ფულის გათეთრებისა და ტერორიზმის დაფინანსების აღკვეთის ხელშეწყობის მიმართულებით განგრძობითი განათლების მიღების წესის დამტკიცების თაობაზე

ა) ანგარიშვალდებული პირი – ,,ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ საქართველოს კანონის მე-3 მუხლის პირველი პუნქტის ,,ბ.დ“ ქვეპუნქტით განსაზღვრული საბუღალტრო ფირმა და პროფესიული მომსახურების გამწევი ბუღალტერი, რომელიც დამოუკიდებლად ახორციელებს პროფესიულ მომსახურებას;

ბ) პროფესიული მომსახურების გამწევი ბუღალტერი − ბუღალტერი, რომელიც რეგისტრირებულია პროფესიული მომსახურების გამწევი ბუღალტრების სახელმწიფო რეესტრში და მომსახურების დამკვეთისთვის ახორციელებს ბუღალტრული აღრიცხვის წარმოების ან/და ფინანსური ანგარიშგების მომზადების მომსახურებას;

გ) საბუღალტრო ფირმა − საქართველოში რეგისტრირებული იურიდიული პირი ან სხვა ქვეყანაში რეგისტრირებული იურიდიული პირის საქართველოში არსებული ფილიალი, რომელიც რეგისტრირებულია საბუღალტრო ფირმების სახელმწიფო რეესტრში და მომსახურების დამკვეთისთვის ახორციელებს ბუღალტრული აღრიცხვის წარმოების ან/და ფინანსური ანგარიშგების მომზადების მომსახურებას;

დ) განგრძობითი განათლება – ანგარიშვალდებულ პირთა ფულის გათეთრებისა და ტერორიზმის დაფინანსების აღკვეთის ხელშეწყობის საკითხებში კომპეტენციის შენარჩუნების, განვითარებისა და სიახლეების გაცნობიერების პროცესი, კანონმდებლობასთან შესაბამისი მომსახურების გაწევის მიზნით;

ე) განგრძობითი განათლების სასწავლო კურსი/ტრენინგი – სასწავლო კურსი/ტრენინგი, რომელიც მოიცავს ამ წესით გათვალისწინებულ განგრძობითი განათლების მიღების მიზნებს, სწავლის შედეგებს, სასწავლო თემებს, სასწავლო პროცესის განხორციელების თავისებურებებს;

ვ) განგრძობითი განათლების მომსახურების მიმწოდებელი – საჯარო ან/და კერძო სამართლის იურიდიული პირი, რომელიც უზრუნველყოფს ამ წესით განსაზღვრული განგრძობითი განათლების მიწოდებას და რომლის განგრძობითი განათლების სასწავლო კურსის/ტრენინგის პროგრამა ფულის გათეთრებისა და ტერორიზმის დაფინანსების აღკვეთის ხელშეწყობის მიმართულებით შეთანხმებულია სამსახურთან;

ზ) სამსახური – საქართველოს ფინანსთა სამინისტროს (შემდგომ – სამინისტრო) სისტემაში შემავალი სახელმწიფო საქვეუწყებო დაწესებულება ბუღალტრული აღრიცხვის, ანგარიშგებისა და აუდიტის ზედამხედველობის სამსახური;

თ) რეესტრი – ,,ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის 13¹ მუხლით გათვალისწინებული პროფესიული მომსახურების გამწევი ბუღალტრების სახელმწიფო რეესტრი ან/და საბუღალტრო ფირმების სახელმწიფო რეესტრი.

ა) ანგარიშვალდებული პირებისთვის ფულის გათეთრებისა და ტერორიზმის დაფინანსების აღკვეთის ხელშეწყობის მიმართულებით დადგენილი მოთხოვნების პროაქტიული მიწოდება და ცნობიერების ამაღლება;

ბ) ანგარიშვალდებულ პირთათვის „ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ საქართველოს კანონის მე-10 მუხლით გათვალისწინებული პრევენციული ღონისძიებების, ამავე კანონით გათვალისწინებული ფულის გათეთრებისა და ტერორიზმის დაფინანსების რისკების შეფასება/მართვაზე ინფორმაციის მიწოდება, შესაბამისობის კონტროლის სისტემის დანერგვისთვის საჭირო კომპეტენციის შეძენა/განვითარება და ფულის გათეთრებისა და ტერორიზმის დაფინანსების აღკვეთის ხელშეწყობის საკითხებზე არსებული ადგილობრივი და საერთაშორისო პრაქტიკის გაცნობა/გაანალიზება. 

ა) განგრძობითი განათლების მომსახურების მიმწოდებლის მიერ ორგანიზებულ განგრძობითი განათლების სასწავლო კურსში/ტრენინგში მონაწილეობა;

ბ) განგრძობითი განათლების მომსახურების მიმწოდებლის მიერ ორგანიზებულ განგრძობითი განათლების სასწავლო კურსის/ტრენინგის სწავლებაში მონაწილეობა (ლექტორობა, ინსტრუქტორობა).

ა) ანგარიშვალდებული პირის/ანგარიშვალდებული პირის შესაბამისი თანამშრომლის განგრძობითი განათლების სასწავლო კურსზე/ტრენინგზე სრული დასწრების დამადასტურებელი ინფორმაციით/დოკუმენტაციით, რომელიც მოიცავს ცნობის/სერტიფიკატის ნომერს, პიროვნების სახელსა და გვარს, პირად ნომერს, დაწესებულებას, კურსის/ტრენინგის დასახელებას;

ბ) ინფორმაციით/დოკუმენტაციით, რომელიც მოიცავს პიროვნების სახელსა და გვარს, პირად ნომერს, დაწესებულებას, კურსის/ტრენინგის დასახელებას და ადასტურებს, რომ პირი, ინსტრუქტორის ან/და ლექტორის სტატუსით ახორციელებდა განგრძობითი განათლების სასწავლო კურსის/ტრენინგის ჩატარებას.

ა) „ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ საქართველოს კანონის, „ბუღალტრული აღრიცხვის, ანგარიშგებისა და აუდიტის ზედამხედველობის შესახებ“ საქართველოს კანონისა და სამსახურის შესაბამისი სამართლებრივი აქტების მიმოხილვა, გაეროს უშიშროების საბჭოს სანქციები;

ა.ა) ფულის გათეთრებისა და ტერორიზმის დაფინანსების რისკების შეფასება და მართვა;

ა.ბ) ანგარიშვალდებული პირის შესაბამისობის კონტროლის სისტემა;

ა.გ) საეჭვო გარიგების ან ასეთი გარიგების მომზადების, დადების ან შესრულების მცდელობის შესახებ ინფორმაციის წარდგენა/ანგარიშგება;

ა.დ) ანგარიშვალდებული პირის მიერ განსახორციელებელი პრევენციული ღონისძიებები;

ბ) ფულის გათეთრებისა და ტერორიზმის დაფინანსების აღკვეთის ხელშეწყობის მიმართულებით საქართველოში განხორციელებული საკანონმდებლო ცვლილებები;

გ) რისკის შეფასების ეროვნული ანგარიში და სამოქმედო გეგმა.

ა) ფულის გათეთრების წინააღმდეგ ფინანსურ ქმედებათა სპეციალური ჯგუფის (FATF) რეკომენდაციები;

ბ) ფულის გათეთრების ევრო დირექტივები;

გ) ევროპის საბჭოს ფულის გათეთრებისა და ტერორიზმის დაფინანსების წინააღმდეგ მიმართულ ღონისძიებათა შემფასებელი რჩეულ ექსპერტთა კომიტეტის (Moneyval) შეფასებები;

დ) ფულის გათეთრებისა და ტერორიზმის დაფინანსების აღკვეთის ხელშეწყობის მიმართულებით საუკეთესო პრაქტიკის მიმოხილვა.

ა) სასწავლო კურსის/ტრენინგის დასახელება;

ბ) სასწავლო კურსის/ტრენინგის თემატიკა, შინაარსი (დეტალურად);

გ) სწავლის საათების რაოდენობა;

დ) სწავლების ფორმატი;

ე) სწავლის შედეგები;

ვ) სასწავლო კურსის/ტრენინგის მიზანი;

ზ) სასწავლო ლიტერატურა და სხვა რესურსები;

თ) სწავლების ენა;

ი) სასწავლო კურსი/ტრენინგის ავტორი.