„საინვესტიციო საბჭოს საქმიანობის წესის დამტკიცების შესახებ“ საქართველოს ეროვნული ბანკის პრეზიდენტის 2020 წლის 25 დეკემბრის №236/04 ბრძანებაში ცვლილების შეტანის თაობაზე

„საინვესტიციო საბჭოს საქმიანობის წესის დამტკიცების შესახებ“ საქართველოს ეროვნული ბანკის პრეზიდენტის 2020 წლის 25 დეკემბრის №236/04 ბრძანებით (www.matsne.gov.ge; 28/12/2020, ს/კ: 240080000.18.011.016534) დამტკიცებულ წესში შეტანილ იქნეს შემდეგი ცვლილება:

1. პირველი მუხლის მე-2 პუნქტის:

ა) „ზ“ ქვეპუნქტი ჩამოყალიბდეს შემდეგი რედაქციით:

„ზ) მთავარი საინვესტიციო ოფიცრის კანდიდატურის შერჩევა და წარდგენა;“;

ბ) „ზ“ ქვეპუნქტის შემდეგ დაემატოს შემდეგი შინაარსის „ზ¹“ ქვეპუნქტი:

„ზ¹) საინვესტიციო რისკების  მთავარი ოფიცრის კანდიდატურის შერჩევა და წარდგენა;“.

2. მე-4 მუხლის:

ა) პირველი და მე-2 პუნქტები ჩამოყალიბდეს შემდეგი რედაქციით:

„1. მთავარი საინვესტიციო ოფიცრისა და სააგენტოს საინვესტიციო სამსახურის დახმარებით, საბჭო შეიმუშავებს საინვესტიციო პოლიტიკის დოკუმენტის პროექტს.

2. საბჭოს თავმჯდომარე უზრუნველყოფს, რომ საინვესტიციო პოლიტიკის დოკუმენტის პროექტი ოფიციალურად წარედგინოს საქართველოს ეროვნულ ბანკს (შემდგომ - ეროვნული ბანკი) ფოსტით ან/და სააგენტოს ელექტრონული დოკუმენტბრუნვის სისტემის საშუალებით, განხილვისა და საინვესტიციო პოლიტიკის დოკუმენტის პროექტის კანონთან შესაბამისობის დადასტურების მიზნით.“;

ბ) მე-5 პუნქტი ჩამოყალიბდეს შემდეგი რედაქციით:

„5. საბჭო  საჭიროებისამებრ, პერიოდულად, თუმცა არანაკლებ წელიწადში ერთხელ, გადასინჯავს, როგორც საინვესტიციო პოლიტიკის დოკუმენტს, ასევე აქტივების განთავსების სტრატეგიას და საჭიროების შემთხვევაში, განაახლებს მათ. საბჭოს აქვს აქტივების განთავსების სტრატეგიისა და მის შედეგად მიღებული ბენჩმარკ პორტფელების განსაზღვრის სრული დისკრეცია, თუ ის შეესაბამება კანონს.“;

გ) მე-7 პუნქტი ამოღებულ იქნეს.

3. მე-5 მუხლი ჩამოყალიბდეს შემდეგი რედაქციით:

„მუხლი 5. მთავარი საინვესტიციო ოფიცრის შერჩევა და თანამდებობიდან გათავისუფლება

1. საბჭო კანონის შესაბამისად, გამჭვირვალე და კონკურენტუნარიანი შესარჩევი კონკურსის საშუალებით შეარჩევს მთავარ საინვესტიციო ოფიცერს და შერჩეულ კანდიდატს წარუდგენს სამეთვალყურეო საბჭოს დანიშვნის მიზნით.

2. მთავარი საინვესტიციო ოფიცრის შერჩევის პროცედურებსა და კრიტერიუმებს ამტკიცებს საბჭო, საბჭოს სხდომის შესაბამისი ოქმით.

3. სააგენტოს დირექტორისთვის დასამტკიცებლად წარდგენამდე, საბჭო იწონებს მთავარი საინვესტიციო ოფიცრის მიერ განსაზღვრულ საინვესტიციო სამსახურის სტრუქტურას.

4. საბჭო უფლებამოსილია მიმართოს სამეთვალყურეო საბჭოს მთავარი საინვესტიციო ოფიცრის გათავისუფლების მოთხოვნით შემდეგ შემთხვევებში:

ა) მთავარი საინვესტიციო ოფიცერი/საინვესტიციო სამსახური ვერ ასრულებს საინვესტიციო პოლიტიკის დოკუმენტით განსაზღვრულ რისკისა და შემოსავლიანობის მიზნებს;

ბ) მთავარი საინვესტიციო ოფიცერი/საინვესტიციო სამსახური არღვევს კანონით განსაზღვრულ ნდობით ვალდებულებას;

გ) მთავარი საინვესტიციო ოფიცრის/საინვესტიციო სამსახურის მიერ საპენსიო აქტივების მართვა იწვევს კანონთან და საინვესტიციო პოლიტიკის დოკუმენტთან რეგულარულ შეუსაბამობას;

დ) სააგენტოს დებულებითა და კანონმდებლობით გათვალისწინებულ სხვა შემთხვევებში.“.

4. მე-5 მუხლის შემდეგ დაემატოს შემდეგი შინაარსის 5¹ მუხლი:

„მუხლი 5¹. საინვესტიციო რისკების მთავარი ოფიცრის შერჩევა და თანამდებობიდან გათავისუფლება

1. საბჭო საინვესტიციო რისკების მთავარ ოფიცერს გამჭვირვალე და კონკურენტუნარიანი შესარჩევი კონკურსის საშუალებით შეარჩევს და შერჩეულ კანდიდატს წარუდგენს სააგენტოს დირექტორს დანიშვნის მიზნით.

2. საინვესტიციო რისკების მთავარი ოფიცრის შერჩევის პროცედურებსა და კრიტერიუმებს ამტკიცებს საბჭო, საბჭოს სხდომის შესაბამისი ოქმით.

3. სააგენტოს საინვესტიციო რისკის მონიტორინგის სამსახურის სტრუქტურას საინვესტიციო საბჭოსთან შეთანხმებით განსაზღვრავს საინვესტიციო რისკების მთავარი ოფიცერი და შემდგომ წარუდგენს სააგენტოს დირექტორს სააგენტოს სტრუქტურაში ასახვისა და დამტკიცების მიზნით.

4. საბჭო უფლებამოსილია სააგენტოს დირექტორს მიმართოს საინვესტიციო რისკების მთავარი ოფიცრის თანამდებობიდან გათავისუფლების მოთხოვნით: