„ჰეპატიტის მართვის სახელმწიფო პროგრამის დამტკიცების შესახებ“ საქართველოს მთავრობის 2015 წლის 20 აპრილის №169 დადგენილებაში ცვლილების შეტანის თაობაზე

1. დადგენილებით დამტკიცებული დანართის („ჰეპატიტის მართვის სახელმწიფო პროგრამა“):

ა) პირველი მუხლი ჩამოყალიბდეს შემდეგი რედაქციით:

„მუხლი 1. პროგრამის მიზანი

პროგრამის მიზანია, საქართველოში ვირუსული ჰეპატიტებით გამოწვეული ავადობის, სიკვდილიანობისა და ინფექციის გავრცელების შემცირება დაავადების პრევენციაზე, დიაგნოსტიკასა და მკურნალობაზე მოსახლეობის ხელმისაწვდომობის უზრუნველყოფის გზით.“;

ბ) მე-2 მუხლის:

ბ.ა) პირველი პუნქტის პრეამბულა ჩამოყალიბდეს შემდეგი რედაქციით:

„1. C ჰეპატიტის მართვის პროგრამის მოსარგებლეები არიან:“;

ბ.ბ) პირველი პუნქტის შემდეგ დაემატოს შემდეგი შინაარსის 1¹ პუნქტი:

„1¹. B ჰეპატიტის მართვის პროგრამის მოსარგებლეები განისაზღვრება  23-ე მუხლის შესაბამისად.“;

გ) მე-3 მუხლის:

გ.ა) პირველი პუნქტი ჩამოყალიბდეს შემდეგი რედაქციით:

„1. C ჰეპატიტის მართვის პროგრამის მე-19 მუხლის მე-2 (გარდა მე-2 პუნქტის „ა“ ქვეპუნქტის „ა.ა.ა.ა“, „ა.ა.ა.ბ“ და „ა.ა.ა.გ“ ქვეპუნქტებისა), მე-3 და მე-4 პუნქტების განმახორციელებელია სააგენტო.“;

გ.ბ) მე-2 პუნქტი ჩამოყალიბდეს შემდეგი რედაქციით:

„2. C ჰეპატიტის მართვის პროგრამის მე-19 მუხლის პირველი პუნქტისა და მე-2 პუნქტის „ა“ ქვეპუნქტის „ა.ა.ა.ბ“ და „ა.ა.ა.გ“ ქვეპუნქტების განმახორციელებელია სამინისტროს სახელმწიფო კონტროლს დაქვემდებარებული სსიპ – ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი (შემდგომში – ცენტრი).“;

გ.გ) მე-2 პუნქტის შემდეგ დაემატოს შემდეგი შინაარსის მე-3 პუნქტი:

„3. B ჰეპატიტის მართვის პროგრამის განმახორციელებლები განისაზღვრება 28-ე მუხლის შესაბამისად.“;

დ) მე-4 მუხლის:

დ.ა) სათაური ჩამოყალიბდეს შემდეგი რედაქციით:

„მუხლი 4. C ჰეპატიტის მართვის პროგრამის მიმწოდებელი“;

დ.ბ) 1² პუნქტი ჩამოყალიბდეს შემდეგი რედაქციით:

„1². პროგრამის მე-19 მუხლის პირველი პუნქტის „ა⁴“ ქვეპუნქტით გათვალისწინებული მომსახურების მიმწოდებელია პირი, რომელიც რეგისტრირებულია საყოველთაო ჯანდაცვის გეგმური ამბულატორიული სერვისის მიმწოდებლად, რომელთანაც რეგისტრირებულია საყოველთაო ჯანდაცვის გეგმური ამბულატორიული სერვისის მიმღები 18 წლისა და მეტი ასაკის ბენეფიციარი, აკმაყოფილებს შესაბამისი საქმიანობისათვის კანონმდებლობით დადგენილ მოთხოვნებს, ეთანხმება ვაუჩერის პირობებს და წერილობით დაადასტურებს პროგრამაში მონაწილეობის სურვილს.“;

დ.გ) მე-8 პუნქტი ჩამოყალიბდეს შემდეგი რედაქციით:

„8. პროგრამის მე-19 მუხლის მე-4 პუნქტით გათვალისწინებული მომსახურების მიმწოდებელი განისაზღვრება მე-5 მუხლის მე-5 პუნქტის მიხედვით.“;

ე) მე-4 მუხლის შემდეგ დაემატოს შემდეგი შინაარსის 4¹ მუხლი:

„მუხლი 4¹. B ჰეპატიტის მართვის პროგრამის მიმწოდებელი განისაზღვრება 27-ე მუხლის შესაბამისად.“;

ვ) მე-5 მუხლის სათაური ჩამოყალიბდეს შემდეგი რედაქციით:

„მუხლი 5. C ჰეპატიტის მართვის პროგრამის განხორციელების მექანიზმები“;

ზ) მე-5 მუხლის შემდეგ დაემატოს შემდეგი შინაარსის 5¹ და 5² მუხლები:

„მუხლი 5¹

B ჰეპატიტის მართვის პროგრამის განხორციელების მექანიზმი განისაზღვრება 26-ე მუხლის შესაბამისად.

მუხლი 5². პროგრამის ბიუჯეტი

პროგრამის ბიუჯეტი განისაზღვრება 5,000.0 ათასი ლარით, შემდეგი ცხრილის შესაბამისად:

თ) III თავის სათაური ჩამოყალიბდეს შემდეგი რედაქციით:

„C ჰეპატიტის მართვის პროგრამის სპეციფიკური პირობები“;

ი) მე-19 მუხლის:

ი.ა) პირველი პუნქტის „ბ¹“ ქვეპუნქტი ჩამოყალიბდეს შემდეგი რედაქციით:

„ბ¹) C ჰეპატიტზე სკრინინგული კვლევით გამოვლენილი დადებითი შედეგების მქონე იმ ბენეფიციართა საკვლევი მასალის აღება, შენახვა და ცენტრის მიერ დადგენილი ლოგისტიკური სქემის ფარგლებში ლაბორატორიაში ტრანსპორტირებისათვის მომზადება, რომელთაც С ჰეპატიტზე სკრინინგით დადებითი სტატუსი განესაზღვრათ ამბულატორიული ტესტირებით, იდენტიფიცირებულნი არიან C ჰეპატიტის სკრინინგის ერთიანი ელექტრონული სისტემის მეშვეობით, მაგრამ არ აქვთ ჩატარებული შემდგომი დიაგნოსტიკური კვლევები. კონფირმაციული კვლევებისადმი გეოგრაფიული ხელმისაწვდომობის უზრუნველყოფის მიზნით, აღნიშნული ბენეფიციარების საკვლევი მასალის აღება, შენახვა და ცენტრის მიერ დადგენილი ლოგისტიკური სქემის ფარგლებში ლაბორატორიაში ტრანსპორტირებისათვის მომზადება განხორციელდება იმ სამედიცინო დაწესებულებებისა და სჯდ ცენტრების მიერ, რომლებიც აკმაყოფილებენ ბიოლოგიური მასალის აღებისათვის კანონმდებლობით დადგენილ ნორმებს და ცენტრის მიერ განსაზღვრული წესით რეგისტრირებულნი არიან განმახორციელებელთან;“;

ი.ბ) მე-2 პუნქტის „ა“ ქვეპუნქტის „ა.გ“ ქვეპუნქტი ამოღებულ იქნეს;

კ) მე-20 მუხლის:

კ.ა) პირველი პუნქტი ჩამოყალიბდეს შემდეგი რედაქციით:

„1. პროგრამის მე-19 მუხლის მე-2 პუნქტით განსაზღვრული მომსახურება ჯგუფდება კატეგორიებად და ფინანსდება ფაქტობრივი ხარჯის მიხედვით, მაგრამ არაუმეტეს დიაგნოსტიკური ჯგუფისათვის დადგენილი ღირებულებისა, №4¹ და №4² დანართებისა და №8 დანართის მე-6 პუნქტის შესაბამისად.“;

კ.ბ) 2¹ პუნქტი ამოღებულ იქნეს;

კ.გ) მე-3 პუნქტი ჩამოყალიბდეს შემდეგი რედაქციით:

„3. პროგრამით გათვალისწინებული მომსახურება, ასევე პროგრამის მე-19 მუხლის მე-3 პუნქტით განსაზღვრული ფარმაცევტული პროდუქტით მოსარგებლეთა უზრუნველყოფა ანაზღაურდება სრულად და პროგრამა არ ითვალისწინებს თანაგადახდას მოსარგებლის მხრიდან.“;

კ.დ) 4² პუნქტი ჩამოყალიბდეს შემდეგი რედაქციით:

„4². პროგრამის მე-18 მუხლის მე-5 და მე-9 პუნქტებით გამოვლენილ ბენეფიციარებს, საჭიროების შემთხვევაში, 100%-ით უნაზღაურდებათ პროგრამის მე-19 მუხლის მე-2 პუნქტის ფარგლებში გათვალისწინებული დიაგნოსტიკური კვლევები, თუ წინა დიაგნოსტიკური კვლევებიდან ან შეწყვეტილი დიაგნოსტიკიდან ან შეწყვეტილი მკურნალობიდან გასულია 2 წელზე მეტი, ექიმის დანიშნულების საფუძველზე.“;

კ.ე) მე-7 პუნქტი ამოღებულ იქნეს;

ლ) 21-ე მუხლი ამოღებულ იქნეს.

2. დანართ №2-ის („პირის მოსარგებლედ ცნობა/პაციენტთა რეგისტრაცია“):

ა) პირველი პუნქტი ჩამოყალიბდეს შემდეგი რედაქციით:

„1. დიაგნოსტიკის კომპონენტში ჩასართავად პაციენტი, რომელსაც ჩატარებული აქვს კვლევა C ჰეპატიტის ვირუსის საწინააღმდეგო ანტისხეულების განსაზღვრის მიზნით და მიღებული აქვს დადებითი პასუხი, მიმართავს სერვისის მიმწოდებელ დაწესებულებას, რომელიც, პირადობის დამადასტურებელი დოკუმენტის საფუძველზე, არეგისტრირებს პაციენტს C ჰეპატიტის მკურნალობის ერთიანი ელექტრონული სისტემის – Elimination C (შემდგომში – Elimination C  სისტემა) მეშვეობით და უზრუნველყოფს აქტიური ინფექციის კონფირმაციისთვის საჭირო კვლევის ჩატარებას.“;

ბ) მე-15 – 21-ე პუნქტები ამოღებულ იქნეს;

გ) 22-ე პუნქტი ჩამოყალიბდეს შემდეგი რედაქციით:

„22. სრულყოფილი დოკუმენტაციის წარდგენის შემთხვევაში, პაციენტი ექვემდებარება მკურნალობის კომპონენტში ჩართვას და აღნიშნულის შესახებ სააგენტო ახდენს პაციენტთა ინფორმირებას სატელეფონო მესიჯის საშუალებით, საბუთების მიღებიდან არაუმეტეს ორი სამუშაო დღისა.“;

დ) 23-ე პუნქტი ამოღებულ იქნეს;

ე) 24-ე და 25-ე პუნქტები ჩამოყალიბდეს შემდეგი რედაქციით:

„24. პროგრამის მე-2 მუხლის პირველი პუნქტის „ბ“ ქვეპუნქტით განსაზღვრული მოსარგებლეების შემთხვევაში, გადაწყვეტილება წერილობით ეცნობება პენიტენციური სამსახურის სამედიცინო დეპარტამენტს.

25. სერვისის მიმწოდებელი დაწესებულება, პირადობის დამადასტურებელი დოკუმენტის მიხედვით, ახორციელებს მკურნალობის კომპონენტში იმ პაციენტების ჩართვას, რომლებსაც Elimination C სისტემაში უფიქსირდებათ დადებითი გადაწყვეტილება, ასევე ახდენს პაციენტის ინფორმირებას პროგრამით განსაზღვრული მომსახურების წესის შესახებ და აფორმებს (სერვისის მიმწოდებელი/პაციენტი) ხელშეკრულებას, რომელზეც ხელს აწერს პაციენტი/კანონიერი წარმომადგენელი. ხელმოწერილი ხელშეკრულების დასკანერებული ვერსია იტვირთება Elimination C სისტემაში.“.

3. დანართები №4¹ („დიაგნოსტიკური კვლევების ღირებულება“) და №4² („მკურნალობის მონიტორინგის კვლევების ღირებულება“) ჩამოყალიბდეს შემდეგი რედაქციით:

„დანართი №4¹

დიაგნოსტიკური კვლევების ღირებულება

დანართი №4²

მკურნალობის მონიტორინგის კვლევების ღირებულება

4. დანართი №4³ ამოღებულ იქნეს.

5. დანართ №5-ის („პაციენტზე მედიკამენტების გაცემის წესი/პირობები“):

ა) მე-2 პუნქტი ჩამოყალიბდეს შემდეგი რედაქციით:

„2. სოფოსბუვირის, სოფოსბუვირის/ლედიპასვირის, სოფობუვირის/ველპატასვირის (შემდგომში – მედიკამენტი) გაცემა ხორციელდება სერვისის მიმწოდებლიდან ერთი ბოთლის (28 აბი) ოდენობით.“;

ბ) მე-4 პუნქტის „ბ“ ქვეპუნქტი ამოღებულ იქნეს;

გ) მე-5 პუნქტი ჩამოყალიბდეს შემდეგი რედაქციით:

„5. გამონაკლის შემთხვევებში (პაციენტის ჯანმრთელობის მდგომარეობის გამო, მივლინება საზღვარგარეთ დაკავშირებულ სამსახურებრივ საქმიანობასთან და სხვა), შესაბამისი დოკუმენტაციის საფუძველზე, მიმწოდებელს უფლება აქვს, სააგენტოსთან შეთანხმებით, პაციენტზე მედიკამენტების გაცემა და/ან მონიტორინგის კვლევების ჩატარების ვადები განიხილოს ინდივიდუალურ რეჟიმში. შეთანხმების მიუღწევლობის შემთხვევაში, საკითხი დამატებით განიხილება კომისიური წესით.“.

6. დანართი №7 ამოღებულ იქნეს.

8. დაემატოს შემდეგი შინაარსის თავი IV („B ჰეპატიტის მართვის პროგრამის სპეციფიკური პირობები“):

„თავი IV

B ჰეპატიტის მართვის პროგრამის სპეციფიკური პირობები

მუხლი 23. პროგრამის B ჰეპატიტის მართვის კომპონენტის მოსარგებლეები

პროგრამის მოსარგებლეები არიან საქართველოს მოქალაქეობის დამადასტურებელი დოკუმენტის, პირადობის ნეიტრალური მოწმობის, ნეიტრალური სამგზავრო დოკუმენტის მქონე პირები ან აფხაზეთის ავტონომიური რესპუბლიკის ტერიტორიებსა და ცხინვალის რეგიონში (ყოფილი სამხრეთ ოსეთის ავტონომიური ოლქის ტერიტორიებზე) ლეგიტიმურად მცხოვრები ფიზიკური პირები, რომლებიც საქართველოს კანონმდებლობით დადგენილი წესით არიან რეგისტრირებულნი და რომლებსაც მინიჭებული აქვთ პირადი ნომერი, ასევე საქართველოში სტატუსის მქონე მოქალაქეობის არმქონე პირები, საქართველოში თავშესაფრის მაძიებელი პირები, ლტოლვილის ან ჰუმანიტარული სტატუსის მქონე პირები, მათ შორის:

ა) ქრონიკული HBV ინფექციით პაციენტები, რომლებსაც აქვთ HBsAg (+) დადებითი (სწრაფი/მარტივი, იმუნოფერმენტული, ქემილუმინესცენციის ან სხვა სეროლოგიური მეთოდით) და/ან განსაზღვრადი HBV დნმ  (პოლიმერაზული ჯაჭვური რეაქციის (PCR) მეთოდით) 6 თვეზე მეტი ხანგრძლივობით. ამ ქვეპუნქტის ფარგლებში პირის იდენტიფიცირება მოსარგებლედ ხდება იმ შემთხვევაში, თუ:

ა.ა) პირი წარმოადგენს მინიმუმ 6-თვიანი შუალედით ჩატარებული B ჰეპატიტის ზედაპირული ანტიგენის (HbsAg) ტესტის ან/და PCR კვლევის დადებითი შედეგების დამადასტურებელ დოკუმენტებს;

ა.ბ) პირს მინიმუმ 6 თვით ადრე ჩატარებული აქვს B ჰეპატიტის ზედაპირული ანტიგენის (HbsAg) ტესტი ან/და PCR კვლევა და წარმოდგენილი კვლევის პასუხით უფიქსირდება დადებითი შედეგი;

ბ) პირები, რომლებსაც დადგენილი აქვთ ქრონიკული B ჰეპატიტის დიაგნოზი და იმყოფებიან ანტივირუსულ მკურნალობაზე;

გ) ამ მუხლით განსაზღვრული მოსარგებლეები  (არადიაგნოსტირებული/არანამკურნალები).

მუხლი 24. მომსახურების მოცულობა

პროგრამით გათვალისწინებული მომსახურება მოიცავს:

1. მკურნალობაში ჩასართავ ბენეფიციართა გამოვლენას, რომლის ფარგლებშიც:

ა) პროგრამის 23-ე მუხლით განსაზღვრულ პირებს, გარდა „ა“ და „ბ“ ქვეპუნქტებით განსაზღვრულისა, უტარდებათ B ჰეპატიტის ზედაპირული ანტიგენის ტესტი (HBsAg):

ა.ა) თუ ტესტის პასუხი დადებითია, 6-თვიანი შუალედით უტარდებათ განმეორებითი HBsAg ტესტი, რომლის დადებითი პასუხის შემთხვევაში, უტარდებათ:

ა.ა.ა) ექიმის კონსულტაცია;

ა.ა.ბ) ღვიძლის ელასტოგრაფია ფიბროსკანით ან ულტრაბგერაზე დამყარებული ელასტოგრაფიით;

ა.ა.გ) მუცლის ღრუს ორგანოების ულტრასონოგრაფიული გამოკვლევა;

ა.ბ) ტესტის უარყოფითი პასუხის შემთხვევაში, მათ უტარდებათ ანტისხეულებზე კვლევა ANTI-HBc (total) და, ამ კვლევის უარყოფითი პასუხის შემთხვევაში, ექვემდებარებიან B ჰეპატიტის საწინააღმდეგო ვაქცინაციას, იმუნიზაციის სახელმწიფო პროგრამის ფარგლებში შესყიდული ვაქცინებით;

ბ) პროგრამის 23-ე მუხლის „ა“ ქვეპუნქტის „ა.ა“ ქვეპუნქტით განსაზღვრულ პირებს უტარდებათ:

ბ.ა) ექიმის კონსულტაცია;

ბ.ბ) ღვიძლის ელასტოგრაფია ფიბროსკანით ან ულტრაბგერაზე დამყარებული ელასტოგრაფიით;

ბ.გ) მუცლის ღრუს ორგანოების ულტრასონოგრაფიული გამოკვლევა;

გ) პროგრამის 23-ე მუხლის „ა“ ქვეპუნქტის „ა.ბ“ ქვეპუნქტით განსაზღვრულ პირებს უტარდებათ B ჰეპატიტის ზედაპირული ანტიგენის (HBsAg) კვლევა და ტესტის დადებითი პასუხის შემთხვევაში:

გ.ა) ექიმის კონსულტაცია;

გ.ბ) ღვიძლის ელასტოგრაფია ფიბროსკანით ან ულტრაბგერაზე დამყარებული ელასტოგრაფიით;

გ.გ) მუცლის ღრუს ორგანოების ულტრასონოგრაფიული გამოკვლევა;

დ)  ბენეფიციარები დიაგნოსტიკის შემდგომ ეტაპზე გადადიან იმ შემთხვევაში, თუ ამ პუნქტის „ა“, „ბ“ და „გ“ ქვეპუნქტების ფარგლებში ჩატარებული კვლევებით უფიქსირდებათ:

დ.ა) ღვიძლის ფიბროზის ხარისხი ≥F2;

და/ან:

დ.ბ) საყურადღებო პათოლოგიური ცვლილებები მუცლის ღრუს ორგანოების ულტრასონოგრაფიული კვლევით (მაგ.: მოცულობითი წარმონაქმნი ღვიძლის პარენქიმაში, სპლენომეგალია, ასციტი და სხვა).

2. მკურნალობაში ჩასართავ ბენეფიციართა დიაგნოსტიკას, რომლის ფარგლებშიც ამ მუხლის პირველი პუნქტით გამოვლენილ და ასევე 23-ე მუხლის „ბ“ ქვეპუნქტით განსაზღვრულ ბენეფიციარებს, საჭიროებისამებრ, ექიმის დანიშნულების შესაბამისად, უტარდებათ შემდეგი დიაგნოსტიკური კვლევები:

ა) ექიმის კონსულტაცია;

ბ) სისხლის საერთო ანალიზი;

გ) შარდის საერთო ანალიზი (ცილის განსაზღვრით);

დ) ALT, AST, G-GT, ტუტე ფოსფატაზა, შრატის ალბუმინი, ბილირუბინი (საერთო/პირდაპირი), INR, გლუკოზა;

ე) კრეატინინი და GFR-ის გამოთვლა;

ვ) HBV დნმ-ის კონცენტრაციის განსაზღვრა;

ზ)  HBV სეროლოგიური მარკერები:  Anti-HBc (total), HBeAg, Anti Hbe;

თ) Anti-HDV Total, Anti-HCV, Anti- HIV, Anti –HAV;

ი) ალფაფეტოპროტეინი (AFP);

კ) თირკმლის პათოლოგიით პაციენტებისთვის დამატებით შრატის ფოსფატის, შარდში ალბუმინისა და კრეატინინის განსაზღვრა.

3. ბენეფიციართა მკურნალობას, რომლის ფარგლებშიც:

ა) ბენეფიციართა ჩართვა ხორციელდება კომისიური წესით. კომისიის შემადგენლობა და საქმიანობის წესი მტკიცდება  სსიპ − ჯანმრთელობის ეროვნული სააგენტოს დირექტორის სამართლებრივი აქტით. კომისიის მიერ ინდივიდუალურად (case by case) და, საჭიროების შემთხვევაში, კლინიკურ ჯგუფთან კოორდინაციით, განიხილება ასევე ყველა კონკრეტული შემთხვევა, როცა პაციენტი სრულად არ აკმაყოფილებს დიაგნოსტიკის კომპონენტებში/მკურნალობის კომპონენტში ჩართვის ტიპურ კრიტერიუმებს;

ბ) ბენეფიციარებს მკურნალობა უტარდებათ ნუკლეოზიდის/ნუკლეოტიდის ანალოგების გამოყენებით, ექიმის მიერ დანიშნული სქემის მიხედვით, ხანგრძლივად.

4. მკურნალობის მონიტორინგს, რომელიც მოიცავს ანტივირუსულ მკურნალობაზე მყოფი ბენეფიციარებისთვის პერიოდული კვლევების ჩატარებას, შემდეგი სქემის მიხედვით:

* HBsAg (-) უარყოფითი პაციენტებისთვის;

** თუ მკურნალობა ტარდება ტენოფოვირ დისოპროქსილ ფუმარატით (TDF);

*** HBeAg (+) დადებითი პაციენტებისთვის (საწყისი გამოკვლევების დროს, მკურნალობის დაწყებამდე).

5. B ჰეპატიტის სამკურნალო ფარმაცევტული პროდუქტის ლოგისტიკას, რომელიც მოიცავს:

ა) B ჰეპატიტის სამკურნალო ფარმაცევტული პროდუქტის შესყიდვას;

ბ) B ჰეპატიტის სამკურნალო ფარმაცევტული პროდუქტის მიღების, საქართველოს საბაჟო საზღვარზე საქონლის გაფორმებისა და ტრანსპორტირების უზრუნველყოფასა და შენახვას;

გ) B ჰეპატიტის სამკურნალო ფარმაცევტული პროდუქტის მიწოდების უზრუნველყოფას ქ. თბილისში, რეგიონებსა და მუნიციპალიტეტებში;

დ) კომპონენტის ადმინისტრირების უზრუნველყოფას.

6. B ჰეპატიტის სკრინინგისთვის საჭირო ტესტებისა და სახარჯი მასალების შესყიდვას.

მუხლი 25. დაფინანსების მეთოდოლოგია და ანაზღაურების წესი

1. პროგრამის 24-ე მუხლის პირველი, მე-2 და მე-4 პუნქტებით განსაზღვრული მომსახურება ჯგუფდება კატეგორიებად და ფინანსდება ფაქტობრივი ხარჯის მიხედვით, მაგრამ არაუმეტეს დიაგნოსტიკური ჯგუფისათვის დადგენილი ღირებულებისა, დანართ №11-ის, დანართ №12-ის, დანართ №13-ისა და დანართ №14-ის შესაბამისად.

2. პროგრამის მოსარგებლეებისათვის პროგრამის 24-ე მუხლის პირველი, მე-2 და მე-4 პუნქტებით განსაზღვრული მომსახურება ანაზღაურდება სრულად (100%) პროგრამის ფარგლებში.

3. პროგრამის 24-ე მუხლის მე-3 პუნქტით განსაზღვრული ფარმაცევტული პროდუქტით პროგრამის მოსარგებლეთა უზრუნველყოფა ხორციელდება უსასყიდლოდ (თანაგადახდის გარეშე).

4. პროგრამის ფარგლებში შესრულებულ მომსახურებად უნდა ჩაითვალოს იმავე საანგარიშო თვეში პაციენტისათვის გაწეული დასრულებული სამედიცინო მომსახურების მოცულობა და ღირებულება.

5. პროგრამის 24-ე მუხლის პირველი, მე-2 და მე-4 პუნქტებით გათვალისწინებული დიაგნოსტიკის კომპონენტის ფარგლებში, დასრულებულ სამედიცინო მომსახურებად ჩაითვლება როგორც ამ მუხლის მე-4 პუნქტით გათვალისწინებული ან ცალკეული ქვეკომპონენტების (ბენეფიციართა გამოვლენა ან/და დიაგნოსტიკა მკურნალობაში ჩართვის მიზნით ან/და  მკურნალობის მონიტორინგი) ფარგლებში პაციენტისათვის გაწეული დასრულებული სამედიცინო მომსახურების მოცულობა, ასევე ერთსა და იმავე მიმწოდებელთან სამივე ქვეკომპონენტის ფარგლებში პაციენტისათვის გაწეული დასრულებული სამედიცინო მომსახურების ერთიანი მოცულობა.

მუხლი 26. პროგრამის B ჰეპატიტის მართვის კომპონენტის განხორციელების მექანიზმები

1. პროგრამის 24-ე მუხლის პირველი, მე-2, მე-3 და მე-4 პუნქტებით გათვალისწინებული მომსახურების მიწოდება ხორციელდება არამატერიალიზებული ვაუჩერის საშუალებით.

2. პროგრამის 24-ე მუხლის მე-5 პუნქტის „ა“ ქვეპუნქტით გათვალისწინებული HBV მკურნალობისათვის საჭირო ფარმაცევტული პროდუქტის შესყიდვა ხორციელდება „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, გაეროს ბავშვთა ფონდის (UNICEF) მეშვეობით, გამარტივებული შესყიდვით.

3. პროგრამის 24-ე მუხლის მე-5 პუნქტის „ბ“ ქვეპუნქტით გათვალისწინებული მომსახურების მიწოდებას უზრუნველყოფს ცენტრი.

4. პროგრამის 24-ე მუხლის მე-5 პუნქტის „გ“ და „დ“ ქვეპუნქტებით გათვალისწინებული მომსახურების მიწოდებას უზრუნველყოფს სააგენტო.

5. პროგრამის 24-ე მუხლის მე-6 პუნქტით გათვალისწინებული საქონლის შესყიდვა ხორციელდება „სახელმწიფო შესყიდვების შესახებ“ საქართველოს კანონის შესაბამისად.

მუხლი 27. პროგრამის B ჰეპატიტის მართვის კომპონენტის მომსახურების მიმწოდებელი

მომსახურების მიმწოდებელია პროგრამის მე-19 მუხლის მე-2 და მე-3 პუნქტებით განსაზღვრული სერვისის მიმწოდებელი დაწესებულება (გარდა პირველადი ჯანდაცვისა და ზიანის შემცირების ცენტრებისა), რომელიც ეთანხმება ვაუჩერის პირობებს და წერილობით დაადასტურებს პროგრამაში მონაწილეობის სურვილს.

მუხლი 28. პროგრამის B ჰეპატიტის მართვის კომპონენტის განმახორციელებელი

1. პროგრამის 24-ე მუხლის პირველი, მე-2, მე-3, მე-4 პუნქტებისა და მე-5 პუნქტის „გ“ და „დ“ ქვეპუნქტების განმახორციელებელია სააგენტო.

2.   პროგრამის 24-ე მუხლის მე-5 პუნქტის „ა“ და „ბ“ ქვეპუნქტებისა და მე-6 პუნქტის განმახორციელებელია ცენტრი.

მუხლი 29. დამატებითი პირობები

1. დიაგნოსტიკის და/ან მკურნალობის კომპონენტში ჩასართავად პაციენტი მიმართავს სერვისის მიმწოდებელს, რომელიც არეგისტრირებს მას ELIMINATION B სისტემაში.

2. B ჰეპატიტის ზედაპირული ანტიგენისა (HBsAg) და ანტისხეულების (ANTI-HBc) ტესტის ჩატარებას სერვისის მიმწოდებელი უზრუნველყოფს ცენტრის მიერ გადაცემული ტესტსისტემებისა და სახარჯი მასალების გამოყენებით.

3. პროგრამის 24-ე მუხლის პირველი პუნქტის მიმწოდებელი ვალდებულია, პაციენტი ადგილზე უზრუნველყოს 24-ე მუხლის პირველი პუნქტის „ა“ ქვეპუნქტის „ა.ბ“ ქვეპუნქტით განსაზღვრული სერვისით.

4. პროგრამის 24-ე მუხლის პირველი და მე-2 პუნქტების ფარგლებში B ჰეპატიტზე დადებითი შედეგის მქონე ბენეფიციარებს, რომლებიც ამ ეტაპზე არ ერთვებიან მკურნალობის კომპონენტში, პროგრამის ფარგლებში უფლება აქვთ, 12 თვეში განმეორებით, სრულად ან ნაწილობრივ ჩაიტარონ 24-ე მუხლის პირველი და მე-2 პუნქტებით განსაზღვრული კვლევები, საჭიროებიდან გამომდინარე, ექიმის დანიშნულების შესაბამისად.

5. პროგრამის 26-ე მუხლის მე-2 პუნქტის ფარგლებში შესყიდული HBV მკურნალობისათვის საჭირო ფარმაცევტული პროდუქტი პროგრამის მოსარგებლეებზე გაიცემა სერვისის მიმწოდებელი დაწესებულებიდან ერთ ჯერზე არაუმეტეს 3 კოლოფის ოდენობით.

დანართი №11

მკურნალობაში ჩასართავ ბენეფიციართა გამოვლენა

დანართი №12

მკურნალობაში ჩასართავ ბენეფიციართა დიაგნოსტიკა

*თირკმლის პათოლოგიით პაციენტებისთვის.

დანართი №13

მკურნალობის მონიტორინგის კვლევები (ვიზიტი 1)

* HBsAg (-) უარყოფითი პაციენტებისთვის;

** თუ მკურნალობა ტარდება ტენოფოვირ დისოპროქსილ ფუმარატით (TDF);

*** HBeAg (+) დადებითი პაციენტებისთვის (საწყისი გამოკვლევების დროს, მკურნალობის დაწყებამდე).

დანართი №14

მკურნალობის მონიტორინგის კვლევები (ვიზიტი 2)