„ქალაქ თბილისის მუნიციპალიტეტის ბიუჯეტის ქვეპროგრამის „სოციალურად დაუცველი და წარმატებული სტუდენტების ხელშეწყობა“ (კოდი 07 05 03) ფარგლებში გამოყოფილი ასიგნებებიდან წარმატებული სტუდენტების წახალისებისა და სოციალურად დაუცველი სტუდენტების დაფინანსების წესის დამტკიცების შესახებ” ქალაქ თბილისის მუნიციპალიტეტის საკრებულოს 2021 წლის 9 თებერვლის N74-4 დადგენილებაში ცვლილების შეტანის შესახებ

„ქალაქ თბილისის მუნიციპალიტეტის ბიუჯეტის ქვეპროგრამის „სოციალურად დაუცველი და წარმატებული სტუდენტების ხელშეწყობა“ (კოდი 07 05 03) ფარგლებში გამოყოფილი ასიგნებებიდან წარმატებული სტუდენტების წახალისებისა და სოციალურად დაუცველი სტუდენტების დაფინანსების წესის დამტკიცების შესახებ” ქალაქ თბილისის მუნიციპალიტეტის საკრებულოს 2021 წლის 9 თებერვლის N74-4 დადგენილებაში ცვლილების შეტანის შესახებ
დოკუმენტის ნომერი 10-47
დოკუმენტის მიმღები ქალაქ თბილისის მუნიციპალიტეტი
მიღების თარიღი 06/05/2022
დოკუმენტის ტიპი მუნიციპალიტეტის საკრებულოს დადგენილება
გამოქვეყნების წყარო, თარიღი ვებგვერდი, 10/05/2022
სარეგისტრაციო კოდი 280080020.35.101.016989
10-47
06/05/2022
ვებგვერდი, 10/05/2022
280080020.35.101.016989
„ქალაქ თბილისის მუნიციპალიტეტის ბიუჯეტის ქვეპროგრამის „სოციალურად დაუცველი და წარმატებული სტუდენტების ხელშეწყობა“ (კოდი 07 05 03) ფარგლებში გამოყოფილი ასიგნებებიდან წარმატებული სტუდენტების წახალისებისა და სოციალურად დაუცველი სტუდენტების დაფინანსების წესის დამტკიცების შესახებ” ქალაქ თბილისის მუნიციპალიტეტის საკრებულოს 2021 წლის 9 თებერვლის N74-4 დადგენილებაში ცვლილების შეტანის შესახებ
ქალაქ თბილისის მუნიციპალიტეტი
„ქალაქ თბილისის მუნიციპალიტეტის ბიუჯეტის ქვეპროგრამის „სოციალურად დაუცველი და წარმატებული სტუდენტების ხელშეწყობა“ (კოდი 07 05 03) ფარგლებში გამოყოფილი ასიგნებებიდან წარმატებული სტუდენტების წახალისებისა და სოციალურად დაუცველი სტუდენტების დაფინანსების წესის დამტკიცების შესახებ” ქალაქ თბილისის მუნიციპალიტეტის საკრებულოს 2021 წლის 9 თებერვლის N74-4 დადგენილებაში ცვლილების შეტანის შესახებ
 

ქალაქ თბილისის მუნიციპალიტეტის საკრებულოს

დადგენილება №10-47

2022 წლის 6 მაისი

ქ. თბილისი

 

„ქალაქ თბილისის მუნიციპალიტეტის ბიუჯეტის ქვეპროგრამის „სოციალურად დაუცველი და წარმატებული სტუდენტების ხელშეწყობა“ (კოდი 07 05 03) ფარგლებში გამოყოფილი ასიგნებებიდან წარმატებული სტუდენტების წახალისებისა და სოციალურად დაუცველი სტუდენტების დაფინანსების წესის დამტკიცების შესახებ” ქალაქ თბილისის მუნიციპალიტეტის საკრებულოს 2021 წლის 9 თებერვლის №74-4 დადგენილებაში ცვლილების შეტანის შესახებ

საქართველოს ორგანული კანონის „ადგილობრივი თვითმმართველობის კოდექსის“ 61-ე მუხლის მე-2 პუნქტისა და „ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ქალაქ თბილისის მუნიციპალიტეტის საკრებულო ადგენს:

მუხლი 1
შევიდეს ცვლილება „ქალაქ თბილისის  მუნიციპალიტეტის ბიუჯეტის ქვეპროგრამის „სოციალურად დაუცველი  და    წარმატებული სტუდენტების ხელშეწყობა“ (კოდი 07 05 03) ფარგლებში გამოყოფილი ასიგნებებიდან წარმატებული სტუდენტების  წახალისებისა და სოციალურად დაუცველი სტუდენტების დაფინანსების წესის დამტკიცების შესახებ” ქალაქ თბილისის მუნიციპალიტეტის საკრებულოს 2021 წლის 9 თებერვლის №74-4 დადგენილებაში (www.matsne.gov.ge; 10/02/2021; №280080020.35.101.016822) და დადგენილების:

ა) სათაური ჩამოყალიბდეს შემდეგი რედაქციით:

„ქალაქ თბილისის მუნიციპალიტეტის ბიუჯეტის ქვეპროგრამის „სტუდენტთა დაფინანსების პროგრამა” (კოდი 07 05 03) ფარგლებში გამოყოფილი ასიგნებებიდან წარმატებული სტუდენტების წახალისების და სოციალურად დაუცველი, შეზღუდული შესაძლებლობის მქონე და მრავალშვილიანი ოჯახის წევრი სტუდენტების დაფინანსების წესის დამტკიცების შესახებ“;

ბ) პირველი მუხლი ჩამოყალიბდეს შემდეგი რედაქციით:

„მუხლი 1. დამტკიცდეს:

ა) „ქალაქ თბილისის მუნიციპალიტეტის ბიუჯეტის ქვეპროგრამის „სტუდენტთა დაფინანსების პროგრამა” (კოდი 07 05 03) ფარგლებში გამოყოფილი ასიგნებებიდან „წარმატებული სტუდენტების წახალისების წესი“, დანართის 1-ის შესაბამისად;

ბ) „ქალაქ თბილისის მუნიციპალიტეტის ბიუჯეტის ქვეპროგრამის „სტუდენტთა დაფინანსების პროგრამა” (კოდი 07 05 03) ფარგლებში გამოყოფილი ასიგნებებიდან „სოციალურად დაუცველი, შეზღუდული შესაძლებლობის მქონე და მრავალშვილიანი ოჯახის წევრი სტუდენტების დაფინანსების წესი“, დანართი 2-ის შესაბამისად.“;

გ) პირველი მუხლის „ა“ ქვეპუნქტით დამტკიცებული დანართი 1-ის:

გ.ა)  სათაური ჩამოყალიბდეს შემდეგი რედაქციით:

„ქალაქ თბილისის მუნიციპალიტეტის ბიუჯეტის ქვეპროგრამის „სტუდენტთა დაფინანსების პროგრამა” (კოდი 07 05 03) ფარგლებში გამოყოფილი ასიგნებებიდან წარმატებული სტუდენტების წახალისების წესი“;

გ.ბ) პირველი მუხლის პირველი პუნქტი ჩამოყალიბდეს შემდეგი რედაქციით:

„1. ქალაქ თბილისის მუნიციპალიტეტის ბიუჯეტის ქვეპროგრამის „სტუდენტთა დაფინანსების პროგრამა” (კოდი 07 05 03) ფარგლებში გამოყოფილი ასიგნებებიდან  წარმატებული სტუდენტების წახალისების  წესი“ (შემდგომში – წესი) განსაზღვრავს, „უმაღლესი განათლების შესახებ“ საქართველოს კანონით გათვალისწინებული, ქალაქ თბილისის მუნიციპალიტეტის ადმინისტრაციულ საზღვრებში მოქმედი, საჯარო სამართლის იურიდიული პირის ფორმით დაფუძნებული უმაღლესი საგანმანათლებლო დაწესებულებების წარმატებული სტუდენტების წახალისების წესსა და პირობებს.“;

გ.გ) პირველი მუხლის მე-3 და მე-4 პუნქტები ჩამოყალიბდეს შემდეგი რედაქციით:

„3. დაფინანსება გაიცემა ქალაქ თბილისის მუნიციპალიტეტის ბიუჯეტით გათვალისწინებული ქვეპროგრამის „სტუდენტთა დაფინანსების პროგრამა” (კოდი 07 05 03) ფარგლებში.“;

„4. ამ წესის მოქმედება არ ვრცელდება იმ დაფინანსებაზე, რომლისთვისაც თანხა გამოიყოფა  ქალაქ თბილისის მუნიციპალიტეტის ბიუჯეტის ქვეპროგრამაში „სტუდენტთა დაფინანსების პროგრამა” (კოდი 07 05 03) ქალაქ თბილისის მუნიციპალიტეტის ბიუჯეტის სარეზერვო ფონდიდან გადატანილი თანხების ფარგლებში.“;

დ) პირველი მუხლის „ბ“ ქვეპუნქტით დამტკიცებული დანართი 2 ჩამოყალიბდეს თანდართული რედაქციით.

მუხლი 2
დადგენილება ამოქმედდეს გამოქვეყნებისთანავე.

ქალაქ თბილისის მუნიციპალიტეტის საკრებულოს თავმჯდომარეგიორგი ტყემალაძე



დანართი 2

 

ქალაქ თბილისის მუნიციპალიტეტის ბიუჯეტის ქვეპროგრამის „სტუდენტთა დაფინანსების პროგრამა (კოდი 07 05 03) ფარგლებში გამოყოფილი ასიგნებებიდან სოციალურად დაუცველი, შეზღუდული შესაძლებლობის მქონე და მრავალშვილიანი ოჯახის წევრი სტუდენტების დაფინანსების წესი

მუხლი 1. ზოგადი დებულებანი
1. ქალაქ თბილისის მუნიციპალიტეტის ბიუჯეტის ქვეპროგრამის „სტუდენტთა დაფინანსების პროგრამა“ (კოდი 07 05 03)  ფარგლებში გამოყოფილი ასიგნებებიდან „სტუდენტების დაფინანსების წესი“ (შემდგომში – წესი) განსაზღვრავს ქალაქ თბილისის მუნიციპალიტეტის ტერიტორიაზე რეგისტრირებული სოციალურად დაუცველი, შეზღუდული შესაძლებლობის  მქონე  და მრავალშვილიანი ოჯახის წევრი სტუდენტებისათვის უმაღლეს საგანმანათლებლო დაწესებულებაში სწავლის დაფინანსების წესსა და პირობებს, ქალაქ თბილისის მუნიციპალიტეტის ბიუჯეტით გათვალიწინებული ქვეპროგრამის „სტუდენტთა დაფინანსების პროგრამა“ (კოდი 07 05 03) ფარგლებში.

2. ამ წესის მოქმედება არ ვრცელდება იმ დაფინანსებაზე, რომლისთვისაც თანხა გამოიყოფა ქალაქ თბილისის მუნიციპალიტეტის ბიუჯეტით გათვალიწინებულ ქვეპროგრამაში „სტუდენტთა დაფინანსების პროგრამა“ (კოდი 07 05 03), ქალაქ თბილისის  მუნიციპალიტეტის ბიუჯეტის სარეზერვო ფონდიდან  გადატანილი თანხის ფარგლებში.


მუხლი 2. ტერმინთა განმარტება
ამ წესში გამოყენებულ ტერმინებს აქვს შემდეგი მნიშვნელობა:

ა) სოციალურად დაუცველი სტუდენტი – საქართველოს მოქალაქე, ქალაქ თბილისის მუნიციპალიტეტის ტერიტორიაზე რეგისტრირებული პირი, რომელიც საქართველოს კანონმდებლობით დადგენილი წესით ჩაირიცხა უმაღლეს საგანმანათლებლო დაწესებულებაში, ქართულ ენაში მომზადების საგანმანათლებლო პროგრამაზე, ბაკალავრიატის ან მაგისტრატურის პროგრამაზე, მასწავლებლის მომზადების ინტეგრირებულ საბაკალავრო-სამაგისტრო პროგრამაზე, ვეტერინარიის ინტეგრირებულ სამაგისტრო პროგრამაზე, დიპლომირებული მედიკოსის/სტომატოლოგის საგანმანათლებლო პროგრამებზე ან დოქტორანტურის საგანმანათლებლო პროგრამაზე, რომელიც არის აქტიური სტატუსის მქონე სტუდენტი და  რეგისტრირებულია საჯარო სამართლის იურიდიული პირის – სოციალური მომსახურების სააგენტოს „სოციალურად დაუცველი ოჯახების მონაცემთა ერთიან ბაზაში“ და მინიჭებული სარეიტინგო ქულა ტოლია ან ნაკლებია 150 000-ზე და „სოციალურად დაუცველი ოჯახების მონაცემთა ერთიანი ბაზიდან“ ამონაწერში ოჯახის საცხოვრებელი ადგილის მისამართად მითითებულია ქალაქი თბილისი. 

ბ)  შეზღუდული შესაძლებლობის მქონე სტუდენტი – საქართველოს მოქალაქე, ქალაქ თბილისის მუნიციპალიტეტის მერიაში განცხადების წარდგენის მომენტისთვის ქალაქ თბილისის მუნიციპალიტეტის ტერიტორიაზე არანაკლებ ბოლო 6 (ექვსი) თვის განმავლობაში რეგისტრირებული პირი, რომელიც საქართველოს კანონმდებლობით დადგენილი წესით ჩაირიცხა უმაღლეს საგანმანათლებლო დაწესებულებაში, ქართულ ენაში მომზადების საგანმანათლებლო პროგრამაზე, ბაკალავრიატის ან მაგისტრატურის პროგრამაზე, მასწავლებლის მომზადების ინტეგრირებულ საბაკალავრო-სამაგისტრო პროგრამაზე, ვეტერინარიის ინტეგრირებულ სამაგისტრო პროგრამაზე, დიპლომირებული მედიკოსის/სტომატოლოგის საგანმანათლებლო პროგრამებზე ან დოქტორანტურის საგანმანათლებლო პროგრამაზე, რომელიც არის აქტიური სტატუსის მქონე სტუდენტი და საქართველოს კანონმდებლობის შესაბამისად მინიჭებული აქვს ზომიერად, მნიშვნელოვნად ან მკვეთრად გამოხატული შესაძლებლობის შეზღუდვის სტატუსი;

გ) მრავალშვილიანი ოჯახის წევრი სტუდენტი – საქართველოს მოქალაქე, ქალაქ თბილისის მუნიციპალიტეტის მერიაში განცხადების წარდგენის მომენტისთვის ქალაქ თბილისის მუნიციპალიტეტის ტერიტორიაზე არანაკლებ ბოლო 6  (ექვსი)  თვის განმავლობაში რეგისტრირებული პირი, რომელიც საქართველოს კანონმდებლობით დადგენილი წესით ჩაირიცხა უმაღლესი საგანმანათლებლო დაწესებულებაში ქართულ ენაში მომზადების საგანმანათლებლო პროგრამაზე, ბაკალავრიატის ან მაგისტრატურის პროგრამაზე, მასწავლებლის მომზადების ინტეგრირებულ საბაკალავრო-სამაგისტრო პროგრამაზე, ვეტერინარიის ინტეგრირებულ სამაგისტრო პროგრამაზე, დიპლომირებული მედიკოსის/სტომატოლოგის საგანმანათლებლო პროგრამებზე ან დოქტორანტურის საგანმანათლებლო პროგრამაზე, რომელიც არის აქტიური სტატუსის მქონე სტუდენტი და საქართველოს კანონმდებლობის შესაბამისად არის მრავალშვილიანი  (ოთხი და მეტი შვილი) ოჯახის  წევრი;

დ) უმაღლესი  საგანმანათლებლო დაწესებულება – საქართველოს ტერიტორიაზე მოქმედი, ავტორიზებული,  უმაღლესი   საგანმანათლებლო  პროგრამ (ებ)-ის ან/და სასწავლო-კვლევითი საქმიანობის  განმახორციელებელი დაწესებულება;

ე) დაფინანსება – ქვეპროგრამის ფარგლებში გამოყოფილი ასიგნებებიდან სოციალურად დაუცველი, შეზღუდული შესაძლებლობის მქონე  ან  მრავალშვილიანი ოჯახის წევრი სტუდენტებისათვის უმაღლეს საგანმანათლებლო დაწესებულებაში სწავლის საფასურის გადახდა (დახმარება, ერთჯერადი გასაცემელი), წინა სემესტრში მიღებული შეფასებების და აკადემიური ქულების საშუალო არითმეტიკულის შესაბამისად, ერთი სასწავლო წლის განმავლობაში არაუმეტეს 2250 (ორიათას ორას ორმოცდაათი) ლარის, ხოლო ერთი სემესტრის განმავლობაში არაუმეტეს 1125 (ათას ას ოცდახუთი) ლარის;

ვ) ქვეპროგრამა – ქალაქ თბილისის მუნიციპალიტეტის ბიუჯეტის ქვეპროგრამა „სტუდენტთა დაფინანსების პროგრამა” (კოდი 07 05 03).


მუხლი 3. დაფინანსების მოპოვების ეტაპები 
დაფინანსების მოპოვების ეტაპებია:

ა) განცხადების წარდგენა;

ბ) წარდგენილი განცხადების ამ წესთან შესაბამისობის დადგენა;

გ) სტუდენტის დაფინანსება.


მუხლი 4. განცხადების წარდგენის ვადების განსაზღვრა და განცხადების წარდგენა 
1. დაფინანსების მოთხოვნით, ქალაქ თბილისის მუნიციპალიტეტის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურისთვის (შემდგომში – სამსახური) განცხადებით მიმართვა შეუძლია სოციალურად დაუცველ, შეზღუდული შესაძლებლობის მქონე ან მრავალშვილიანი ოჯახის წევრ   სტუდენტს.

2. სამსახურში განცხადების წარდგენის  ვადები განისაზღვრება სამსახურის უფროსის  ბრძანებით.

3. სოციალურად დაუცველმა, შეზღუდული შესაძლებლობის მქონე  ან მრავალშვილიანი ოჯახის წევრმა სტუდენტმა დაფინანსების მისაღებად, განცხადებით უნდა მიმართოს სამსახურს, სამსახურის უფროსის ბრძანებით განსაზღვრულ ვადაში და განცხადებას თან უნდა დაურთოს შემდეგი დოკუმენტები:

ა)  საქართველოს მოქალაქის პირადობის მოწმობის ასლი ან საქართველოს მოქალაქის პასპორტის ასლი;

ბ) სოციალურად დაუცველი სტუდენტის  შემთხვევაში – ამონაწერი „სოციალურად  დაუცველი ოჯახების მონაცემთა ერთიანი ბაზიდან“, შეზღუდული შესაძლებლობის  მქონე ან  მრავალშვილიანი ოჯახის წევრი სტუდენტის  შემთხვევაში – სტატუსის დამადასტურებელი ცნობა შესაბამისი ადმინისტრაციული ორგანოდან;

გ) ცნობა უმაღლესი საგანმანათლებლო დაწესებულებიდან, რომელიც უნდა შეიცავდეს ინფორმაციას სტუდენტის  სტატუსის და წლიური გადასახადის შესახებ;

დ) უმაღლესი საგანმანათლებლო დაწესებულების მიერ გაცემული აკადემიური მოსწრების მაჩვენებელი/ამონაწერი, წინა სემესტრში გავლილი საგნებისა და შეფასებების შესახებ;

ე) იძულებით გადაადგილებული პირის-დევნილის შემთხვევაში-დოკუმენტი, დროებითი რეგისტრაციის ადგილის შესახებ, უფლებამოსილი ადმინისტრაციული ორგანოდან;

ვ) უმაღლესი საგანმანათლებლო დაწესებულების საბანკო რეკვიზიტები/ანგარიშფაქტურა;

ზ) ამონაწერი, ქალაქ თბილისის მუნიციპალიტეტში რეგისტრაციის შესახებ, უფლებამოსილი ადმინისტრაციული ორგანოდან.

4. ამ მუხლის მე-3 პუნქტის „დ“ ქვეპუნქტი არ ვრცელდება პირველი სემესტრის სტუდენტებზე.

5. ამ  მუხლის მე-3 პუნქტის „ზ“ ქვეპუნქტი არ ვრცელდება სოციალურად დაუცველ  სტუდენტებზე.


მუხლი 5. წარდგენილი განცხადების ამ წესთან შესაბამისობის დადგენა
1. დაფინანსების ადმინისტრირებას ახორციელებს სამსახური.

2სამსახური განიხილავს  განცხადებას და ადგენს განცხადების ამ წესთან შესაბამისობას.

3. განხილვას არ ექვემდებარება განცხადება, რომლითაც სოციალურად დაუცველი, შეზღუდული შესაძლებლობის  მქონე ან მრავალშვილიანი ოჯახის წევრი სტუდენტი ითხოვს დამატებითი სემესტრის დაფინანსებას, გარდა იმ შემთხვევისა, თუ   სოციალურად დაუცველი, შეზღუდული შესაძლებლობის  მქონე ან მრავალშვილიანი ოჯახის წევრი სტუდენტის მიერ დამატებითი სემესტრის  გავლა გამოწვეულია ჯანმრთელობის მდგომარეობის, აკადემიური შვებულების, სამხედრო სავალდებულო სამსახურის გავლის, საზღვარგარეთ სწავლის,  ფინანსური დავალიანების გამო და აღნიშნული დასტურდება შესაბამისი დოკუმენტაციით.

4. სამსახურის უფროსის მიერ განსაზღვრულ ვადაში დოკუმენტაციის არასრულყოფილად წარდგენის შემთხვევაში განცხადება არ განიხილება.


მუხლი 6. დაფინანსების გაცემა
1. დაფინანსება გაიცემა ქალაქ თბილისის მუნიციპალიტეტის ბიუჯეტის ქვეპროგრამით „სტუდენტთა დაფინანსების პროგრამა” (კოდი 07 05 03) გათვალისწინებული ასიგნებების ფარგლებში.

2. ქვეპროგრამის ფარგლებში  სოციალურად  დაუცველი,  შეზღუდული შესაძლებლობის მქონე ან  მრავალშვილიანი ოჯახის წევრი სტუდენტებისთვის ხორციელდება სემესტრული სწავლის საფასურის დაფინანსება, სტუდენტის მოთხოვნისა და ამ  მუხლის მე-6 პუნქტის შესაბამისად.

3. ქვეპროგრამის ფარგლებში, პირველი სემესტრის სტუდენტები იღებენ სემესტრული თანხის არაუმეტეს 50%-იან დაფინანსებას, ამ წესის მე-2 მუხლის „ე“ ქვეპუნქტის შესაბამისად, ხოლო თუ პირველი სემესტრის სტუდენტს აქვს მნიშვნელოვნად ან მკვეთრად გამოხატული შეზღუდვის სტატუსი, დაფინანსდება სემესტრული თანხის არაუმეტეს 70%-ით, ამ წესის მე-2 მუხლის „ე“ ქვეპუნქტის შესაბამისად.

4. ქვეპროგრამის ფარგლებში სოციალურად  დაუცველი,  შეზღუდული შესაძლებლობის მქონე ან მრავალშვილიანი ოჯახის წევრი სტუდენტებისთვის გამოყოფილი თანხა გაიცემა სემესტრულად, სასწავლო წლის განმავლობაში  არაუმეტეს ორჯერ.

5. სოციალურად დაუცველი, შეზღუდული შესაძლებლობის მქონე  ან მრავალშვილიანი ოჯახის წევრი სტუდენტის  მიერ, სამსახურში წარდგენილი დოკუმენტაციის საფუძველზე, სამსახური ამზადებს ქალაქ თბილისის მუნიციპალიტეტის მერიის საფინანსო საქალაქო სამსახურისათვის წერილს, შესაბამის უმაღლეს საგანმანათლებლო დაწესებულებებში თანხის გადარიცხვის მოთხოვნით.

6. სოციალურად დაუცველი, შეზღუდული შესაძლებლობის მქონე ან მრავალშვილიანი ოჯახის წევრი სტუდენტებისათვის  უმაღლეს საგანმანათლებლო დაწესებულებებში სწავლის დაფინანსებისათვის თანხა გაიცემა შემდეგნაირად:

 

 

წინა სემესტრში მიღებული შეფასებების და

აკადემიური ქულების საშუალო არითმეტიკული

დასაფინანსებელი თანხის ოდენობა

1.

90-ზე მეტი – 100 ქულის ჩათვლით

სემესტრული თანხის არაუმეტეს  100%, ამ წესის მე-2 მუხლის „ე“ ქვეპუნქტის გათვალისწინებით:

  • სტუდენტებისთვის, რომელთა სარეიტინგო ქულა „სოციალურად დაუცველი ოჯახების მონაცემთა ერთიან ბაზაში“ არის 150 000-ის ტოლი ან  ნაკლები.
  • მრავალშვილიანი ოჯახის წევრი სტუდენტებისთვის;
  • შეზღუდული შესაძლებლობის მქონე სტუდენტებისთვის;

2.

70-ზე მეტი- 90 ქულის ჩათვლით

სემესტრული თანხის  არაუმეტეს 100%, ამ წესის მე-2 მუხლის „ე“ ქვეპუნქტის გათვალისწინებით:

  • სტუდენტებისთვის, რომელთა სარეიტინგო ქულა   „სოციალურად დაუცველი ოჯახების მონაცემთა ერთიან ბაზაში“ არ  აღემატება 70 000-ს;
  • მნიშვნელოვნად ან მკვეთრად გამოხატული შეზღუდული შესაძლებლობის მქონე სტუდენტებისთვის;

ასევე, სემესტრული თანხის არაუმეტეს  70%:

  • სტუდენტებისთვის, რომელთა სარეიტინგო ქულა „სოციალურად დაუცველი ოჯახების მონაცემთა ერთიან ბაზაში“ არის 70 000-ზე მეტი და 150 000-ის ტოლი ან ნაკლები;
  • მრავალშვილიანი ოჯახის წევრი სტუდენტებისთვის;
  • ზომიერად გამოხატული შეზღუდული შესაძლებლობის მქონე სტუდენტებისათვის;

3.

ტოლია ან ნაკლებია 70  ქულაზე

 

სემესტრული თანხის არაუმეტეს 50%, ამ წესის მე-2 მუხლის „ე“ ქვეპუნქტის გათვალისწინებით:

  • სტუდენტებისთვის, რომელთა სარეიტინგო ქულა „სოციალურად დაუცველი ოჯახების მონაცემთა ერთიან ბაზაში“ ტოლია ან ნაკლებია 150 000 -ის;
  • მრავალშვილიანი ოჯახის წევრი სტუდენტებისთვის;
  • ზომიერად გამოხატული შეზღუდული შესაძლებლობის მქონე სტუდენტებისათვის;

ასევე, სემესტრული თანხის არაუმეტეს 70%, მკვეთრად ან მნიშვნელოვნად გამოხატული შეზღუდული შესაძლებლობის სტუდენტისათვის;

 

7. თუ სტუდენტს აქვს ამ წესით გათვალისწინებული ორი ან მეტი სოციალური სტატუსი, სტუდენტი დაფინანსდება იმ სტატუსის მიხედვით, რომელიც მოიცავს სწავლის დაფინანსების უფრო მაღალ პროცენტს.


მუხლი 7. დაფინანსების დაბრუნების წესი
თუ არ მოხდება ქვეპროგრამის ფარგლებში შერჩეული სტუდენტის მიერ, მისთვის გამოყოფილი დაფინანსების ათვისება, უმაღლესი საგანმანათლებლო დაწესებულება სასწავლო სემესტრის ბოლოს აბრუნებს მიღებულ თანხას ქალაქ  თბილისის მუნიციპალიტეტის  მერიის  მიერ განსაზღვრულ ანგარიშზე.