დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„საერთაშორისო კომპანიის სტატუსის განსაზღვრის, მისთვის ნებადართული საქმიანობისა და ცალკეული ხარჯების ნუსხის დამტკიცების თაობაზე“ საქართველოს მთავრობის 2020 წლის 8 ოქტომბრის №619 დადგენილებაში ცვლილების შეტანის შესახებ | |
---|---|
დოკუმენტის ნომერი | 67 |
დოკუმენტის მიმღები | საქართველოს მთავრობა |
მიღების თარიღი | 17/02/2021 |
დოკუმენტის ტიპი | საქართველოს მთავრობის დადგენილება |
გამოქვეყნების წყარო, თარიღი | ვებგვერდი, 18/02/2021 |
სარეგისტრაციო კოდი | 200000000.10.003.022619 |
|
„საერთაშორისო კომპანიის სტატუსის განსაზღვრის, მისთვის ნებადართული საქმიანობისა და ცალკეული ხარჯების ნუსხის დამტკიცების თაობაზე“ საქართველოს მთავრობის 2020 წლის 8 ოქტომბრის №619 დადგენილებაში ცვლილების შეტანის შესახებ
|
მუხლი 1 |
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „საერთაშორისო კომპანიის სტატუსის განსაზღვრის, მისთვის ნებადართული საქმიანობისა და ცალკეული ხარჯების ნუსხის დამტკიცების თაობაზე“ საქართველოს მთავრობის 2020 წლის 8 ოქტომბრის №619 დადგენილებაში (www.matsne.gov.ge, 08/10/2020, 200000000.10.003.022337) შეტანილ იქნეს ცვლილება და დადგენილებით დამტკიცებულ:
1. №1 დანართში („საქართველოს საწარმოსთვის საერთაშორისო კომპანიის სტატუსის მინიჭებისა და გაუქმების წესი“): ა) მე-2 მუხლის მე-3 პუნქტი ჩამოყალიბდეს შემდეგი რედაქციით: „3. საერთაშორისო კომპანიის სტატუსი შეიძლება მიენიჭოს მხოლოდ იმ პირს, რომელიც მოგების გადასახადით იბეგრება საქართველოს საგადასახადო კოდექსის 97-ე მუხლის პირველი ნაწილით გათვალისწინებული დაბეგვრის ობიექტების მიხედვით. საერთაშორისო კომპანიის სტატუსი არ მიენიჭება საქართველოს საგადასახადო კოდექსით განსაზღვრულ ვირტუალური ზონის პირს.“; ბ) მე-2 მუხლს დაემატოს შემდეგი შინაარსის შენიშვნა: „შენიშვნა: საერთაშორისო კომპანიის სტატუსის მისანიჭებლად, ამ დადგენილებით დამტკიცებული №2 დანართის პირველი მუხლის „ა“ − „ო“ ქვეპუნქტებით გათვალისწინებული ნებადართული საქმიანობის არანაკლებ 2 წლის გამოცდილების დადგენის მიზნებისთვის, გამოცდილებაში ჩაითვლება ასევე ამავე მუხლის ამავე ქვეპუნქტებით გათვალისწინებული მომსახურების გაწევა იმ პირ(ებ)ისთვის, რომლის/რომელთა საქმიანობის ან მართვის ადგილი საქართველოშია.“. 2. №2 დანართში („საერთაშორისო კომპანიის სტატუსის მქონე პირისათვის ნებადართული საქმიანობის სახეები“) პირველი მუხლის: ა) „პ.ა“ ქვეპუნქტი ჩამოყალიბდეს შემდეგი რედაქციით: „პ.ა) გემის გაქირავება ეკიპაჟით ან უეკიპაჟოდ;“; ბ) „პ.ბ“ ქვეპუნქტი ჩამოყალიბდეს შემდეგი რედაქციით: „პ.ბ) რეისის დაგეგმვა ან/და ანალიზი, გემთმფლობელსა და ტვირთმფლობელს (დამფრახტველს) შორის ტვირთის გადაზიდვის ორგანიზებასთან დაკავშირებული გემების საბროკერო-საშუამავლო საქმიანობა;“; გ) „პ.ზ“ ქვეპუნქტი ჩამოყალიბდეს შემდეგი რედაქციით: „პ.ზ) გემის ტექნიკური ზედამხედველობის მიზნით, საკლასიფიკაციო საზოგადოების საქმიანობა;“; დ) „პ.ზ“ ქვეპუნქტის შემდგომ დაემატოს შემდეგი შინაარსის „პ.ზ1“ ქვეპუნქტი: „პ.ზ1) გემების ტექნიკური ნაწილებით ან/და საკვები პროდუქტებით მომარაგება;“; ე) შენიშვნა ჩამოყალიბდეს შემდეგი რედაქციით: „შენიშვნა: საერთაშორისო კომპანიის სტატუსის მქონე პირს უფლება აქვს, ამ მუხლის „ა“ − „ო“ ქვეპუნქტებით გათვალისწინებული მომსახურება გაუწიოს მხოლოდ იმ პირ(ებ)ს, რომლის/რომელთა რეგისტრაციის ადგილი ან მართვის ადგილი არის საქართველოს ფარგლებს გარეთ. ამასთან, ამავე მუხლის ამავე ქვეპუნქტებით გათვალისწინებულ საქმიანობაში იგულისხმება მომსახურების ხელშეკრულების საფუძველზე გაწეული მომსახურება.“.
|
მუხლი 2 |
დადგენილება ამოქმედდეს გამოქვეყნებისთანავე.
|
|
დოკუმენტის კომენტარები