„გორის მუნიციპალიტეტის მერიის დებულების დამტკიცების შესახებ“ გორის მუნიციპალიტეტის საკრებულოს 2017 წლის 14 ნოემბრის №9 დადგენილებაში ცვლილების შეტანის თაობაზე

ა) დადგენილებით დამტკიცებული დებულების მე-11 მუხლის 1-ლი პუნქტი ჩამოყალიბდეს შემდეგი რედაქციით:

„1.  მერიის ადმინისტრაციულ ერთეულში მერის წარმომადგენელი არის ადგილობრივი თვითმმართველობის აღმასრულებელი ორგანოში ადმინისტრაციული ხელშეკრულებით დასაქმებული პირი.“;

ბ) დადგენილებით დამტკიცებული დებულების მე-11 მუხლის 1-ლი პუნქტის „კ“  ქვეპუნქტი ჩამოყალიბდეს შემდეგი რედაქციით:

„კ) ახორციელებს საქართველოს  კანონმდებლობით,  მერიის დებულებით, ადმინისტრაციული ხელშეკრულებით და მერის ცალკეული დავალებებით განსაზღვრულ სხვა უფლებამოსილებებს;“;

გ) დადგენილებით დამტკიცებული დებულების მე-11 მუხლის 1-ლი პუნქტის „ლ“  ქვეპუნქტი ჩამოყალიბდეს შემდეგი რედაქციით:

„ლ) დაინტერესებული    პირის   განცხადების   საფუძველზე   ადასტურებს   მის   სამოქმედო ტერიტორიაზე საქონლის ადგილწარმოშობის, ხე-მცენარეების ადგილწარმოშობის, პირის კონკრეტულ მისამართზე ფაქტობრივი ცხოვრების, კონკრეტულ ტერიტორიაზე არსებული მამკვიდრებლის კუთვნილი უძრავი ქონების ფლობის ან სარგებლობის შესახებ ფაქტს.“;

დ) დადგენილებით დამტკიცებული დებულების მე-11 მუხლის 1-ლი პუნქტის „პ“  ქვეპუნქტი ამოღებულ იქნეს.

ე) დადგენილებით დამტკიცებული დებულების მე-15 მუხლის მე-14 პუნქტის „ა“ ქვეპუნქტი ამოღებულ იქნეს.

1. ეს დადგენილება, გარდა ამ დადგენილების 1-ლი მუხლის „ე“  ქვეპუნქტებისა, ამოქმედდეს გამოქვეყნებისთანავე და ამ დადგენილების 1-ლი მუხლის „ა“ ქვეპუნქტის მოქმედება გავრცელდეს 2020 წლის 6 მარტიდან წარმოშობილ სამართალურთიერთობებზე.
2. დადგენილების 1-ლი მუხლის „ე“ ქვეპუნქტი ამოქმედდეს 2020 წლის 15 აპრილს.