„საჯარო სამართლის იურიდიული პირის – შემოსავლების სამსახურის დებულების დამტკიცების შესახებ“ საქართველოს ფინანსთა მინისტრის 2011 წლის 23 მაისის №303 ბრძანებაში ცვლილების შეტანის თაობაზე

1. მე-3 მუხლის:

ა) მე-2 პუნქტის:

ა.ა) „ი“ ქვეპუნქტის შემდეგ დაემატოს შემდეგი შინაარსის „ი¹“ ქვეპუნქტი:

„ი¹) თანამშრომელს დროებით აკისრებს არმყოფი პირის ფუნქციების შესრულებას, მათ შორის, სამსახურის სპეციალიზებული სტრუქტურული ერთეულის უფროსის თანამდებობაზე;“;

 ა.ბ) „მ¹“ ქვეპუნქტი ჩამოყალიბდეს შემდეგი რედაქციით:

„მ¹) უფლებამოსილია, კანონმდებლობით დადგენილი წესით, სამსახურის თანამშრომელთათვის გასცეს დანამატი;“;

ბ) მე-2 პუნქტის შემდეგ დაემატოს შემდეგი შინაარსის 2¹ პუნქტი:

„2¹. მნიშვნელოვანი სახელმწიფოებრივი და საზოგადოებრივი საჭიროების არსებობის შემთხვევაში, ქვეყანაში საგანგებო მდგომარეობის არსებობისას, შესაბამისი უფლებამოსილი ორგანოს/თანამდებობის პირის დავალებით, სამსახურის უფროსი უფლებამოსილია  სამსახურის თანამშრომელს დაავალოს რიგი ფუნქციების განხორციელება, რომლებიც არ განეკუთვნება მის სამსახურებრივ მოვალეობებს.“.

2. 17⁴ მუხლის:

ა) „ა“ და „ბ“ ქვეპუნქტები ჩამოყალიბდეს შემდეგი რედაქციით:

ა) ადამიანური რესურსების მართვის პოლიტიკის შემუშავება და მისი აღსრულების უზრუნველყოფა;

ბ) სამსახურში არსებული სამუშაო ადგილების ანალიზი, თანამშრომელთა სამუშაო აღწერილობის მომზადება და თანამდებობრივი ინსტრუქციების დამუშავება;“;

ბ) „გ“ ქვეპუნქტი ამოღებულ იქნეს;

გ) „ვ“ ქვეპუნქტი ამოღებულ იქნეს.