ტექნიკური რეგლამენტის – „სატრანსპორტო საშუალებებით სახიფათო ტვირთების გადაზიდვის წესის“ დამტკიცების თაობაზე

1. ტექნიკური რეგლამენტი – „სატრანსპორტო საშუალებებით სახიფათო ტვირთების გადაზიდვის წესი “ (შემდგომში – რეგლამენტი ) შემუშავებულია „სახიფათო ტვირთების საერთაშორისო საგზაო გადაზიდვების შესახებ “ ევროპული შეთანხმების (ჟენევა 1957 წლის 30 სექტემბერი ) „საგზაო მოძრაობის შესახებ ” საქართველოს კანონისა და სხვა სამართლებრივი აქტების შესაბამისად .

2. რეგლამენტი განსაზღვრავს სატრანსპორტო საშუალებებით სახიფათო ტვირთების გადაზიდვის პირობებს , გამონაკლის შემთხვევებს , როდესაც „სახიფათო ტვირთების საერთაშორისო საგზაო გადაზიდვების შესახებ “ ევროპული შეთანხმების (შემდგომში – ADR) და წინამდებარე რეგლამენტის დებულებები არ გამოიყენება , სახიფათო ტვირთის გადამზიდავ სატრანპორტო საშუალებების კონსტრუქციასთან და მათ აღჭურვილობასთან დაკავშირებულ მოთხოვნებს , განსაზღვრულ სახიფათო ტვირთების გადაზიდვაზე სატრანსპორტო საშუალებების დაშვებასთან და სატრანსპორტო საშუალებების მძღოლების მომზადებასთან დაკავშირებულ მოთხოვნებს , განსაზღვრული სახიფათო ტვირთების გადაზიდვაზე სატრანსპორტო საშუალებების დაშვების მოწმობის გაცემის პირობებს , აგრეთვე , სატრანსპორტო საშუალებით გადაზიდვის მონაწილეთა უფლებებს , ვალდებულებებსა და პასუხისმგებლობას .

მუხლი 2. რეგლამენტის მიზანი

რეგლამენტის მიზანია :

ა ) საავტომობილო ტრანსპორტის სფეროში საქართველოს კანონმდებლობის სახიფათო ტვირთების გადაზიდვასთან დაკავშირებული გაერო -ს წესებისა და ADR-ის დებულებების მოთხოვნების საქართველოს კანონმდებლობაში ასახვა ;

ბ ) ADR-ს დებულებების საქართველოს კანონმდებლობაში იმპლემენტაციისათვის სამართლებრივი ბაზის შექმნა ;

გ ) სახიფათო ტვირთების ტრანსპორტირებისას მძღოლის , მგზავრისა და ქვეითის უსაფრთხოების უზრუნველყოფა , აგრეთვე , საავტომობილო გზების , საგზაო ნაგებობებისა და ტვირთის დაცულობის გაუმჯობესება ;

დ ) სახიფათო ტვირთების ტრანსპორტირებისას საგზაო -სატრანსპორტო შემთხვევების , საგანგებო სიტუაციების , ადამიანისა და გარემოსათვის მიყენებული ზიანის პრევენცია . 

მუხლი 3. ტერმინთა განმარტება

1. ამ რეგლამენტში გამოყენებულ ტერმინებს აქვთ შემდეგი მნიშვნელობა :

ა ) ავტოცისტერნა – სატრანსპორტო საშუალება , რომელიც გათვალისწინებულია სითხეების , აირების , ფხვიერი ან გრანულირებული ნივთიერებების გადასაზიდად და შედგება ერთი ან რამდენიმე დამონტაჟებული ცისტერნისგან ;

ბ ) გადასატანი ცისტერნა – 450 ლიტრზე მეტი ტევადობის , კომბინირებული გადაზიდვისათვის განკუთვნილი ცისტერნა , რომელიც გამოიყენება აირების გადასაზიდად . შესაძლებელი უნდა იყი მისი დატვირთვა და გადმოტვირთვა ავსებულ მდგომარეობაში , კონსტრუქციული მოწყობილობების მოხსნის გარეშე ;

გ ) გამონაკლისი – ამ რეგლამენტით განსაზღვრული ნორმა , რომელიც ათავისუფლებს კონკრეტული სახის სახიფათო ტვირთს იმ მოთხოვნებისაგან , რომელიც ჩვეულებრივ გამოიყენება სახიფათო ტვირთის მიმართ ;

დ ) განსაკუთრებით სახიფათო ტვირთები – სახიფათო ტვირთები , რომლებსაც მიკუთვნებული აქვთ პირველი ან მეშვიდე კლასი , ამ რეგლამენტის მე -5 მუხლის პირველი პუნქტის შესაბამისად ;

ე ) დამონტაჟებული ცისტერნა – 1000 ლიტრზე მეტი მოცულობის ცისტერნა , რომელიც სტაციონარულად არის დამაგრებული სატრანსპორტო საშუალებაზე (რომელიც მოცემულ შემთხვევაში ხდება ავტოცისტერნა ) ან წარმოადგენს აღნიშნული სატრანსპორტო საშუალების ჩარჩოს შემადგენელ ნაწილს ;

ვ ) მასიური ტვირთის საშუალო ტვირთამწეობის კონტეინერი (შემდგომში – მტსტკ ) – მყარი ან დრეკადი გადასატანი ტარა :

ვ .ა ) რომელსაც გააჩნია შემდეგი მოცულობა :

ვ .ა .ა ) არაუმეტეს 3მ ³ ამ რეგლამენტის დანართი №1-ით გათვალისწინებული II და III შეფუთვის ჯგუფებით განსაზღვრული მყარი და თხევადი ნივთიერებების შემთხვევაში ;

ვ .ა .ბ ) არაუმეტეს 1.5მ ³ ამ რეგლამენტის დანართი №1-ით გათვალისწინებული I შეფუთვის ჯგუფის მყარ ნივთიერებებთან დაკავშირებით , როდესაც გამოყენებულია დრეკადი , მყარი პლასტმასის , შედგენილი , ბოჭკოვანი მუყაოსა თუ ხის მტსტკ-ები;

ვ .ა .გ ) არაუმეტეს 3მ ³ ამ რეგლამენტის დანართი №1-ით გათვალისწინებული I შეფუთვის ჯგუფის მყარ ნივთიერებებთან დაკავშირებით , როდესაც გამოყენებულია ლითონის მტსტკ-ები;

ვ .ა .დ ) არაუმეტეს 3მ ³ მე -7 კლასით გათვალისწინებულ რადიოაქტიურ ნივთიერებებთან დაკავშირებით ;

ვ .ბ ) რომელიც გათვალისწინებულია მექანიკური დამუშავებისთვის ;

ვ .გ ) რომელიც მედეგია დატვირთვა -გადმოტვირთვისა და ტრანსპორტირების ოპერაციების დროს წარმოდგენილი დატვირთვების მიმართ ;

ზ ) მომატებული საფრთხის ტვირთები – ტვირთები , რომლებიც შეიძლება ბოროტად იქნეს გამოყენებული ტერორისტულ აქტებში და შესაბამისად , გამოიწვიოს ისეთი მძიმე შედეგები , როგორიცაა მრავალრიცხოვანი ადამიანური დანაკარგი , მასობრივი ნგრევა ან , მე -7 კლასის ტვირთების შემთხვევაში , მასობრივი სოციალურ -ეკონომიკური რყევები ;

თ ) მრავალელემენტიანი აირის კონტეინერი – იმ ელემენტების შემცველი კონტეინერი , რომლებიც ერთმანეთს უკავშირდება კოლექტორით და აწყობილია ჩარჩო კონსტრუქციაზე . მრავალელემენტიანი აირის კონტეინერის შემადგენელ ელემენტებად განიხილება : ბალონები , მილები , ბალონების შეკვრა , წნევის დოლურები , ასევე აირების გადასატანი 450 ლიტრზე მეტი ტევადობის ცისტერნები ;

ი ) მსხვილგაბარიტიანი ტარა – ტარა , რომელიც შედგება ნაკეთობებისა თუ შიდა ტარის შემცველი გარე ტარისგან და რომელიც :

ი .ა ) გათვალისწინებულია მექანიკური დამუშავებისთვის ;

ი .ბ ) აღემატება 400 კგ სუფთა მასას ან 450 ლიტრ ტევადობას , თუმცა მისი მოცულობა არ აჭარბებს 3მ ³-ს ;

კ ) ნარინჯისფერი ტაბლო – საინფორმაციო ტაბლო , რომელზეც გამოსახულია ზედა ნახევარში ნივთიერებებისა და ნაკეთობების საშიშროების საიდენტიფიკაციო ნომერი , ხოლო ქვედა ნახევარში გაეროს ნომერი და გამოიყენება სახიფათო ტვირთის გადაზიდვისას სატრანსპორტო საშუალებებზე ამ ინფორმაციის ვიზუალური მინიშნების მიზნით ;

ლ ) სატრანსპორტო ერთეული – ავტოსატრანსპორტო საშუალება მისაბმელის (ნახევარმისაბმელის ) გარეშე ან ავტოსატრანსპორტო საშუალების და მასზე მიმაგრებული მისაბმელის (ნახევარმისაბმელის ) კომბინაცია ;

მ ) სატრანსპორტო საშუალება -ბატარეა – იმ ელემენტების შემცველი სატრანსპორტო საშუალება , რომლებიც ერთმანეთს უკავშირდება კოლექტორით და სტაციონარულად მაგრდება აღნიშნულ სატრანსპორტო საშუალებაზე . სატრანსპორტო საშუალება -ბატარეის შემადგენელ ელემენტებად განიხილება : ბალონები , მილები , ბალონების შეკვრა , წნევის დოლურები , ასევე აირების გადასატანი 450 ლიტრზე მეტი ტევადობის ცისტერნები ;

ნ ) სახიფათო ტვირთი – ნივთიერებები ან /და ნაკეთობები , რომლებიც საერთაშორისო ნორმებით , საშიშროების ტიპის მიხედვით 9 კლასადაა კლასიფიცირებული და რომელთა საერთაშორისო საავტომობილო გადაზიდვა „სახიფათო ტვირთების საერთაშორისო საგზაო გადაზიდვების შესახებ “ ევროპული შეთანხმების (ADR) შესაბამისად აკრძალულია ან დასაშვებია მხოლოდ გარკვეული პირობების დაცვით ;

ო ) ტვირთგამგზავნი – პირი , რომელიც ახორციელებს სახიფათო ტვირთების გაგზავნას როგორც საკუთარი , ასევე მესამე პირის სახელით . თუ ტრანსპორტირება ხორციელდება გადაზიდვის ხელშეკრულების საფუძველზე , ამ ხელშეკრულებით გათვალისწინებული ტვირთგამგზავნი წარმოადგენს იმ პირს, რომელიც ახორციელებს სახიფათო ტვირთების გაგზავნას ;

პ ) ტვირთმიმღები – ტვირთმიმღები გადაზიდვის ხელშეკრულების შესაბამისად, თუ ტრანსპორტირების ოპერაცია ხორციელდება გადაზიდვის ხელშეკრულების გაფორმების გარეშე , ტვირთმიმღებად ჩაითვლება ის პირი , რომელიც სახიფათო ტვირთის ჩამოსვლისას იღებს მასზე პასუხისმგებლობას ;

ჟ ) ADR (European Agreement on Transport of Dangerous Goods on Road) – „სახიფათო ტვირთების საერთაშორისო საგზაო გადაზიდვების შესახებ “ ევროპული შეთანხმება , რომელიც დაიდო 1957 წლის 30 სექტემბერს ქ . ჟენავაში , აღნიშნულ შეთანხმებაში განხორციელებულ ცვლილებებთან ერთად ;

რ ) ADR-ის მოწმობა მძღოლის მომზადების შესახებ – ADR-ის მოწმობა მძღოლის მომზადების შესახებ – დოკუმენტი , რომელიც ადასტურებს , რომ მძღოლმა გაიარა სახიფათო ტვირთების გადაზიდვის შესახებ საერთაშორისო მოთხოვნების შესაბამისად შედგენილი პროგრამით მოსამზადებელი კურსი და ჩააბარა სახიფათო ტვირთების გადაზიდვის სპეციალური მოთხოვნების ცოდნის შესახებ გამოცდა ;

ს ) AT ტიპის სატრანსპორტო საშუალება :

ს .ა ) სატრანსპორტო საშუალება , EX/III ან FL ამ MEMU ტიპის სატრანსპორტო საშუალებების გარდა , განკუთვნილი სახიფათო ტვირთების გადასაზიდად 1 მ ³-ზე მეტი ტევადობის მქონე დამონტაჟებული ცისტერნებით ან სახსნელი ცისტერნებით , ან 3 მ ³-ზე მეტი ინდივიდუალური ტევადობის მქონე კონტეინერ -ცისტერნებით , გადასატანი ცისტერნებითა და მრავალელემენტიანი აირის კონტეინერებით ; ან

ს .ბ ) სატრანსპორტო საშუალება -ბატარეა 1მ ³-ზე მეტი საერთო ტევადობით , FL ტიპის სატრანსპორტო საშუალებების გარდა ;

ტ ) EX/II ან EX/III ტიპის სატრანსპორტო საშუალება – სატრანსპორტო საშუალება , განკუთვნილი ფეთქებადი ნივთიერებებისა და ნაკეთობების (1 კლასი ) გადასაზიდად ;

უ ) FL ტიპის სატრანსპორტო საშუალება :

უ .ა ) სატრანსპორტო საშუალება , განკუთვნილი იმ სითხეების გადასაზიდად , რომელთა აფეთქების ტემპერატურა არ აღემატება 60^ο-ს (გარდა დიზელის საწვავისა , რომელიც შეესაბამება სტანდარტს EN 590:2013 + AС:2014, გაზოილისა და მსუბუქი საღუმელე საწვავისა – გაეროს №1202 – სტანდარტში EN 590:2013 + AС:2014 მითითებული აფეთქების ტემპერატურით ) 1 მ ³-ზე მეტი ტევადობის მქონე დამონტაჟებული ცისტერნებით ან სახსნელი ცისტერნებით , ან 3 მ ³-ზე მეტი ინდივიდუალური ტევადობის მქონე კონტეინერ -ცისტერნებით ან გადასატანი ცისტერნებით ; ან

უ .ბ ) სატრანსპორტო საშუალება , განკუთვნილი ადვილაალებადი აირების გადასაზიდად 1 მ ³-ზე მეტი ტევადობის მქონე დამონტაჟებული ცისტერნებით ან სახსნელი ცისტერნებით , ან 3 მ ³-ზე მეტი ინდივიდუალური ტევადობის მქონე კონტეინერ -ცისტერნებით , ან გადასატანი ცისტერნებით , ან მრავალელემენტიანი აირის კონტეინერებით ; ან

უ .გ ) სატრანსპორტო საშუალება -ბატარეა 1 მ ³-ზე მეტი საერთო ტევადობით , განკუთვნილი ადვილაალებადი აირების გადასაზიდად ; ან

უ .დ ) სატრანსპორტო საშუალება , განკუთვნილი სტაბილიზებული წყალბადის პეროქსიდის ან 60%-ზე მეტი წყალბადის პეროქსიდის შემცველი სტაბილიზებული წყალბადის პეროქსიდის წყლის ხსნარის (კლასი 5.1, გაეროს №2015) გადასაზიდად 1 მ ³-ზე მეტი ტევადობის მქონე დამონტაჟებული ცისტერნებით ან სახსნელი ცისტერნებით ან 3 მ ³-ზე მეტი ინდივიდუალური ტევადობის მქონე კონტეინერ -ცისტერნებით ან გადასატანი ცისტერნებით ;

ფ ) MEMU (Mobile Explosives Manufacturing Unit – ფეთქებადი ნივთიერებების მობილური დანადგარი ) – დანადგარი ან სატრანსპორტო საშუალება , რომელზეც დამონტაჟებულია აღნიშნული დანადგარი , იმ სახიფათო ტვირთებისგან ფეთქებადი ნივთიერებების დასამზადებლად და დასამუხტად , რომლებიც არ წარმოადგენს ფეთქებადს . დანადგარი შედგება სხვადასხვა ცისტერნისგან , მასიური ტვირთების კონტეინერებისა და ტექნოლოგიური მოწყობილობებისგან , ასევე ტუმბოებისა და მასთან დაკავშირებული შესაბამისი მოწყობილობებისგან . MEMU შეიძლება აღჭურვილი იყოს სპეციალური განყოფილებებით შეფუთული ფეთქებადი ნივთიერებებისათვის (მიუხედავად იმისა , რომ MEMU-ს განმარტება ითვალისწინებს გამონათქვამს „ფეთქებადი ნივთიერებების დამზადება და დამუხტვა “, MEMU-სთან დაკავშირებული მოთხოვნები გამოიყენება მხოლოდ გადაზიდვისას და არა ფეთქებადი ნივთიერებების დამზადებისა და დამუხტვის პროცესში );

ქ ) N.O.S პოზიცია (პოზიცია , რომელიც კონკრეტულად არ არის მითითებული ) – შეჯამებული პოზიცია , რომელსაც შეიძლება მიეკუთვნოს ნივთიერებები , ნარევები , ხსნარები ან ნაკეთობები იმ შემთხვევაში , თუ ისინი არ არის მითითებული დასახელებით ADR-ის 3.2. თავის A ცხრილში და ავლენს N.O.S. პოზიციის კლასის , კლასიფიკაციის კოდის , შეფუთვის ჯგუფის , დასახელებისა და აღწერილობის ქიმიურ , ფიზიკურ და /ან სახიფათო თვისებებს .

 მუხლი 4. გამონაკლისი შემთხვევები , როდესაც ADR-ის და წინამდებარე რეგლამენტის დებულებები არ გამოიყენება

ADR-ის და წინამდებარე რეგლამენტის დებულებები არ გამოიყენება შემდეგ გამონაკლის შემთხვევებში :

ა ) სატრანსპორტო ოპერაციის მახასიათებლებთან დაკავშირებული გამონაკლისები :

ა .ა ) ფიზიკური პირის მიერ სახიფათო ტვირთების გადაზიდვისას , როდესაც აღნიშნული ტვირთი შეფუთულია საცალო გაყიდვების მიზნით და გათვალისწინებულია პირადი ან საყოფაცხოვრებო მოხმარებისთვის , დასასვენებელი ან სპორტული ღონისძიებებისთვის , იმ პირობით , თუ მიღებულია შესაბამისი ზომები გადაზიდვის ნორმალურ პირობებში ტვირთის შიგთავსის გაჟონვის პრევენცის მიზნით . თუ აღნიშნული ტვირთი წარმოადგენს ადვილაალებად სითხეს , რომლის გადაზიდვაც ხორციელდება მრავალჯერადი გამოყენების ჭურჭლით , შევსებული ფიზიკური პირების მიერ ან მათთვის , აღნიშნული სითხის საერთო რაოდენობა არ უნდა აღემატებოდეს 60 ლიტრს თითოეულ ჭურჭელზე და 240 ლიტრს ერთ სატრანსპორტო ერთეულზე . მტსტკ -ში , მსხვილგაბარიტიან ტარასა თუ ცისტერნებში მოთავსებული სახიფათო ტვირთი არ ჩაითვლება შეფუთულად საცალო გაყიდვების მიზნით ;

ა .ბ ) იმ მექანიზმებისა თუ მოწყობილობების გადაზიდვისას , რომლებიც არ არის გათვალისწინებული ADR-ის A დანართში და სავარაუდოდ შეიცავენ სახიფათო ტვირთებს მათ შიდა ან საექსპლუატაციო მოწყობილობებში , იმ პირობით , თუ მიღებულია შესაბამისი ზომები გადაზიდვის ნორმალურ პირობებში ტვირთის შიგთავსის გაჟონვის პრევენცის მიზნით ;

ა .გ ) საწარმოების მიერ განხორციელებული გადაზიდვისას , რომელიც ხორციელდება მათ ძირითად საქმიანობაზე დამატების სახით , როგორიცაა ტვირთების მიწოდება სამშენებლო ან საინჟინრო -ტექნიკურ ობიექტებზე ან მათი დაბრუნება აღნიშნული ობიექტებიდან , ან აზომვით , სარემონტო და ტექნიკურ უზრუნველყოფასთან დაკავშირებულ სამუშაოებთან მიმართებაში , არაუმეტს 450 ლიტრის ოდენობით თითოეულ ტარაზე (მტსტკ -სა და მსხვილგაბარიტიანი ტარის ჩათვლით ) და ამ მუხლის პირველი პუნქტის „ე “ ქვეპუნქტით გათვალისწინებული მაქსიმალური ოდენობის ფარგლებში . ამასთანავე , უნდა განხორციელდეს შესაბამისი ზომები გადაზიდვის ნორმალურ პირობებში ტვირთის შიგთავსის გაჟონვის პრევენციის მიზნით . აღნიშნული გამონაკლისი არ გამოიყენება მე -7 კლასის სახიფათო ტვირთების შემთხვევაში . ასევე , ამ ქვეპუნქტით გათვალისწინებული გამონაკლისი არ ეხება იმ გადაზიდვებს , რომლებიც სრულდება ამ საწარმოების მიერ საკუთარი მიწოდების ან გარე თუ შიდა განაწილების მიზნით ;

ა .დ ) კომპეტენტური ორგანოების მიერ განხორციელებული გადაზიდვა საავარიო -სამაშველო სამუშაოების ჩასატარებლად ან მათი ზედამხედველობის ქვეშ , რამდენადაც აღნიშნული გადაზიდვები აუცილებელია საავარიო -სამაშველო სამუშაოების განსახორციელებლად , კერძოდ , გადაზიდვები , რომლებიც ხორციელდება :

ა .დ .ა ) ტექნიკური დახმარების ავტოსატრანსპორტო საშუალებებით , რომლებიც გამოიყენება ავტოსაგზაო შემთხვევაში მოყოლილი , გაუმართავი და სახიფათო ტვირთების შემცველი სატრანსპორტო საშუალებების გადასაზიდად ;

ა .დ .ბ ) უბედურ ან ავტოსაგზაო შემთხვევაში მოყოლილი სახიფათო ტვირთის ლოკალიზებისა და შეგროვების და მათი უახლოეს სათანადო უსაფრთხო ადგილზე გადატანის მიზნით ;

ა . ე ) ადამიანების გადასარჩენად და გარემოს დასაცავად გათვალისწინებული ავარიული გადაზიდვა , იმ პირობით , რომ მიღებულია შესაბამისი ზომები აღნიშნული გადაზიდვების სრული უსაფრთხოების უზრუნველყოფის მიზნით ;

ა .ვ ) გაუწმენდავი , ცარიელი , სტაციონარული სასაწყობო რეზერვუარების გადაზიდვა , რომლებიც შეიცავდა ADR-ის 2.2.2.1.3 პუნქტით განსაზღვრული მე -2 კლასის A, O ან F ჯგუფის აირებს , II ან III შეფუთვის ჯგუფში შემავალი მე -3 ან მე -9 კლასის ნივთიერებებს , ან ამ რეგლამენტის დანართი №1-ით გათვალისწინებული II ან III შეფუთვის ჯგუფში შემავალი 6.1 კლასის პესტიციდებს , შემდეგი პირობების დაცვით :

ა .ვ .ა ) ყველა ნახვრეტი , წნევის შემზღუდველი მოწყობილობის გარდა (მისი არსებობის შემთხვევაში ), ჰერმეტულად არის დახურული ;

ა .ვ .ბ ) მიღებულია შესაბამისი ზომები გადაზიდვის ნორმალურ პირობებში ტვირთის შიგთავსის გაჟონვის პრევენცის მიზნით ;

ა .ვ .გ ) ტვირთი დამაგრებულია ჩარჩოებზე , გისოსებსა თუ სხვა სატრანსპორტო -ჩასატვირთ მოწყობილობებში , ან სატრანსპორტო საშუალებებსა თუ კონტეინერებზე იმ სახით , რომ შეუძლებელი იყოს მისი მორყევა ან გადაადგილება გადაზიდვის ნორმალურ პირობებში;

 ა .ზ ) ამ პუნქტით გათვალისწინებული გამონაკლისი არ ეხება იმ სტაციონარულ , შესანახ რეზერვუარებს , რომლებიც შეიცავს დესენსიბილიზებულ ფეთქებად ნივთიერებებს ან ისეთ ნივთიერებებს , რომელთა გადაზიდვაც იკრძალება ADR-ის მიერ .

ბ ) აირების გადაზიდვასთან დაკავშირებული გამონაკლისები :

ბ .ა ) სატრანსპორტო საშუალებების საწვავის ავზებში ან ბალონებში მოთავსებული აირების გადაზიდვა , რომლებიც გამოიყენება სატრანსპორტო საშუალების მოძრაობისათვის ან მათი ნებისმიერი მოწყობილობის ფუნქციონირებისათვის (მაგალითად , სამაცივრო აღჭურვილობის ). აირები შეიძლება გადაიზიდოს ჩამაგრებულ საწვავის ავზებში ან ბალონებში , რომლებიც უშუალოდ უკავშირდება სატრანსპორტო საშუალების ძრავას ან /და დამხმარე მოწყობილობას ან წნევის ქვეშ არსებულ გადასატან რეზერვუარებში , რომლებიც პასუხობენ კანონმდებლობით დადგენილ მოთხოვნებს ;

ბ .ბ ) სატრანსპორტო ერთეულისათვის განკუთვნილი საწვავის ავზებისა და ბალონების მოცულობა , მათ შორის ამ პუნქტის „გ “ ქვეპუნქტის შესაბამისად დაშვებულთა ჩათვლით , არ უნდა აღემატებოდეს ენერგიის (მჯ ) ან მასის (კგ ) 54 000 მჯ ენერგიის ეკვივალენტ ოდენობას .

შენიშვნა 1: 54 000 მჯ ენერგიის ეკვივალენტი შეესაბამება ამ პუნქტის „გ “ ქვეპუნქტით გათვალისწინებულ საწვავის ლიმიტს (1500 ლიტრი ). საწვავის ენერგიის შემცველობა წარმოდგენილია შემდეგი ცხრილით :

საერთო მოცულობამ არ უნდა გადააჭარბოს :

-1 080 კგ -ს , შეკუმშული ბუნებრივი აირის (შემდგომში ასევე „CNG“) და გათხევადებული ბუნებრივი აირის (შემდგომში ასევე „LNG“) შემთხვევაში .

 -2 250 ლიტრს , გათხევადებული ნავთობის აირი (შემდგომში ასევე „LPG“)-ის შემთხვევაში .

შენიშვნა 2: გადაზიდვისას გამოყენებულ აღჭურვილობაზე მორგებული კონტეინერი , რომელიც ავტოსატრანსპორტო საშუალებაზეა მიმაგრებული , მიიჩნევა ავტოსატრანსპორტო საშუალების შემადგენელ ნაწილად და სარგებლობს იმავე გამონაკლისებით , რომლებიც დაკავშირებულია აღჭურვილობის ოპერირებისთვის აუცილებელ საწვავთან ;

ბ .გ ) ADR-ის 2.2.2.1.3. პუნქტით გათვალისწინებულ მხუთავ (А) და მჟანგავ (О) ჯგუფებს მიკუთვნებული აირების გადაზიდვა , თუ აირის წნევა , რეზერვუარსა თუ ცისტერნაში , 20⁰C ტემპერატურაზე არ აღემატება 200 კპა -ს (2 ბარს ) და თუ აირი არ წარმოადგენს გათხევადებულ ან გაყინულ გათხევადებულ აირს . აქ იგულისხმება ნებისმიერი სახის რეზერვუარი ან ცისტერნა , მაგალითად : ის რეზერვუარი ან ცისტერნა , რომლიც წარმოადგენს მანქანებისა და აპარატურის ნაწილებს (აღნიშნული გამონაკლისი არ ვრცელდება ნათურებზე );

ბ .დ ) სატრანსპორტო საშუალებების ექსპლუატაციისთვის გამოსაყენებელ მოწყობილობებში (მაგალითად : ცეცხლმაქრები ) შემავალი აირების გადაზიდვა , სათადარიგო ნაწილების (მაგალითად , დაბერილი პნევმატური სალტეების ) ჩათვლით ; ზემოაღნიშნული გამონაკლისი ასევე გამოიყენება ტვირთების სახით დაბერილი პნევმატური სალტეების გადაზიდვის შემთხვევაშიც ;

ბ .ე ) სატრანსპორტო საშუალებების სპეციალურ მოწყობილობაში შემავალი აირების გადაზიდვისას , რომლებიც აუცილებელია ამ სპეციალური მოწყობილობის ფუნქციონირებისთვის გადაზიდვების დროს (მაგალითად , მაცივებელი სისტემები , თევზების მოსათავსებელი რეზერვუარები , გამათბობლები და ა .შ .) ასევე , სათადარიგო სათავსები აღნიშნული მოწყობილობებისთვის ან გაუწმენდავი ცარიელი შემცვლელი სათავსები , რომელთა გადაზიდვაც ხდება იმავე სატრანსპორტო ერთეულში ;

ბ .ვ ) საკვებ პროდუქტებში შემავალი აირების გადაზიდვისას (გარდა გაეროს №1950-ისა ), გაზირებული სასმელების ჩათვლით ;

ბ .ზ ) სპორტული მოხმარების ბურთებში შემავალი აირების გადაზიდვისას .

გ ) თხევადი საწვავის გადაზიდვასთან დაკავშირებული გამონაკლისები :

გ .ა ) სატრანსპორტო საშუალებების საწვავის ავზებში მოთავსებული თხევადი საწვავის გადაზიდვისას , რომელიც გამოიყენება სატრანსპორტო საშუალებების მოძრაობისათვის ან მათი ნებისმიერი მოწყობილობის ფუნქციონირებისათვის გადაზიდვის პროცესში და რომელიც აკმაყოფილებს შემდეგ პირობებს :

გ .ა .ა ) თხევადი საწვავის გადაზიდვა შესაძლებელია ჩამაგრებულ საწვავის ავზ (ებ )ში , რომელიც უშუალოდ არის დაკავშირებული სატრანსპორტო საშუალების ძრავსა და /ან დამხმარე მოწყობილობებთან და აკმაყოფილებს საქართველოს კანონმდებლობით გათვალისწინებულ მოთხოვნებს , ან გადასატან საწვავის სატევ (ებ )ში (მაგალითად : კანისტრებში ).

გ .ა .ბ ) ჩამაგრებული საწვავის ავზის საერთო მოცულობა არ უნდა აღემატებოდეს 1500 ლიტრს ერთ სატრანსპორტო ერთეულზე , ხოლო მისაბმელზე დამონტაჟებული ავზის მოცულობა არ უნდა აღემატებოდეს 500 ლიტრს . გადასატანი საწვავის სატევეებით შესაძლებელია მაქსიმუმ 60 ლიტრი თხევადი საწვავის გადატანა ერთ სატრანსპორტო ერთეულზე . აღნიშნული შეზღუდვები არ ვრცელდება ამ მუხლის „ა .დ “ ქვეპუნქტით გათვალისწინებულ შემთხვევებზე .

შენიშვნა 1: გადაზიდვისას გამოყენებული აღჭურვილობაზე მორგებული კონტეინერი , რომელიც ავტოსატრანსპორტო საშუალებაზეა მიმაგრებული , მიიჩნევა ავტოსატრანსპორტო საშუალების შემადგენელ ნაწილად და სარგებლობს იმავე გამონაკლისებით , რაც დაკავშირებულია აღჭურვილობის ოპერირებისთვის აუცილებელ საწვავთან .

  შენიშვნა 2: სატრანსპორტო ერთეულისათვის განკუთვნილი საწვავის ავზებისა და ბალონების ჯამური მოცულობა , მათ შორის აირის საწვავების შემცველთა ჩათვლით , ამ პუნქტის „ბ .ბ “ ქვეპუნქტის პირველი შენიშვნის გათვალისწინებით , არ უნდა აღემატებოდეს ენერგიის (მჯ ) ან მასის (კგ ) 54 000 მჯ ენერგიის ეკვივალენტ ოდენობას .

დ ) სპეციალური დებულებები :

კონკრეტული სახიფათო ტვირთების გადაზიდვისას , რომლებიც ADR-ის 3.3 თავის ზოგიერთი სპეციალური დებულებებით ნაწილობრივ ან სრულად თავისუფლდებიან ADR-ის მოთხოვნებისგან , აღნიშნული გამონაკლისი მოქმედებს იმ შემთხვევაში , თუ ADR-ის 3.2 თავის A ცხრილის მე -6 სვეტში , შესაბამისი სახიფათო ტვირთების გრაფაში მითითებულია სპეციალური დებულება .

ე ) ერთი სატრანსპორტო ერთეულით გადატანილ ოდენობებთან დაკავშირებული გამონაკლისები :

ე .ა ) თუ ერთი სატრანსპორტო ერთეულით გადასაზიდი სახიფათო ტვირთის ოდენობა , რომელიც განისაზღვრება ერთი კონკრეტული ნივთიერებისათვის ADR-ის 3.2 თავის A ცხრილის მე -15 სვეტის მრიცხველში მითითებული შესაბამისი ციფრით , რომელიც ამ რეგლამენტის №1 დანართის შესაბამისად ადგენს კონკრეტული ნივთიერების მაქსიმალურ ზღვრულ ოდენობას , არ აღემატება ამ ოდენობას , მისი გადაზიდვა გათავისუფლებულია ADR-ის 1.1.3.6.2 პუნქტით გათვალისწინებული ვალდებულებებისაგან ;

ე .ბ ) იმ შემთხვევაში , თუ ამ რეგლამენტის №1 დანართის შესაბამისად , სხვადასხვა სატრანსპორტო კატეგორიებში შემავალი სახიფათო ტვირთების გადაზიდვა ხორციელდება იმავე სატრანსპორტო ერთეულით , შემდეგი მნიშვნელობების ჯამმა : პირველ სატრანსპორტო კატეგორიაში შემავალი ნივთიერებებისა და ნაკეთობების რაოდენობა გამრავლებული „50“-ზე ; და მე -2 სატრანსპორტო კატეგორიაში შემავალი ნივთიერებებისა და ნაკეთობების რაოდენობა გამრავლებული „3“-ზე ; და მე -3 სატრანსპორტო კატეგორიაში შემავალი ნივთიერებებისა და ნაკეთობების რაოდენობამ ჯამში არ უნდა გადააჭარბოს „1 000“-ს .

მაგალითი :

გადასაზიდია შემდეგი სახიფათო ნივთერებები : UN 2334, UN 2333 და UN 2332. ამ ნივთიერებებისათვის , ADR-ის 3.2 თავის A ცხრილის მე -15 სვეტის მრიცხველში მოცემულია შემდეგი ციფრები : UN 2334-სთვის „1“; UN 2333-სთვის „2“ და UN 2332-სთვის „3“. დაგეგმილია გადაზიდვა შემდეგი ოდენობების გათვალისწინებით : UN 2332-სთვის 400 ლიტრი , UN 2333-სთვის 100 ლიტრი და UN 2334-სთვის 5 ლიტრი .

ზემოაღნიშნული პირობის მიხედვით : 400 + 300 (100x3)+250(5x50)=950.

ვინაიდან საერთო ჯამი წარმოადგენს 950-ს , რომელიც ნაკლებია 1000-ზე , შესაძლებელია წარმოდგენილი პროპორციით მათი გადაზიდვა ამ რეგლამენტისა და ADR-ის წესების გათვალისწინების გარეშე .

 ვ ) შეზღუდულ ოდენობებად შეფუთულ სახიფათო ტვირთებთან დაკავშირებული გამონაკლისები :

ვ .ა ) შეზღუდული ოდენობებით შეფუთული , გარკვეულ კლასებს მიკუთვნებული სახიფათო ტვირთების გადაზიდვა შესაძლებელია დაექვემდებაროს გამონაკლისს იმ პირობით , თუ დაკმაყოფილდება ADR-ის 3.4 თავში გათვალისწინებული მოთხოვნები და ამ პირობით სახიფათო ტვირთის გადაზიდვა დაექვემდებარება მხოლოდ ADR-ის 3.4.1. პუნქტით გათვალისწინებულ ვალდებულებებს ;

ვ .ბ ) შეზღუდული ოდენობებით შეფუთულ , გარკვეულ კლასებს მიკუთვნებული სახიფათო ტვირთების გადაზიდვის მარეგულირებელი დებულებები , შიდა ტარასა თუ ნაკეთობასთან დაკავშირებით მოქმედი რაოდენობრივი შეზღუდვა მითითებულია ყოველ ნივთიერებასთან დაკავშირებით ADR-ის 3.2 თავის A ცხრილის (7ა ) სვეტში . ამგვარი შეზღუდული ოდენობებით შეფუთული სახიფათო ტვირთების შეზღუდული რაოდენობა , რომელიც აკმაყოფილებს წინამდებარე თავით გათვალისწინებულ მოთხოვნებს , ექვემდებარება მხოლოდ ADR-ის 3.4.1. პუნქტით გათვალისწინებულ მოთხოვნებს და ამ შემთხვევასთან დაკავშირებით გამოყენებული უნდა იქნეს ADR-ის 3.2. თავის A ცხრილის (7ა ) სვეტის მონაცემები და ამ რეგლამენტის დანართი №1-ით გათვალისწინებული ცხრილი .

მაგალითი : ნაფტალინი სუფთა (UN 1334) A ცხრილის (7ა ) სვეტში ამ ნივთიერებისთვის არის მითითებული 5 კგ , რომელსაც არ უნდა აღემატებოდეს შიდა შეფუთვაში არსებული რაოდენობა და , როგორც წესი , უნდა იყოს გამოყენებული გარე შეფუთვაც . საერთო მასა არ უნდა აღემატებოდეს 30 კგ -ს (მტვრევადი ან ადვილად რღვევადი შიდა ტარის , როგორიცაა მინისგან , ფაიფურისგან , კერამიკისა თუ გარკვეული პლასტმასის მასალისგან დამზადებული ტარა , შემთხვევაში ეს ნივთიერება უნდა განთავსდეს შესაბამის შუალედურ შეფუთვაში არაუმეტეს 20 კგ ).

ამ შემთხვევაში 30-კილოგრამიან ყუთში მოთავსდება 6 ცალი 5-კილოგრამიანი შეფუთვა . რაც შეეხება ერთი სატრანსპორტო საშუალებით ამ ნივთიერების გადასაზიდ მაქსიმალურ ოდენობას , იგი განისაზღვრება ADR-ის 1.1.3.6. ცხრილის თანახმად , სადაც, ასევე , გათვალისწინებული უნდა იქნეს ADR-ის 3.2 თავის A ცხრილის (15) სვეტში აღნიშნული მრიცხველის მაჩვენებელი , რაც ამ კონკრეტული მაგალითის შემთხვევაში წარმოადგენს 3-ს . აღნიშნული ნიშნავს , რომ ADR-ის 1.1.3.6. ცხრილის მიხედვით მე -3 სატრანსპორტო კატეგორიით გადასაზიდი მაქსიმალური რაოდენობა შეადგენს 1000 კილოგრამს . შესაბამისად , გადასაზიდი 1000 / 30 = 33 ყუთს . იმ შემთხვევაში, თუ გარკვეული ნივთიერებისათვის ADR-ის 3.2 თავის A ცხრილის (7ა ) სვეტში მითითებული იქნება „0“, ეს მიანიშნებს , რომ აღნიშნული ნივთიერების გადატანა შეზღუდული ოდენობით შეფუთვით არ დაიშვება .

ე .გ ) ამ ქვეპუნქტით გათვალისწინებული პირობებით განხორციელებულ შეფუთვაზე უნდა იქნეს დატანილი ამ რეგლამენტის დანართი №12-ით და ADR-ის 3.4.7.1.-ით გათვალისწინებული ნიშანი .

ვ ) გამოთავისუფლებულ ოდენობებად შეფუთულ სახიფათო ტვირთებთან დაკავშირებული გამონაკლისები :

ვ .ა ) გამოთავისუფლებული ოდენობებით შეფუთული , გარკვეულ კლასებს მიკუთვნებული სახიფათო ტვირთების გადაზიდვა შესაძლებელია დაექვემდებაროს გამონაკლისს იმ პირობით , თუ დაკმაყოფილდება ADR-ის 3.5 თავში გათვალისწინებული მოთხოვნები და ამ პირობით სახიფათო ტვირთის გადაზიდვა დაექვემდებარება მხოლოდ ADR-ის 3.5.1.1 პუნქტით გათვალისწინებულ ვალდებულებებს ;

ვ .ბ ) სახიფათო ტვირთები , რომელთა გადაზიდვაც შესაძლებელია გამოთავისუფლებული ოდენობებით წინამდებარე თავის დებულებების შესაბამისად , წარმოდგენილია ADR-ის 3.2 თავის A ცხრილის (7ბ ) სვეტში ასოებით და ციფრებით წარმოდგენილი კოდების ჩამონათვალის სახით . ამასთან , ADR-ის 3.2 თავის A ცხრილის (7ბ ) სვეტში კონკრეტული ნივთიერებებისათვის აღნიშნული კოდები განისაზღვრება შემდეგი ცხრილის გათვალისწინებით :

ამ ცხრილის გამოყენების შედეგად მიიღება გარე ტარაში გამოთავისუფლებული ოდენობით შეფუთული სახიფათო ტვირთის ოდენობა გრამებში (მყარი ნივთიერებებში ) ან მილილიტრებში (თხევადი ნივთიერებებისათვის ). ამგვარი ყუთების მაქსიმალური ოდენობა , რომელიც უნდა გადაიზიდოს ერთი სატრანსპორტო ერთეულით , შეადგენს 1000 ცალს .

მაგალითი : ნაფტალინი სუფთა (UN 1334) ADR-ის 3.2 თავის A ცხრილის (7ბ ) სვეტში ამ ნივთიერებისთვის არის მითითებულია E1 კოდი , რაც ამ ქვეპუნქტის გათვალისწინებით ცხრილის მიხედვით ნიშნავს , რომ ნაფტალინის პირველადი შეფუთვა არ უნდა აჭარბებდეს 30 გრამს და მეორადი შეფუთვის (გარე ტარა ) საერთო მასა არ უნდა აჭარბებდეს 1000 გრამს . ამ შემთხვევაში , ისევე როგორც სხვა დანარჩენ შემთხვევებში , არ უნდა აღემატებოდეს ერთ სატრანსპორტო ერთეულზე 1000 ცალს . იმ შემთხვევაში , თუ ADR-ის 3.2 თავის A ცხრილის (7ბ ) სვეტში მითითებული იქნება „E0” ეს მიანიშნებს , რომ აღნიშნული ნივთიერების გადატანა გამონთავისუფლებული ოდენობით შეფუთვით არ დაიშვება .

ვ .გ ) ამ ქვეპუნქტით გათვალისწინებული პირობებით განხორციელებულ შეფუთვაზე უნდა იქნეს დატანილი ამ რეგლამენტის დანართი №12-ით და ADR-ის 3.5.4.2-ით გათვალისწინებული ნიშანი .

ზ ) ცარიელ , გაუწმენდავ ტარასთან დაკავშირებული გამონაკლისები :

ამ რეგლამენტით გათვალისწინებული მოთხოვნები არ ვრცელდება ცარიელ გაუწმენდავ ტარაზე (მტსტკ -სა და მსხვილგაბარიტიანი ტარის ჩათვლით ), რომელიც შეიცავდა მე -2, მე -3, 4.1, 5.1, 6.1, მე -8 და მე -9 კლასების ნივთიერებებს , თუ მიღებული იქნება შესაბამისი ზომები 1-ლი-მე-9 კლასების ტვირთებისათვის დამახასიათებელი საფრთხეების ნეიტრალიზების მიზნით .

თ ) ელექტროენერგიის აკუმულირებისა და გამომუშავების სისტემების გადაზიდვასთან დაკავშირებული გამონაკლისები :

თ .ა ) წინამდებარე რეგლამენტის დებულებები არ გამოიყენება ელექტროენერგიის აკუმულირებისა და გამომუშავების სისტემებზე (მაგალითად : ლითიუმის ბატარეები , ელექტროკონდენსატორები , ასიმეტრიული კონდენსატორები , ლითონის ჰიდრიდის შენახვის სისტემები და საწვავის უჯრედები ):

თ .ა .ა ) რომლებიც დამონტაჟებულია სატრანსპორტო საშუალებაში და გათვალისწინებულია მისი მოძრაობის ან მისი ნებისმიერი მოწყობილობის ფუნქციონირების უზრუნველსაყოფად ;

თ .ა .ბ ) რომლებიც დამონტაჟებულია მოწყობილობაში აღნიშნული მოწყობილობის ფუნქციონირების უზრუნველსაყოფად და გამოიყენება ან გათვალისწინებულია გამოსაყენებლად გადაზიდვების დროს (მაგალითად, პორტატული პერსონალური კომპიუტერი ).

ი ) გამონაკლისი იმ სახიფათო ტვირთების გადაზიდვაზე , რომლებიც გამოიყენება სატრანსპორტო საშუალებებში ან კონტეინერებში გაგრილებისა ან კონდიცირების მიზნით :

სახიფათო ტვირთებზე , რომლებიც გამოიყენება სატრანსპორტო საშუალებებში ან კონტეინერებში გაგრილებისა ან კონდიცირების მიზნით ვრცელდება მხოლოდ ADR-ის 5.5.3. კარის მოთხოვნები .

კ ) სახიფათო ტვირთების შემცველი ნათურების გადაზიდვასთან დაკავშირებული გამონაკლისები :

კ .ა ) ამ რეგლამენტით გათვალისწინებული დებულებები არ გამოიყენება შემდეგი ნათურების მიმართ მხოლოდ იმ შემთხვევაში , თუ ისინი არ შეიცავს რადიოაქტიურ ნივთიერებებს და ვერცხლისწყალს ADR-ის 3.3 თავის 366-ე სპეციალური დებულებით გათვალისწინებულ ოდენობაზე მეტი რაოდენობით :

კ .ა .ა ) ნათურები , რომელთა შეგროვებაც ხდება უშუალოდ კერძო პირებისგან თუ საყოფაცხოვრებო მეურნეობიდან , მათი შეგროვების ან უტილიზაციის პუნქტში გადაზიდვისას ;

შენიშვნა : აღნიშნული ასევე მოქმედებს იმ ნათურებთან დაკავშირებით , რომელთა მოწოდებასაც უზრუნველყოფენ კერძო პირები შეგროვების პირველად პუნქტში , და შემდგომ ამისა , რომელთა გადაზიდვაც ხორციელდება სხვა შეგროვების , შუალედური დამუშავების ან უტილიზაციის პუნქტებში .

კ .ა .ბ ) ნათურები , რომლებიც შეიცავენ 1 გრამზე მეტ სახიფათო ტვირთს და შეფუთულია იმ სახით , რომ ყოველ შეფუთვაში არ იყოს წარმოდგენილი 30 გრამზე მეტი სახიფათო ტვირთი იმ პირობით , თუ :

კ .ა .ბ .ა ) ნათურები დამზადებულია ხარისხის მართვის სერტიფიცირებული სისტემის შესაბამისად ;

შენიშვნა : აღნიშნული მიზნისთვის შესაძლებელია გამოყენებულ იქნეს სტანდარტი ISO 9001

და

კ .ა .ბ .ბ ) ყოველი ნათურა , იმის მიუხედავად იქნება თუ არა შეფუთული შიდა ტარაში , ერთმანეთისგან გამოყოფილი ტიხრებით , ან წარმოდგენილი სადებ მასალაში ნათურების დაცვის მიზნით და განთავსებული მყარ გარე ტარაში , რომელიც აკმაყოფილებს ADR-ის 4.1.1.1 პუნქტით გათვალისწინებულ ზოგად დებულებებს და ასევე შეუძლია გაიაროს 1,2 მეტრის სიმაღლიდან ჩამოვარდნის გამოცდა ;

კ .ა .გ ) გამოყენებული , დაზიანებული ან წუნდებული ნათურები , რომლებიც შეიცავენ არაუმეტეს 1 გრამ სახიფათო ტვირთს , ყოველ შეფუთვაში არაუმეტეს 30 გრამ სახიფათო ტვირთის შემცველობასთან ერთად , როდესაც მათი გადაზიდვა ხდება შეგროვების ან უტილიზაციის პუნქტიდან . ნათურები უნდა შეიფუთოს საკმარისად გამძლე გარე ტარაში , რათა თავიდან იქნეს აცილებული გადაზიდვის ნორმალურ პირობებში შიგთავსის გამოთავისუფლება , იგი უნდა აკმაყოფილებდეს ADR-ის 4.1.1.1 პუნქტით გათვალისწინებულ ზოგად დებულებებს და გაიაროს არანაკლებ 1,2 მეტრის სიმაღლიდან ჩამოვარდნის გამოცდა ;

კ .ა .დ ) ნათურები , რომლებიც შეიცავენ მხოლოდ ADR-ის 2.2.2.1 პუნქტით გათვალისწინებულ A და O ჯგუფის აირებს იმ პირობით , თუ მათი შეფუთვა მოხდება ისე , რომ ნათურის წყვეტის შედეგად გამოწვეული ფეთქებადი ეფექტი შეკავებული იქნეს შეფუთვის ფარგლებში ;

 კ .ა .ე ) რადიოაქტიური მასალის შემცველი ნათურების გადაზიდვა რეგულირდება ADR-ის 2.2.7.2.2.2 პუნქტით .

მუხლი 5. სახიფათო ტვირთების კლასიფიკაცია

1. ADR-ის მე -2 ნაწილში მოყვანილი კლასიფიკაციის შესაბამისად , სახიფათო ტვირთები საშიშროების ტიპის , ასევე მათი ფიზიკური , ქიმიური და ბიოლოგიური თვისებების მიხედვით , იყოფა შემდეგ კლასებად და ქვეკლასებად :

2. სახიფათო ტვირთი აღინიშნება გაეროს მიერ მინიჭებული ოთხციფრა კოდით , „სახიფათო ტვირთების გადაზიდვის შესახებ“ გაერთიანებული ერების ორგანიზაციის ტიპური წესების შესაბამისად (ST/SG/AC.10/1/Rev.18 (vol.1)).

მუხლი 6. სახიფათო ტვირთების დამუშავება , დატვირთვა (გადმოტვირთვა ) და განთავსება

1. სახიფათო ტვირთების სატრანსპორტო საშუალებაზე დატვირთვა (გადმოტვირთვა ), განთავსება და დამაგრება ხორციელდება ტვირთგამგზავნის /ტვირთმიმღების მიერ (თუ სხვა რამ არ არის გათვალისწინებული გადაზიდვის ხელშეკრულებით ). ხოლო გარკვეულ კლასებსა თუ განსაზღვრულ ტვირთებთან დაკავშირებით დამატებითი დებულებები განისაზღვრება ADR-ის 7.5.11. პუნქტით .

2. დატვირთვის ან გადმოტვირთვის ადგილზე , მათ შორის კონტეინერის ტერმინალში მისვლისას , სატრანსპორტო საშუალება და მისი მძღოლი , ასევე კონტეინერი , მტსტკ , მრავალელემენტიანი აირის კონტეინერი , კონტეინერ -ცისტერნა ან გადასატანი ცისტერნა , ასეთების არსებობისას , უნდა აკმაყოფილებდეს ამ რეგლამენტით და კანონმდებლობით გათვალისწინებულ მოთხოვნებს (განსაკუთრებით საექსპლუატაციო უსაფრთხოების , საერთო უსაფრთხოების , სისუფთავის და დატვირთვის და გადმოტვირთვის დროს გამოყენებული აღჭურვილობის გამართული ფუნქციონირების უზრუნველყოფასთან დაკავშირებით ).

3. დატვირთვა არ უნდა განხორციელდეს , თუ დოკუმენტების შემოწმების შედეგად სატრანსპორტო საშუალების ან კონტეინერის , მასიური ტვირთის კონტეინერის , მრავალელემენტიანი აირის კონტეინერის , კონტეინერ -ცისტერნის ან გადასატანი ცისტერნის , ასევე , დატვირთვის და გადმოტვირთვის დროს გამოყენებული აღჭურვილობის დათვალიერების შედეგებით დასტურდება მათი შეუსაბამობა ამ რეგლამენტით და საქართველოს კანონმდებლობით გათვალისწინებულ მოთხოვნებთან .

4. ერთსა და იმავე გარე ტარაში თუ მსხვილგაბარიტიან ტარაში დაუშვებელია სახიფათო ტვირთების მოთავსება სახიფათო ან სხვა ტვირთთან ერთად იმ შემთხვევაში , თუ მათ შეუძლიათ შევიდნენ ერთმანეთთან სახიფათო რეაქციაში და გამოიწვიონ :

ა ) წვა ან სითბოს მნიშვნელოვანი რაოდენობით გამოყოფა ;

ბ ) ადვილაალებადი , მხუთავი , მჟანგავი ან ტოქსიკური აირების გამოყოფა ;

გ ) კოროზიული ნივთიერებების წარმოქმნა ;

დ ) არამედეგი ნივთიერებების წარმოქმნა .

5. დატვირთვის დაწყებამდე ტვირთგამგზავნის მიერ სახიფათო ტვირთი უნდა იყოს კლასიფიცირებული და მიკუთვნებული საშიშროების ერთ -ერთ კლასს (ქვეკლასს ), ხოლო ფეთქებადი ნივთიერებებისათვის დამატებით უნდა განისაზღვროს შეთავსებადობის ჯგუფები (დანართი №2). ასევე უნდა განხორციელდეს როგორც სატრანსპორტო საშუალების, ისე ტვირთის მარკირება .

6. დატვირთვაზე არ დაიშვება :

ა ) ის ფეთქებადი ნივთიერებები , რომელთაც ახასიათებთ განსაკუთრებული მგრძნობელობა გაერთიანებული ერების ორგანიზაციის მიერ გამოცემული „ცდებისა და კრიტერიუმების სახელმძღვანელოს “ I ნაწილის თანახმად ან იწვევენ თვითნებურ რეაქციებს , ასევე , ის ფეთქებადი ნივთიერებები და ნაკეთობები , რომლებიც არ მიეკუთვნებიან ADR-ის 3.2 თავის A ცხრილში გათვალისწინებულ რომელიმე დასახელებას ან რომელიმე N.O.S. პოზიციას ;

ბ ) ამ რეგლამენტის დანართი №2-ით გათვალისწინებული „K“ შეთავსებადობის ჯგუფს მიკუთვნებული ნაკეთობები (1.2K, გაეროს №0200 და 1.3K, გაეროს №0021).

7. საშიშროების სხვადასხვა ნიშნების მქონე შეფუთვების დატვირთვა არ უნდა განხორციელდეს ერთად ერთსა და იმავე სატრანსპორტო საშუალებაში ან კონტეინერში , გარდა იმ შემთხვევებისა , როდესაც ერთობლივი დატვირთვა დასაშვებია ამ რეგლამენტის №3 დანართში მოყვანილი ცხრილის შესაბამისად შეფუთვაზე მითითებული საშიშროების ნიშნების მიხედვით .

8. პირველი კლასის ნივთიერებების ან ნაკეთობების შემცველი შეფუთვები რეგლამენტის დანართი №8-ით გათვალისწინებული №1, 1.4, 1.5 ან 1.6 ნიმუშის საშიშროების ნიშნით , რომლებიც მიეკუთვნება შეთავსებადობის სხვადასხვა ჯგუფებს , შეიძლება დაიტვირთოს ერთად ერთ სატრანსპორტო საშუალებაში ან ერთ კონტეინერში მხოლოდ იმ შემთხვევაში , თუ ერთობლივი დატვირთვა დასაშვებია ამ რეგლამენტის №4 დანართში მოყვანილი ცხრილის თანახმად შეთავსებადობის შესაბამისი ჯგუფებისთვის .

9. შეფუთვა , ასევე გაუსუფთავებელი ცარიელი ტარა , მათ შორის მსხვილგაბარიტიანი ტარა და მტსტკ , №6.1 ან №6.2 ნიმუშების საშიშროების ნიშნებით , და მათგან ისინი , რომლებსაც აქვთ ამ რეგლამენტის დანართი №8-ით გათვალისწინებული №9 ნიმუშის საშიშროების ნიშანი და შეიცავს ტვირთებს გაეროს №2212, №2315, №2590, №3151, №3152 ან №3245, არ უნდა იყოს განთავსებული სატრანსპორტო საშუალებებში , კონტეინერებში და დატვირთვისა და გადმოტვირთვის ადგილებში იმ შეფუთვებთან ახლოს , რომელთა შესახებ ცნობილია , რომ მათში მოთავსებულია კვების პროდუქტები , სხვა მოხმარების საგნები და ცხოველების საკვები .

10. აუცილებლობის შემთხვევაში სატრანსპორტო საშუალება ან კონტეინერი უნდა იყოს აღჭურვილი შესაბამისი მოწყობილობებით , რათა გაადვილდეს სახიფათო ტვირთების დამაგრება და დამუშავება . სახიფათო ნივთიერებების შემცველი შეფუთვები და დაუფასოებელი სახიფათო ნაკეთობები უნდა იყოს დამაგრებული შესაბამისი საშუალებებით , რომლებსაც შეუძლია ტვირთის შეკავება (როგორიცაა სამაგრი ღვედები , გადასატანი კადონები , გამოსაღები კრონშტეინები ) სატრანსპორტო საშუალებებში ან კონტეინერში ისე , რომ გადაზიდვის დროს არ მოხდეს რაიმე გადაადგილება , რაც შეცვლის შეფუთვების მდგომარეობას ან გამოიწვევს მათ დაზიანებას . თუ გამოიყენება ისეთი სამაგრი ხელსაწყოები , როგორიცაა საბანდაჟე ლენტი ან ღვედი , არ შეიძლება მათი მჭიდროდ მოჭერა იმისათვის , რომ არ მოხდეს შეფუთვის დაზიანება ან დეფორმირება .

11. თუ სახიფათო ტვირთის შემცველი სატრანსპორტო საშუალების ან კონტეინერის გადმოტვირთვის შემდეგ აღმოჩენილია შიგთავსის ნაწილის გაჟონვა , დაღვრა ან დაყრა , აუცილებელია რაც შეიძლება სწრაფად და ნებისმიერ შემთხვევაში ახალ დატვირთვამდე , განხორციელდეს სატრანსპორტო საშუალების ან კონტეინერის დასუფთავება .

12. თუ ადგილზე დასუფთავების განხორციელება შეუძლებელია , სატრანსპორტო საშუალება , ან კონტეინერი , ამ რეგლამენტით გათვალისწინებული სახიფათო ტვირთების გადაზიდვასთან დაკავშირებულ უსაფრთხოების პირობების დაცვით გადატანილ უნდა იქნეს უახლოეს ადგილას , სადაც შეიძლება გაწმენდითი სამუშაოების ჩატარება .

13. სატრანსპორტო საშუალებები ან კონტეინერები , რითიც განხორციელდა სახიფათო ტვირთების დაყრით გადაზიდვა , ახალი დატვირთვის წინ სათანადოდ უნდა დასუფთავდეს თუ ახალი ტვირთი არ წარმოადგენს იგივე სახიფათო ტვირთს , რასაც წინა ტვირთი .

14. სახიფათო ტვირთის დატვირთვა – გადმოტვირთვის ოპერაციები უნდა წარმოებდეს სპეციალურად მოწყობილ ადგილებზე , ავტოსატრანსპორტო საშუალების გამორთული ძრავით , უსაფრთხოების წესების დაცვით . გამონაკლისს წარმოადგენს შემთხვევა , როდესაც ავტოსატრანსპორტო საშუალებაზე დაყენებული ამწე მექანიზმის მოძრაობაში მოყვანა ხორციელდება ძრავის მუშაობით .

15. კასრებით სახიფათო ტვირთის გადაადგილება , დატვირთვა-გადმოტვირთვა და დასაწყობება დასაშვებია მხოლოდ სპეციალური მოწყობილობების გამოყენებით .

16. სატრანსპორტო საშუალების დატვირთვა დასაშვებია მისი ტვირთამწეობის სრულ გამოყენებამდე , ხოლო განსაკუთრებით სახიფათო ტვირთის კი , იმ მოცულობით და წესით , რომელიც მოცემულია მისი დამამზადებლის სპეციალურ ინსტრუქციაში .

17. სახიფათო ნივთიერებებით ცისტერნის შევსებისას და დაცლის დროს , მიღებული უნდა იქნეს ზომები სატრანსპორტო საშუალების ელექტრული დამიწების უზრუნველყოფისათვის .

18. ლიპყინულის შემთხვევაში სახიფათო ტვირთის დატვირთვა -გადმოტვირთვის ტერიტორია დაფარული უნდა იქნეს ქვიშით .

19. როდესაც გათვალისწინებულია კლასის ნივთიერებების და ნაკეთობების გადასაზიდი სატრანსპორტო საშუალებების გაჩერება დატვირთვის -გადმოტვირთვის ოპერაციების განხორციელების მიზნით , სადგომზე დაყენებულ სატრანსპორტო ერთეულებს შორის მანძილი უნდა შეადგენდეს არანაკლებ 50 მ -ს .

20. თუ დატვირთვის -გადმოტვირთვის ოპერაციები უნდა განხორციელდეს სანახაობითი , კულტურულ -საგანმანათლებლო , სასწავლო , სკოლამდელი და სამკურნალო დაწესებულებების ახლოს , სხვადასხვაგვარი ნივთიერებები და ნაკეთობები უნდა იყოს დაშორებული ერთმანეთისგან საშიშროების ნიშნების გათვალისწინებით . 

21. მასიური ტვირთის დრეკადი კონტეინერის დატვირთვა (გადმოტვირთვა ), განთავსება და დამაგრება ხორციელდება ADR-ის 7.5.7.6. პუნქტით გათვალისწინებული წესით .

22. აკრძალულია :

ა ) უცხო პირთა ყოფნა სახიფათო ტვირთის დატვირთვა -გადმოტვირთვის ადგილზე ;

ბ ) ფეთქებადი და ცეცხლსაშიში სახიფათო ტვირთის დატვირთვა-გადმოტვირთვის სამუშაოების შესრულება ჭექა -ქუხილის დროს ;

გ ) დატვირთვა -გადმოტვირთვის მექანიზმის გამოყენება , რომელმაც შეიძლება შექმნას ტარის დაზიანებისა და ტვირთის ჩამოვარდნის საფრთხე (ამწე სატრანსპორტო მოწყობილობები უნდა შეესაბამებოდეს „ამწე მოწყობილობების მოწყობისა და უსაფრთხო ექსპლუატაციის შესახებ ტექნიკური რეგლამენტის დამტკიცების თაობაზე “ საქართველოს მთავრობის 2013 წლის 31 დეკემბრის №429 დადგენილებით დამტკიცებული რეგლამენტით განსაზღვრულ უსაფრთხოების მოთხოვნებს );

დ ) დაზიანებული შეფუთვით სახიფათო ტვირთის დატვირთვა და მისი გადაზიდვა .

 მუხლი 7. მარშრუტის შერჩევა და შეთანხმება

1. სახიფათო ტვირთის ტრანსპორტირების მარშრუტის შემუშავება ხორციელდება გადამზიდველის მიერ .

2. ტრანსპორტირების მარშრუტი ისე უნდა იქნეს შერჩეული , რომ

ა ) მაქსიმალურად გამორიცხავდეს სახიფათო ტვირთის ტრანსპორტირებას :

ა .ა ) მნიშვნელოვანი მსხვილი სამრეწველო ობიექტის ახლოს , დასვენების ზონაში , კულტურული მემკვიდრეობის , ბუნებრივი ნაკრძალების და სხვა განსაკუთრებით დასაცავ ტერიტორიებზე ;

ა .ბ ) მსხვილ დასახლებულ პუნქტში გადაზიდვის აუცილებლობის შემთხვევაში სანახაობითი , კულტურულ -საგანმანათლებლო , სასწავლო , სკოლამდელი და სამკურნალო დაწესებულებების ახლოს;

ბ ) ითვალისწინებდეს სატრანსპორტო საშუალებების გაჩერებისა და საწვავით გასამართ ადგილებს .

3. სატრანსპორტო საშუალების მოძრაობის მარშრუტი უნდა იქნეს შეთანხმებული საქართველოს შინაგან საქმეთა სამინისტროს საპატრულო პოლიციის დეპარტამენტსა და საქართველოს შინაგან საქმეთა სამინისტროს მმართველობის სფეროში შემავალ სახელმწიფო საქვეუწყებო დაწესებულებასთან − საგანგებო სიტუაციების მართვის სამსახურთან შემდეგ შემთხვევებში :

ა ) განსაკუთრებით სახიფათო ტვირთის გადაზიდვისას ;

ბ ) სახიფათო ტვირთის გადაზიდვისას , რომელიც სრულდება რთულ საექსპლუატაციო პირობებში (მთიანი რელიეფი ), რთულ მეტეოროლოგიურ პირობებში (ლიპყინულიანობა , თოვა და სხვა ), არასაკმარისი ხილვადობის პირობებში (ნისლი და ა .შ .);

გ ) სახიფათო ტვირთის გადაზიდვისას , რომელიც სრულდება სამზე მეტი სატრანსპორტო საშუალებით კოლონაში .

4. სახიფათო ტვირთის ტრანსპორტირების მარშრუტის შეთახმებისათვის გადამზიდველი ვალდებულია , გადაზიდვის დაწყებამდე არაუგვიანეს 10 დღისა , წარუდგინოს საქართველოს შინაგან საქმეთა სამინისტროს საპატრულო პოლიციის დეპარტამენტსა და საქართველოს შინაგან საქმეთა სამინისტროს მმართველობის სფეროში შემავალ სახელმწიფო საქვეუწყებო დაწესებულებას − საგანგებო სიტუაციების მართვის სამსახურს შემდეგი საბუთები :

ა ) განცხადება სახიფათო ტვირთის გადაზიდვის მარშრუტის შეთანხმების შესახებ ;

ბ ) სახიფათო ტვირთის გადაზიდვისათვის შემუშავებული მარშრუტი ოთხ ეგზემპლარად (დანართი № 5);

გ ) განსაზღვრულ სახიფათო ტვირთების გადაზიდვაზე სატრანსპორტო საშუალების დაშვების მოწმობის ასლი ;

დ ) სახიფათო ტვირთების გადასაზიდი სატრანსპორტო საშუალების მძღოლის მომზადების დამადასტურებელი დოკუმენტის ასლი ;

ე ) სატრანსპორტო საშუალების პერიოდული ტექნიკური ინსპექტირების დადებითი შედეგის დამადასტურებელი დოკუმენტის (ინსპექტირების ანგარიშის ) ასლი ;

ვ ) განსაკუთრებით სახიფათო ტვირთისათვის , ტვირთგამგზავნის (ტვირთმიმღების ) მიერ დამატებით წარმოდგენილი მწარმოებლის სპეციალური ინსტრუქცია სახიფათო ტვირთის გადაზიდვაზე ;

ზ ) სახიფათო ნივთიერებებისა ან ნაკეთობების გადაზიდვის შემთხვევაში , რომლის ტრანსპორტირება მოითხოვს დამატებით შეთანხმებას ან ნებართვას სხვა კომპეტენტური ორგანოებისგან , ამ შეთანხმებისა ან ნებართვის ასლი .

5. შეთანხმებული მარშრუტის ერთი ეგზემპლარი ინახება საქართველოს შინაგან საქმეთა სამინისტროს საპატრულო პოლიციის დეპარტამენტში , მეორე – საქართველოს შინაგან საქმეთა სამინისტროს მმართველობის სფეროში შემავალ სახელმწიფო საქვეუწყებო დაწესებულებაში − საგანგებო სიტუაციების მართვის სამსახურში , მესამე – გადამზიდველთან , ხოლო მეოთხე – მძღოლთან .

მუხლი 8. სახიფათო ტვირთების გადაზიდვა

1. სატრანსპორტო საშუალებებით სახიფათო ტვირთების გადაზიდვა შესაძლებელია განხორციელდეს ტვირთგამგზავნსა და გადამზიდველს შორის გაფორმებული ხელშეკრულების საფუძველზე .

2. ტვირთგამგზავნი უზრუნველყოფს გადამზიდველს ამ რეგლამენტის №6 დანართით გათვალისწინებული წერილობითი ფორმის ინსტრუქციებით საგანგებო სიტუაციის შემთხვევისათვის , რომელიც შეიძლება შეიქმნას სახიფათო ტვირთების გადაზიდვების დროს ავარიის შედეგად . ტვირთგამგზავნი პასუხისმგებელია წერილობითი ინსტრუქციების შინაარსზე და სახიფათო ტვირთების მახასიათებლებთან მათ შესაბამისობაზე .

3. რეისის დაწყებამდე სატრანსპორტო საშუალების ეკიპაჟის წევრებმა გადამზიდველისაგან უნდა მიიღონ ინფორმაცია დატვირთული სახიფათო ტვირთის შესახებ და გაეცნონ ამ რეგლამენტის დანართი №6-ით გათვალისწინებულ წერილობით ინსტუქციებს , რომლებიც შეიცავენ ინფორმაციას საჭირო ღონისძიებების შესახებ ავარიისა და საგანგებო სიტუაციის შემთხვევაში .

4. განსაკუთრებით სახიფათო ტვირთის გადაზიდვა ხორციელდება სახიფათო ნივთიერების მწარმოებლის სპეციალური ინსტრუქციის შესაბამისად .

5. წერილობითი ინსტრუქციები გადამზიდველმა რეისის დაწყებამდე უნდა გადასცეს სატრანსპორტო საშუალების ეკიპაჟს იმ ენაზე (ებზე ), რომელზეც (ებზეც ) ეკიპაჟის თითოეულ წევრს შეუძლია წაიკითხოს და აღიქვას წარმოდგენილი ინფორმაცია . გადამზიდავმა უნდა უზრუნველყოს ეკიპაჟის თითოეული წევრის მიერ წერილობითი ინსტრუქციების მართებულად გაგება და მათი შესრულება .

6. ტვირთგამგზავნმა სატრანსპორტო დოკუმენტებში უნდა მიუთითოს ის ქმედებები (საჭიროების შემთხვევაში ), რომლებიც გადამზიდავმა უნდა შეასრულოს . აღნიშნული მითითებები უნდა მოიცავდეს სულ მცირე შემდეგ ინფორმაციას :

ა ) დამატებით მოთხოვნებს შეფუთვის , სატრანსპორტო პაკეტის ან კონტეინერის დატვირთვის , შენახვის , ჩაწყობის , გადაზიდვის , დამუშავებისა და გადმოტვირთვასთან , მათ შორის სითბოს უსაფრთხოდ არინების უზრუნველყოფის სპეციალურ მიწერილობებთან დაკავშირებით , ან შეტყობინებას იმის შესახებ , რომ მსგავსი მოთხოვნები არ არის გათვალისწინებული ;

ბ ) სატრანსპორტო საშუალების სახეობასთან დაკავშირებულ შეზღუდვებს და მარშრუტთან დაკავშირებულ ნებისმიერი სახის საჭირო ინსტრუქციებს ;

გ ) ავარიის შემთხვევაში მოცემულ ტვირთთან დაკავშირებით შესაბამის ღონისძიებებს .

7. ნებისმიერმა საწარმომ , რომლის საქმიანობა მოიცავს სახიფათო ტვირთების საავტომობილო ტრანსპორტით გადაზიდვებს ან აღნიშნულთან დაკავშირებულ შეფუთვის , დატვირთვის , შევსების თუ გადმოტვირთვის ოპერაციებს , უნდა დანიშნოს ერთი ან რამდენიმე გადაზიდვის უსაფრთხოებაზე პასუხისმგებელი პირი -კონსულტანტი სახიფათო ტვირთების გადაზიდვების უსაფრთხოების საკითხებში , რომელთა ერთ -ერთი ფუნქცია იქნება სახიფათო ტვირთების გადაზიდვასთან დაკავშირებით , პირების , ქონებისა თუ გარემოს მიმართ ზიანის მიყენების პრევენცია .

8. ამ მუხლის მე -7 პუნქტის მოთხოვნები არ გამოიყენება იმ საწარმოებზე :

ა ) რომელთა საქმიანობა მოიცავს სახიფათო ტვირთების გადაზიდვას უფრო მცირე რაოდენობებით ყოველ სატრანსპორტო ერთეულში , ვიდრე ეს მითითებულია ამ რეგლამენტის მე -4 მუხლის „დ “ და „ვ “ პუნქტებში ; ან

ბ ) რომელთა ძირითადი ან დამატებითი საქმიანობა არ ითვალისწინებს ტვირთების გადაზიდვას ან აღნიშნულთან დაკავშირებულ დატვირთვა -გადმოტვირთვის ოპერაციებს , თუმცა რომელიც პერიოდულად ახორციელებს სახიფათო ტვირთების შიდა გადაზიდვებსა და მასთან დაკავშირებული დატვირთვა -გადმოტვირთვის ოპერაციებს , რასაც თან ახლავს დაბინძურების უმნიშვნელო საშიშროება ან რისკი .

9. სახიფათო ტვირთის გადაზიდვისას , სატრანსპორტო საშუალების მოძრაობის სიჩქარის შეზღუდვა (კონკრეტული საგზაო პირობების გათვალისწინებით ) ხორციელდება საქართველოს შინაგან საქმეთა სამინისტროს საპატრულო პოლიციის დეპარტამენტსა და საქართველოს შინაგან საქმეთა სამინისტროს მმართველობის სფეროში შემავალ სახელმწიფო საქვეუწყებო დაწესებულებასთან − საგანგებო სიტუაციების მართვის სამსახურთან გადაზიდვის მარშრუტის შეთანხმების დროს .

10. მოძრაობის სიჩქარის შეზღუდვის შემთხვევაში , სატრანსპორტო საშუალებაზე უნდა დამონტაჟდეს შეზღუდვის აღმნიშვნელი ნიშანი .

11. სახიფათო ტვირთის გადაზიდვის დროს დაუშვებელია :

ა ) აირზე მომუშავე ავტოსატრანსპორტო საშუალების გამოყენება ;

ბ ) ავტოსატრანსპორტო საშუალებაზე ერთზე მეტი მისაბმელის ან ნახევარმისაბმელის ჩაბმა .

12. განსაკუთრებით სახიფათო ტვირთის გადაზიდვა დასაშვებია მხოლოდ :

ა ) საქართველოს შინაგან საქმეთა სამინისტროს საპატრულო პოლიციის დეპარტამენტსა და საქართველოს შინაგან საქმეთა სამინისტროს მმართველობის სფეროში შემავალ სახელმწიფო საქვეუწყებო დაწესებულებასთან − საგანგებო სიტუაციების მართვის სამსახურთან შეთანხმებული მოძრაობის მარშრუტით ;

ბ ) საქართველოს შინაგან საქმეთა სამინისტროს მმართველობის სფეროში შემავალ სახელმწიფო საქვეუწყებო დაწესებულებისთვის − საგანგებო სიტუაციების მართვის სამსახურისთვის ტვირთის გადაზიდვის თარიღის (თვე და რიცხვი ) შესახებ წერილობითი ინფორმაციის მიწოდების საფუძველზე ;

გ ) საქართველოს შინაგან საქმეთა სამინისტროს მმართველობის სფეროში მოქმედი სსიპ -დაცვის პოლიციის დეპარტამენტის (სათანადო ხელშეკრულების საფუძველზე ) ჯგუფის , სპეციალური აღჭურვილობისა (ხმამაღლა მოლაპარაკე , სანათი და ხმოვანი სიგნალები ) და სპეციალური შეფერილობის ავტოსატრანსპორტო საშუალების თანხლებით .

13. სახიფათო ტვირთის კოლონით გადაზიდვისას დაცული უნდა იყოს შემდეგი მოთხოვნები :

ა ) 1-ლი კლასის ნივთიერებების და ნაკეთობების გადამზიდველ სატრანსპორტო საშუალებების ავტოკოლონის შემადგენლობაში მოძრაობისას ერთმანეთის შემდეგ მიმავალი სატრანსპორტო ერთეულებს შორის უნდა იყოს შენარჩუნებული მანძილი არანაკლებ 50 მ , ხოლო გზის მნიშვნელოვანი ქანობის (აღმართი , დაღმართი ) შემთხვევაში არანაკლებ 300 მეტრს ;

ბ ) 300 მეტრზე ნაკლები ხილვადობის პირობებში (ნისლი , თოვლი , წვიმა და ა .შ .) შეიძლება აიკრძალოს ზოგიერთი სახიფათო ტვირთის გადაზიდვა , რომლის შესახებ მითითებული უნდა იქნეს გადაზიდვის შესაბამის ინსტრუქციაში ;

გ ) ამ მუხლის მე -7 პუნქტის საფუძველზე დანიშნული გადაზიდვის უსაფრთხოებაზე პასუხისმგებელი პირი ვალდებულია იმყოფებოდეს პირველი ავტოსატრანსპორტო საშუალების კაბინაში , ხოლო კოლონის ბოლო ავტოსატრანსპორტო საშუალებაში უნდა იმყოფებოდეს დაცვის ერთ –ერთი წარმომადგენელი (დაცვის საჭიროების შემთხვევაში );

დ ) განსაკუთრებით სახიფათო ტვირთის გადაზიდვის დროს , ხუთი და მეტი სატრანსპორტო საშუალებისაგან შედგენილი კოლონის შემადგენლობაში უნდა იყოს ტვირთის გარეშე სარეზერვო სატრანსპორტო საშუალება , რომელიც უნდა მოძრაობდეს კოლონის ბოლოს .

14. დასახლებულ პუნქტებში განსაკუთრებით სახიფათო ტვირთის გადაზიდვის დროს დგომა დასაშვებია მხოლოდ სპეციალურად გამოყოფილ ადგილში , რომელიც დაშორებული უნდა იქნეს არანაკლებ 200 მეტრით საცხოვრებელი ან /და ხალხის თავშეყრის ადგილებიდან .

15. სადგომზე მყოფი ყოველი სატრანსპორტო საშუალება დატვირთული სახიფათო ტვირთით უნდა იდგეს სადგომ მუხრუჭებზე . ასევე , მათი მისაბმელები , რომლებიც არ არის აღჭურვილი სამუხრუჭო სისტემით , უნდა იყოს შეკავებული არამოძრავ მდგომარეობაში სულ მცირე ერთი დაგორების საწინააღმდეგო საბჯენის გამოყენებით .

16. სატრანსპორტო ერთეულის შემთხვევაში , რომელიც შედგება ავტოსატრანსპორტო საშუალებისგან და 3500 კგ -ზე მეტი მაქსიმალური მასის მქონე მისაბმელისგან და აღჭურვილია ანტიბლოკირების სამუხრუჭო სისტემით , მაბუქსირებელი სატრანსპორტო საშუალება და მისაბმელი უნდა იყოს მუდმივად შეერთებული გადაზიდვის დროს ამ რეგლამენტის მე -12 მუხლის პირველი პუნქტის „ვ “ ქვეპუნქტში აღნიშნული ავტოსტრანსპორტო საშუალებებსა და მისაბმელებს შორის ელექტროშეერთებებით .

17. საერთო სარგებლობის ავტოგასამართ სადგურებში ფეთქებადი და ცეცხლსაშიში ნივთიერებით დატვირთული ავტოსატრანსპორტო საშუალების საწვავ-საცხები მასალებით გამართვა უნდა განხორციელდეს სპეციალურად გამოყოფილ ადგილზე , რომელიც ავტოგასამართი სადგურის ტერიტორიიდან დაშორებული უნდა იყოს არანაკლებ 25 მეტრის მანძილით .

18. სახიფათო ტვირთის გადაზიდვის დასრულებისას , ტარის გაწმენდის შემდეგ , სასაქონლო ზედნადებში ტვირთმიმღების მიერ კეთდება აღნიშვნა „ტარა გასუფთავებულია“ და მისი გადაზიდვა ხორციელდება როგორც არასახიფათო ტვირთისა , თუ სხვა რამ არ არის გათვალისწინებული ხელშეკრულებით .

19. რეისის დამთავრების შემდეგ უნდა მოხდეს სატრანსპორტო საშუალებებზე მარკირების ნიშნების დემონტაჟი და სახიფათო ტვირთთან დაკავშირებული დოკუმენტების სათანადო წესით ტვირთმიმღებისათვის ჩაბარება .

20. კონკრეტული სახიფათო ტვირთების გვირაბში გადაზიდვის შეზღუდვები ეფუძნება ამ ტვირთებისთვის განსაზღვრული გვირაბში გავლის შეზღუდვის კოდს , რომელიც მითითებულია ADR-ის 3.2 თავის A ცხრილის მე -15 სვეტში .

21. როდესაც ერთი სატრანსპორტო ერთეული შეიცავს სახიფათო ტვირთებს , რომლებსაც მინიჭებული აქვს გვირაბებში გავლის შეზღუდვის სხვადასხვა კოდები , მთელ ტვირთს ენიჭება ამ კოდებიდან ყველაზე შემზღუდველი კოდი .

22. მომატებული საფრთხის ტვირთების ან რადიოაქტიური ნივთიერებების გადაზიდვისას გადამზიდველებმა , ტვირთგამგზავნებმა და გადაზიდვის სხვა მონაწილეებმა უნდა მიიღონ , სისრულეში მოიყვანონ და იმოქმედონ უსაფრთხოების უზრუნველყოფის გეგმის შესაბამისად , რომელიც უნდა შეიცავდეს სულ მცირე შემდეგ საკითხებს :

ა ) უსაფრთხოების უზრუნველყოფასთან დაკავშირებული მოვალეობების კონკრეტული განაწილება პირებზე , რომელთაც გააჩნიათ შესაბამისი კომპეტენცია , კვალიფიკაცია და უფლებამოსილება ;

ბ ) შესაბამისი სახიფათო ტვირთებისა თუ სახიფათო ტვირთების ტიპების შესახებ ჩანაწერები ;

გ ) მიმდინარე ოპერაციების მიმოხილვა და უსაფრთხოებასთან დაკავშირებული რისკების შეფასება , მათ შორის სატრანსპორტო ოპერაციისთვის აუცილებელი ნებისმიერი გაჩერება , სახიფათო ტვირთების შენახვა სატრანპორტო საშუალებაში , ცისტერნასა თუ კონტეინერში რეისამდე , რეისის განმავლობაში და მის შემდეგ და სახიფათო ტვირთების შუალედური , დროებითი დასაწყობება ტრანსპორტის სახეობების შეცვლის პროცესსა თუ სატრანსპორტო ერთეულებს შორის გადატვირთვის პროცესში , კონკრეტული სიტუაციიდან გამომდინარე ;

დ ) იმ ღონისძიებების ჩამონათვალი , რომლებიც მიღებული უნდა იქნეს უსაფრთხოებასთან დაკავშირებული რისკების შესამცირებლად ;

ე ) დროული და ეფექტიანი პროცედურები საფრთხეების , უსაფრთხოების დარღვევებისა და უსაფრთხოებასთან დაკავშირებული შემთხვევების შესახებ ანგარიშგებისა და მათი აღმოხვრის ეფექტური და განახლებული პროცედურები ;

ვ ) უსაფრთხოების გეგმების შეფასებასა და გამოცდასთან დაკავშირებული მეთოდები და გეგმების პერიოდული შემოწმებისა და განახლების პროცედურები .

23. მომატებული საფრთხის ტვირთების ან რადიოაქტიური ნივთიერებების გადაზიდვისას უნდა მოხდეს იმ მოწყობილობების , დანადგარების ან დაცვის სისტემების გამოყენება , რომლებიც უზრუნველყოფენ სატრანსპორტო საშუალების ან /და მისი ტვირთის მოპარვის პრევენციას და მიღებული უნდა იქნეს სათანადო ზომები , რათა აღნიშნული მოწყობილობები , დანადგარები ან დაცვის სისტემები ყოველთვის იყოს გამართულ მდგომარეობაში . აღნიშნული ზომების მიღებამ საფრთხე არ უნდა შეუქმნას საავარიო სიტუაციის შექმნისას გადაუდებელი ღონისძიებების გამხორციელებას .

24. ბირთვული მასალებისა და რადიოაქტიურ ნივთიერებათა (მეშვიდე კლასი ) გადაზიდვა უნდა განხორციელდეს „ბირთვული და რადიაციული უსაფრთხოების შესახებ ’’ საქართველოს კანონის , „ტექნიკური რეგლამენტის – ბირთვული და რადიოაქტიური ნივთიერებების ტრანსპორტირების წესის დამტკიცების შესახებ “ საქართველოს მთავრობის 2018 წლის 7 თებერვლის №72 დადგენილებით დამტკიცებული ტექნიკური რეგლამენტის , ამ რეგლამენტისა და საქართველოს კანონმდებლობით დადგენილი სხვა მოთხოვნების გათვალისწინებით . 

25. სახიფათო ნარჩენების გადაზიდვა უნდა განხორციელდეს „ტექნიკური რეგლამენტის – „ნარჩენების ტრანსპორტირების წესის “ დამტკიცების თაობაზე “ საქართველოს  მთავრობის 2016 წლის 29 მარტის №143 დადგენილებით დამტკიცებული ტექნიკური რეგლამენტის , ამ რეგლამენტისა და საქართველოს კანონმდებლობით დადგენილი სხვა მოთხოვნების გათვალისწინებით .

26. სახიფათო ნარჩენების ტრანსსასაზღვრო გადაზიდვა უნდა ხორციელდებოდეს „სახიფათო ნარჩენების ტრანსსასაზღვრო გადაზიდვასა და მათ განთავსებაზე კონტროლის შესახებ “ 1989 წლის 22 მარტის ბაზელის კონვენციის მოთხოვნებისა და პროცედურების გათვალისწინებით .

მუხლი 9. ეკიპაჟის წევრებისა და გადაზიდვის პროცესის სხვა მონაწილეთა უფლება -მოვალეობები

1. ტვირთგამგზავნი ვალდებულია :

ა ) გადასცეს გადამზიდველს ტრანსპორტირებისათვის მხოლოდ ის სახიფათო ტვირთი , რომელიც დაშვებულია გადასაზიდად და აკმაყოფილებს ADR-ისა და ამ რეგლამენტის მოთხოვნებს ;

ბ ) სახიფათო ტვირთის ტრანსპორტირების მომზადებისას შეამოწმოს ტარის (შეფუთვის ) მთლიანობა და ვარგისობა , მარკირებისა და ლუქების არსებობა , აგრეთვე კონკრეტული სახეობის ტვირთის დატვირთვა /გადმოტვირთვისათვის საჭირო მოწყობილობებისა და ტექნიკური აღჭურვილობის შესაბამისობა ამ რეგლამენტით და საქართველოს კანონმდებლობით დადგენილ მოთხოვნებთან ;

გ ) გამოიყენოს მხოლოდ კონკრეტული სახეობის გადასაზიდი ტვირთისათვის დაშვებული და განკუთვნილი ტარა , კონტეინერები , ცისტერნები და სატრანსპორტო საშუალებები , რომლებსაც გააჩნიათ ADR-ის დებულებებში მითითებული მარკირება ;

დ ) დატვირთვისას მიიღოს ყველა აუცილებელი ზომა , ტვირთზე სხვადასხვა უარყოფითი ზემოქმედების (დარტყმები , ბიძგები , ტარაზე გადამეტებული ზეწოლა და სხვა ) თავიდან აცილების მიზნით , ასევე , გამოიყენოს ისეთი მექანიზმები და ინსტრუმენტები , რომლებიც არ წარმოშობენ ნაპერწკალს მუშაობისას ;

ე ) დაიცვას გაგზავნასთან დაკავშირებული მოთხოვნები და გაგზავნის შეზღუდვის პირობები ;

ვ ) უზრუნველყოს გადამზიდველი საჭირო ინფორმაციით (სახიფათო ტვირთის გაეროს ნომერი , კლასი (ქვეკლასი ), შეთავსებადობის ჯგუფი , შეფუთვის ჯგუფი , საშიშროების ნიშნის ნომერი და სხვა ), წერილობითი ინსტრუქციებით , სპეციალური ინსტრუქციებით (არსებობის შემთხვევაში ) და სხვა საჭირო სატრანსპორტო დოკუმენტებით ;

ზ ) უზრუნველყოს , გაუსუფთავებელი და არადეგაზირებული ცარიელი ცისტერნების (ავტოცისტერნები , სახსნელი ცისტერნები , სატრანსპორტო საშუალება -ბატარეები , მრავალელემენტიანი აირის კონტეინერები , გადასატანი ცისტერნები და კონტეინერ -ცისტერნები ) ან ცარიელი გაუსუფთავებელი სატრანსპორტო საშუალებების და მასიური ტვირთის კონტეინერების სათანადოდ აღჭურვა საინფორმაციო დაფებით , მარკირებითა და საშიშროების ნიშნებით და განახორციელოს ცარიელი გაუსუფთავებელი ცისტერნების დახურვა ჰერმეტულად იმგვარად , როგორც სავსე მდგომარეობის შემთხვევაში .

2. გადამზიდველი ვალდებულია :

ა ) დარწმუნდეს , რომ ტრანსპორტირებას დაქვემდებარებული სახიფათო ტვირთის გადაზიდვა დაშვებულია ADR-ის დებულებების შესაბამისად ;

ბ ) გადაზიდვის დაწყებამდე დარწმუნდეს , რომ ტვირთგამგზავნის მიერ წარმოდგენილი იქნა გადასაზიდ სახიფათო ტვირთებთან დაკავშირებით ADR-ში გათვალისწინებული ყოველგვარი ინფორმაცია , ინსტრუქციები და სხვა საჭირო სატრანსპორტო დოკუმენტები ;

გ ) ვიზუალური დათვალიერებით დარწმუნდეს , რომ სატრანსპორტო საშუალებებსა და გადასაზიდ ტვირთებს არ აღენიშნებათ რაიმე ხილული ხარვეზი , გაჟონვა , ბზარი და ისინი სათანადოდ არიან აღჭურვილი ;

დ ) დარწმუნდეს , რომ ავტოცისტერნების , სატრანსპორტო საშუალება -ბატარეების , სახსნელი ცისტერნების , გადასატანი ცისტერნების , კონტეინერ -ცისტერნებისა და მრავალელემენტიანი აირის კონტეინერების ინსპექტირების ვადა არ არის გადაცილებული ;

ე ) დარწმუნდეს , რომ სახიფათო ტვირთის გადამზიდველი სატრანსპორტო საშუალება არ არის გადატვირთული ;

ვ ) შეამოწმოს სატრანსპორტო საშუალებებზე და სახიფათო ტვირთზე საშიშროების ნიშნების , საინფორმაციო დაფების , ნარინჯისფერი ტაბლოებისა და მარკირების არსებობა და შესაბამისობა ADR-ის და ამ რეგლამენტის მოთხოვნებთან ;

ზ ) ამ მუხლის მე -2 პუნქტის „ა “–„ვ “ ქვეპუნქტში მოყვანილი პირობების ან /და ამ რეგლამენტის ან /და ADR-ის დებულებების სხვა მოთხოვნების დარღვევების აღმოჩენის შემთხვევაში , შეაჩეროს სახიფათო ტვირთის გაგზავნა მათ აღმოფხვრამდე ;

თ ) გადასცეს სატრანსპორტო საშუალების ეკიპაჟს წერილობითი ინსტრუქციები და განსაკუთრებით სახიფათო ტვირთების გადაზიდვისათვის განკუთვნილი სპეციალური ინსტრუქციები (არსებობის შემთხვევაში );

ი ) იმ შემთხვევაში , თუ გადაზიდვების განმავლობაში თავს იჩენს ისეთი დარღვევა , რომელმაც შეიძლება საფრთხე შეუქმნას გადაზიდვის უსაფრთხოებას , შეაჩეროს შეძლებისდაგვარად სწრაფად ტვირთის გადაზიდვა მოძრაობის უსაფრთხოებასთან , ტვირთის დაცვის უსაფრთხოებასა და საზოგადოებრივ უსაფრთხოებასთან დაკავშირებული მოთხოვნების გათვალისწინებით . გადაზიდვის ოპერაცია შესაძლებელია გაგრძელდეს მხოლოდ ტვირთის მოქმედ წესებთან შესაბამისობაში მოყვანის შემდეგ ;

3. ტვირთმიმღები ვალდებულია :

ა ) არ შეაჩეროს ტვირთების მიღება საპატიო მიზეზების გარეშე და გადმოტვირთვის შემდეგ შემოწმების შედეგად დარწმუნდეს , რომ მის მიერ სრულად იქნა შესრულებული ტვირთთან დაკავშირებული ADR-ის და ამ რეგლამენტის მოთხოვნები ;

ბ ) თუ ამ პუნქტის „ა “ ქვეპუნქტით გათვალისწინებული შემოწმების შედეგად კონტეინერის მიმართ გამოვლინდება ADR-ის და ამ რეგლამენტის მოთხოვნების რაიმე დარღვევა , დაუბრუნოს კონტეინერი გადამზიდველს მხოლოდ აღნიშნული დარღვევის აღმოფხვრის შემდეგ ;

გ ) იმ შემთხვევაში , თუ ისარგებლებს გადაზიდვის სხვა მონაწილეების (განმტვირთველის , მწმენდავის , დეზაქტივაციის ობიექტისა და ა .შ .) მომსახურებით , მიიღოს შესაბამისი ზომები ამ პუნქტის „ა “ და „ბ “ ქვეპუნქტებით გათვალისწინებული მოთხოვნების შესრულების უზრუნველყოფისთვის ;

დ ) სახიფათო ტვირთის გადმოტვირთვის დასრულების შემდეგ , გაწმინდოს სატრანსპორტო საშუალების ძარა (კონტეინერი ) ამ ტვირთის ნარჩენებისაგან და , საჭიროების შემთხვევაში , განახორციელოს დეგაზაცია , დეაქტივაცია და /ან დეზინფექცია ;

ე ) უზრუნველყოს კონტეინერებზე საშიშროების აღმნიშვნელი მარკირების მოშორება , მისი სრული გადმოტვირთვის , დასუფთავების , დეგაზაციის , დეაქტივაციის ან /და დეზინფექციის შემდეგ .

 4. სატრანსპორტო საშუალების მძღოლი და ეკიპაჟის სხვა წევრები ვალდებულნი არიან :

ა ) დაიცვან „საგზაო მოძრაობის შესახებ “ საქართველოს კანონით , სახიფათო ტვირთის გადაზიდვებთან დაკავშირებული ტექნიკური რეგლამენტებით და საერთაშორისო ნორმებით , ADR-ის დებულებებით , აგრეთვე სატრანსპორტო საშუალებების ტექნიკური ექსპლუატაციის , ამ რეგლამენტით და საქართველოს კანონმდებლობით გათვალისწინებული მოთხოვნები ;

ბ ) სახიფათო ტვირთის მიღებისას შეამოწმონ ტვირთსა და /ან ტარაზე მარკირების არსებობა ;

გ ) საგზაო -სატრანსპორტო შემთხვევის ან /და საგანგებო სიტუაციის შემთხვევაში , აღმოუჩინონ პირველადი სამედიცინო დახმარება დაზარალებულებს და იმოქმედონ ამ რეგლამენტის დანართი №6-ით გათვალისწინებული წერილობითი ინსტრუქციების და კონკრეტული სახის სახიფათო ტვირთის გადაზიდვაზე არსებული სპეციალური ინსტრუქციების შესაბამისად ;

დ ) საჭიროების შემთხვევაში მიიღონ ხანძარსაწინააღმდეგო ზომები ;

ე ) თან იქონიონ და საჭიროების შემთხვევაში გამოიყენონ ამ რეგლამენტის დანართი №6-ით განსაზღვრული ინსტრუქციით გათვალისწინებული აუცილებელი აღჭურვილობა ;

ვ ) მარშრუტზე მოძრაობისას აკონტროლონ სატრანსპორტო საშუალებების ტექნიკური მდგომარეობა , ტვირთების დამაგრება /განთავსება , მარკირებისა და ლუქების დაცულობა .

5. სახიფათო ტვირთის გადაზიდვისას მძღოლს და ეკიპაჟის სხვა წევრებს ეკრძალებათ :

ა ) საწვავით გამართვა ავტოგასამართ სადგურებში საერთო სარგებლობის სვეტებიდან (ფეთქებადი და ცეცხლსაშიში ნივთიერების გადაზიდვის შემთხვევაში );

ბ ) სატრანსპორტო საშუალების გაჩერება /დგომა ცეცხლის კერისგან 200 მეტრით ნაკლებ მანძილზე ;

გ ) სატრანსპორტო საშუალების უმეთვალყურეოდ დატოვება ;

დ ) დატვირთვისა და გადმოტვირთვის ოპერაციების დროს FL ტიპის სატრანსპორტო საშუალებაზე დამონტაჟებული გათბობის მოწყობილობების გამოყენება ;

ე ) ფეთქებადი ნივთიერებებისა და ნაკეთობების გადამზიდველ სატრანსპორტო საშუალების მახლობლად ცეცხლის ან ღია ალის გამოყენება ;

ვ ) სატრანსპორტო საშუალებაში შესვლა ღია ალის მქონე სანათი ხელსაწყოთი . (გამოყენებულ გადასატან სანათ ხელსაწყოებს არ უნდა ჰქონდეთ ლითონის ზედაპირი , რომელსაც შეეძლება ნაპერწკლის წარმოშობა );

ზ ) თამბაქოს მოწევა ავტოსატრანსპორტო საშუალების სალონში და მის სიახლოვეს . (მოწევა დასაშვებია გაჩერების დროს სადგომიდან არანაკლები 50 მეტრის დაშორებით ). მოწევის აკრძალვა ასევე ვრცელდება ელექტრონული სიგარეტისა და მსგავსი მოწყობილობების გამოყენებისას ;

თ ) სატრანსპორტო დოკუმენტებით გაუთვალისწინებელი ტვირთების გადაზიდვა ან /და უცხო პირების გადაყვანა , რომლებიც არ არიან სატრანსპორტო ერთეულის ეკიპაჟის წევრები ;

ი ) სახიფათო ნივთიერებისა და ნაკეთობების შემცველი შეფუთვების გახსნა .

6. სახიფათო ტვირთის გადაზიდვისას მძღოლს აგრეთვე ეკრძალება :

ა ) ავტოსატრანსპორტო საშუალების მკვეთრი დაძვრა და დამუხრუჭება ;

ბ ) იმ ავტოსატრანსპორტო საშუალების გასწრება , რომელიც მოძრაობს 30 კმ /სთ -ზე მეტი სიჩქარით ;

გ ) გამორთული ძრავით ან /და გადაბმულობით მოძრაობა ;

დ ) შეთანხმებული მოძრაობის მარშრუტიდან გადახვევა და მარშრუტზე დადგენილი სიჩქარის გადაჭარბება .

7. სახიფათო ტვირთების გადაზიდვების უსაფრთხოების საკითხებში კონსულტანტის ვალდებულებები :

ა . კონსულტანტს აკისრია შემდეგი მოვალეობები :

ა .ა ) სახიფათო ტვირთების გადაზიდვის მარეგულირებელი მოთხოვნების შესრულების მონიტორინგი ;

ა .ბ ) საწარმოსათვის კონსულტაციების გაწევა სახიფათო ტვირთების გადაზიდვებთან დაკავშირებით ;

ა .გ ) საწარმოს ხელმძღვანელობისათვის ყოველწლიური ანგარიშის მომზადება სახიფათო ტვირთების გადაზიდვასთან დაკავშირებით საწარმოს საქმიანობის შესახებ . (აღნიშნული წლიური ანგარიშები ინახება ხუთი წლის განმავლობაში და წარედგინება შესაბამის უფლებამოსილ ორგანოებს მოთხოვნისთანავე );

ა .დ ) საწარმოს სათანადო საქმიანობასთან დაკავშირებით მონიტორინგის განხორციელება შემდეგი ქმედებებსა და პროცედურებზე :

ა .დ .ა ) გადასატანი სახიფათო ტვირთების იდენტიფიკაციასთან დაკავშირებულ მოთხოვნებთან შესაბამისობის უზრუნველყოფის პროცედურები ;