„ადამიანის ორგანოს კარანტინში მოთავსების აუცილებლობისა და ხანგრძლივობის, დონორთა შორის საშიში ინფექციების რისკის ჯგუფის განმსაზღვრელი კრიტერიუმების, დონორებისა და რეციპიენტების შერჩევისა და ტესტირების კრიტერიუმების, ადამიანის ორგანოთა მოძიების, აღების, შენახვისა და გადანერგვის სტანდარტების, ადამიანის ორგანოების ხარისხის კონტროლის სტანდარტების და ადამიანის ორგანოთა განადგურების წესის დამტკიცების შესახებ

სახელმწიფო სარეგისტრაციო კოდი 470.100.000.11.119.005.069.

საქართველოს შრომის, ჯანმრთელობისა და სოციალური დაცვის მინისტრის������

ბრძანება �419/ნ

2001 წლის 29 ნოემბერი

ქ. თბილისი

ადამიანის ორგანოს კარანტინში მოთავსების აუცილებლობისა და ხანგრძლივობის, დონორთა შორის საშიში ინფექციების რისკის ჯგუფის განმსაზღვრელი კრიტერიუმების, დონორებისა და რეციპიენტების შერჩევისა და ტესტირების კრიტერიუმების, ადამიანის ორგანოთა მოძიების, აღების, შენახვისა და გადანერგვის სტანდარტების, ადამიანის ორგანოების ხარისხის კონტროლის სტანდარტების და ადამიანის ორგანოთა განადგურების წესის დამტკიცების შესახებ

�ადამიანის ორგანოთა გადანერგვის შესახებ� საქართველოს კანონის 57-მუხლის მოთხოვნებიდან გამომდინარე, ვბრძანებ:

1. დამტკიცდეს:

ა) ადამიანის ორგანოს კარანტინში მოთავსების აუცილებლობისა და ხანგძლივობის, დონორთა შორის საშიში ინფექციების რისკის ჯგუფის განმსაზღვრელი კრიტერიუმები (დანართი 1);

ბ) დონორებისა და რეციპიენტების შერჩევისა და ტესტირების კრიტერიუმები (დანართი 2);

გ) ადამიანის ორგანოთა მოძიების, აღების, შენახვისა და გადანერგვის სტანდარტები (დანართი 3);

დ) ადამიანის ორგანოების ხარისხის კონტროლის სტანდარტები (დანართი 4);

ე) ადამიანის ორგანოთა განადგურების წესი (დანართი 5).

2 ეს ბრძანება ამოქმედდეს გამოქვეყნებისთანავე.

ა. გამყრელიძე

მინისტრის მოვალეობის შემსრულებელი

დანართი 1

ადამიანის ორგანოს კარანტინში მოთავსების აუცილებლობისა და ხანგრძლივობის, დონორთა შორის საშიში ინფექციების რისკის ჯგუფის განმსაზღვრელი კრიტერიუმები

დონორთა შორის საშიში ინფექციების რისკის ჯგუფის განმსაზღვრელი კრიტერიუმების დადგენის აუცილებლობა გამოწვეულია იმ გარემოებით, რათა თავიდან იქნეს აცილებული დონორიდან რეციპიენტზე ონკოლოგიური და ინფექციური დაავადებების გადატანა. ადამიანის ორგანოს კარანტინში მოთავსების აუცილებლობისა და ხანგრძლივობის, დონორთა შორის საშიში ინფექციების რისკის ჯგუფის განმსაზღვრელი კრიტერიუმების სტანდარტები შემუშავებულია ევროპის საბჭოს ორგანოთა ტრანსპლანტაციის ექსპერტთა 1997, 1999, 2000 წლების რეკომენდაციების საფუძველზე.

I. დონორიდან რეციპიენტზე ონკოლოგიურ დაავადებათა გადატანის პროფილაქტიკის კრიტერიუმები

1. დონორიდან რეციპიენტზე სიმსივნურ დაავადებათა გადაცემის პროფილაქტიკის მიზნით აუცილებელია პოტენციური დონორის დეტალური გამოკვლევა.

2. �ნეოპლასტური დაავადებების გადაცემის პროფილაქტიკის მიზნით ორგანოთა დონორის სკრინინგის სტანდარტიზაციის შესახებ� ევროპის საბჭოს 1997 წლის რეკომენდაციებიდან გამომდინარე აუცილებელია:

ა) ავთვისებიანი სიმსივნით დაავადებულები გამოირიცხონ პოტენციურ დონორთა სიიდან. გამონაკლისს წარმოადგენს: კანისა და საშვილოსნოს ყელის ადრეული სტადიის სიმსივნეები, თავის ტვინის ის პირველადი სიმსივნეები, რომლებიც არ იძლევა მეტასტაზებს (პილოციტური ასტროციტომა, დაბალი ხარისხის ოლიგოდენდროგლიომა, არაავთვისებიანი ეპენდიმომა, პინეოციტომა, კეთილთვისებიანი მენინგიომა, ჰემანგიობლასტომა);

ბ) დონორის ორგანოთა აღებისას თუ ინახა გადიდებული ლიმფური კვანძები, საჭიროა მათი ჰისტოლოგიური შესწავლა, წინააღმდეგ შემთხვევაში აღნიშნულ ორგანოთა გადასანერგად გამოყენება დაუშვებელია.�

II. დონორიდან რეციპიენტზე ინფექციური დაავადებების გადატანის პროფილაქტიკის კრიტერიუმები

3. დონორიდან რეციპიენტზე ვირუსული ან ბაქტერიული ინფექციის გადატანის პროფილაქტიკის მიზნით აუცილებელია ორგანოთა და ქსოვილთა დონორების აუცილებელი სკრინინგის შესახებ ევროპის საბჭოს ტრანსპლანტაციის ექსპერტთა მიერ მოწოდებული 1997 წლის რეკომენდაციების დაცვა.

4. ორგანოსა და ქსოვილის ყველა დონორი აუცილებლად უნდა იქნენ შემოწმებულნი �ბ� და �ც� ჰეპატიტზე, შიდსზე. სიფილისზე და ციტომეგალოვირუსზე გამოკვლევა არ არის ობლიგატური. ყველა ტესტი უნდა შესრულდეს კარგად აღჭურვილ ლაბორატორიებში, რომელთაც აქვთ ხარისხის კარგი კონტროლი და მიღებული შედეგების ინტერპრეტაციის კარგი გამოცდილება.

5. საქართველოში ორგანოსა და ქსოვილის დონორები აუცილებლად უნდა იყვნენ გამოკვლეულნი შემდეგ დაავადებებზე:

ა) შიდსი (�Elisa� ან �RIA� მეთოდით).

თუ პირველი ტესტი უარყოფითია, დონორი ითვლება ვარგისად. თუ პირველი ტესტი დადებითია, უნდა ჩატარდეს მეორე განსხვავებული �Elisa� ტესტი. თუ პასუხი უარყოფითია, ტარდება იგივე სახის �Elisa� ტესტი. მეორე და მესამე ტესტი შეიძლება ჩატარდეს ერთდროულად. თუ მეორე და მესამე ტესტი უარყოფითია, დონორი ითვლება ვარგისად. თუ მეორე და მესამე ტესტი დადებითია, �Elisa� ან �RIA� ითვლება დადებითად და დონორი არ არის ვარგისი ტრანსპლანტაციისთვის;

ბ)�ბ� ჰეპატიტი (�Elisa� ან �RIA� მეთოდით).

თუ პირველი ტესტი უარყოფითია, დონორი ითვლება ვარგისად. თუ პირველი ტესტი დადებითია, უნდა ჩატარდეს მეორე განსხვავებული �Elisa� ან �RIA� ტესტი. თუ პასუხი უარყოფითია, ტარდება იგივე სახის �Elisa� ან �RIA� ტესტი. მეორე და მესამე ტესტი შეიძლება ჩატარდეს ერთდროულად. თუ მეორე და მესამე ტესტი უარყოფითია, დონორი ითვლება ვარგისად. თუ მეორე და მესამე ტესტი დადებითია, ტესტი �ბ� ანტიგენზე ითვლება დადებითად და უნდა ჩატარდეს დამადასტურებელი ტესტი;

გ) �C� ჰეპატიტი (�Elisa� ტესტით).

თუ პირველი ტესტი დადებითია, ტარდება განმეორებითი ტესტი. თუ მეორე ტესტი უარყოფითია, ტარდება მესამე ტერსტი. მეორე და მესამე ტესტი შეიძლება ჩატარდეს ერთდროულად. თუ ორივე ტესტი უარყოფითია, დონორი ვარგისია გადასანერგად. თუ ორივე ტესტი დადებითია, ტესტი ითვლება დადებითად. ასეთი დონორის გამოყენება გადასანერგად დაუშვებელია;

დ) ტუბერკულოზი;

ე) სიფილისი.

4. მაღალი რისკის მქონე დონორის ორგანოები არ უნდა იქნენ გამოყენებული გადასანერგად, თუნდაც მიკრობიოლოგიური ტესტები იყოს უარყოფითი. სასიცოცხლო ჩვენების შემთხვევაში საბოლოო გადაწყვეტილებას იღებს მკურნალი ექიმი პაციენტთან ან მის ახლობელთან შეთანხმებით. თანხმობა დოკუმენტურად უნდა დადასტურდეს საქართველოს კანონმდებლობის შესაბამისად.

5. უსაფრთხოების მიზნით სასურველია, თუ ტესტი ჩატარდება ორჯერ.

6. ორგანო, რომელიც არ ექვემდებარება გადანერგვას, არ უნდა იყოს დონორის ორგანოდან ტრანსპლანტაციის მიზნით ამოღებული. თუ ორგანო მიღებულია სხვა ტრანსპლანტაციის ცენტრიდან, იგი უნდა დაექვემდებაროს პოსტოპერაციული ნარჩენების გაუვნებელყოფისა და კარანტინის (შენახვის) წესს დადგენილი ნორმების შესაბამისად.

დანართი 2

დონორებისა და რეციპიენტების შერჩევისა და ტესტირების კრიტერიუმები

1. ორგანოს გვამი დონორის კრიტერიუმებია:

ა) ტვინის სიკვდილი;

ბ) ასაკი 65 წელზე ნაკლები;

გ) არ უნდა ჰქონდეს სეფსისი, აქტიური ტუბეკულოზი;

დ) არ უნდა ჰქონდეს პოტენციურად მეტასტაზირებადი სიმსივნური დაავადება;

ე) არ უნდა ჰქონდეს შიდსი, სიფილისი, C- და B- ჰეპატიტი, თირკმლის ქრონიკული დაავადება, ავთვისებიანი ჰიპერტონია;

ვ) თბილი იშემიის დრო არ უნდა იყოს 30 წუთზე მეტი, ცივი იშემიის დრო _ 36 საათზე მეტი;

ზ) სრული თავსებადობა;

თ) თავსებადობა HLA-ს მინიმუმ 2 ლოკუსით ან ერთი Dr ლოკუსით;

ი) უარყოფითი �ჯვარედინი სინჯი�;

კ) ოჯახის (ნათესავის, მეუღლის) თანხმობა ორგანოთა დონაციაზე.

2. ცოცხალი დონორის შესაძლებელი დონორობა გამოირიცხება შემდეგ შემთხვევებში:

ა) ასაკი 18 წელზე ნაკლები ან 65 წელზე მეტი;

ბ) ჰიპერტონია 140/90-ზე მეტი;

გ) შაქრიანი დიაბეტი;

დ) პროტეინურია (250 მგ-ზე მეტი 24 საათიან შარდში);

ე) კლირენსი ნაკლები 80 მლ/წთ-ზე;

ვ) შარდკენჭოვანი დაავადება და სხვა პათოლოგიები, რომლებიც იწვევს თირკმლების ფუნქციურ და ორგანულ დაზიანებებს;

ზ) მიკროსკოპული ჰემატურია;

თ) შინაგანი ორგანოების ქრონიკული დაავადებები: ფილტვების ქრ. დაავადება, სიმსივნური პროცესები და სხვ.);

ი) თრომბოზები და თრომბოემბოლიზმი;

კ) სიმსუქნე (იდეალურ წონაზე 30%-ით მეტი წონა).

3. რეციპიენტობის კანდიდატობიდან ავადმყოფი იხსნება შემდეგ შემთხვევებში:

ა) სიმსივნური პროცესი 5 წელზე ნაკლები რემისიით;

ბ) ქრონიკული ინფექციები;

გ) მძიმე ექსტრარენული დაავადებები: ღვიძლის ქრონიკული დაავადება, სისხლძარღვთა დაავადებები (გენერალიზებული ათეროსკლეროზი, აორტოარტერიტი და სხვ.); მძიმე ფსიქიკური სტატუსი.

4. დონორ-რეციპიენტის წყვილის ურთიერთშესაბამისობა უნდა დადგინდეს შემდეგი გამოკვლევების საფუძველზე:

ა) სისხლის ჯგუფობრიობის განსაზღვრით ABO სისტემის მიხედვით:

ABO სისტემის მიხედვით სისხლის ჯგუფის იდენტურობა თირკმლის დონორის სელექციის ერთ-ერთი მთავარი კრიტერიუმია. ABO სისტემის გაუთვალისწინებლობა დასაშვებია მხოლოდ ღვიძლის გადანერგვის შემთხვევაში;

ბ) ჯვარედინი შეთავსებით:

დონორ-რეციპიენტთა შერჩევისას აუცილებელია ჯვარედინი რეაქციის განსაზღვრა, რომლის დროს რეციპიენტის შრატში ისაზღვრება ანტი HLA ანტისხეულები კონკრეტული დონორის ლიმფოციტების მიმართ. ცოცხალი დონორის შემთხვევაში ამ რეაქციისთვის გამოიყენება მისი პერიფერიული სისხლის ლიმფოციტები, ხოლო გვამი დონორის შემთხვევაში ლიმფოციტებს იღებენ ლიმფური კვანძებიდან, რადგან მომაკვდავი დონორის პერიფერიული სისხლის უჯრედები ამ მიზნით უვარგისია.

იმისათვის, რომ განხორციელდეს ტრანსპლანტაცია, ჯვარედინი რეაქცია უნდა იყოს უარყოფითი. დადებითი ჯვარედინი სინჯის შემთხვევაში გადანერგვის წარმოება დაუშვებელია.

გვამი დონორიდან სასწრაფო ტრანსპლანტაციის საჭიროებისას ან ცოცხალი დონორის შემთხვევაში დონორ-რეციპიენტის შერჩევა შეიძლება განხორციელდეს მხოლოდ სისხლის ჯგუფისა და უარყოფითი ჯვარედინი შეთავსების საფუძველზე.

გ) ქსოვილთა ტიპირებით HLA-ს მიხედვით:

ტრანსპლანტატის ფუნქციონირებას დიდად განაპირობებენ ჰისტოთავსებადობის, ე.წ. ტრანსპლანტაციური ანტიგენები (HLA), რომლებიც განლაგებულნი არიან ყველა ბირთვისშემცველი უჯრედის ზედაპირზე, კონტროლირდებიან მეექვსე ქრომოსომის მოკლე მხარზე მდებარე �ჰისტოთავსებადობის მთავარი კომპლექსის� სახელით ცნობილი გენთა ჯგუფის მიერ და განსაზღვრავენ ორგანიზმის ბიოლოგიურ ინდივიდუალობას.

HLA (ადამიანის ლეიკოციტური ანტიგენი), გარდა ჰისტოთავსებადობის განსაზღვრისა, აკონტროლებს იმუნორეაქტიულობას, ტრანსპლანტატის მოცილების რეაქციის ტემპსა და ხასიათს. დღეისათვის 160-ზე მეტი ანტიგენია დადგენილი. რუტინული კლინიკური ტიპირებისათვის განსაკუთრებული მნიშვნელობა აქვს A, B და Dr სუბლოკუსების ანტიგენების გამოვლენას. თითოეული სუბლოკუსი წარმოდგენილია 2 ანტიგენით (დედის და მამის მხრიდან), აქედან გამომდინარე დონორ-რეციპიენტის სელექცია ხდება 6 ანტიგენის ფარგლებში, რომელთა შორის განსაკუთრებული მნიშვნელობა აქვს Dr სუბლოკუსის ანტიგენების თანხვედრას.

ტიპირების შედეგების მიხედვით უნდა მოხდეს იმუნოსუოპრესიული მკურნალობის მეთოდის შერჩევა: 3-ზე ნაკლები HLA ანტიგენთავსებადობის შემთხვევაში ინიშნება გაძლიერებული იმუნოსუპრესიული მკურნალობა სტანდარტულ იმუნოსუპრესიაზე ანტილიმფოციტური გლობულინის (ATG-Fresenius) დამატებით. 3-ზე მეტი ანტიგენთავსებადობის შემთხვევაში ინიშნება სტანდარტული იმუნოსუპრესია: ციკლოსპორინი (5 მგ/კგ), სელსეპტი (2 გრ/დღეში), პრედნიზოლონი (სქემით).

დანართი 3

ადამიანის ორგანოთა მოძიების, აღების, შენახვისა და გადანერგვის სტანდარტები

1. ორგანოთა მოძიება ხდება საინფორმაციო ბანკის მეშვეობით, სადაც თავს იყრის ინფორმაცია �მოლოდინის სიაში� მყოფი პაციენტებისა და �პოტენციური დონორების� შესახებ.

2. დონორი ორგანო უნდა აკმაყოფილებდეს შემდეგ კრიტერიუმებს:

ა) დონორ-რეციპიენტების შერჩევის შესახებ;

ბ) ორგანოების ხარისხის კონტროლის სტანდარტების შესახებ;

გ) ორგანოს კარანტინში მოთავსების აუცილებლობისა და დონორთა ჯგუფში საშიში ინფექციების ჯგუფის განმსაზღვრელი კრიტერიუმების შესახებ;

დ) ორგანოთა განადგურების წესის შესახებ.

3. ორგანოს გვამი დონორის კრიტერიუმები:

ა) ტვინის სიკვდილი;

ბ) ასაკი 65 წელზე ნაკლები;

გ) არ უნდა ჰქონდეს სეფსისი, აქტიური ტუბეკულოზი;

დ) არ უნდა ჰქონდეს პოტენციურად მეტასტაზირებადი სიმსივნური დაავადება;

ე) არ უნდა ჰქონდეს შიდსი, სიფილისი, C და B ჰეპატიტი, თირკმლის ქრონიკული დაავადება, ავთვისებიანი ჰიპერტონია;

ვ) თბილი იშემიის დრო არ უნდა იყოს 30 წუთზე მეტი, ცივი იშემიის დრო _ 36 საათზე მეტი;

ზ) სრული ABO თავსებადობა;

თ) თავსებადობა HLA�ს მინიმუმ 2 ლოკუსით ან ერთი Dr ლოკუსით;

ი) უარყოფითი �ჯვარედინი სინჯი�;

კ) ოჯახის (ნათესავის, მეუღლის) თანხმობა ორგანოთა დონაციაზე.

4. ცოცხალი დონორის შესაძლებელი დონორობა გამოირიცხება შემდეგ შემთხვევებში:

ა) ასაკი 18 წელზე ნაკლები ან 65 წელზე მეტი;

ბ) ჰიპერტონია 140/90-ზე მეტი;

გ) შაქრიანი დიაბეტი;

დ) პროტეინურია (250 მგ-ზე მეტი 24-საათიან შარდში);

ე) კლირენსი ნაკლები 80 მლ/წთ-ზე;

ვ) შარდკენჭოვანი დაავადება და სხვა პათოლოგიები, რომლებიც იწვევს თირკმლების ფუნქციურ და ორგანულ დაზიანებებს;

ზ) მიკროსკოპული ჰემატურია;

თ) შინაგანი ორგანოების ქრონიკული დაავადებები: ფილტვების ქრ. დაავადება, სიმსივნური პროცესები და სხვ.);

ი) თრომბოზები და თრომბოემბოლიზმი;

კ) სიმსუქნე (იდეალურ წონაზე 30%-ით მეტი წონა).

5. რეციპიენტობის კანდიდატობიდან ავადმყოფი იხსნება შემდეგ შემთხვევებში:

ა) სიმსივნური პროცესი 5 წელზე ნაკლები რემისიით;

ბ) ქრონიკული ინფექციები;

გ) მძიმე ექსტრარენული დაავადებები: ღვიძლის ქრონიკული დაავადება, სისხლზარღვთა დაავადებები (გენერალიზებული ათეროსკლეროზი, აორტოარტერიტი და სხვ.);

დ) მძიმე ფსიქიური სტატუსი.

6. თირკმელი უნდა გადაენერგოს პაციენტს, რომელიც საჭიროებს დიალიზს.

7. თუ რეციპიენტი აკმაყოფილებს ზემოაღნიშნულ კრიტერიუმებს, მისი სტატუსი ფასდება ქულებით, რაც განაპირობებს გადანერგვის პრიორიტეტულობას:

 

 

8. დონორიდან თირკმლის ამოღება და გადანერგვა წარმოებს უკვე შემუშავებული სტანდარტების შესაბამისად:

ა) კოდი 5660, სპეციალობა: უროლოგია (ტრანსპლანტოლოგია), ოპერაცია ნეფრექტომია;

ბ) კოდი 5659, სპეციალობა: უროლოგია (ტრანსპლანტოლოგია), ოპერაცია თირკმლის გადანერგვა.

9. არსებულ სტანდარტებში გვამი დონორის გამოყენების შემთხვევაში საჭიროა გათვალისწინებულ იქნეს შემდეგი დამატებები:

ა) თავის ტვინის სიკვდილის კონსტატაციასთან დაკავშირებული ხარჯები: სპეციალისტთა ორჯერადი კონსულტაცია, ელექტროენცეფალოგრაფია ან ექოსკენირება;

ბ) დონორის მკურნალობის ხარჯები თავის ტვინის სიკვდილის კონსტატაციის მომენტიდან დონორის ოპერაციის დაწყებამდე;

გ) ორგანოს ტრანსპორტირება დონორის კლინიკიდან რეციპიენტის კლინიკაში;

დ) ტრანსპლანტაციის კოორდინატორის ხელფასი (ტრანსპლანტაციის პროგრამის ფარგლებში).

10. ჩატარებული გადანერგვების სტატისტიკური, სამეცნიერო და კლინიკური ანალიზის მიზნით აუცილებელია, რომ ყოველი ჩატარებული ოპერაციის შესახებ ეცნობოს ტრანსპლანტაციის საინფორმაციო ბანკს (ფორმა �11 �შეტყობინება წარმოებული თირკმლის ტრანსპლანტაციის შესახებ�).

ფორმა �11

საქართველოს ტრანსპლანტოლოგთა ასოციაციის საინფორმაციო ბანკს

შეტყობინება წარმოებული თირკმლის ტრანსპლანტაციის შესახებ

 

სამკურნალო დაწესებულების დასახელება: ____________________________________________________

____________________________________________________________________________________________

 

მონაცემები რეციპიენტის შესახებ

რეციპიენტის გვარი, სახელი, მამის სახელი: ____________________________________________________

____________________________________________________________________________________________

დაბადების წელი: _____ ისტორიის ნომერი: ______

კლინიკაში შემოვიდა: __________ გაეწერა: ______ კლინიკაში დაჰყო: _____________

მისამართი, ტელეფონის ნომერი: _______________

_________________________________________________

დიაგნოზი: _______________________________

დიალიზის ფორმა: _______________________

რა დროიდანაა დიალიზზე: ____________________

HLA ტიპირება:

 

	ABOდა Rh	A	B	Dr
რეციპიენტი
დონორი
თანხვედრილ ანტიგენთა რაოდენობა

 

ანტისხეულთა ტიტრი: ______________________

ჯვარედინი რეაქცია: ________________________

 

მონაცემები დონორის შესახებ

დონორი: ნათესავი (მიუთითეთ ნათესაური

კავშირი) _________________________________

გვამი (სათანადო შემოხაზეთ)

ცოცხალი დონორის გვარი, სახელი, მამის სახელი: ____________________________________________

ისტორიის ნომერი: ________ასაკი: _________________

მისამართი, ტელეფონის ნომერი:

____________________________________________________________________________________________

____________________________________________________________________________________________

კლინიკაში შემოვიდა: _________ გაეწერა: ________ კლინიკაში დაჰყო: ___________________________

 

დონორის გართულებები:____________________________________________________________________

____________________________________________________________________________________________

____________________________________________________________________________________________

 

დონორის მდგომარეობა გაწერისას:

გვამი დონორის შემთხვევაში მიუთითეთ: დონორის საიდენტიფიკაციო კოდი და მომწოდებელი სამკურნალო დაწესებულების დასახელება.

____________________________________________________________________________________________

____________________________________________________________________________________________

 

მონაცემები ოპერაციის შესახებ

ოპერაციის თარიღი: ______გამოყენებული

საკონსერვაციო ხსნარი:___________ თბილი იშემიის დრო _____________________________

ცივი იშემიის დრო: _________________

გადანერგილი ორგანოს დახასიათება: ___________

____________________________________________________________________________________________

ინტრაოპერაციული გართულება: ______________

____________________________________________________________________________________________

ოპერაციის შემდგომი პერიოდი:

ოპერაციის შემდგომი ტექნიკური, იმუნოლოგიური ან/და ინფექციური გართულებები: ____________________________________________________________________________________________

მდგომარეობა კლინიკიდან გაწერისას:

პაციენტის მდგომარეობა გაწერისას: ___________

____________________________________________________________________________________________

ტრანსპლანტატის მდგომარეობა გაწერისას: ______

______________________________________________________________________________

 

ლაბორატორიული მონაცემები

	ოპ.წინ	I დღე	IIდღე	IIIდღე	VII დღე	Xდღე	XIVდღე	1 თვე	გაწერისას
კრეატინინი
შარდოვანა
ჰემოგლობინი
კალიუმი
წონა

 

იმუნოსუპრესია:

	რომელი დღიდან	საწყისი დოზა	დოზა გაწერისას	შენიშვნა
ნეორალი
სელსეპტი
პრედნიზოლონი
ATG- Fresenius ხანგრძლივობა:
აზათიოპრინი
სხვა

 

დამატებითი ინფორმაცია: ________________________________________________________________

____________________________________________________________________________________________

მკურნალი ექიმი: _________________________________

ოპერატორი: ______________________________________

დაწესებულების ხელმძღვანელის

გვარი, ხელმოწერა ____________________(_____________)

დაწესებულების ბეჭედი:

თარიღი: _________________

დანართი 4

ადამიანის ორგანოების ხარისხის კონტროლის სტანდარტები

დონორის ორგანოების ხარისხი განისაზღვრება შემდეგი პარამეტრებით:

ა) დონორის მაჩვენებლებით

უნდა აკმაყოფილებდეს დონორ-რეციპიენტთა სელექციის პარამეტრებს, ითვალისწინებდეს ცოცხალი და გვამი დონორის უკუჩვენებებს (იხ. სათანადო სტანდარტები);

ბ) იშემიის დროის ხანგრძლივობით;

თბილი იშემიის დრო არ უნდა აღემატებოდეს 30 წუთს. თბილი იშემიის დრო მოიცავს ორ პერიოდს: ორგანოს ამოკვეთიდან (გვამი დონორის შემთხვევაში � გულის გაჩერებიდან) საკონსერვაციო ხსნარით ჰიპოთერმიული პერფუზიის დაწყებამდე და ორგანოს ანასტომოზირებისათვის საჭირო პერიოდს.�

ცივი იშემიის დრო (ჰიპოთერმიული პერფუზიის ან ფარმაკოჰიპოთერმიული კონსერვაციის პირობებში) არ უნდა აღემატებოდეს 36 საათს;

გ) კონსერვაციისათვის გამოყენებული სითხის პარამეტრები უნდა აკმაყოფილებდნენ საერთაშორისო მოთხოვნებს (ზომიერად ჰიპეროსმოლარული, კალციუმისა და ნატრიუმის მცირე რაოდენობით შემცველი, კალიუმის დიდი რაოდენობით შემცველი და ა.შ.).

დანართი 5

ადამიანის ორგანოთა განადგურების წესი

1. თუ ორგანოები, ორგანოთა ნაწილები, ქსოვილები წარმოადგენენ საშიში ინფექციის წყაროს ან სხვა მიზეზით არიან გადასანერგად უვარგისნი, ისინი ექვემდებარებიან განადგურებას.

2. უვარგისად მიჩნეული ორგანოები, ორგანოთა ნაწილები, ქსოვილები უნდა განადგურდნენ გადაწყვეტილების მიღებიდან 48 საათში ტრანსპლანტაციის საბჭოს წარმომადგენლის თანდასწრებით.

3. განადგურება წარმოებს �სამკურნალო-პროფილაქტიკური დაწესებულებების ნარჩენების შეგროვების, შენახვისა და გაუვნებლების სანიტარიული წესების დამტკიცების შესახებ� საქართველოს შრომის, ჯანმრთელობისა და სოციალური დაცვის მინისტრის 2001 წლის 16 აგვისტოს �300/ნ ბრძანების შესაბამისად.