„ავტოსატრანსპორტო საშუალებებისა და მათი მისაბმელების პერიოდული ტექნიკური ინსპექტირების შესახებ“ ტექნიკური რეგლამენტის დამტკიცების თაობაზე“ საქართველოს მთავრობის 2017 წლის 1 დეკემბრის №510 დადგენილებაში ცვლილების შეტანის შესახებ

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„ავტოსატრანსპორტო საშუალებებისა და მათი მისაბმელების პერიოდული ტექნიკური ინსპექტირების შესახებ“ ტექნიკური რეგლამენტის დამტკიცების თაობაზე“ საქართველოს მთავრობის 2017 წლის 1 დეკემბრის №510 დადგენილებაში ცვლილების შეტანის შესახებ
დოკუმენტის ნომერი	450
დოკუმენტის მიმღები	საქართველოს მთავრობა
მიღების თარიღი	13/09/2019
დოკუმენტის ტიპი	საქართველოს მთავრობის დადგენილება
გამოქვეყნების წყარო, თარიღი	ვებგვერდი, 13/09/2019
სარეგისტრაციო კოდი	300160070.10.003.021470

PDF გადმოწერა

„ავტოსატრანსპორტო საშუალებებისა და მათი მისაბმელების პერიოდული ტექნიკური ინსპექტირების შესახებ“ ტექნიკური რეგლამენტის დამტკიცების თაობაზე“ საქართველოს მთავრობის 2017 წლის 1 დეკემბრის №510 დადგენილებაში ცვლილების შეტანის შესახებ

მუხლი 1

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „ავტოსატრანსპორტო საშუალებებისა და მათი მისაბმელების პერიოდული ტექნიკური ინსპექტირების შესახებ“ ტექნიკური რეგლამენტის დამტკიცების თაობაზე“ საქართველოს მთავრობის 2017 წლის 1 დეკემბრის №510 დადგენილებაში (www.matsne.gov.ge, 12/12/2017, 300160070.10.003.020230) შეტანილ იქნეს ცვლილება და დადგენილებით დამტკიცებული „ავტოსატრანსპორტო საშუალებებისა და მათი მისაბმელების პერიოდული ტექნიკური ინსპექტირების შესახებ“ ტექნიკური რეგლამენტის:

1. მე-5 მუხლის 32-ე პუნქტს დაემატოს შემდეგი შინაარსის „თ“ ქვეპუნქტი:

„თ) მოწმდება შეკუმშულ ბუნებრივ აირსა (CNG) და გათხევადებულ საწვავ აირზე (LPG) მომუშავე ავტოსატრანსპორტო საშუალებაზე განთავსებული აირბალონ(ებ)ისა და აირბალონიანი სისტემის მიმართ საქართველოს კანონმდებლობით დადგენილი წესით გაცემული ვადიანი ინსპექტირების სერტიფიკატი, რომელიც მოიცავს დადებით დასკვნას.“.

2. მე-6 მუხლის მე-6 პუნქტის „ზ.კ“ ქვეპუნქტი ამოღებულ იქნეს.

3. მე-8 მუხლს დაემატოს შემდეგი შინაარსის მე-13 პუნქტი:

„13. გათხევადებულ საწვავ აირზე (LPG) მომუშავე ავტოსატრანსპორტო საშუალებებსა და შეკუმშულ ბუნებრივ აირზე მომუშავე M³ კატეგორიის ავტოსატრანსპორტო საშუალებებზე ამ რეგლამენტის მე-5 მუხლის 32-ე პუნქტის „თ“ ქვეპუნქტი გავრცელდეს 2020 წლის 1 იანვრიდან.“.

4. დანართ №1-ის 6.1.3 გრაფა ჩამოყალიბდეს შემდეგი რედაქციით:

„6.1.3. საწვავის ავზი და მილები (საწვავის ავზისა და მილების გამათბობლის ჩათვლით)

ვიზუალური შემოწმება სატრანსპორტო საშუალების სათვალთვალო ორმოზე ან ამწეზე დაყენებით, გაჟონვის გამოვლენის მოწყობილობების (დეტექტორის) გამოყენება LPG/CNG (Liquefied petroleum gas/Compressed natural gas) სისტემების შემთხვევაში.

(ა)

(ბ)

(გ)

(დ)

(ე)

ა) არასაიმედო ავზი ან მილები;

ბ) საწვავის გაჟონვა ან ავზის ჩასასხმელი ყელის არქონა ან არასაიმედოობა;

გ) დაზიანებული ან გაცვეთილი მილები;

დ) საწვავის ონკანი (საჭიროების შემთხვევაში) არ მუშაობს გამართულად;

ე) ცეცხლსაშიშროება:

საწვავის გაჟონვის გამო;
საწვავის ავზის ან გამონაბოლქვი სისტემის არასათანადო დაცულობის გამო;
ძრავას ნაკვეთურის მდგომარეობის გამო.“.

მუხლი 2

დადგენილება ამოქმედდეს გამოქვეყნებისთანავე.

პრემიერ - მინისტრი გიორგი გახარია