დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„საავიაციო ტექნიკის ტექნიკური მომსახურების საწარმოს სერტიფიცირების წესის“ დამტკიცების შესახებ“ სსიპ სამოქალაქო ავიაციის სააგენტოს დირექტორის 2021 წლის 30 დეკემბრის №302 ბრძანებაში ცვლილების შეტანის თაობაზე | |
---|---|
დოკუმენტის ნომერი | 46 |
დოკუმენტის მიმღები | სამოქალაქო ავიაციის სააგენტოს დირექტორი |
მიღების თარიღი | 13/03/2023 |
დოკუმენტის ტიპი | სამოქალაქო ავიაციის სააგენტოს დირექტორის ბრძანება |
გამოქვეყნების წყარო, თარიღი | ვებგვერდი, 14/03/2023 |
სარეგისტრაციო კოდი | 310150000.54.066.016291 |
|
„საავიაციო ტექნიკის ტექნიკური მომსახურების საწარმოს სერტიფიცირების წესის“ დამტკიცების შესახებ“ სსიპ – სამოქალაქო ავიაციის სააგენტოს დირექტორის 2021 წლის 30 დეკემბრის №302 ბრძანებაში ცვლილების შეტანის თაობაზე
|
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ: |
მუხლი 1 |
„საავიაციო ტექნიკის ტექნიკური მომსახურების საწარმოს სერტიფიცირების წესის“ დამტკიცების შესახებ“ სსიპ – სამოქალაქო ავიაციის სააგენტოს დირექტორის 2021 წლის 30 დეკემბრის №302 ბრძანებით დამტკიცებულ „საავიაციო ტექნიკის ტექნიკური მომსახურების საწარმოს სერტიფიცირების წესში“ (www.matsne.gov.ge, 03.01.2021 წ., 310150000.54.066.016245) შეტანილ იქნეს შემდეგი ცვლილებები:
1. 1-ლი მუხლის მე-11 პუნქტი ჩამოყალიბდეს შემდეგი რედაქციით: „11. საწარმოს მიერ საავიაციო ტექნიკის კონკრეტული ტიპებისა და/ან მათი კომპონენტების ტმ-სთან დაკავშირებული ნებადართული სამუშაოები, განისაზღვრება სერტიფიკატით და მისი დანართით (დანართი №3). საავიაციო ტექნიკის ტექნიკური მომსახურების საწარმოს სერტიფიკატის დანართით განსაზღვრული ნებადართული სამუშაოების კლასების და კატეგორიების განმარტებები განსაზღვრულია ამ წესის №6 დანართში.“. 2. მე-2 მუხლის: ა) „ი.ბ.დ“ ქვეპუნქტი ამოღებულ იქნეს; ბ) დაემატოს შემდეგი შინაარსის „ი.გ“ ქვეპუნქტი: „ი.გ) დახრადი ხრახნის მქონე საჰაერო ხომალდი“. 3. მე-7 მუხლის: ა) მე-7 პუნქტის „დ“, „ე“ და „ზ“ ქვეპუნქტები ჩამოყალიბდეს შემდეგი რედაქციით: „დ) 5-წლიანი სამუშაო გამოცდილება შესაბამისი მიმართულებით და აქედან 2 წელი საავიაციო სფეროში შესაბამის პოზიციაზე; ე) ტექნიკური განათლება საავიაციო სპეციალობით ან საჰაერო ხომალდის ტექნიკოსის კვალიფიკაცია დამატებითი სწავლების მიღების შემდეგ;“; „ზ) ძრავიანი კომპლექსური საჰაერო ხომალდის შესაბამისი ტიპის ან/და კომპონენტის ცოდნა სააგენტოს მიერ სერტიფიცირებულ/აღიარებულ სასწავლო დაწესებულებაში სასწავლო გაცნობითი კურსის გავლის შედეგად, ხოლო სხვა სახის საჰაერო ხომალდის შემთხვევაში – მსგავსი ტიპის ცოდნა, რომელიც მან შეიძინა სასწავლო გაცნობითი კურსის გავლის შედეგად სააგენტოს მიერ სერტიფიცირებულ/აღიარებულ სასწავლო დაწესებულებაში ან სხ-ის მწარმოებელთან“; ბ) მე-10 პუნქტი ჩამოყალიბდეს შემდეგი რედაქციით: „10) პერსონალი, რომელიც ახორციელებს სხ-ის კონსტრუქციის და/ან კომპონენტების ურღვევ კონტროლს, კვალიფიცირებული უნდა იყოს სსტ ენ 4179:2017/2018 სტანდარტის შესაბამისად. საქართველოს კანონმდებლობის შესაბამისად სერტიფიცირებულ ან აღიარებულ B1, B3 და L კატეგორიის პერსონალს შეუძლია განახორციელოს საჰაერო ხომალდის კონსტრუქციის ან/და კომპონენტის შემოწმება ურღვევი კონტროლით, ფერთა კონტრასტული საღებავით შეღწევადობის ტესტის მეთოდით (color contrast dye penetrant tests).“. 4. მე-8 მუხლის: ა) მე-4 პუნქტი ჩამოყალიბდეს შემდეგი რედაქციით: „4. საწარმო ვალდებულია უზრუნველყოს დაშვებაზე უფლებამოსილი პერსონალისთვის და დამხმარე პერსონალისთვის სიახლეების გაცნობა ტექმომსახურების შესაბამის ტექნოლოგიასთან და საორგანიზაციო პროცედურებთან დაკავშირებით და შემდეგი სწავლებების ჩატარება: ა) ეროვნული და საერთაშორისო საავიაციო კანონმდებლობა; ბ) ადამიანურ ფაქტორი; გ) საწვავის ავზის უსაფრთხოება (FTS) - Appendix IV to AMC 145.A.30 (e) and 145.B.10(3) – Fuel tank safety training-ის შესაბამისად; დ) ელექტრონული გაყვანილობის ურთიერთდაკავშირების სისტემები (EWIS) – AMC 20-22-ის შესაბამისად“. 5. მე-10 მუხლის 1-ლი პუნქტის „ა.ბ“ ქვეპუნქტი ჩამოყალიბდეს შემდეგი რედაქციით: „ა.ბ) საჰაერო ხომალდის ან კომპონენტის მწარმოებლის მიერ; ან“. 6. 22-ე მუხლის 1-ლი პუნქტი ჩამოყალიბდეს შემდეგი რედაქციით: „1) განმცხადებელი, სერტიფიკატის მისაღებად სააგენტოში წარადგენს განცხადებას, რომელიც უნდა აკმაყოფილებდეს საქართველოს ზოგადი ადმინისტრაციული კოდექსის 78-ე მუხლის მოთხოვნებს და შეესაბამებოდეს ამ წესის №2 დანართით დადგენილ ფორმას. განცხადებას ხელს აწერს განმცხადებლის წარმომადგენლობითი უფლებამოსილებით აღჭურვილი პირი. ამ პუნქტით განსაზღვრული მოთხოვნა ვრცელდება აგრეთვე საწარმოს მიერ სააგენტოში წარდგენილ განცხადებაზე სერტიფიკატის განახლებასთან, დუბლიკატის გაცემასთან, აგრეთვე სერტიფიკატში და/ან მის დანართში ცვლილებების შეტანასთან დაკავშირებით.“. 7. 25-ე მუხლის 1-ლი პუნქტი ჩამოყალიბდეს შემდეგი რედაქციით: „1) სერტიფიკატის მფლობელი ამ მუხლის მე-3 პუნქტით განსაზღვრულ შემთხვევაში მიმართავს სააგენტოს წერილობითი განცხადებით (დანართი №2), რომელშიც აღინიშნება საწარმოს სერტიფიკატში და/ან სერტიფიკატის დანართში ცვლილებ(ებ)ის შეტანის მიზეზ(ებ)ი. განცხადებას უნდა ერთვოდეს სერტიფიკატში და/ან სერტიფიკატის დანართში ცვლილებ(ებ)ის შეტანის მიზეზ(ებ)ის დამადასტურებელი დოკუმენტაცია“. 8. 28-ე მუხლის: ა) 1-ელი პუნქტი ჩამოყალიბდეს შემდეგი რედაქციით: „1. საქართველოს სამოქალაქო საჰაერო ხომალდების სახელმწიფო რეესტრში რეგისტრირებული საჰაერო ხომალდის ტექნიკური მომსახურება ხორციელდება უცხო ქვეყნის მიერ სერტიფიცირებული საწარმოს მიერ, თუ ამ საწარმოს სერტიფიკატი (შემდგომში – უცხო სერტიფიკატი) აღიარებულია სააგენტოს მიერ, გარდა ამ მუხლის მე-12 პუნქტით გათვალისწინებული შემთხვევისა.“; ბ) მე-2 პუნქტის „ა“, „ბ“ და „დ“ ქვეპუნქტები ჩამოყალიბდეს შემდეგი რედაქციით: „ა) განაცხადი (დანართი №2); ბ) უცხო სერტიფიკატის მფლობელთან ტმ-ის განხორციელებაზე დადებული ხელშეკრულება ამ მუხლის მე-10 პუნქტის მოთხოვნების შესაბამისად;“; „დ) საწარმოს პროცედურების სახელმძღვანელო და აღიარებასთან დაკავშირებული დამატება, რომელიც შემუშავებული უნდა იყოს ამ წესის №7 დანართის შესაბამისად“; გ) დაემატოს შემდეგი შინაარსის მე-12 პუნქტი: „12. საჰაერო ხომალდზე პროგრამით გათვალისწინებული მარტივი გეგმური ტექმომსახურების სამუშაოების შესრულება არაუმეტეს 48 საათის ინტერვალით, ერთჯერადად, შესაძლებელია განხორციელდეს EASA-ს ან EASA-ს წევრი ქვეყნის მიერ სერტიფიცირებული საწარმოს მიერ, სხ-ის ძირითადი ადგილმდებარეობიდან გარეთ, სადაც არ არის ამ მუხლის შესაბამისად აღიარებული საწარმო. შენიშვნა: ამ პუნქტში მითითებული 48 საათი მოიცავს რეალურ დროის ინტერვალს და მასში არ იგულისხმება საჰაერო ხომალდის ფრენა-საათი.“. 9. დანართი №2 ჩამოყალიბდეს თანდართული რედაქციით. 10. დაემატოს №7 დანართი თანდართული რედაქციით. |
მუხლი 2 |
ბრძანება ამოქმედდეს გამოქვეყნებისთანავე. |
|
დოკუმენტის კომენტარები