დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„დეკორატიული მცენარეების გასამრავლებელი მასალის ბაზარზე განთავსების პირობების დამტკიცების თაობაზე“ საქართველოს მთავრობის 2019 წლის 22 აპრილის №199 დადგენილებაში ცვლილების შეტანის შესახებ | |
---|---|
დოკუმენტის ნომერი | 472 |
დოკუმენტის მიმღები | საქართველოს მთავრობა |
მიღების თარიღი | 04/12/2023 |
დოკუმენტის ტიპი | საქართველოს მთავრობის დადგენილება |
გამოქვეყნების წყარო, თარიღი | ვებგვერდი, 05/12/2023 |
სარეგისტრაციო კოდი | 240110000.10.003.024305 |
|
„დეკორატიული მცენარეების გასამრავლებელი მასალის ბაზარზე განთავსების პირობების დამტკიცების თაობაზე“ საქართველოს მთავრობის 2019 წლის 22 აპრილის №199 დადგენილებაში ცვლილების შეტანის შესახებ
|
მუხლი 1 |
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „დეკორატიული მცენარეების გასამრავლებელი მასალის ბაზარზე განთავსების პირობების დამტკიცების თაობაზე“ საქართველოს მთავრობის 2019 წლის 22 აპრილის №199 დადგენილებაში (www.matsne.gov.ge, 25/04/2019; 240110000.10.003.021214) შეტანილ იქნეს ცვლილება და დადგენილებით დამტკიცებულ „დეკორატიული მცენარეების გასამრავლებელი მასალის ბაზარზე განთავსების პირობებში“:
1. მე-2 მუხლის მე-3 პუნქტი ჩამოყალიბდეს შემდეგი რედაქციით: „3. ეს წესი არ ვრცელდება გასამრავლებელ მასალაზე, რომელიც განკუთვნილია: ა) ექსპორტზე გასატანად; ბ) ცდის, სამეცნიერო ან კვლევითი მიზნებისა და გენეტიკური მრავალფეროვნების შენარჩუნებისთვის.“. 2. მე-2 მუხლის მე-4 პუნქტი ამოღებულ იქნეს. 3. მე-3 მუხლის პირველი პუნქტის „ა“ ქვეპუნქტი ჩამოყალიბდეს შემდეგი რედაქციით: „ა) დეკორატიული მცენარეები − მცენარეები, რომლებსაც იყენებენ სხვადასხვა სივრცის, ადგილის, ტერიტორიის, დასახლებების, ბაღების, პარკების, სკვერების, დასვენებისათვის გამოყოფილი ადგილების გასაფორმებლად, კეთილმოსაწყობად და არ გამოიყენება სხვა პრაქტიკული დანიშნულებით;“. 4. მე-4 მუხლის მე-2 პუნქტის „დ“ ქვეპუნქტი ჩამოყალიბდეს შემდეგი რედაქციით: „დ) უნდა შეესაბამებოდეს ჯიშის იდენტობასა და სიწმინდეს, თუ ბაზარზე განთავსებისას მითითებულია მისი ჯიში.“. 5. მე-4 მუხლს დაემატოს შემდეგი შინაარსის მე-6 და მე-7 პუნქტები: „6. წარმოების ადგილზე, სულ მცირე, ვიზუალური შემოწმებისას, გასამრავლებელი მასალა პრაქტიკულად თავისუფალი უნდა იყოს რეგულირებადი არასაკარანტინო მავნე ორგანიზმებისაგან (შემდგომში − რასმო), რომელიც მითითებულია ამ წესის დანართში − „დეკორატიული მცენარეების გასამრავლებელი მასალის რეგულირებადი არასაკარანტინო მავნე ორგანიზმებისა (რასმო) და საქართველოში არარეგისტრირებული საკარანტინო მავნე ორგანიზმების ნუსხა“. 7. სარეალიზაციოდ გამზადებული გასამრავლებელი მასალა, სულ მცირე, ვიზუალური შემოწმებისას პრაქტიკულად თავისუფალი უნდა იყოს ნებისმიერი მავნე ორგანიზმისაგან ან მისგან გამოწვეული დაზიანების სიმპტომებისაგან ან ნიშნებისაგან, გარდა კონკრეტულ გასამრავლებელ მასალასთან მიმართებით ამ წესის დანართში ჩამოთვლილი იმ მავნე ორგანიზმებისაგან, რომლებიც აქვეითებენ მის ხარისხს.“. 6. მე-5 მუხლი ჩამოყალიბდეს შემდეგი რედაქციით: „მუხლი 5. ბიზნესოპერატორის ვალდებულებები 1. გასამრავლებელი მასალის ბაზარზე განთავსება შეუძლია მხოლოდ საქართველოს კანონმდებლობის შესაბამისად ეკონომიკურ საქმიანობათა რეესტრში რეგისტრირებულ ბიზნესოპერატორს, რომელიც შეტანილია ფიტოსანიტარიულ რეესტრში, თუ მის მიერ ბაზარზე განთავსებისთვის განკუთვნილი გასამრავლებელი მასალა აკმაყოფილებს ამ წესით დადგენილ მოთხოვნებს. 2. ბიზნესოპერატორი ვალდებულია: ა) წარმოების პროცესში განსაზღვროს და შეამოწმოს კრიტიკული წერტილები, რომლებიც გავლენას ახდენს გასამრავლებელი მასალის ხარისხზე; ბ) ვეგეტაციის პერიოდში განახორციელოს გასამრავლებელი მასალის ვიზუალური შემოწმება ამ წესით დადგენილი მავნე ორგანიზმების არსებობაზე და, საჭიროების შემთხვევაში, აიღოს შესაბამისი ნიმუში ლაბორატორიული კვლევებისთვის; გ) უზრუნველყოს, რომ წარმოების პროცესში გასამრავლებელი მასალის პარტიები იყოს იდენტიფიცირებადი; დ) აწარმოოს გასამრავლებელი მასალის გადაადგილების, მათ შორის, ყიდვა-გაყიდვისა და სანერგე მეურნეობის საქმიანობის ჟურნალები; ე) აწარმოოს ჯიშების რეესტრი, ჯიშების ჩამონათვალის, მათი დეტალური აღწერილობისა და სახელწოდების მითითებით; ვ) შეინახოს ჟურნალებში შეტანილი ყველა სახის ინფორმაცია და ჩანაწერი 3 წლის განმავლობაში და უზრუნველყოს მათი ხელმისაწვდომობა სსიპ − სურსათის ეროვნული სააგენტოსა (შემდგომში − სააგენტო) და სსიპ − სოფლის მეურნეობის სამეცნიერო-კვლევითი ცენტრისათვის (შემდგომში − ცენტრი); ზ) უზრუნველყოს, რომ დასაქმებულ პერსონალს ჰქონდეს შესაბამისი ცოდნა სანერგეში ჰიგიენისა და ბიოუსაფრთხოების წესების შესახებ; თ) პერიოდულად განახორციელოს გასამრავლებელი მასალის სიჯანსაღის კონტროლი; ი) ყოველი წლის პირველი ნოემბრიდან მომდევნო წლის პირველ აპრილამდე მიმართოს სააგენტოს და მიაწოდოს მომდევნო წლის განახლებადი გეგმა-ინფორმაცია მომდევნო სავეგეტაციო წელს წარმოებისათვის დაგეგმილი დეკორატიული მცენარეების გასამრავლებელი მასალის რაოდენობების შესახებ. 3. ბიზნესოპერატორის მიერ გასამრავლებელი მასალის დაცული ჯიშების რეესტრი უნდა შეიცავდეს შემდეგ ინფორმაციას: ა) ჯიშის დასახელებას, საჭიროების შემთხვევაში, მის საყოველთაოდ ცნობილ სინონიმებთან ერთად; ბ) მითითებებს ჯიშის შენარჩუნებისა და გამოყენებული გამრავლების სისტემის შესახებ; გ) ჯიშის აღწერას, სულ მცირე, ჯიშობრივი მახასიათებლების საფუძველზე, მცენარეთა ჯიშის დაცვის თაობაზე „ცხოველთა და მცენარეთა ახალი ჯიშების შესახებ“ საქართველოს კანონის შესაბამისად, სადაც ეს შესაძლებელია; დ) მითითებებს (თუ შესაძლებელია) იმის შესახებ, თუ როგორ განსხვავდება ჯიში სხვა ჯიშებისგან, რომლებიც ყველაზე მეტად ჰგავს მას. 4. ამ მუხლის მე-3 პუნქტის „ბ“ და „დ“ ქვეპუნქტები არ ვრცელდება იმ ბიზნესოპერატორზე, რომლის საქმიანობა შემოიფარგლება მხოლოდ გასამრავლებელი მასალის ბაზარზე განთავსებით.“. 7. მე-5 მუხლის შემდგომ დაემატოს შემდეგი შინაარსის 51 მუხლი: „მუხლი 51. ბიზნესოპერატორის ფიტოსანიტარიულ რეესტრში შეტანის პროცედურა 1. ფიტოსანიტარიულ რეესტრში შეყვანის თაობაზე ბიზნესოპერატორმა განცხადებით უნდა მიმართოს სააგენტოს წერილობით ან ელექტრონული ფორმით, შესაბამისი ვებგვერდის საშუალებით. განცხადების ფორმა განისაზღვრება სააგენტოს ინდივიდუალური ადმინისტრაციულ-სამართლებრივი აქტით. 2. იმ შემთხვევაში, თუ წარდგენილ განცხადებაში მითითებული ინფორმაცია არ არის სრულყოფილი, სააგენტო უფლებამოსილია, მოითხოვოს დამატებითი ინფორმაციის წარდგენა ან დაზუსტება. თუ ბიზნესოპერატორი არ წარადგენს სათანადო ინფორმაციას, მოთხოვნის ჩაბარებიდან 14 კალენდარული დღის განმავლობაში, სააგენტო იღებს გადაწყვეტილებას განცხადების განუხილველად დატოვების შესახებ. 3. განცხადების განხილვის შემდეგ, სააგენტო გეგმავს ინსპექტირებას ბიზნესოპერატორთან, რა დროსაც უფლებამოსილია, რომ შეამოწმოს წარმოების ადგილის შესაბამისობა ამ წესით განსაზღვრულ მოთხოვნებთან, რის შედეგადაც იღებს ერთ-ერთ შემდეგ გადაწყვეტილებას: ა) იმ შემთხვევაში, თუ ბიზნესოპერატორს დაუდგინდა შეუსაბამობები, აძლევს გონივრულ ვადას მათ გამოსასწორებლად; ბ) თუ დადგენილ ვადაში ბიზნესოპერატორი ვერ უზრუნველყოფს გამოვლენილი შეუსაბამობების გამოსწორებას, მას ფიტოსანიტარიულ რეესტრში შეტანაზე უარი ეთქმება; გ) იმ შემთხვევაში, თუ წარდგენილი დოკუმენტაცია აკმაყოფილებს ამ მუხლის მოთხოვნებს, ბიზნესოპერატორი რეგისტრირდება ფიტოსანიტარიულ რეესტრში და ენიჭება სარეგისტრაციო ნომერი. 4. სანერგე მეურნეობა ვალდებულია, დაუყოვნებლივ აცნობოს სააგენტოს განცხადებაში მითითებული ინფორმაციის ცვლილების შესახებ. 5. ფიტოსანიტარიული რეესტრი უნდა შეიცავდეს შემდეგ ინფორმაციას: ა) სანერგე მეურნეობის დასახელებასა და საიდენტიფიკაციო კოდს; ბ) სანერგე მეურნეობის საკონტაქტო ინფორმაციას (მისამართი, ელფოსტა, ტელეფონის ნომერი), ინფორმაციას საკონტაქტო პირის შესახებ (სახელი, გვარი, პირადი ნომერი და ტელეფონის ნომერი); გ) ინფორმაციას საქმიანობის შესახებ, რომელსაც ახორციელებს ბიზნესოპერატორი.“. 8. მე-7 მუხლი ჩამოყალიბდეს შემდეგი რედაქციით: „მუხლი 7. სახელმწიფო კონტროლი 1. გასამრავლებელი მასალის ბაზარზე განთავსებისას ამ წესის მოთხოვნებთან შესაბამისობის უზრუნველსაყოფად, სახელმწიფო კონტროლს ახორციელებს სააგენტო, საქართველოს კანონმდებლობით განსაზღვრული წესით. 2. სულ მცირე, წელიწადში ერთხელ სააგენტო ვალდებულია, განახორციელოს წარმოების ადგილის ინსპექტირება, ამ წესით განსაზღვრულ მოთხოვნებსა და წარდგენილ განახლებად გეგმასთან შესაბამისობის დადგენის მიზნით. 3. თუ აღმოჩნდა, რომ ბიზნესოპერატორის მიერ ბაზარზე განთავსებული გასამრავლებელი მასალა არ შეესაბამება ამ წესით განსაზღვრულ მოთხოვნებს, ბიზნესოპერატორის მიმართ უნდა გატარდეს საქართველოს კანონმდებლობით დადგენილი წესით განსაზღვრული ღონისძიებები. 4. საჭიროების შემთხვევაში, ამ წესის მოთხოვნებთან გასამრავლებელი მასალის შესაბამისობის შემოწმების მიზნით, აღებული უნდა იქნეს ნიმუშები ლაბორატორიული გამოკვლევებისათვის, საქართველოს კანონმდებლობით დადგენილი წესით. 5. გასამრავლებელ მასალაზე, თუ ხარისხი და მცენარეთა სიჯანსაღე დადასტურდა სახელმწიფო ფიტოსანიტარიული კონტროლის შედეგად, სააგენტო გასცემს მცენარის პასპორტს, საქართველოს კანონმდებლობით დადგენილი წესის შესაბამისად.“. 9. მე-7 მუხლის შემდგომ დაემატოს შემდეგი შინაარსის მე-8 მუხლი: „ მუხლი 8. ცენტრის უფლებამოსილება ცენტრი უფლებამოსილია, შეამოწმოს გასამრავლებელი მასალისადმი ამ წესის მე-4 მუხლის მე-2 პუნქტის „ბ“, „გ“ და „დ“ ქვეპუნქტებით განსაზღვრული მოთხოვნები.“. 10. დაემატოს თანდართული შინაარსის დანართი − „დეკორატიული მცენარეების გასამრავლებელი მასალის რეგულირებადი არასაკარანტინო მავნე ორგანიზმებისა (რასმო) და საქართველოში არარეგისტრირებული საკარანტინო მავნე ორგანიზმების ნუსხა“. |
მუხლი 2 |
დადგენილება ამოქმედდეს გამოქვეყნებისთანავე.
|
|
დანართი
დეკორატიული მცენარეების გასამრავლებელი მასალის რეგულირებადი არასაკარანტინო მავნე ორგანიზმებისა (რასმო) და საქართველოში არარეგისტრირებული საკარანტინო მავნე ორგანიზმების ნუსხა |
|
დოკუმენტის კომენტარები