ქალაქ ბათუმის მუნიციპალიტეტის საკრებულოს ზოგიერთ დადგენილებაში ცვლილების შეტანის შესახებ

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

ქალაქ ბათუმის მუნიციპალიტეტის საკრებულოს ზოგიერთ დადგენილებაში ცვლილების შეტანის შესახებ
დოკუმენტის ნომერი	13
დოკუმენტის მიმღები	ქალაქ ბათუმის მუნიციპალიტეტი
მიღების თარიღი	19/07/2022
დოკუმენტის ტიპი	მუნიციპალიტეტის საკრებულოს დადგენილება
გამოქვეყნების წყარო, თარიღი	ვებგვერდი, 19/07/2022
სარეგისტრაციო კოდი	010250050.35.132.016548

PDF გადმოწერა

ქალაქ ბათუმის მუნიციპალიტეტის საკრებულოს ზოგიერთ დადგენილებაში ცვლილების შეტანის შესახებ

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტისა და საქართველოს კანონის „საქართველოს ზოგადი ადმინისტრაციული კოდექსი“ 63-ე მუხლის საფუძველზე, ქალაქ ბათუმის მუნიციპალიტეტის საკრებულო ადგენს:

მუხლი 1

ქალაქ ბათუმის მუნიციპალიტეტის საკრებულოს რეგლამენტის დამტკიცების შესახებ“ ქალაქ ბათუმის მუნიციპალიტეტის საკრებულოს 2014 წლის 23 სექტემბრის №34 დადგენილებაში (გამოქვეყნების წყარო: საქართველოს საკანონმდებლო მაცნე, www.matsne.gov.ge, გამოქვეყნების თარიღი: 25/09/2014, სარეგისტრაციო კოდი: 010250040.35.132.016230) შეტანილ იქნეს შემდეგი ცვლილება:

1. დადგენილებით დამტკიცებული რეგლამენტის მე-10 მუხლის მე-11 პუნქტი ჩამოყალიბდეს შემდეგი შინაარსით:

„11. საკრებულოს წევრის უფლებამოსილების ვადამდე შეწყვეტის შესახებ საკრებულოს გადაწყვეტილება შეიძლება გასაჩივრდეს სასამართლოში.“.

2. დადგენილებით დამტკიცებული რეგლამენტის მე-19 მუხლი ჩამოყალიბდეს შემდეგი შინაარსით:

„მუხლი 19. საკრებულოს თავმჯდომარის მოადგილეები.“.

მუხლი 2

„ქალაქ ბათუმის მუნიციპალიტეტის საკრებულოს პოლიტიკური თანამდებობის პირების და საკრებულოს აპარატის პროფესიული საჯარო მოხელეების თანამდებობრივი სარგოების და საშტატო ნუსხის დამტკიცების შესახებ“ ქალაქ ბათუმის მუნიციპალიტეტის საკრებულოს 2018 წლის 18 იანვრის №7 დადგენილებაში (გამოქვეყნების წყარო: საქართველოს საკანონმდებლო მაცნე, www.matsne.gov.ge, გამოქვეყნების თარიღი: 22/01/2018, სარეგისტრაციო კოდი: 010260020.35.132.016355) შეტანილ იქნეს ცვლილება და დადგენილებით დამტკიცებული დანართი ჩამოყალიბდეს შემდეგი რედაქციით:

„დანართი

ქალაქ ბათუმის მუნიციპალიტეტის საკრებულოს პოლიტიკური თანამდებობის პირების, საკრებულოს აპარატის პროფესიული საჯარო მოხელეების თანამდებობრივი სარგო და საშტატო ნუსხა

№	თანამდებობის დასახელება	საშტატო ერთეულის რაოდენობა	თანამდებობრივი სარგო (ლარი)
1	საკრებულოს თავმჯდომარე	1	5060
2	საკრებულოს თავმჯდომარის პირველი მოადგილე	1	3600
3	საკრებულოს თავმჯდომარის მოადგილე	2	3400
4	საკრებულოს კომისიის თავმჯდომარე	5	2900
5	საკრებულოს ფრაქციის თავმჯდომარე	3	2900
6	საკრებულოს ფრაქციის თავმჯდომარის მოადგილე	10	2000
	ქალაქ ბათუმის მუნიციპალიტეტის საკრებულოს აპარატი
7	პირველადი სტრუქტურული ერთეულის – აპარატის უფროსი	1	3190
8	მეორე კატეგორიის უფროსი სპეციალისტი (შესყიდვების საკითხებში)	1	1540
9	მესამე კატეგორიის უფროსი სპეციალისტი (საბუღალტრო საკითხებში)	1	1430
10	მეორე კატეგორიის უფროსი სპეციალისტი (საერთაშორისო ურთიერთობებისა და პროტოკოლის საკითხებში)	1	1540
11	მეორე კატეგორიის უფროსი სპეციალისტი (გენდერული თანასწორობის საკითხებში)	1	1540
12	მეორე კატეგორიის უფროსი სპეციალისტი (იურიდიულ და საპროცედურო საკითხთა კომისია)	1	1540
13	მეორე კატეგორიის უფროსი სპეციალისტი (საფინანსო და ეკონომიკური განვითარების კომისია)	1	1540
14	მეორე კატეგორიის უფროსი სპეციალისტი (ინფრასტრუქტურის განვითარების კომისია)	1	1540
15	მეორე კატეგორიის უფროსი სპეციალისტი (ჯანმრთელობისა და სოციალურ საკითხთა კომისია)	1	1540
16	მეორე კატეგორიის უფროსი სპეციალისტი (განათლების, კულტურის, ტურიზმისა და სპორტის საკითხთა კომისია)	1	1540
	იურიდიული განყოფილება
17	მეორადი სტრუქტურული ერთეულის – განყოფილების უფროსი	1	2200
18	მეორე კატეგორიის უფროსი სპეციალისტი – იურისტი	2	1540
19	მესამე კატეგორიის უფროსი სპეციალისტი – იურისტი	1	1430
	საქმისწარმოებისა და ადამიანური რესურსების მართვის განყოფილება
20	მეორადი სტრუქტურული ერთეულის – განყოფილების უფროსი	1	2200
21	მეორე კატეგორიის უფროსი სპეციალისტი	3	1540
22	მესამე კატეგორიის უფროსი სპეციალისტი	3	1430
	მასმედიასთან და საზოგადოებასთან ურთიერთობის განყოფილება
23	მეორადი სტრუქტურული ერთეულის – განყოფილების უფროსი	1	2200
24	მეორე კატეგორიის უფროსი სპეციალისტი	1	1540
25	მესამე კატეგორიის უფროსი სპეციალისტი	1	1430
	ჯამი	46

.“.

მუხლი 3

„ქალაქ ბათუმის მუნიციპალიტეტის საკრებულოს წევრების (გარდა თანამდებობის პირებისა) უფლებამოსილების განხორციელებასთან დაკავშირებული ხარჯების ანაზღაურების წესის დამტკიცების შესახებ“ ქალაქ ბათუმის მუნიციპალიტეტის საკრებულოს 2022 წლის 17 ივნისის N8 დადგენილებაში (გამოქვეყნების წყარო: საქართველოს საკანონმდებლო მაცნე, www.matsne.gov.ge, გამოქვეყნების თარიღი: 20/06/2022, სარეგისტრაციო კოდი: 010250050.35.132.016543) შეტანილ იქნეს ცვლილება და დადგენილებით დამტკიცებული დანართის მე-2 მუხლის მე-4 პუნქტი ჩამოყალიბდეს შემდეგი რედაქციით:

„4. საკრებულოს წევრს (გარდა თანამდებობის პირებისა) საკრებულოსა და საკრებულოს მუდმივმოქმედი კომისიის სხდომა საპატიო მიზეზით გაცდენილად ეთვლება, თუ საკრებულოს/კომისიის სხდომის გაცდენის საპატიო მიზეზის არსებობის შესახებ სხდომამდე წერილობით, ხოლო წერილობით შეტყობინების შეუძლებლობის შემთხვევაში ზეპირად ინფორმირებული იქნება კომისიის/საკრებულოს თავმჯდომარე, რასთან დაკავშირებითაც საკრებულოს წევრმა საკრებულოს აპარატში ყოველი თვის არაუადრეს 1 და არაუგვიანეს 2 რიცხვისა წერილობით უნდა წარადგინოს შესაბამისი ფაქტის დამადასტურებელი დოკუმენტაცია.“.

მუხლი 4

„ქალაქ ბათუმის მუნიციპალური გენდერული თანასწორობის საბჭოს შექმნისა და დებულების დამტკიცების შესახებ“ ქალაქ ბათუმის მუნიციპალიტეტის საკრებულოს 2018 წლის 27 დეკენბრის №77 დადგენილებაში (გამოქვეყნების წყარო: საქართველოს საკანონმდებლო მაცნე, www.matsne.gov.ge, გამოქვეყნების თარიღი: 04/01/2019, სარეგისტრაციო კოდი: 010250050.35.132.016425) შეტანილ იქნეს შემდეგი ცვლილება:

1. დადგენილებით დამტკიცებული დანართის მე-3 მუხლის მე-2 და მე-4 პუნქტი შეიცვალოს და ჩამოყალიბდეს შემდეგი რედაქციით:

„2. საბჭოს წევრთა რაოდენობა განისაზღვრება არანაკლებ 11 და არაუმეტეს 35 წევრისაგან.

4. საბჭოს შემადგენლობაში ერთი სქესის წარმომადგენელთა რაოდენობა არ უნდა იყოს 40%-ზე ნაკლები.“.

2. დადგენილებით დამტკიცებული დანართის მე-3 მუხლის მე-3 პუნქტის „ზ“ ქვეპუნქტი შეიცვალოს და ჩამოყალიბდეს შემდეგი რედაქციით:

„ზ) გენდერულ საკითხებზე მომუშავე ორგანიზაციების წარმომადგენლები.“.

მუხლი 5

დადგენილება ამოქმედდეს გამოქვეყნებისთანავე.

ქალაქ ბათუმის მუნიციპალიტეტის საკრებულოს თავმჯდომარე რამაზ ჯინჭარაძე