დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„სურსათში ზოგიერთი დამაბინძურებლის (კონტამინანტის) მაქსიმალურად დასაშვები ზღვრის შესახებ ტექნიკური რეგლამენტის დამტკიცების თაობაზე“ საქართველოს მთავრობის 2015 წლის 9 ნოემბრის №567 დადგენილებაში ცვლილების შეტანის შესახებ | |
---|---|
დოკუმენტის ნომერი | 147 |
დოკუმენტის მიმღები | საქართველოს მთავრობა |
მიღების თარიღი | 25/03/2022 |
დოკუმენტის ტიპი | საქართველოს მთავრობის დადგენილება |
გამოქვეყნების წყარო, თარიღი | ვებგვერდი, 28/03/2022 |
სარეგისტრაციო კოდი | 300160070.10.003.023357 |
|
მუხლი 1 |
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „სურსათში ზოგიერთი დამაბინძურებლის (კონტამინანტის) მაქსიმალურად დასაშვები ზღვრის შესახებ ტექნიკური რეგლამენტის დამტკიცების თაობაზე“ საქართველოს მთავრობის 2015 წლის 9 ნოემბრის №567 დადგენილებაში (www.matsne.gov.ge, 11/11/2015, 300160070.10.003.018953) შეტანილ იქნეს ცვლილება და დადგენილებით დამტკიცებული „სურსათში ზოგიერთი დამაბინძურებლის (კონტამინანტის) მაქსიმალურად დასაშვები ზღვრის შესახებ ტექნიკური რეგლამენტის“ დანართის – „სურსათში ზოგიერთი დამაბინძურებლის (კონტამინანტის) დასაშვები მაქსიმალური ზღვრის (1)“:
1. მე-3 ნაწილი ჩამოყალიბდეს შემდეგი რედაქციით:
„ნაწილი 3. ლითონები
.“.
2. მე-4 ნაწილი ჩამოყალიბდეს შემდეგი რედაქციით: „ნაწილი 4. 3-მონოქლორპროპანდიოლი (3-MCPD) და გლიციდილის ცხიმოვანი მჟავას რთული ეთერები
.“.
3. მე-6 ნაწილი ჩამოყალიბდეს შემდეგი რედაქციით: „ნაწილი 6. პოლიციკლური არომატული ნახშირწყალბადები
.“. 4. მე-8 ნაწილი ჩამოყალიბდეს შემდეგი რედაქციით:
„ნაწილი 8. დამახასიათებელი მცენარეული ტოქსინები
.“. 5. მე-8 ნაწილის შემდეგ დაემატოს შემდეგი შინაარსის მე-9 ნაწილი:
„ნაწილი 9: პერქლორატი
.“. 6. მინიშნებების (24) პუნქტი ჩამოყალიბდეს შემდეგი რედაქციით: „(24) მშრალი, განზავებული, გადამუშავებული და შედგენილი სურსათისათვის გამოყენებულ უნდა იქნეს ამ ტექნიკური რეგლამენტის მე-4 მუხლის პირველი და მე-2 პუნქტები. Pecten maximus-ისთვის მაქსიმალური ზღვარი ვრცელდება მხოლოდ შემაერთებელ კუნთებსა და სასქესო ჯირკვალზე.“.
7. მინიშნებების (37) პუნქტი ჩამოყალიბდეს შემდეგი რედაქციით: „(37) კაკლოვანი მცენარეების გადამუშავებით მიღებული სურსათისათვის მაქსიმალური ზღვარი დადგენილ iუნდა იქნეს გადაუმუშავებელი კაკლოვანების შესაბამისად. სხვა შემთხვევაში, მაქსიმალური ზღვარი დგინდება ამ რეგლამენტის მე-4 მუხლის პირველი, მე-2 და მე-3 პუნქტების შესაბამისად.“.
8. მინიშნებებს დაემატოს შემდეგი შინაარსის (54), (55), (56), (57), (58), (59 ა), (59 ბ), (59 გ), (60) და (61) პუნქტები: „(54) ფორმულა ადრეული ასაკის ბავშვებისათვის – რძის საფუძველზე წარმოებული თხევადი სურსათი ან ცილის საფუძველზე წარმოებული ანალოგიური პროდუქტები, რომლებიც განკუთვნილია ადრეული ასაკის ბავშვებისათვის. ეს პროდუქტები რეგულირებულია „ტექნიკური რეგლამენტის – ჩვილი და ადრეული ასაკის ბავშვთათვის გათვალისწინებული განსაკუთრებული სამედიცინო დანიშნულებისა და წონის კონტროლის მიზნით რაციონის სრულად ჩანაცვლებისათვის განკუთვნილი სურსათის შესახებ დამტკიცების თაობაზე“ საქართველოს მთავრობის 2017 წლის 27 ივლისის №370 დადგენილებით. (55) ლიქიორული ღვინო – ღვინო, რომელიც მიიღება ყურძნის ტკბილზე, დურდოზე, მადუღარ ტკბილზე, მადუღარ დურდოზე ან ღვინოზე ყურძნისეული წარმოშობის სპირტის ან/და კონცენტრირებული ყურძნის ტკბილის დამატებით და რომლის ფაქტობრივი სპირტშემცველობა 15%-დან 24%-მდეა (საქართველოს კანონი „ვაზისა და ღვინის შესახებ“). (56) მაქსიმალური ზღვრები არ ვრცელდება კაკლოვანებზე ან ზეთოვან თესლებზე, რომლებიც განკუთვნილია დაქუცმაცებისა და ზეთის მისაღებად იმ პირობით, რომ დაწნეხილი კაკლოვანები და ზეთოვანი თესლები არ განთავსდება ბაზარზე სურსათად. იმ შემთხვევაში, თუ დაწნეხილი კაკლოვანები და ზეთოვანი თესლები განთავსდება ბაზარზე, როგორც სურსათი, მაქსიმალურ ზღვრებთან დაკავშირებით მათზე ვრცელდება ამ ტექნიკური რეგლამენტის მე-4 მუხლის პირველი, მე-2 და მე-3 პუნქტები. (57) მაქსიმალური ზღვრები არ ვრცელდება მარცვლოვან კულტურებზე, რომლებიც გამოიყენება ლუდის ალაოს ან დისტილატის წარმოებისათვის, იმ პირობით, რომ დარჩენილი ალაო არ განთავსდება ბაზარზე სურსათად. იმ შემთხვევაში, თუ დარჩენილი ალაო განთავსდება ბაზარზე, როგორც სურსათი, მაქსიმალურ ზღვრებთან დაკავშირებით მათზე ვრცელდება ამ ტექნიკური რეგლამენტის მე-4 მუხლის პირველი, მე-2 და მე-3 პუნქტები. (58) სასმელების მომზადება გულისხმობს ფხვნილების გამოყენებას, რომლებიც წვრილად არის დაფქული და შერეულია (გახსნილია) სასმელში. (59ა) – „პირველი/პირველადი გამოწურვის ზეითუნის ზეთი“ – ზეთი, რომელიც მიიღება ზეთისხილის (Olea europaea L.) ნაყოფიდან მხოლოდ მექანიკური ან სხვა ფიზიკური მეთოდების, მათ შორის, ტემპერატურის გამოყენებით, რომელიც არ იწვევს ზეთის შეცვლას და რომელიც არ დაექვემდებარა არანაირ დამუშავებას, გარდა წყლით გარეცხვის, დეკანტაციის, ცენტრიფუგირებისა და ფილტრაციისა. (59ბ) – „ზეითუნის ზეთი, რომელიც შედგება რაფინირებული ზეითუნის ზეთისა და პირველი/პირველადი გამოწურვის ზეითუნის ზეთისგან“ – ზეითუნის ზეთი, რომელიც მიიღება გასუფთავებული ზეითუნის ზეთისა და პირველი/პირველადი გამოწურვის ზეთების შერევით, გარდა „ლამპანტე“ ზეითუნის ზეთისა, რომელიც ხასიათდება მაღალი მჟავიანობით, გამოხატული ოლეინის მჟავით არაუმეტეს 1გ-ისა 100 გ-ში. (59გ) – „მეორადი გამოწურვის (ჩენჩოს) ზეითუნის ზეთები“ – ზეთი, რომელიც მიიღება ჩენჩოს რაფინირებული ზეითუნის ზეთისა და პირველი/პირველადი გამოწურვის ზეითუნის ზეთის შერევით, გარდა „ლამპანტე“ ზეითუნის ზეთისა, რომელიც ხასიათდება მაღალი მჟავიანობით, გამოხატული ოლეინის მჟავით არაუმეტეს 1გ-ისა 100 გ-ში. (60) ზეთები და ცხიმები, რომლებიც გამოიყენება ნარევის ინგრედიენტებად, უნდა შეესაბამებოდეს ზეთისა და ცხიმისთვის დადგენილ მაქსიმალურ ზღვარს. შესაბამისად, 3-მონოქლოროპროპანდიოლის (3-MCPD) და 3-MCPD ცხიმოვანი მჟავების ეთერების ჯამის ზღვარი, გამოხატული ნარევში, როგორც 3-MCPD, არ უნდა აღემატებოდეს ამ ტექნიკური რეგლამენტის მე-4 მუხლის პირველი პუნქტის „გ“ ქვეპუნქტით განსაზღვრულ ზღვარს. იმ შემთხვევაში, თუ რაოდენობრივი შემადგენლობა ცნობილი არ არის კომპეტენტური ორგანოსა და სურსათის ბიზნესოპერატორისთვის, რომელიც არ აწარმოებს ნარევს, 3-MCPD და 3-MCPD ცხიმოვანი მჟავების ეთერების ჯამის ზღვარი, გამოხატული ნარევში, როგორც 3-MCPD, ნებისმიერ შემთხვევაში, არ უნდა აღემატებოდეს 2500 მკგ/კგ-ს. (61) იმ შემთხვევაში, თუ პროდუქტი წარმოადგენს ერთი და იმავე ან განსხვავებული მცენარეული წარმოშობის სხვადასხვა ზეთის ან ცხიმის ნარევს, მაქსიმალური ზღვარი გამოიყენება ნარევის მიმართ. ნარევის ინგრედიენტად გამოყენებული ზეთები და ცხიმები უნდა შეესაბამებოდეს მე-4 ნაწილის 4.3.1 პუნქტით განსაზღვრულ ზეთისა და ცხიმისთვის დადგენილ მაქსიმალურ ზღვარს.“. |
მუხლი 2 |
1. ეს დადგენილება, გარდა ამ დადგენილების პირველი მუხლის მე-5 პუნქტით გათვალისწინებული მე-9 ნაწილისა, ამოქმედდეს 2022 წლის პირველი ივლისიდან.
2. ამ დადგენილების პირველი მუხლის მე-5 პუნქტით გათვალისწინებული მე-9 ნაწილი ამოქმედდეს 2023 წლის პირველი ივლისიდან.
|
|
დოკუმენტის კომენტარები