1. საქართველოს კონსტიტუციის 77-ე მუხლის მე-2 პუნქტის შესაბამისად, საყოველთაო-სახალხო განხილვისათვის გამოქვეყნდეს საქართველოს პარლამენტის წევრთა მიერ საკანონმდებლო ინიციატივის წესით წარმოდგენილი (№07-3/92, 29.06.2021) „საქართველოს კონსტიტუციაში ცვლილების შეტანის შესახებ“ საქართველოს კონსტიტუციურ კანონში ცვლილების შეტანის თაობაზე“ საქართველოს კონსტიტუციური კანონის პროექტი.

2. საქართველოს პარლამენტის რეგლამენტის 125-ე მუხლის პირველი–მე-3 პუნქტების შესაბამისად შეიქმნას საყოველთაო-სახალხო განხილვის საორგანიზაციო კომისია 9 წევრისაგან, შემდეგი შემადგენლობით:

       ა) შალვა პაპუაშვილი             –   საქართველოს პარლამენტის განათლებისა და 

                                                            მეცნიერების კომიტეტის თავმჯდომარე    

                                                            (კომისიის თავმჯდომარე);                

       ბ) ლევან იოსელიანი               –   საქართველოს პარლამენტის თავმჯდომარის 

                                                             მოადგილე (კომისიის მდივანი);                  

       გ) ანრი ოხანაშვილი               –   საქართველოს პარლამენტის იურიდიულ  

                                                            საკითხთა კომიტეტის თავმჯდომარე;

       დ) მიხეილ სარჯველაძე        –   საქართველოს პარლამენტის ადამიანის    

                                                           უფლებათა დაცვისა და სამოქალაქო  

                                                           ინტეგრაციის კომიტეტის თავმჯდომარე;    

       ე) ფრიდონ ინჯია                   –   საპარლამენტო პოლიტიკური ჯგუფი   

                                                             „ევროპელი სოციალისტების“ თავმჯდომარე;

        ვ) იაგო ხვიჩია                         –   საპარლამენტო პოლიტიკური ჯგუფი „გირჩის“  

                                                             თავმჯდომარე;

        ზ) პაატა მანჯგალაძე             –   საქართველოს პარლამენტის  

                                                             საპროცედურო საკითხთა და წესების  

                                                             კომიტეტის თავმჯდომარის მოადგილე;

        თ) ნინო იობაშვილი              –   საქართველოს პარლამენტის წევრი;

        ი) ანა ნაცვლიშვილი              –   საქართველოს პარლამენტის წევრი.

       3. საყოველთაო-სახალხო განხილვის საორგანიზაციო კომისიის თავმჯდომარე უფლებამოსილია კომისიის სხდომებზე დასასწრებად მოიწვიოს სხვა პირები.

          4. ეს დადგენილება ამოქმედდეს გამოქვეყნებისთანავე.

საქართველოს კონსტიტუციური კანონი

„საქართველოს კონსტიტუციაში ცვლილების შეტანის შესახებ“ საქართველოს კონსტიტუციურ კანონში ცვლილების შეტანის თაობაზე

მუხლი 1. „საქართველოს კონსტიტუციაში ცვლილების შეტანის შესახებ“ საქართველოს კონსტიტუციურ კანონში (საქართველოს საკანონმდებლო მაცნე (www.matsne.gov.ge), 19.10.2017, სარეგისტრაციო კოდი: 010010000.01.001.016012) შეტანილ იქნეს შემდეგი ცვლილება:

1. მე-2 მუხლს დაემატოს შემდეგი შინაარსის მე-11-მე-13 პუნქტები:

„11. საქართველოს პარლამენტის მომდევნო ორი არჩევნების საფუძველზე პარლამენტის წევრთა მანდატები განაწილდება იმ პოლიტიკურ პარტიებზე, რომლებმაც არჩევნებში მონაწილე ამომრჩეველთა ნამდვილი ხმების 2 პროცენტი მაინც მიიღეს. პოლიტიკური პარტიის მიერ მიღებული მანდატების რაოდენობის დასადგენად მის მიერ მიღებული ხმების რაოდენობა მრავლდება 150-ზე და იყოფა ყველა იმ პოლიტიკური პარტიის მიერ მიღებული ხმების ჯამზე, რომლებმაც არჩევნებში მონაწილე ამომრჩეველთა ნამდვილი ხმების 2 პროცენტი მაინც მიიღეს. მიღებული რიცხვის მთელი ნაწილი არის პოლიტიკური პარტიის მიერ მიღებული მანდატების რაოდენობა. თუ პოლიტიკური პარტიების მიერ მიღებული მანდატების რაოდენობათა ჯამი 150-ზე ნაკლებია, გაუნაწილებელ მანდატებს თანმიმდევრობით მიიღებენ უდიდესი ნაშთის მქონე პოლიტიკური პარტიები.

12. მიმდინარე და მომდევნო ორი მოწვევის პარლამენტში ფრაქციის წევრთა რაოდენობა არ უნდა იყოს ოთხზე ნაკლები.

13. მომდევნო ორი მოწვევის პარლამენტი გენერალურ პროკურორს ირჩევს სრული შემადგენლობის სამი მეხუთედის უმრავლესობით. თუ პარლამენტი სრული შემადგენლობის სამი მეხუთედის უმრავლესობით გენერალურ პროკურორს ორჯერ ვერ აირჩევს, პარლამენტი გენერალურ პროკურორს ირჩევს სრული შემადგენლობის უმრავლესობით. მეორე და მესამე კენჭისყრა ტარდება შესაბამისი წინა კენჭისყრიდან არაუადრეს 28-ე დღისა და კენჭი ეყრება ერთსა და იმავე კანდიდატს. მომდევნო ორი მოწვევის პარლამენტის მიერ სრული შემადგენლობის უმრავლესობით არჩეული გენერალური პროკურორის უფლებამოსილების ვადაა ერთი წელი.“.

2. 2¹ მუხლის მე-8 პუნქტი ამოღებულ იქნეს.

მუხლი 2. ეს კანონი ამოქმედდეს გამოქვეყნებისთანავე.

საქართველოს პრეზიდენტი                                             სალომე ზურაბიშვილი

კონსტიტუციური კანონის პროექტი არ ეწინააღმდეგება საქართველოს ორმხრივ და მრავალმხრივ ხელშეკრულებებსა და შეთანხმებებს. კანონპროექტის მომზადება არ არის დაკავშირებული ასეთ ხელშეკრულებასთან/შეთანხმებასთან.

გ.დ) არსებობის შემთხვევაში, ევროკავშირის ის სამართლებრივი აქტი, რომელთან დაახლოების ვალდებულებაც გამომდინარეობს „ერთი მხრივ, საქართველოსა და, მეორე მხრივ, ევროკავშირსა და ევროპის ატომური ენერგიის გაერთიანებას და მათ წევრ სახელმწიფოებს შორის ასოცირების შესახებ შეთანხმებიდან“ ან ევროკავშირთან დადებული საქართველოს სხვა ორმხრივი და მრავალმხრივი ხელშეკრულებებიდან:

ასეთი არ არსებობს.

დ) კანონპროექტის მომზადების პროცესში მიღებული კონსულტაციები:

დ.ა) სახელმწიფო, არასახელმწიფო ან/და საერთაშორისო ორგანიზაცია/დაწესებულება, ექსპერტი, სამუშაო ჯგუფი, რომელმაც მონაწილეობა მიიღო კანონპროექტის შემუშავებაში, ასეთის არსებობის შემთხვევაში:

ასეთი არ არსებობს.

დ.ბ) კანონპროექტის შემუშავებაში მონაწილე  ორგანიზაციის/დაწესებულების, სამუშაო ჯგუფის, ექსპერტის შეფასება კანონპროექტის მიმართ, ასეთის არსებობის შემთხვევაში:

ასეთი არ არსებობს.

დ.გ) სხვა ქვეყნების გამოცდილება კანონპროექტის მსგავსი კანონების იმპლემენტაციის სფეროში, იმ გამოცდილების მიმოხილვა, რომელიც მაგალითად იქნა გამოყენებული კანონპროექტის მომზადებისას, ასეთი მიმოხილვის მომზადების შემთხვევაში:

ასეთი მიმოხილვა არ მომზადებულა.

ე) კანონპროექტის ავტორი: ირაკლი კობახიძე, შალვა პაპუაშვილი, ანრი ოხანაშვილი

ვ) კანონპროექტის ინიციატორი: ირაკლი კობახიძე, კახაბერ კუჭავა, მამუკა მდინარაძე, გიორგი ვოლსკი, არჩილ თალაკვაძე, დავით სერგეენკო, ანრი ოხანაშვილი, შალვა პაპუაშვილი, ნინო წილოსანი, მიხეილ ყაველაშვილი, ირაკლი ქადაგიშვილი, დავით სონღულაშვილი, რამინა ბერაძე, პაატა კვიჟინაძე, რესან კონცელიძე, შოთა ხაბარელი, გოგი მეშველიანი, ანტონ ობოლაშვილი, ალუდა ღუდუშაური, ელგუჯა გოცირიძე, დიმიტრი ხუნდაძე, გურამ მაჭარაშვილი, გია ბენაშვილი, ირაკლი მეზურნიშვილი, გელა სამხარაული, ნოდარ ტურძელაძე, ხატია წილოსანი, მიხეილ სარჯველაძე, ირაკლი მეძმარიაშვილი, ბეჟან წაქაძე, ხათუნა  კვიციანი,  ზაზა  ლომინაძე,  ედიშერ  თოლორაია,  თამარ  ტალიაშვილი, დიმიტრი სამხარაძე, ზაალ დუგლაძე, ანზორ ბოლქვაძე, ვლადიმერ კახაძე, მაკა ბოჭორიშვილი, ირაკლი ხახუბია, ვლადიმერ ჩაჩიბაია, ირაკლი ბერაია, ნიკოლოზ სამხარაძე, გიორგი ხელაშვილი, ბექა დავითულიანი, ნინო ლაცაბიძე, ირაკლი ზარქუა, ზაალ მიქელაძე, ალექსანდრე დალაქიშვილი, დავით მათიკაშვილი, ირაკლი (დაჩი) ბერაია, გოჩა ენუქიძე, გიორგი ამილახვარი, ნინო იობაშვილი, დავით კაჭარავა, სავალან მირზოევი, ვიქტორ სანიკიძე, ზაურ დარგალი, ლევან კობიაშვილი, ქეთევან დუმბაძე, მაია ბითაძე, გოდერძი ჩანქსელიანი, ბექა ოდიშარია, გივი მიქანაძე, ირმა ზავრადაშვილი, ისკო დასენი, სოზარ სუბარი, მაია მენაღარიშვილი, სამველ მანუკიანი, სუმბატ კიურეღიანი, გიორგი კახიანი, ირაკლი კოვზანაძე, რატი იონათამიშვილი, ფრიდონ ინჯია, მარიამ ლაშხი, ლევან იოსელიანი, ალექსანდრე ელისაშვილი, დავით ზილფიმიანი, იაგო ხვიჩია, ალექსანდრე რაქვიაშვილი, ვახტანგ მეგრელიშვილი, ლევან მგალობლიშვილი, თეონა აქუბარდია, გიორგი ვაშაძე, გრიგოლ ვაშაძე, ხათუნა სამნიძე, პაატა მანჯგალაძე, ბადრი ჯაფარიძე, ანა ნაცვლიშვილი, შალვა შავგულიძე, ავთანდილ ენუქიძე.