დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | აფხაზეთის ავტონომიური რესპუბლიკის კონსტიტუციაში ცვლილებების შეტანის შესახებ | |
|---|---|
| დოკუმენტის ნომერი | 0 |
| დოკუმენტის მიმღები | აფხაზეთის ავტონომიური რესპუბლიკის უმაღლესი წარმომადგენლობითი ორგანო |
| მიღების თარიღი | 28/02/2006 |
| დოკუმენტის ტიპი | ავტონომიური რესპუბლიკის კონსტიტუცია |
| გამოქვეყნების წყარო, თარიღი | აფხაზეთის ავტონომიური რესპუბლიკის საკანონმდებლო მაცნე, 5, 28/02/2006 |
| სარეგისტრაციო კოდი | 010010010.29(0).390.000005 |
აფხაზეთის ავტონომიური რესპუბლიკის კონსტიტუციური კანონი
აფხაზეთის ავტონომიური რესპუბლიკის კონსტიტუციაში ცვლილების შეტანის შესახებ
მუხლი 1
აფხაზეთის ავტონომიური რესპუბლიკის კონსტიტუციაში („აფხაზეთის ხმა“ №27, 6.07.2001 წელი, აფხაზეთის ავტონომიური რესპუბლიკის საკანონმდებლო მაცნე №4, 30.11.2004 წელი) შეტანილ იქნეს შემდეგი ცვლილება:
1. 95-ე მუხლის პირველი ნაწილი ჩამოყალიბდეს შემდეგი რედაქციით:
„აფხაზეთის უმაღლესი საბჭო თავის წევრთა სიითი შემადგენლობის უმრავლესობით ირჩევს აფხაზეთის უმაღლესი საბჭოს თავმჯდომარეს და მის ორ მოადგილეს. უმაღლესი საბჭოს თავმჯდომარე, იმავდროულად, არის უმაღლესი საბჭოს პრეზიდიუმის თავმჯდომარე.“
2. 103-ე მუხლი ჩამოყალიბდეს შემდეგი რედაქციით:
„მუხლი 103
აფხაზეთის უმაღლესი საბჭოს პრეზიდიუმის შემადგენლობაში თანამდებობრივად შედიან აფხაზეთის უმაღლესი საბჭოს თავმჯდომარე, უმაღლესი საბჭოს თავმჯდომარის ორი მოადგილე, უმაღლესი საბჭოს მუდმივმოქმედი კომისიების თავმჯდომარეები და უმაღლესი საბჭოს ფრაქციების თავმჯდომარეები.“.
მუხლი 2
კანონი ძალაშია 2006 წლის 3 აპრილიდან.
თავმჯდომარე ი. ალასანია
დოკუმენტის კომენტარები