, წარმოადგინოს დებულება ინსპექციის მიერ ეკონომიკური სანქციების გატარებისა და ამოღებული სახსრების განაწილების შესახებ;

12. 1997 წლის 1 იანვრიდან სპეციალური ლიცენზიის მქონე საბითუმო ბაზებს აეკრძალოთ სპეცკონტროლს დაქვემდებარებული სამკურნალო საშუალებების საბითუმო რეალიზაცია იმ სამედიცინო დაწესებულებებზე, განურჩევლად უწყებრივი დაქვემდებარებისა და საკუთრების ფორმისა, რომლებიც არ არიან აღრიცხვაზე ნარკოტიკული და ფსიქოტროპული ნივთიერებების ლეგალურ ბრუნვაზე კონტროლის რესპუბლიკურ ინსპექციაში და არ გააჩნიათ სპეციალური ლიცენზია ინსპექციის კონტროლს დაქვემდებარებული სამკურნალო საშუალებების შეძენაზე, შენახვასა და გამოყენებაზე;

დამტკიცდეს:

1. დებულება აფთიაქისათვის (სააფთიაქო მაღაზიისათვის) სპეციალურ კონტროლს დაქვემდებარებული სამკურნალო საშუალებების საცალო რეალიზაციაზე სპეციალური ლიცენზიის გაცემის დროებითი წესის შესახებ

(დანართი 1);

2. დებულება სპეციალურ კონტროლს დაქვემდებარებული სამკურნალო საშუალებების საბითუმო რეალიზაციაზე სპეციალური ლიცენზიის გაცემის დროებითი წესის შესახებ

(დანართი 2);

3. დებულება სპეციალურ კონტროლს დაქვემდებარებული სამკურნალო საშუალებების წარმოებასა და საბითუმო რეალიზაციაზე სპეციალური ლიცენზიის გაცემის დროებითი წესის შესახებ

(დანართი 3);

4. დებულება სტაციონარული და ამბულატორიული მკურნალობით დასაქმებული სამედიცინო დაწესებულებების ინსპექციაში აღრიცხვაზე აყვანის და მათთვის სპეციალურ კონტროლს დაქვემდებარებული სამკურნალო საშუალებების შეძენაზე, შენახვაზე, გაცემაზე და გამოყენებაზე სპეციალური ლიცენზიის გაცემის წესის შესახებ.

(დანართი 4);

5. დებულება სპეციალიზებული სამკურნალო დაწესებულებებიდან პროგრამით გათვალისწინებული ნოზოლოგიებით დაავადებულ ამბულატორიულ ავადმყოფებზე სახელმწიფო პროგრამით შეძენილი, სპეციალურ კონტროლს  დაქვემდებარებული სამკურნალო საშუალებების გამოწერისა და გაცემის დროებითი წესის შესახებ

(დანართი 5);

6. საგნობრივ-რაოდენობრივ აღრიცხვას დაქვემდებარებული ჯანმრთელობის დაცვის სამინისტროს 1996 წლის 13 მაისის №164-ო ბრძანებით დამტკიცებული სამკურნალო საშუალებების ჩამონათვალი

(დანართი 6);

7. სპეციალურ კონტროლს დაქვემდებარებული სამკურნალო საშუალებების სააღრიცხვო ჟურნალის ფორმა

(დანართი 7);

8. ყოველთვიური ანგარიშის ფორმა სპეციალური ლიცენზიის მქონე საბითუმო ბაზების მიერ ბითუმად რეალიზებული სპეცკონტროლს დაქვემდებარებული სამკურნალო საშუალებებისა

(დანართი 8);

9. ყოველთვიური ანგარიშის ფორმა სპეციალური ლიცენზიის მქონე საწარმოს მიერ იმპორტირებულ, ექსპორტირებულ, წარმოებულ და ბითუმად რეალიზირებულ სპეცკონტროლს დაქვემდებარებულ სამკურნალო საშუალებებისა

(დანართი 9);

10. „ა“ და „ბ“ ჯგუფების აფთიაქების ყოველთვიური ანგარიშის ფორმა ნარკოტიკული სამკურნალო საშუალებების ხარჯვაზე

(დანართი 10);

11. შეტყობინების ფორმა სპეციალურ კონტროლს დაქვემდებარებული სამკურნალო საშუალებების იმპორტისა და ექსპორტის შესახებ

(დანართი 11);

გ ა უ ქ მ დ ე ს :

1. საქართველოს ჯანმრთელობის დაცვის სამინისტროს 1994 წლის 28 ოქტომბრის №362-ო ბრძანება და აღნიშნული ბრძანებით დამტკიცებული „აფთიაქში (სააფთიაქო მაღაზიაში) სარეალიზაციოდ ნებადართული ფსიქოტროპული საშუალებების გაყიდვაზე სპეციალური ლიცენზიის გაცემის დროებითი წესები“;

2. საქართველოს ჯანმრთელობის დაცვის სამინისტროს 1995 წლის 30 იანვრის №17-ო ბრძანებით დამტკიცებული №№1, 2, 3, 4, დანართები;

3. საქართველოს ჯანმრთელობის დაცვის სამინისტროს 1995 წლის 3 აგვისტოს №255-ო ბრძანება;

4. საქართველოს ჯანმრთელობის დაცვის სამინისტროს 1995 წლის 22 ნოემბრის №404-ო ბრძანების დანართი № 7.

წინამდებარე ბრძანების შესრულებაზე კონტროლი დაევალოს მინისტრის პირველ მოადგილეს, ბატონ ვლ. გიორგაძეს.

ჯანმრთელობის დაცვის

მ ი ნ ი ს ტ რ ი                                                                                      ა. ჯორბენაძე

შეთანხმებულია:

მინისტრის პირველი მოადგილე ვლ. გიორგაძე

წამლისა და ფარმაცევტული

საქმიანობის დეპარტამენტის

უფროსი  რ. მახარაძე

ნარკოლოგიის ს/კ ინსტიტუტის

დირექტორი გ. ლეჟავა

ფსიქიატრიის ს/კ ინსტიტუტის

დირექტორი  ბ. ნანეიშვილი

მინისტრის მრჩეველი ფარმაციის

საკითხებში მ. გიორგაძე

სწორია:

კანცელარიის გამგე